LGU San Antonio, Quezon, Lucena (2026)

27/10/2026

𝗔𝗗𝗩𝗜𝗦𝗢𝗥𝗬 𝗣𝗔𝗥𝗔 𝗦𝗔 𝗨𝗡𝗗𝗔𝗦 𝟮𝟬𝟮𝟲 |

Hinihikayat ng Pamahalaang Bayan ng San Antonio ang lahat ng kababayan na magpunta na nang maaga sa mga sementeryo upang maiwasan ang pagsisikip ng daloy ng mga tao at sasakyan.
Dahil sa patuloy na pagsasaayos ng ilang bahagi ng mga daang kalsada, inaasahan ang mas mabigat na daloy ng trapiko sa mga darating na araw.

📌 Mga paalala para sa ating lahat:
✅ Magtungo nang maaga sa sementeryo.
✅ Iwasang makisabay sa dagsa ng mga tao.
✅ Maglaan ng sapat na oras sa biyahe at magbaon ng pasensya.
✅ Sundin ang mga panuntunan at tagubilin ng mga awtoridad.

Sa simpleng pagpaplano at pakikiisa, maiiwasan natin ang abala at higit na mapapanatiling ligtas at maayos ang paggunita sa ating mga mahal sa buhay na namayapa na.

Mula sa Pamahalaang Bayan ng San Antonio, nawa'y maging payapa, ligtas, at makabuluhan ang paggunita ng bawat pamilya.

27/10/2026

𝗗𝗜𝗔𝗟𝗬𝗦𝗜𝗦 𝗣𝗔𝗧𝗜𝗘𝗡𝗧𝗦’ 𝗗𝗔𝗬: 𝗞𝗔𝗥𝗔𝗚𝗗𝗔𝗚𝗔𝗡𝗚 𝗧𝗨𝗟𝗢𝗡𝗚 𝗣𝗔𝗥𝗔 𝗦𝗔 𝗔𝗧𝗜𝗡𝗚 𝗠𝗚𝗔 𝗞𝗔𝗕𝗔𝗕𝗔𝗬𝗔𝗡𝗚 𝗦𝗨𝗠𝗔𝗦𝗔𝗜𝗟𝗔𝗟𝗜𝗠 𝗦𝗔 𝗗𝗜𝗔𝗟𝗬𝗦𝗜𝗦

Bilang bahagi ng pagdiriwang ng Dialysis Patients’ Day, isinagawa ang pamamahagi ng cash assistance sa 47 nating kababayang sumasailalim sa dialysis, bilang regular na programa ng ating Pamahalaang Bayan upang makatulong sa kanilang mga gastusin at sa patuloy na gamutan.. Nagbigay rin ang pamunuan ng San Antonio Dialysis Center ng karagdagang tulong kabilang ang cash assistance, bigas, at tray ng itlog para sa mga pasyente. Personal itong dinaluhan ang ating Punong Bayan, Mayor Erick M. Wagan na nagbigay ng makabuluhang mensahe sa ating mga kababayan. Kasama rin sina Gng. Geneveve Gonzales, MSWDO at si Mayora Grace D. Wagan, Municipal Administrator, katuwang ang Tanggapan ng Pambayang Ingat-Yaman, bilang bahagi ng patuloy na pagtugon ng Pamahalaang Bayan sa pangangailangan ng mga kababayang nangangailangan ng tulong medikal.

Bilang karagdagang suporta, hinihikayat ng kinatawan mula sa San Antonio Dialysis Center ang mga kababayang sumasailalim sa dialysis na alamin ang mga serbisyong maaari nilang matanggap sa kanilang pasilidad. Kabilang sa mga benepisyong iniaalok nito ang AV Fistula Medical and Cash Assistance, allowance kada dialysis session, patient service assistance, buwanang bigas at itlog, libreng karagdagang dialyzer lampas sa saklaw ng PhilHealth, libreng quarterly ECG, welcome kit para sa mga bagong pasyente, at birthday cake taun-taon. Layunin ng mga serbisyong ito na makapagbigay ng dagdag na suporta sa mga pasyente sa gitna ng kanilang patuloy na gamutan. Para sa mga interesadong makinabang sa mga nasabing benepisyo, maaaring direktang makipag-ugnayan sa San Antonio Dialysis Center upang malaman ang mga kinakailangan at kondisyon para sa bawat serbisyo.

27/10/2026

BAKUNA ESKWELA 2026 | PROTEKSIYON PARA SA BAWAT BATA!

Nakikiisa ang Pamahalaang Bayan ng San Antonio, Quezon, sa pangunguna ni Mayor Erick M. Wagan, sa Bakuna Eskwela 2026 sa pamamagitan ng Rural Health Unit (RHU), upang mailapit sa mga karapat-dapat na mag-aaral ang libreng bakuna at mapangalagaan ang kanilang kalusugan.

Hinihikayat din ang mga magulang at tagapag-alaga na makiisa sa programang ito at suportahan ang pagbabakuna ng kanilang mga anak upang mabigyan sila ng karagdagang proteksiyon laban sa mga sakit na maaaring maiwasan sa pamamagitan ng bakuna. Sama-sama nating pangalagaan ang kalusugan at kinabukasan ng bawat batang San Antoniohin!

27/10/2026

𝗣𝗔𝗚𝗣𝗔𝗣𝗔𝗟𝗔𝗞𝗔𝗦 𝗡𝗚 𝗦𝗘𝗥𝗕𝗜𝗦𝗬𝗢𝗡𝗚 𝗣𝗔𝗡𝗚-𝗘𝗠𝗘𝗥𝗚𝗘𝗡𝗖𝗬 𝗦𝗔 𝗦𝗔𝗡 𝗔𝗡𝗧𝗢𝗡𝗜𝗢, 𝗤𝗨𝗘𝗭𝗢𝗡

Nilagdaan ang isang Memorandum of Agreement (MOA) sa pagitan ng Pamahalaang Bayan ng San Antonio, Quezon at Mercel Health Care Clinic ang Ambulance Emergency Use Service Cooperation, ito ay bilang bahagi ng pagtutulungan ng Lokal na Pamahalaan at Pribadong Sektor upang mapalakas ang kakayahan ng bayan sa pagtugon sa mga emergency at agarang pangangailangang medikal. Naging kabahagi sa paglagda at paglulunsad ng Mercel Emergency Medical Services ang ating Punong Bayan, Mayor Erick M. Wagan, G. Cyrus Simon Mitra ng Mercel Health Care Clinic, Dra. Ma. Wilma C. Laroza, Municipal Health Officer Municipal Administrator Mayora Marie Grace D. Wagan, Mr. Martin Averilla, MDRRMO at Ma’am Geneveve Gonzales, MSWDO. Ang San Antonio ang kauna-unahang Primary Health Care Facilty sa Quezon na may DOH Certified Ambulance.

Sa ilalim ng kasunduan, magiging katuwang ng Pamahalaang Bayan ang Mercel Health Care Clinic sa pagpapagamit ng kanilang ambulansiya para sa agarang pagdadala ng mga pasyenteng nangangailangan ng medikal na atensiyon, pagtugon sa mga insidente, sakuna, at iba pang kritikal na sitwasyong nangangailangan ng mabilis na serbisyong pang-emergency. Sa pamamagitan ng koordinasyon ng mga kinauukulang tanggapan ng LGU at ng klinika, napagtitibay ng kasunduang ito na higit na mapahusay ang kahandaan at kakayahan ng ating bayan sa pagbibigay ng agarang tulong medikal sa ating mga kababayan, lalo na sa mga pagkakataong mahalaga ang bawat minuto upang matugunan ang pangangailangan ng bawat mamamayan.

27/10/2026

𝗖𝗢𝗢𝗣𝗘𝗥𝗔𝗧𝗜𝗩𝗘 𝗠𝗢𝗡𝗧𝗛 𝟮𝟬𝟮𝟲 | 𝗠𝗔𝗧𝗜𝗕𝗔𝗬 𝗡𝗔 𝗞𝗢𝗢𝗣𝗘𝗥𝗔𝗧𝗜𝗕𝗔, 𝗡𝗔𝗚𝗞𝗔𝗞𝗔𝗜𝗦𝗔𝗡𝗚 𝗣𝗔𝗠𝗔𝗬𝗔𝗡𝗔𝗡 𝗣𝗔𝗥𝗔 𝗦𝗔 𝗞𝗔𝗣𝗔𝗬𝗔𝗣𝗔𝗔𝗡 𝗔𝗧 𝗞𝗔𝗨𝗡𝗟𝗔𝗥𝗔𝗡

Nakiisa ang iba’t ibang kooperatiba ng Bayan ng San Antonio sa pagdiriwang ng Cooperative Month 2026 ngayong Oktubre 27 sa Quezon Convention Center, na may temang “Matibay na Kooperatiba: Nagkakaisang Pamayanan para sa Kapayapaan at Kaunlaran.” Bahagi ng pagdiriwang ang pagkilala sa mahalagang papel ng mga kooperatiba sa pagpapaunlad ng kabuhayan at pagpapalakas ng pagkakaisa sa pamayanan. Binigyan din ng pagkilala ang Pamahalaang Bayan ng San Antonio sa ilalim ng pamumuno ng ating Punong Bayan, Mayor Erick M. Wagan dahil sa suporta nito sa pagpapaunlad ng mga kooperatiba, kabilang ang pagtatalaga ng Municipal Cooperative Development Officer (MCDO) na tutulong sa paggabay at pagsuporta sa kanilang mga programa at pangangailangan. Kasama sa aktibidad ang mga kinatawan ng ating mga kooperatiba at si G. Reymond R. Ulan, Cooperative Development Officer ng ating bayan.

Isa sa mga mahahalagang kaganapan sa pagdiriwang ang pagtanggap ng Del Valle Multi-Purpose Cooperative ng ₱400,000.00 na tulong mula sa Provincial Cooperative Development Office na gagamitin sa pagpapalago ng kanilang negosyo. Naging bahagi ng pagkamit ng nasabing tulong ang paggabay at pag-asiste ng Pamahalaang Bayan sa pamamagitan ng Office of the Municipal Agriculturist (OMA), sa pamumuno ni Municipal Agriculturist Jennifer Lindo Cusi, upang masuportahan ang kooperatiba sa pag-access sa mga oportunidad para sa kanilang pag-unlad. Patuloy na isinusulong ng Pamahalaang Bayan ang pagbibigay ng suporta at pagbubukas ng mga oportunidad para sa mga kooperatiba, bilang pagkilala sa kanilang mahalagang ambag sa paglikha ng kabuhayan, pagpapalakas ng lokal na ekonomiya, at pagtataguyod ng isang nagkakaisa at maunlad na San Antonio.

27/10/2026

Halina't makiisa!!!
LGU Last Friday Habit
CLEAN AND GREEN SAN ANTONIO
Clean-up Drive

October 30, 2026 - 7:00AM
Kanto ng Enverga to San Antonio Public Cemetery

27/10/2026

Buong pagmamalaki at pagbati ang ipinaaabot ng Pamahalaang Bayan ng San Antonio, Quezon kay 𝗗𝗲𝗻𝗻𝗶𝘀𝗲 𝗠𝗮𝘅𝗲𝗻𝗲 𝗖𝗼𝗺𝗲𝘁𝗮, mula sa Barangay Sinturisan at bahagi ng CEU Singers Manila, sa kanilang kahanga-hangang tagumpay sa 𝟮𝟬𝟮𝟲 𝗕𝘂𝘀𝗮𝗻 𝗖𝗵𝗼𝗿𝗮𝗹 𝗙𝗲𝘀𝘁𝗶𝘃𝗮𝗹 𝗮𝗻𝗱 𝗖𝗼𝗺𝗽𝗲𝘁𝗶𝘁𝗶𝗼𝗻 na ginanap noong Oktubre 22–25, 2026 sa Busan, South Korea. Nasungkit ng grupo ang 𝗗𝗮𝗹𝗮𝘄𝗮𝗻𝗴 𝗚𝗼𝗹𝗱 𝗗𝗶𝗽𝗹𝗼𝗺𝗮 𝗔𝘄𝗮𝗿𝗱𝘀 𝘀𝗮 𝗘𝘁𝗵𝗻𝗶𝗰 𝗮𝘁 𝗣𝗼𝗽/𝗔 𝗖𝗮𝗽𝗽𝗲𝗹𝗹𝗮 𝗰𝗮𝘁𝗲𝗴𝗼𝗿𝗶𝗲𝘀, gayundin ang 𝗕𝗲𝘀𝘁 𝗠𝗮𝗻𝗻𝗲𝗿 𝗣𝗿𝗶𝘇𝗲𝗿, na patunay ng kanilang husay sa musika at kahanga-hangang asal sa pandaigdigang entablado.

Ang tagumpay na ito ay karangalang hindi lamang para sa CEU Singers Manila kundi maging sa ating bayan. Dennise, saludo kami sa iyong talento, dedikasyon, at ambag sa tagumpay ng inyong grupo. Nawa'y magsilbi itong inspirasyon sa iba pang kabataang San Antoniohin na patuloy mangarap, linangin ang kanilang kakayahan, at magdala ng karangalan sa ating bayan saanmang panig ng mundo.

Mula sa buong Bayan ng San Antonio, sa pangunguna ng ating Punong Bayan, Mayor Erick M. Wagan, Vice Mayor Alvin C. Pillerba at buong Sangguniang Bayan, Congratulations! Ipinagmamalaki ka namin!

26/10/2026

SAN ANTONIO QUEZON — ROXAS ESTATE MULTIPURPOSE COOPERATIVE, NAKIISA SA QUEZON COFFEE AND CACAO SUMMIT 2026!

Nakiisa ang mga kababayang magsasaka mula sa Roxas Estate Multipurpose Cooperative ng San Antonio sa ginanap na Quezon Coffee and Cacao Summit 2026 noong Oktubre 22 hanggang 24, 2026, sa Quezon Convention Center.

Layunin ng summit na mapalawak ang kaalaman at oportunidad para sa pagpapakilala, pagpapalago, at pagpapaunlad ng industriya ng kape at kakaw sa buong lalawigan ng Quezon. Sa pangunguna ni Mayor Erick M. Wagan at sa pamamagitan ng Office of the Municipal Agriculturist (OMA) na pinamumunuan ni Municipal Agriculturist Jennifer Lindo Cusi, patuloy na isinusulong ng Pamahalaang Bayan ng San Antonio ang mga programang nagbibigay ng dagdag na kasanayan at bagong pamamaraan para sa mga lokal na magsasaka at kooperatiba.

Sa pamamagitan ng aktibong pakikilahok sa mga ganitong pagtitipon, inaasahang higit pang mapalalakas ang sektor ng agrikultura at mapaunlad ang kabuhayan ng mga magsasaka sa buong bayan ng San Antonio.

Photo Courtesy: LGU San Antonio, Quezon Official page

Big News Patrol: James Mandanas

Big News Ngayon Pilipinas Radio
Maghahatid Ng Balita at Serbisyo Publiko!

LGU San Antonio, Quezon

27/10/2026

27/10/2026

27/10/2026

27/10/2026

27/10/2026

27/10/2026

27/10/2026

26/10/2026

Address

Telephone

Website

Alerts

Shortcuts

Share

Listing takedown request