DA-Central Visayas

Website Contact the organization

DA-Central Visayas Pls follow our page and like our post.

Vision: A modernized agriculture and fisheries; a diversified rural economy that is dynamic; technologically advanced and internationally competitive.

๐๐ซ๐ข๐œ๐ž ๐–๐š๐ญ๐œ๐ก sa mga nag-unang merkado sa Sugbo ug sa Tagbilaran City, Bohol sugod Oktobre 5-9, 2026.
09/10/2026

๐๐ซ๐ข๐œ๐ž ๐–๐š๐ญ๐œ๐ก sa mga nag-unang merkado sa Sugbo ug sa Tagbilaran City, Bohol sugod Oktobre 5-9, 2026.

DA7, LGUs mipirma og MOA alang sa Farm-to-Market Road ProjectsGipahigayon sa Department of Agriculture - Central Visayas...
09/10/2026

DA7, LGUs mipirma og MOA alang sa Farm-to-Market Road Projects

Gipahigayon sa Department of Agriculture - Central Visayas (DA-7), pinaagi sa Regional Agricultural Engineering Division (RAED), ang Project Implementation Meeting alang sa Farm-to-Market Road (FMR) projects kagahapon, Oktobre 8, 2026, sa Cebu City.

Gitambongan kini sa mga representante ug Local Chief Executives (LCEs) gikan sa nagkalain-laing Local Government Units (LGUs). Sa buntag, mitambong ang mga LGU sa Ubay, Mabini, Sierra Bullones, Bantayan, Tuburan, ug Tabuelan, samtang sa hapon mitambong ang Alburquerque, Balilihan, Calape, Tubigon, Guindulman, ug Loay.

Gipangunahan ang maong tigom ni DA7 Regional Technical Director for Operations Engr. Cirilo N. Namoc, uban ni RAED Chief Engr. Edna N. Yu. Gihisgutan ang mga general policies, concerns, ug budget alang sa pagpatuman sa mga FMR projects.

Kabahin sa tigom ang pagpirma sa Memorandum of Agreement (MOA) tali sa DA7 ug mga LGU aron klaro ang tagsa-tagsa nilang tahas ug responsibilidad sa pagpatuman sa proyekto.

Pinaagi sa FMR projects, gilauman nga mas mapadali ang transportasyon sa mga produkto sa mga mag-uuma ug mas mapalambo ang ilang access sa merkado, nga makatabang sa pagpalambo sa ilang panginabuhian. ๐Ÿ“JM Bragas / CS Cabigas, intern

DA-7, nag-abli og mas dakong oportunidad sa merkado pinaagi sa AGRILINK 2026 ug KADIWA ng Pangulo ExpoGipasiugda sa Depa...
09/10/2026

DA-7, nag-abli og mas dakong oportunidad sa merkado pinaagi sa AGRILINK 2026 ug KADIWA ng Pangulo Expo

Gipasiugda sa Department of Agricultureโ€“Central Visayas (DA-7), pinaagi sa Agribusiness and Marketing Assistance Division (AMAD), ang mga produktong agrikultura ug pangisda sa Central Visayas pinaagi sa pag-apil sa Agrilink/Foodlink/Aqualink 2026 ug 3rd KADIWA ng Pangulo (KNP) Exposition nga gipahigayon gikan Oktubre 8 hangtud 10, 2026, sa World Trade Center, Pasay City.

Ang maong kalihokan, nga giorganisar sa Foundation for Resource Linkage and Development (FRLD), usa sa mga nag-unang tinuig nga internasyonal nga eksibisyon sa agribusiness sa Pilipinas. Gitigom niini ang mga mag-uuma, mangingisda, agripreneur, kooperatiba, ug mga negosyo sa agrikultura ug pangisda aron mapalapad ang merkado, mapalig-on ang mga koneksyon sa negosyo, ug mapaila ang mga bag-ong teknolohiya ug inobasyon sa sektor.

Tulo ka dagkong inisyatiba ang gipasiugda sa partisipasyon sa DA-7: ang Young Farmers Challenge (YFC) Program, nga naghatag og suporta pinaagi sa start-up grants ug pagpalambo sa kapasidad sa mga batan-on nga agripreneur; ang KADIWA ng Pangulo Expo, nga nagpalig-on sa pagdugtong sa mga prodyuser ug konsyumer pinaagi sa mga programa alang sa mas barato ug maabot nga pagkaon; ug ang AMAS-AMAD Regional Agri-Fishery Product Showcase, nga nagtumong sa pagpalapad sa merkado ug pag-abli sa mga oportunidad sa negosyo alang sa mga prodyuser sa rehiyon.

Girepresentahan sa First Consolidated Cooperative Along Taรฑon Seaboards ug Lamac Multipurpose Cooperative ang DA-7 sa KADIWA ng Pangulo Exposition. Samtang, miapil sa Agrilink/Foodlink/Aqualink exhibition ang Joseph Agricultural Farm, Carson Hills Farm, ug Cianreese Goat Farm.

Usa sa mga mipatigbabaw nga partisipante mao ang Cianreese Goat Farm, usa sa mga negosyo nga gisuportahan ubos sa YFC Program, nga malampusong nakabaligya sa tanang stock sa ilang mga produktong hinimo gikan sa kanding atol sa nagpadayong kalihokan. Nagpakita kini sa dakong potensyal sa mga batan-ong agripreneur sa pagpalapad sa ilang merkado ug pagpaila sa mga bag-o ug de-kalidad nga produktong agrikultura.

Pinaagi sa padayong pag-apil sa mga eksibisyon ug market-linkaging activities, gipakusog sa DA-7 ang paningkamot sa paghatag og mas daghang oportunidad sa mga mag-uuma, mangingisda, kooperatiba, ug agripreneur sa Central Visayas aron mapalambo ang ilang mga produkto, mapalapad ang ilang merkado, ug mapalig-on ang panginabuhian. (contributed by: L. Laude / ๐Ÿ“F. Orozco)

๐๐‘๐ƒ๐๐”๐ฉ๐๐š๐ญ๐ž| Masigpatan sa Regional Agriculture and Fisheries Investment Portfolio (RAFIP) gallery walk ang walo (8) sa n...
09/10/2026

๐๐‘๐ƒ๐๐”๐ฉ๐๐š๐ญ๐ž| Masigpatan sa Regional Agriculture and Fisheries Investment Portfolio (RAFIP) gallery walk ang walo (8) sa nag-unang mga commodities ubos sa rehiyon siete nga gilangkuban sa ๐ง๐š๐ญ๐ข๐ฏ๐ž ๐œ๐ก๐ข๐œ๐ค๐ž๐ง, ๐ฌ๐ฐ๐ข๐ง๐ž, ๐œ๐จ๐ซ๐ง, ๐ซ๐ข๐œ๐ž, ๐œ๐š๐ฌ๐ฌ๐š๐ฏ๐š, ๐œ๐š๐œ๐š๐จ, ๐ก๐ข๐ ๐ก๐ฅ๐š๐ง๐ ๐ฏ๐ž๐ ๐ž๐ญ๐š๐›๐ฅ๐ž๐ฌ ug ๐ฌ๐ž๐š๐ฐ๐ž๐ž๐๐ฌ.

Ang maong portfolio dako ug importansya ingon man giya alang sa mas sayon nga pag-ila sa gikinahanglang suportaan nga commodity ingon man kun unsaon paghusay ug paghiusa dili lang ang programa ug budget sa ahensiya apan lakip na unya ang pakigtambayayong sa nagkalain-laing sektor nga naglaraw sa pag-invest ngadto sa maong mga commodities.

Ang maong tinguha magpalig-on sa value chains sa rehiyon ug muresulta sa mas piskay nga panginabuhi-an sa sector sa agrikultura.

Mamahimong malili ang portfolio sa rehiyon siete uban sa mga portfolio sa laing dise sais (16) ka mga rehiyon sa Pilipinas sa RAFIP gallery walk sa Clark Pampanga. ๐Ÿ“B. Jumao-as

#๐„๐ง๐š๐›๐ฅ๐ข๐ง๐ ๐‚๐จ๐ฆ๐ฆ๐ฎ๐ง๐ข๐ญ๐ข๐ž๐ฌ๐„๐ฑ๐ฉ๐š๐ง๐๐ข๐ง๐ ๐Ž๐ฉ๐ฉ๐จ๐ซ๐ญ๐ฎ๐ง๐ข๐ญ๐ข๐ž๐ฌ
#๐ƒ๐€๐๐‘๐ƒ๐๐’๐œ๐š๐ฅ๐ž-๐”๐ฉ
#๐๐‘๐ƒ๐๐Ÿ•

Farmers Field Day gihimo aron pagsuta sa mas haom nga barayti sa humay alang sa San Miguel, BoholGipahigayon sa Departme...
09/10/2026

Farmers Field Day gihimo aron pagsuta sa mas haom nga barayti sa humay alang sa San Miguel, Bohol

Gipahigayon sa Department of Agriculture โ€“ Central Visayas(DA-7), kauban ang Lokal nga Kagamhanan sa San Miguel, Philippine Rice Research Institute (PhilRice), International Rice Research Institute (IRRI), ug University of the Philippines Los Baรฑos (UPLB), ang Farmersโ€™ Field Day isip kabahin sa Expanded On-Farm Technology Demonstration (EOFTD) ubos sa OneRicePH Project kagahapon, Oktubre 8, 2026, sa Barangay Bayongan, San Miguel, Bohol.

Tumong sa kalihokan nga hatagan ang mga mag-uuma ug mga lokal nga agricultural stakeholder og higayon nga makita ug masusi ang performance sa nagkalainlaing gipauswag nga barayti sa humay ilalom sa aktuwal nga kahimtang sa uma. Pinaagi niini, gitinguha usab nga mapalambo ang pagpaambitay sa kahibalo ug ang paggamit sa mga teknolohiya sa produksyon nga makatampo sa pagpausbaw sa abot, kita, ug pagkamalahutayon sa pagpanguma.

Nagsugod ang kalihokan pinaagi sa pagbisita sa lima ka ektaryang EOFTD techno-demonstration area sa Barangay Bayongan, diin personal nga naobserbahan sa mga partisipante ang nagkalainlaing barayti sa humay ug ang ilang pagtubo ug performance sa uma.

Gipahigayon usab ang participatory preference analysis, diin gidasig ang mga mag-uuma sa pagtimbang-timbang ug pagpili sa mga barayti base sa makita nilang mga kinaiya, sama sa pagtubo sa tanom, porma ug kalidad sa mga uhay, dagway sa mga lugas, panahon sa paghinog, ug kinatibuk-ang performance sa uma. Ang ilang mga obserbasyon ug nauyonan mahimong mahinungdanong basihan sa pagpalambo sa pagdawat ug paggamit sa angay nga mga barayti sa humay.

Human sa field visit, gipadayon ang programa sa Barangay Bayongan Covered Court.

Mitambong sa kalihokan ang delegasyon sa DA-7 nga gipangulohan ni Wilfreda C. Malayao, Regional Focal Person sa OneRicePH Project, uban si Desiree Francisco sa PhilRice CES ug usa ka representante gikan sa Office of the Provincial Agriculturist. Mitambong usab si Hon. Ian Gil G. Mendez, Municipal Mayor sa San Miguel, kauban ang mga representante ug kawani sa munisipyo sa San Miguel.

Lakip sa mga partisipante ang mga lider sa mag-uuma, mga chairperson sa Agriculture Committees sa nagkalainlaing barangay sa San Miguel, ug mga miyembro sa lokal nga irrigatorsโ€™ association.

Gipasiugda sa kalihokan ang kamahinungdanon sa lig-on nga panagtambayayong tali sa nasudnong kagamhanan, lokal nga kagamhanan, mga institusyon sa panukiduki, ug mga kapunongan sa mag-uuma aron mas mapalapdan ang kahibalo ug paggamit sa mga bag-ong teknolohiya sa pagpanguma sa humay.

Pinaagi sa OneRicePH Project, padayon nga gipalig-on ang paningkamot sa pagpaambit sa mga teknolohiya ug kahibalo nga makatabang sa mga mag-uuma sa pagpausbaw sa produktibidad, pagpalambo sa kita, ug pagpalig-on sa malungtarong produksyon sa humay. (contributed by: W. Malayao / ๐Ÿ“F. Orozco)

09/10/2026

Atong paminawon ang istorya ni Lorelyn Bolo isip mag-uuma kinsa nagpamatuod nga adunay dakong tabang sa pagpalambo sa iyang panginabuhian ang programa sa Department of Agriculture - Central Visayas (DA-7) nga Farm and Fisheries Clustering and Consolidation (F2C2) Program.

Si Lorelyn nananom og mga High Value Crops ug giagak sa First Consolidated Cooperative Along Taรฑon Seaboards.

Direkta gikan sa mag-uuma nga napaubos og pagbansay sa Kabuhayan at Kaularan ng Kababayang Katutubo (4Ks) program sa Dep...
09/10/2026

Direkta gikan sa mag-uuma nga napaubos og pagbansay sa Kabuhayan at Kaularan ng Kababayang Katutubo (4Ks) program sa Department of Agriculture - Central Visayas (DA7) .

DA7 naghatag og pagtagad sa kahimsog ug kaayohan sa SCs ug PWDsIsip kabahin sa pagsaulog sa Elderly Filipino Week, mga k...
08/10/2026

DA7 naghatag og pagtagad sa kahimsog ug kaayohan sa SCs ug PWDs

Isip kabahin sa pagsaulog sa Elderly Filipino Week, mga kawani sa Department of Agriculture-Central Visayas (DA7) nga mga senior citizens (SCs) ug persons with disabilities (PWDs) mihatag og panahon sa ilang kaugalingon pinaagi sa pagtambong sa Senior Life Seminar nga gipasiugdahan sa Human Resource Management Section (HRMS) sa ahensiya kagahapon, Oktobre 7, 2026, sa Cebu City.

Kabahin ang maong seminar sa paningkamot sa buhatan nga mahatagan og inklusibong palibot ug patas nga oportunidad ang mga marginalized sector sama sa mga senior citizen, PWDs, kabantan-onan, kababayen-an, nga walay pagtagad sa edad o sa ilang pisikal nga kapasidad.

Nagtutok ang seminar sa mga nagkalain-laing aspeto sa kahimsog sa panlawas ug kaayohan, lakip na niini ang hustong nutrisyon alang sa mga SCs, mga healthy eating habits ug mga pamaagi kon unsaon paglikay sa mga sakit-sakit, ug uban pang paugnat sa kusog nga tukma sa ilang lawas.

Mihatag usab og suporta si DA7 Regional Technical Director for Research and Regulations Dr. Wilberto O. Castillo, kinsa mipasiugda sa dakong papel sa mga senior citizen sa performance sa usa ka ahensiya. Matud niya, ang mga dugay na sa serbisyo publiko adunay daghang kahibalo ug kasinatian nga mahimong ipaambit ug mapuslan sa mga mas batan-ong kawani.

Gidapit isip mga resource speaker sila Piladelfa S. Gaviola ug Nasudi Soluta gikan sa National Nutrition Council-VII, nga mipaambit sa ilang kahibalo mahitungod sa hustong nutrisyon, healthy lifestyle, ug pag-atiman sa panglawas sa mga senior citizen.

Ang kalihokan nakaangkla usab sa Republic Act No. 9710 o Magna Carta of Women, nga naglatid sa pagpanalipod ug pagpalig-on sa katungod ug kaayohan sa kababayen-an, ilabi na niadtong anaa sa mas vulnerable o marginalized nga kahimtang.

Subay niini, gihatagan og gibug-aton ang Gender and Development (GAD) isip nag-unang framework sa gender mainstreaming sa mga programa, polisiya, ug serbisyo sa gobyerno. Gisuportahan usab kini sa Gender Equality, Disability, and Social Inclusion (GEDSI/GESI) isip complementary lens aron matubag ang nagkalain-laing panginahanglan sa mga empleyado, ilabi na sa mga senior citizen ug PWDs.

Ang maong kalihokan kabahin usab sa pagpalig-on sa Gender and Development (GAD) initiatives sa DA7, nga nagtumong sa pagpalambo sa usa ka inklusibo ug gender-responsive nga workplace diin ang matag kawani, lakip ang senior citizens ug PWDs, matagaan og patas nga pagtagad, oportunidad, ug suporta. ๐Ÿ“J. Villamor

Daily Price Index (DPI), Oktobre 8, 2026
08/10/2026

Daily Price Index (DPI), Oktobre 8, 2026

Direkta gikan sa mag-uuma kinsa nagpamatuod nga ang ilang kapunongan daghan og nadawat nga tabang gikan sa Department of...
08/10/2026

Direkta gikan sa mag-uuma kinsa nagpamatuod nga ang ilang kapunongan daghan og nadawat nga tabang gikan sa Department of Agriculture - Central Visayas (DA-7) pinaagi sa daghang programa sama sa livestock ug Kabuhayan at Kaunlaran ng Kababayang Katutubo (4K).

Address

Maguikay
Maguikay
6014

Website

Alerts

Be the first to know and let us send you an email when DA-Central Visayas posts news and promotions. Your email address will not be used for any other purpose, and you can unsubscribe at any time.

Contact The Organization

Send a message to DA-Central Visayas:

Shortcuts

Share

Category