04/09/2026
Taos-puso po ang aming pasasalamat sa lahat ng naging bahagi ng Ligtas Tigdas: Measles- Rubella Supplemental Immunization Activity (MR SIA) and Vitamin A Supplementation.
Hindi po naging madali ang ating paglalakbay, lalo na sa kabila ng pabago-bagong panahon, layo ng bawat Purok at mga maling impormasyong kumakalat tungkol sa bakuna, pinili pa rin ng maraming magulang na alamin ang tamang impormasyon at ipagkatiwala ang kalusugan ng kanilang mga anak sa ating mga health workers.
Ang inyong dedikasyon, tiwala, at pakikiisa ang naging inspirasyon namin upang ipagpatuloy ang serbisyong pangkalusugan para sa ating mga chikiting.
Maraming salamat po sa ating Sangguniang Barangay MayaoSilangan, sa pangunguna ng ating Kapitan, Kap. Ricardo J. Lafuente, sa walang humpay na suporta na ipinagkaloob ninyo sa buong buwan na isinasagawa ang MR SIA. Sa bawat Kagawad na umalalay at sinamahan kami sa aming araw araw na pagbabakuna, Kgwd Cristal Abustan, Kgwd Dennis Ranillo Daleon, Kgwd Babyln Daleon, Kgwd Laila Mindanao at Sec Edel , maraming maraming salamat po. Sa bawat Barangay Staff, kay Treas Daleon Rafa na naging susi sa bawat araw araw naming pagbabakuna at kay Kuya Angelo Abadilla at Kuya Nonelon na handa kaming ihatid at sunduin kahit nasaang sulok man kami ng Barangay. Sa mga Purok Leaders at Brgy Coordinator na aming naging kamay sa paggalugad ng mga bata, maraming salamat po.
Sa aming mga nakasama na mga Nurses at Midwife na galing sa iba't-ibang Barangay, Red Cross at sa BFP, lubos na pasasalamat sa inyong pagbayani sa aming Barangay upang maisagawa at mapagtagumpayan ang ganitong programa.
Taos-puso din pong pasasalamat sa ating mga Barangay Health Alliance (BHA), para sa inyong sipag, tiyaga, at malasakit sa buong panahon ng pagpapatupad ng Ligtas Tigdas (MR SIA).
At higit sa lahat, sa mga magulang, lolo, lola, tito, tita at sa mga guardians, maraming maraming salamat po. Kayo po ang isa sa mga dahilan kung bakit naging matagumpay ang programang ito. Maraming salamat po sa pagtitiwala at pakikipagtulungan.
Ang bawat ngiti, bawat pagpunta, at bawat batang nabakunahan ay patunay ng ating pagkakaisa para sa mas ligtas na komunidad.
Mula sa aming puso, maraming maraming salamat po. Lubos po naming ipinagmamalaki ang inyong suporta at malasakit para sa kalusugan ng ating mga anak.
