09/04/2026
Thanks to you ALL! The oathtaking event in Malacanang was PROVIDENTIAL!"God put us there" to witness to the truth. To fight against misinformation and fake news. PRAY for our COUNTRY, The PRESIDENT & RESPECT to the very institution he represents.GODBLESS ALL! THE PRESIDENT is VERY OK & WELL.The OATH with the PRESIDENT OF THE REPUBLIC - PRES. BBM administered our OATH at MALACAÑANG PALACE with ALL the National Chapter VMLP NationalExecutiveBoard OFFICERS. Thank you PRESIDENT BBM for supporting our VMLP'S CAUSE. LOVE ❤️& SERVICE 💪 for ALL - 😘-
-
-
✨
𝗣𝗕𝗕𝗠, 𝗚𝗜𝗡-𝗔𝗟𝗘𝗚𝗔𝗥 𝗡𝗚𝗔 𝗠𝗔𝗬 𝗦𝗧𝗔𝗚𝗘 4 𝗖𝗢𝗟𝗢𝗡 𝗖𝗔𝗡𝗖𝗘𝗥; 𝗣𝗔𝗟𝗔𝗦𝗬𝗢, 𝗚𝗜𝗟𝗔𝗬𝗢𝗡 𝗡𝗚𝗔 𝗡𝗔𝗚𝗦𝗔𝗕𝗔𝗧
Sa pihak sang pagpanginwala sang Malacañang, padayon nga gina-insister sang iban nga netizen nga may stage 4 colon cancer si Presidente Ferdinand Marcos, Jr.
Sang weekend, naglapta ang impormasyon may kaangtanan sini ilabi na sa mga social media pages sang iya mga kritiko.
Suno sa isa ka netizen, may kinamatarong ang mga Filipino nga mahibaluan ang estado sang ikaayong lawas ni Marcos.
"𝘐𝘵 𝘪𝘴 𝘰𝘶𝘳 𝘳𝘪𝘨𝘩𝘵, 𝘢𝘴 𝘍𝘪𝘭𝘪𝘱𝘪𝘯𝘰𝘴, 𝘵𝘰 𝘬𝘯𝘰𝘸 𝘺𝘰𝘶𝘳 𝘩𝘦𝘢𝘭𝘵𝘩 𝘤𝘰𝘯𝘥𝘪𝘵𝘪𝘰𝘯. 𝘐𝘵 𝘪𝘴 𝘦𝘯𝘴𝘩𝘳𝘪𝘯𝘦𝘥 𝘪𝘯 𝘰𝘶𝘳 𝘊𝘰𝘯𝘴𝘵𝘪𝘵𝘶𝘵𝘪𝘰𝘯 𝘵𝘩𝘢𝘵 𝘺𝘰𝘶 𝘮𝘶𝘴𝘵 𝘥𝘪𝘴𝘤𝘭𝘰𝘴𝘦 𝘺𝘰𝘶𝘳 𝘩𝘦𝘢𝘭𝘵𝘩 𝘴𝘵𝘢𝘵𝘶𝘴 𝘵𝘰 𝘵𝘩𝘦 𝘱𝘶𝘣𝘭𝘪𝘤," suno kay Art Bonjoc, Jr., isa ka journalist halin sa Davao City base sa iya Facebook profile.
Sa iya naman vlog, gin-alegar sang Ilongga Dubai-based vlogger nga kilala kay Iloy Bugris nga nagpabulong si Marcos sa Makati Medical Center kag sa The Johns Hopkins Hospital sa Baltimore, Maryland, sa USA kag ginrason lang ang pagtambong sa UN General Assembly.
Sang Marso 9-10, nagpadulong sa New York ang presidente kag nagpangampanya para sa handum sang pungsod nga makakuha sang non-permanent seat sa UN Security Council (UNSC) para sa 2027–2028 term.
Apang kahapon, ginpasiguro ni Palace Press Officer Claire Castro nga yara sa maayo nga kahimtangan ang ikaayong lawas ni Marcos.
Suno sa iya, indi dapat gilayon nga patihan ang mga impormasyon nga wala sang pat-ud nga source ilabi pa nga lapnagon ang fake news sa social media.
Sa post naman sang RTVM, makita nga ginpamunuan ni Marcos ang oath-taking ceremony sang Vice Mayors’ League of the Philippines National Executive Officers sa President’s Hall sa Malacañang Palace.
Lakip sa nakita sa seremonya si VMLP- Iloilo Chapter President kag Lambunao Vice Mayor Arvin L. Losaria nga napilian bilang National Vice Chairman sang liga.
Ginbaton man niya sa Study Room sang Palasyo ang mga executives halin sa Mitsubishi Motors Philippines Corporation.
Madumduman nga sang Pebrero, gin-post man ni former Presidential spokesperson Harry Roque nga nagagamit sang colostomy bag si Marcos, isa ka plastic pouch nga naangot sa tiyan pagkatapos sang colon-related surgery.
Ini ang ginpanginwala man sang Palasyo.
By: ADB