02/07/2026
IMPORTANTENG PAHIBALO ALANG SA KATAWHAN SA BARANGGAY CAGNOCOT!!
Gipahibalo ang tanang residente sa Barangay Cagnocot nga sugod karong Hulyo 6, 2026, ipatuman na ang Curfew for Minors, subay sa Municipal Ordinance No. 59-2017, o ang "Curfew Ordinance for Minors of the Municipality of Villaba and Prescribing Penalties to Violators Thereof."
🕙 CURFEW HOURS:
10:00 sa gabii hangtod 4:00 sa buntag
Sulod niining mga orasa, ginadili ang tanang menor de edad nga mogawas sa ilang mga panimalay o magpabilin sa mga pampublikong lugar, gawas lamang sa mosunod nga mga kahimtang:
Mga Exemptions:
Ang menor de edad nga kauban ang iyang ginikanan o legal nga guardian.
Ang menor de edad nga adunay balido ug makatarunganong rason, sama sa:
mga emergency;
pag-adto sa ospital o health facility;
ug uban pang lawful errands nga gitugotan sa maong ordinansa.
Mga Silot sa mga Molapas sa Ordinansa
Unang Paglapas (First Offense):
4 ka oras nga community service, lakip ang pagpanglimpyo ug pagsilhig sa palibot ug uban pang buluhaton nga itudlo.
Ikaduhang Paglapas (Second Offense):
12 ka oras nga community service, lakip ang pagpanglimpyo ug pagsilhig sa palibot ug uban pang buluhaton nga itudlo.
Ikatulong Paglapas (Third Offense):
40 ka oras nga community service, o
Multa nga ₱2,000.00, o
Community service ug multa nga ₱2,000.00, sumala sa pagbuot sa hukmanan (at the discretion of the court).
⚠️ Importante nga mahibaloan kini sa tanan, tungod kay kining Municipal Ordinance No. 59-2017 ipatuman sa tibuok Municipality of Villaba, lakip ang atong Barangay Cagnocot.
Gi-awhag ang tanang ginikanan ug mga tigbantay nga magtinabangay sa Barangay ug sa Municipal Government aron masiguro ang kaluwasan, disiplina, ug maayong kaugmaon sa atong kabatan-onan.
Daghang salamat sa inyong kooperasyon ug pagsunod sa balaod.