What are the opening hours?

Monday 8am - 5pm Tuesday 8am - 5pm Wednesday 8am - 5pm Thursday 8am - 5pm Friday 8am - 5pm

LTO Lucena District Office, Lucena Grand Central Terminal, Lucena (2026)

12/10/2026

𝐋𝐓𝐎 𝐂𝐀𝐋𝐀𝐁𝐀𝐑𝐙𝐎𝐍, 𝐁𝐔𝐌𝐀𝐁𝐀𝐓𝐈 𝐍𝐆 𝐌𝐀𝐋𝐈𝐆𝐀𝐘𝐀𝐍𝐆 𝐔𝐍𝐀𝐍𝐆 𝐀𝐍𝐈𝐁𝐄𝐑𝐒𝐀𝐑𝐘𝐎 𝐊𝐀𝐘 𝐋𝐓𝐎 𝐂𝐇𝐈𝐄𝐅 𝐀𝐒𝐄𝐂. 𝐌𝐀𝐑𝐊𝐔𝐒 𝐕. 𝐋𝐀𝐂𝐀𝐍𝐈𝐋𝐀𝐎

Mainit na pagbati ang ipinaaabot ng LTO CALABARZON kay Chief Assistant Secretary Markus V. Lacanilao sa kanyang unang anibersaryo bilang pinuno ng Land Transportation Office (LTO).

Sa ilalim ng kanyang pamumuno, isinusulong ng LTO ang 7-Point Reform Agenda, na nakatuon sa pagpapahusay ng serbisyo publiko, pagpapalakas ng integridad at pananagutan, pagpapatupad ng anti-corruption measures, digitalization, at mas pinaigting na road safety enforcement.

Kaisa ang LTO CALABARZON, sa pangunguna ni Regional Director Elmer J. Decena, sa pagsusulong ng Bagong LTO sa Bagong Pilipinas na naglalayong maghatid ng mas mahusay, makabago, transparent, at maaasahang serbisyo para sa bawat Pilipino.

Maligayang unang anibersaryo sa LTO, Chief Asec. Markus V. Lacanilao!

12/10/2026

𝗟𝘂𝗰𝗲𝗻𝗮 𝗗𝗢 c𝗼𝗻𝗱𝘂𝗰𝘁𝘀 𝗧𝗢𝗗𝗔 𝗥𝗲𝘀𝗰𝘂𝗲 𝗣𝗿𝗼𝗴𝗿𝗮𝗺

Pagbilao, Quezon- Under the guidance of Department of Transportation Acting Secretary Atty. Giovanni Z. Lopez and the leadership of LTO Chief, Assistant Secretary Markus V. Lacanilao, the TODA Rescue Program for members of the Tricycle Operators and Drivers Associations (TODA) is continuously being implemented throughout the CALABARZON Region.

Spearheaded by LTO CALABARZON Regional Director Elmer J. Decena, this program forms part of the agency’s sustained commitment to enhancing community preparedness in times of road crashes and other related incidents among TODA members and their communities.

On 10 October 2026, the LTO Lucena District Office, headed by its Chief of Office Estela Umali-Loverez, together with the District Law Enforcers, successfully conducted the TODA Rescue Program at the Senior Citizen Bldg, Pagbilao, Quezon, in collaboration with the Pagbilao Municipal Disaster Risk Reduction and Management Office (MDRRMO) and the Local Government of Pagbilao.

This program provided fifty-seven (57) TODA members with training on basic emergency response, enhancing their preparedness to assist during road incidents and emergencies.

The activity reflects the LTO’s dedication to advancing road safety awareness and building stronger partnerships with communities.

07/10/2026

👵👴 ELDERLY FILIPINO WEEK 2026 💙

Nakikiisa ang LTO Lucena District Office sa pagdiriwang ng Elderly Filipino Week 2026 ngayong Oktubre 1–7, na may temang:

“Nakatatandang Pilipino: May Halaga at Karapatan, May Boses at Ambag sa Bayan.”

Bilang pakikiisa sa makabuluhang pagdiriwang na ito, ngayong Oktubre 6, ang mga kawani ng LTO Lucena District Office ay naghatid ng munting handog na bigas sa mga drayber at road users sa Lungsod ng Lucena.

Sa simpleng paraan, naipapakita natin ang ating pagmamalasakit, paggalang, at pagpapahalaga sa ating mga nakatatanda—mga indibidwal na patuloy na may mahalagang papel at ambag sa ating pamilya, komunidad, at lipunan. 💙

26/09/2026

WORK SUSPENSION ADVISORY:

Please be guided that in view of Memorandum Circular No. 136, s. 2026 issued by the Office of the President on 16 September 2026, declaring the fourth Monday of September of every year as “Kainang Pamilya Mahalaga” Day, work at the LTO LUCENA DISTRICT OFFICE shall be suspended from 1:00 PM on Monday, 28 September 2026.

21/09/2026

𝐋𝐓𝐎 𝐂𝐀𝐋𝐀𝐁𝐀𝐑𝐙𝐎𝐍 𝐏𝐋𝐀𝐓𝐄 𝐓𝐑𝐀𝐂𝐊𝐄𝐑: 𝐌𝐀𝐁𝐈𝐋𝐈𝐒 𝐀𝐓 𝐌𝐀𝐃𝐀𝐋𝐈𝐍𝐆 𝐏𝐀𝐆-𝐂𝐇𝐄𝐂𝐊 𝐍𝐆 𝐈𝐍𝐘𝐎𝐍𝐆 𝐏𝐋𝐀𝐊𝐀

Hindi na kailangang manghula kung saan kukunin ang inyong license plate! Sa pamamagitan ng LTO CALABARZON Plate Tracker, madali nang malaman kung saan available ang inyong plaka at kung saang tanggapan ito maaaring i-claim.

Paano gamitin ang LTO CALABARZON Plate Tracker?

𝟭. 𝙋𝙐𝙈𝙐𝙉𝙏𝘼 𝙎𝘼 𝙒𝙀𝘽𝙎𝙄𝙏𝙀 𝙊 𝙄-𝙎𝘾𝘼𝙉 𝘼𝙉𝙂 𝙌𝙍 𝘾𝙊𝘿𝙀
Bisitahin ang 𝗹𝘁𝗼𝗹𝗶𝗽𝗿𝗶.𝗽𝗵 o i-scan ang QR code na kalakip ng post na ito.

𝟮. 𝙄𝙇𝘼𝙂𝘼𝙔 𝘼𝙉𝙂 𝙋𝙇𝘼𝙏𝙀 𝙉𝙐𝙈𝘽𝙀𝙍
I-enter ang inyong plate number sa Plate Tracker at i-submit ang inyong entry.

𝟯. 𝙏𝙄𝙉𝙂𝙉𝘼𝙉 𝙆𝙐𝙉𝙂 𝙉𝘼𝙎𝘼𝘼𝙉 𝘼𝙉𝙂 𝙄𝙉𝙔𝙊𝙉𝙂 𝙋𝙇𝘼𝙆𝘼
Makikita kung saang LTO office o releasing agency matatagpuan ang inyong license plate.

𝟰. 𝙄-𝘾𝙃𝙀𝘾𝙆 𝘼𝙉𝙂 𝘾𝙊𝙉𝙏𝘼𝘾𝙏 𝙉𝙐𝙈𝘽𝙀𝙍
Makikita rin ang landline number ng kaukulang tanggapan para maaari kayong makipag-ugnayan at makapag-confirm ng impormasyon bago pumunta.

𝟱. 𝙋𝙐𝙈𝙐𝙉𝙏𝘼 𝙎𝘼 𝙏𝘼𝙈𝘼𝙉𝙂 𝙇𝙊𝘾𝘼𝙏𝙄𝙊𝙉
Kapag nakumpirma na ang impormasyon, magtungo sa nakatalagang releasing location upang kunin ang inyong license plate.

ISANG PLATE NUMBER. ISANG SEARCH. ALAM MO NA KUNG SAAN KUKUNIN.

Gamitin ang LTO CALABARZON Plate Tracker at gawing mas madali ang paghahanap ng inyong license plate.

19/09/2026

𝐋𝐓𝐎 𝐂𝐀𝐋𝐀𝐁𝐀𝐑𝐙𝐎𝐍 𝐍𝐀𝐊𝐈𝐈𝐒𝐀 𝐒𝐀 𝐈𝐍𝐓𝐄𝐑𝐍𝐀𝐓𝐈𝐎𝐍𝐀𝐋 𝐂𝐎𝐀𝐒𝐓𝐀𝐋 𝐂𝐋𝐄𝐀𝐍-𝐔𝐏 𝟐𝟎𝟐𝟔

𝐂𝐀𝐋𝐀𝐁𝐀𝐑𝐙𝐎𝐍 — Sa direktiba ni Pangulong Ferdinand “Bongbong” Marcos Jr., at sa gabay nina Department of Transportation (DOTr) Acting Secretary Atty. Giovanni Z. Lopez at Land Transportation Office (LTO) Chief Atty. Markus V. Lacanilao, patuloy na isinusulong ng ahensya ang pagpapanatili ng malinis, ligtas, maayos, at responsableng pampublikong espasyo bilang bahagi ng pagsusulong ng mas maayos na serbisyo publiko.

Sa pangunguna ni Regional Director Elmer J. Decena, nakiisa ang LTO CALABARZON sa International Coastal Clean-Up 2026, bilang bahagi ng sama-samang pagkilos upang mapanatili ang kalinisan at kaayusan sa mga komunidad.

Sa isinagawang aktibidad, nagtungo ang mga kawani ng LTO sa iba’t ibang panig ng CALABARZON upang magsagawa ng clean-up activities sa kani-kanilang mga nakapaligid na dagat sa kanilang lugar.

Hindi lamang nakatuon ang aktibidad sa paglilinis, kundi maging sa pagsusulong ng disiplina at malasakit sa kapaligiran. Sa pamamagitan ng sama-samang pagkilos ng mga kawani, ipinakita ng LTO CALABARZON ang kahalagahan ng pakikilahok ng bawat isa sa pagpapanatili ng malinis at maayos na komunidad.

“Ang pangangalaga sa ating kapaligiran ay bahagi rin ng ating tungkulin bilang lingkod-bayan. Sa simpleng paglilinis at pagpapanatili ng kaayusan, naipapakita natin ang disiplina, malasakit, at pananagutan na nais nating makita sa bawat komunidad. Nawa’y magsimula sa bawat isa sa atin ang pagkilos tungo sa isang mas malinis, ligtas, at maayos na CALABARZON,” ani ni RD Decena

Patuloy namang hinihikayat ng LTO CALABARZON ang mga kawani at publiko na makiisa sa mga programang nagtataguyod ng pangangalaga sa kapaligiran, disiplina, at responsableng pagiging bahagi ng komunidad.

Para sa ahensya, ang tunay na serbisyo publiko ay hindi lamang nasusukat sa mga serbisyong naihahatid sa loob ng tanggapan, kundi maging sa aktibong pakikilahok sa mga gawaing may direktang ambag sa kapakanan ng komunidad.

Malinis na kapaligiran, ligtas na komunidad, at mas maayos na serbisyo publiko.

14/09/2026

𝐀𝐁𝐈𝐒𝐎 𝐒𝐀 𝐏𝐔𝐁𝐋𝐈𝐊𝐎

Ipinapaalam ng Land Transportation Office (LTO) na pansamantalang magiging offline ang system ng ahensya at maaaring magkaroon ng pansamantalang pagkaantala ng pagproseso ng mga transaksyon ngayong araw, Setyembre 14, 2026, bilang bahagi ng isinasagawang transition mula sa Stradcom LTO-IT System patungo sa Land Transportation Management System (LTMS).

Humihingi ang LTO ng pang-unawa ng publiko sa anumang abalang maaaring idulot ng pansamantalang pagkaantala. Magbibigay ang ahensya ng karagdagang abiso sa sandaling maging maayos na ang sistema at maaari nang ipagpatuloy ang mga transaksyon.

Maraming salamat sa inyong pang-unawa at pakikiisa.

13/09/2026

𝐌𝐚𝐥𝐢𝐠𝐚𝐲𝐚𝐧𝐠 𝐊𝐚𝐚𝐫𝐚𝐰𝐚𝐧, 𝐏𝐫𝐞𝐬𝐢𝐝𝐞𝐧𝐭 𝐅𝐞𝐫𝐝𝐢𝐧𝐚𝐧𝐝 “𝐁𝐨𝐧𝐠𝐛𝐨𝐧𝐠” 𝐌𝐚𝐫𝐜𝐨𝐬 𝐉𝐫.!

Buong-pusong pagbati mula sa Land Transportation Office (LTO), sa pangunguna ni Assistant Secretary Markus V. Lacanilao.

Sa pagdiriwang ng inyong kaarawan, hangad namin ang patuloy na paggabay at pagpapala sa inyong paglilingkod sa bayan, gayundin ang lakas at tibay sa pagtupad ng inyong mga tungkulin para sa sambayanang Pilipino.

Kaisa ninyo ang buong pamilya ng LTO sa patuloy na pagsusulong ng isang mas mahusay, episyente, at makataong serbisyo publiko para sa sambayanang Pilipino.

Maligayang kaarawan, Pangulong Marcos!

12/09/2026

𝐋𝐓𝐎 𝐂𝐇𝐈𝐄𝐅, 𝐈𝐏𝐈𝐍𝐀𝐆-𝐔𝐓𝐎𝐒 𝐀𝐍𝐆 𝐌𝐀𝐇𝐈𝐆𝐏𝐈𝐓 𝐍𝐀 𝐏𝐀𝐆𝐏𝐀𝐏𝐀𝐓𝐔𝐏𝐀𝐃 𝐍𝐆 𝐏𝐀𝐆𝐋𝐈𝐏𝐀𝐓 𝐒𝐀 𝐋𝐓𝐌𝐒; 𝐏𝐀𝐆𝐆𝐀𝐌𝐈𝐓 𝐍𝐆 𝐒𝐓𝐑𝐀𝐃𝐂𝐎𝐌 𝐋𝐓𝐎-𝐈𝐓 𝐒𝐘𝐒𝐓𝐄𝐌, 𝐈𝐇𝐈𝐇𝐈𝐍𝐓𝐎 𝐍𝐀

Iniutos ni Land Transportation Office (LTO) Chief, Assistant Secretary Markus V. Lacanilao, sa lahat ng kinauukulang tanggapan ng ahensya ang agarang paghinto sa paggamit ng LTO-IT System ng STRADCOM sa mga 𝗹𝗮𝗵𝗮𝘁 𝗻𝗴 transaksyon at ang mahigpit na pagpapatupad ng 𝗲𝗸𝘀𝗸𝗹𝘂𝘀𝗶𝗯𝗼𝗻𝗴 𝗽𝗮𝗴 𝗴𝗮𝗺𝗶𝘁 𝗻𝗴 Land Transportation Management System (LTMS).

Ang direktiba ay alinsunod sa kautusan ng Office of the Ombudsman na naglalayong ihinto ang paggamit ng LTO-IT System ng STRADCOM at tiyakin ang paggamit ng LTMS sa mga transaksyon ng ahensya.

Sa ilalim ng Memorandum No. MVL-2026-207 at Memorandum No. MVL-2026-208, ipinag-utos ang agarang paghinto sa paggamit ng LTO-IT System sa Enhanced Driver’s License System (EDLS) Pilot Sites at sa 42 designated Temporary Offsite Printing Offices (TOPOs).

Saklaw din ng direktiba ang pagproseso ng Certificate of Stock Report (CSR) at New Registration of Motor Vehicles, Motor Vehicle Renewal of Registration, lahat ng Driver’s License transactions, at Miscellaneous Transactions.

Kabilang sa mga transaksyon sa Driver’s License na sakop ng direktiba ang renewal, new application, duplicate o replacement, at change of information.

Ang lahat ng nasabing transaksyon ay dapat nang eksklusibong iproseso sa LTMS.

Inatasan din ni Asec. Lacanilao ang mga kinauukulang tanggapan na makipag-ugnayan sa mga kaukulang opisina ng LTO Central Office upang matiyak ang maayos at tuloy-tuloy na transition, kabilang ang kinakailangang system configuration, user access, at iba pang operational requirements.

Anumang system limitation, technical issue, o operational difficulty na mararanasan sa panahon ng transition ay dapat agad i-report sa Management Information Division (MID) upang mabigyan ng agarang kaukulang aksyon.

“Patuloy nating inaayos at pinapahusay ang mga sistema ng LTO upang maging mas mabilis, maayos, at maaasahan ang ating serbisyo. Ang paglipat sa LTMS ay mahalagang bahagi ng ating pagsisikap na magkaroon ng mas episyenteng proseso at mas mahusay na serbisyo para sa ating mga motorista,” ayon kay Asec. Lacanilao.

Binigyang-diin ng LTO Chief na mahigpit na ipatutupad ang mga direktibang ito upang matiyak ang maayos at tuloy-tuloy na paglipat sa LTMS, kasabay ng pagpapanatili ng episyente at maaasahang serbisyo sa publiko.

11/09/2026

𝟏𝟐 𝐒𝐀𝐒𝐀𝐊𝐘𝐀𝐍 𝐍𝐀𝐒𝐀𝐊𝐎𝐓𝐄 𝐒𝐀 𝐂𝐀𝐋𝐓𝐄𝐗 𝐒𝐋𝐄𝐗 𝐌𝐀𝐌𝐏𝐋𝐀𝐒𝐀𝐍 𝐃𝐀𝐇𝐈𝐋 𝐒𝐀 𝐈𝐁𝐀’𝐓 𝐈𝐁𝐀𝐍𝐆 𝐏𝐀𝐆𝐋𝐀𝐁𝐀𝐆

𝐁𝐢ñ𝐚𝐧, 𝐋𝐚𝐠𝐮𝐧𝐚 — Bilang bahagi ng patuloy na pagpapatupad ng mga batas at regulasyon sa kalsada, 12 sasakyan ang nasakote ng Land Transportation Office (LTO) dahil sa iba’t ibang paglabag sa Caltex Southbound, South Luzon Expressway (SLEX), Mamplasan, Biñan, Laguna nitong Huwebes ng gabi, Setyembre 10.

Isinagawa ang enforcement operation bilang pagtupad sa direktiba ni Pangulong Ferdinand “Bongbong” R. Marcos Jr. na mapanatili ang kaayusan at kaligtasan sa mga lansangan, sa gabay nina Department of Transportation (DOTr) Acting Secretary Atty. Giovanni Z. Lopez at LTO Assistant Secretary Markus V. Lacanilao.

Personal na pinangunahan ni Assistant Secretary Lacanilao ang operasyon bandang alas-8 ng gabi kung saan ilang motorista ang kanyang pinara matapos makitang gumagamit ng hindi awtorisado o improvised na mga plaka, bukod pa sa iba pang paglabag sa mga umiiral na batas, alituntunin at regulasyon sa transportasyon.

Katuwang sa operasyon ang LTO CALABARZON sa pangunguna ni Regional Director Elmer J. Decena kung saan ipinadala ang mga kawani ng LTO Cabuyao District Office upang magsagawa ng kaukulang inspeksyon at dokumentasyon sa mga nahuling sasakyan. Inisyuhan din ang mga motorista ng kaukulang Temporary Operator’s Permits (TOPs).

Sa kabuuan, 12 TOPs ang inilabas para sa apat na motorsiklo at walong iba pang motor vehicle.

Sa naturang bilang, walo ang impounded, habang kinumpiska naman ang mga plaka ng apat na iba pang sasakyan dahil sa mga paglabag sa umiiral na regulasyon.

Kabilang sa mga naitala ang mga paglabag sa Sections 2A, 2B, 2D at 2E ng Joint Administrative Order No. 2014-01, gayundin ang paglabag sa Memorandum Circular No. MVL-2026-5314.

Ayon sa LTO, bahagi ito ng patuloy na pagpapaigting ng enforcement operations laban sa mga sasakyang hindi sumusunod sa mga itinakdang requirements at regulasyon, partikular sa paggamit ng tamang plaka at pagsunod sa mga kondisyon para sa legal na paggamit ng mga motor vehicle.

Patuloy namang hinihikayat ng ahensya ang mga motorista na tiyaking updated ang kanilang rehistro at kumpleto ang mga kinakailangang dokumento at kagamitan ng kanilang mga sasakyan upang maiwasan ang paglabag at mapanatili ang kaligtasan ng lahat ng gumagamit ng kalsada.

LTO Lucena District Office

12/10/2026

12/10/2026

07/10/2026

26/09/2026

21/09/2026

19/09/2026

14/09/2026

13/09/2026

12/09/2026

11/09/2026

Address

Opening Hours

Website

Alerts

Shortcuts

Share

Category

Listing takedown request

Monday	8am - 5pm
Tuesday	8am - 5pm
Wednesday	8am - 5pm
Thursday	8am - 5pm
Friday	8am - 5pm