Akap Kabataan ng Mojon

𝐏𝐚𝐠𝐛𝐚𝐭𝐢 𝐬𝐚 𝐛𝐚𝐠𝐨𝐧𝐠 𝐡𝐚𝐥𝐚𝐥 𝐧𝐚 𝐒𝐚𝐧𝐠𝐠𝐮𝐧𝐢𝐚𝐧𝐠 𝐊𝐚𝐛𝐚𝐭𝐚𝐚𝐧 - 𝐂𝐇𝐀𝐈𝐑𝐌𝐀𝐍!

Lubos kaming nagpapasalamat sa lahat ng sumuporta sa aming tumakbong SK Chairman. Nawa'y maging tagumpay ang aming pagtutok sa mga pangangailangan at interes ng mga kabataan at maging isang inspirasyon sa ating komunidad. Maging huwaran at patuloy namin na ipapakita ang dedikasyon sa pag-unlad at pagkakaisa para sa ating mga kabataan, ipagpatuloy ang nasimulan, ipagpatuloy ang laban!

Mula sa Kabataan, para sa KABATAAN!

𝐍𝐄𝐖𝐋𝐘-𝐄𝐋𝐄𝐂𝐓𝐄𝐃 𝐒𝐊 𝐂𝐇𝐀𝐈𝐑𝐌𝐀𝐍
JOSHUA A. LIMPO - 527 Votes

Muli, kami ang AKAP KABATAAN na maglilingkod para sa BAYAN!




(𝘢𝘯𝘨 𝘥𝘢𝘵𝘰𝘴 𝘯𝘨 𝘰𝘱𝘪𝘴𝘺𝘢𝘭 𝘯𝘢 𝘣𝘪𝘭𝘢𝘯𝘨 𝘯𝘨 𝘮𝘨𝘢 𝘣𝘰𝘵𝘰 𝘢𝘺 𝘮𝘶𝘭𝘢 𝘴𝘢 𝘊𝘦𝘳𝘵𝘪𝘧𝘪𝘤𝘢𝘵𝘦 𝘰𝘧 𝘊𝘢𝘯𝘷𝘢𝘴𝘴 𝘰𝘧 𝘝𝘰𝘵𝘦𝘴 𝘢𝘯𝘥 𝘗𝘳𝘰𝘤𝘭𝘢𝘮𝘢𝘵𝘪𝘰𝘯 𝘰𝘧 𝘞𝘪𝘯𝘯𝘪𝘯𝘨 𝘊𝘢𝘯𝘥𝘪𝘥𝘢𝘵𝘦𝘴 𝘧𝘰𝘳 𝘊𝘩𝘢𝘪𝘳𝘱𝘦𝘳𝘴𝘰𝘯 𝘢𝘯𝘥 𝘔𝘦𝘮𝘣𝘦𝘳𝘴 𝘰𝘧 𝘚𝘢𝘯𝘨𝘨𝘶𝘯𝘪𝘢𝘯𝘨 𝘒𝘢𝘣𝘢𝘵𝘢𝘢𝘯)

𝐏𝐚𝐠𝐛𝐚𝐭𝐢 𝐬𝐚 𝐦𝐠𝐚 𝐛𝐚𝐠𝐨𝐧𝐠 𝐡𝐚𝐥𝐚𝐥 𝐧𝐚 𝐒𝐚𝐧𝐠𝐠𝐮𝐧𝐢𝐚𝐧𝐠 𝐊𝐚𝐛𝐚𝐭𝐚𝐚𝐧 - 𝐊𝐀𝐆𝐀𝐖𝐀𝐃!

Mula sa pamilya ng AKAP Kabataan ng Mojon, kami ay labis na nagagalak na nakuha namin ang tiwala at supporta ng ating mga kabataan upang maglingkod sa ating komunidad. Ito ay isang napakahalagang yugto sa inyong buhay bilang mga kabataang lider, ipagpatuloy ang nasimulan, ipagpatuloy ang laban!

Mula sa Kabataan, para sa KABATAAN!

𝐍𝐄𝐖𝐋𝐘-𝐄𝐋𝐄𝐂𝐓𝐄𝐃 𝐒𝐊 𝐊𝐀𝐆𝐀𝐖𝐀𝐃
Daphnee Maxxine R. Villanueva - 597 Votes
Zyrene Jera S. Usi - 531 Votes
Katherine C. Magsakay - 514 Votes
Allysa Freya Marie L. Castro - 444 Votes

Muli, kami ang AKAP KABATAAN na maglilingkod para sa BAYAN!




(𝘢𝘯𝘨 𝘥𝘢𝘵𝘰𝘴 𝘯𝘨 𝘰𝘱𝘪𝘴𝘺𝘢𝘭 𝘯𝘢 𝘣𝘪𝘭𝘢𝘯𝘨 𝘯𝘨 𝘮𝘨𝘢 𝘣𝘰𝘵𝘰 𝘢𝘺 𝘮𝘶𝘭𝘢 𝘴𝘢 𝘊𝘦𝘳𝘵𝘪𝘧𝘪𝘤𝘢𝘵𝘦 𝘰𝘧 𝘊𝘢𝘯𝘷𝘢𝘴𝘴 𝘰𝘧 𝘝𝘰𝘵𝘦𝘴 𝘢𝘯𝘥 𝘗𝘳𝘰𝘤𝘭𝘢𝘮𝘢𝘵𝘪𝘰𝘯 𝘰𝘧 𝘞𝘪𝘯𝘯𝘪𝘯𝘨 𝘊𝘢𝘯𝘥𝘪𝘥𝘢𝘵𝘦𝘴 𝘧𝘰𝘳 𝘊𝘩𝘢𝘪𝘳𝘱𝘦𝘳𝘴𝘰𝘯 𝘢𝘯𝘥 𝘔𝘦𝘮𝘣𝘦𝘳𝘴 𝘰𝘧 𝘚𝘢𝘯𝘨𝘨𝘶𝘯𝘪𝘢𝘯𝘨 𝘒𝘢𝘣𝘢𝘵𝘢𝘢𝘯)

Ano ang bitbit na plataporma ni SK CHAIRMAN JOSHUA LIMPO?

SPORTS/ACTIVE PARTICIPATION

Bilang isang kabataan, gusto kong maibahagi ang aking kakayanan at kaalaman sa larangan ng sports, hindi lang liga kundi mga training camp na pwedeng isagawa. hangad ko rin na mabigyan ng oportunidad ang mga manlalaro sa ating barangay sa iba't ibang sports upang magamit nila ito sa kanilang kinabukasan. Hindi ko lamang ipopokus ang paglaganap ng isports kundi ang pagbubukas ng pinto sa anumang larangan ng sining at partisipasyon para sa kabataan.

Huwag kalilimutan! Oktubre 30, 2023 (Lunes), walang LIMPOsible kay JOSHUA para sa kabataan, JOSHUA LIMPO para SK Chairman

Ano ang bitbit na plataporma ni SK DAPHNEE VILLANUEVA?

EMPOWER LGBTQIA+ YOUTH THROUGH INCLUSIVE PRACTICES
(Palakasin ang Kabataang LGBTQIA+ sa Pamamagitan ng Inklusibong Pamamaraan)

Bilang isang kabataan na natutunan ang malupit na realidad ng isang mundong puno ng mga taong mapanghusga, lalo na sa mga taong may pangatlong, pang-apat, o iba pang mga kasariang hindi kinikilala ng lipunan, layunin ko na maging instrumento upang kanilang maging tinig. Nagnanais akong maging boses nila, ng mga kabataang kabilang sa komunidad ng LGBTQIA+. Kasama sa aking mga adhikain ang mga inisyatibang naglalayong magbigay-lakas at mag bukas-daan para sa mga miyembro ng LGBTQIA+, upang makilala sila bilang isang mahalagang bahagi ng ating lipunan. Isa sa mga programa na layon kong maisagawa ay ang "LGBTQIA+ Enrichment Program," kung saan taun-taon silang bibigyan ng pagkilala at pagpapahalaga alinsunod sa kanilang mga karapatan. Ito ay may layuning magbigay pagkilala at bigyang karangalan ang kanilang karapatan, at pantay na oportunidad. Nararapat nang magkaroon ng pagkakataon para tuldukan ang mga saloobin ng mga mapanghusga sa ating lipunan, lalo na ang mga saloobin tungkol sa mga taong kabilang sa LGBTQIA+. Sa kasalukuyang yugto ng pag-unlad, hindi na dapat magkaroon ng puwang ang mga damdaming ito na nagdudulot ng pag-aalinlangan at panghuhusga sa mga tao batay sa kanilang kasarian. Sa halip, kinakailangang yakapin natin ang bawat isa nang may pantay na pag-unawa at pagpapahalaga.

Huwag kalilimutan! Oktubre 30, 2023 (Lunes), DAPHat Tama, DAPHat Tapat, DAPHNEE Tayong lahat, DAPHNEE VILLANUEVA para SK Kagawad

Ano ang bitbit na plataporma ni SK FREYA CASTRO?

S*X EDUCATION

Ang mga kabataan ay dapat imulat sa pagkakaroon ng kaalaman patungkol sa “S*X EDUCATION”. Isa ito sa mga adbokasiya ko na magkaroon nang pagbubukas ng isip ng ating mga kabataan patungkol sa larangang ito. Naniniwala ako na ang kabataan dapat ay may sapat na kaalaman sa wastong pag gamit ng “condoms” at “contraceptives” lalo na sa family planning. Ayon nga kay Nadine Lustre “C’mon guys it’s 2023”, bago na ang henerasyon naming mga kabataan, kaya’t ninanais ko na maging mulat ang lahat ng kabataan patungkol dito. Nais kong buksan ang kaisipan ng ating mga kabataan patungkol dito, isang mahabang proseso ngunit sa pamamagitan ng social media dito mag uumpisa ang pagkakaroon ng awareness para sa ating mga kabataan patungkol sa larangang ito. Bilang isang kabataan, dapat tayo ay magkaroon ng kamalayan at tamang pagtingin sa responsibilidad nG ating mga gawain. Hangad ko bilang isang tumatakbong SK Kagawad ay maging malawak ang tingin ng lahat patungkol sa S*x Education. Panahon na upang imulat ang KAISIPAN, Panahon na upang magkaroon ng SAPAT na kaalaman.

Huwag kalilimutan! Oktubre 30, 2023 (Lunes), Mula sa pagiging LIDER-ESTUDYANTE, Kasama ng mga kabataan tungo sa pag ABANTE, FREYA CASTRO para SK Kagawad

Ano ang bitbit na plataporma ni SK EYANG USI?

BULLYING

Pangungutya" o "Paninirang puri" ang isa sa kinakaharap na problema nang mga kabataan ngayon, marami ang nananahimik marami ang hindi umiimik sapagkat wala namang nakikinig.
Hindi natin maalis sa isipan ng mga tao ang mangutya at manira ng kapwa nila, hindi natin mapipigilan ang masamang gawain nilang manira sa pisikal na kaanyuan ng isang tao sa pamamagitan ng pag "body shaming" o "face shaming", kaya't maraming kabataan ang nawawalan ng "self confidence" at tiwala sa kanilang mga sarili, maraming kabataan ang hinahayaan lamang ang ganong masamang gawain sapagkat hindi nila alam kung saan sila lalapit at kung may nakikinig ba sakanila, ang pag "body shame" at paninira ng kapwa lalo na sa mga kabataan ay maaring mag dulot ng "depression" at "anxiety" na kapag hindi nasulosyunan at maagapan maaring gumawa sila ng masama laban sa kanilang mga sarili.

Bumangon upang labanan ang pambubully, ito ay isang pribilehiyo ng buhay. Bilang isang kabataan, ako po ang magiging boses ng mga taong walang lakas ng loob na ihayag ang kanilang saloobin. Huwag matakot at ipagsigaw kung ikaw ay na-bully, lahat ng dagok ay maglalaho na.

Huwag kalilimutan! Oktubre 30, 2023 (Lunes), sUSI ng kabataan, kaAKAP sa kinabukasan, siYANG pag-asa, siYANG kaisa, siYANG Maaasahan, EYANG USI para SK Kagawad

Ano ang bitbit na plataporma ni SK KATE MAGSAKAY?

EDUKASYON

Tila naka-ugat na sa atin ang katagang, “Ang edukasyon ang susi sa tagumpay.” Mula pa lamang bata, naririnig na natin ito sa ating mga magulang o g**o, kaya’t alam na nating malaking bahagi ang edukasyon sa ating magiging kinabukasan. Ito ay karapatang dapat makamit ng bawat Pilipino, kaya’t marapat lang na ang bawat isa ay makapag-aral at makapagtapos.

Bilang isang kabataang may pangarap para sa sarili, hangad ko rin na masilayan ang tagumpay ng aking mga kapwa kabataan at maging parte sa pagkamit nito. Ang aking layunin ay makapagbigay oportunidad sa mga mag-aaral, nahihirapang bumalik sa pag-aaral, at mga hindi makapag-aral sa pamamagitan ng financial assistance o scholarships, seminars, at mga training programs kung saan matututo o mahahasa ang kakayanan ng mga kabataan. Kasama rin dito ang pagsasabuhay ng mga aktibidad na may kaugnayan sa kaalaman at kakayahan ng mga mag-aaral, kabilang na rito ang quiz bee, pagsulat ng sanaysay, tula, kanta, atbp., at debate.

Nais kong ipaalala at bigyang diin ang kahalagahan ng edukasyon sa isang indibidwal, at hayaan ang mga kabataang maipamalas ang kanilang ang angking galing at kaalaman. . Hindi man ito ang iisang sagot sa pag-ahon, ngunit para sa akin, hindi lamang ito susi kundi maski ang kamay na tuluyang magbubukas sa pinto patungo sa ating mga pangarap.

Huwag kalilimutan! Oktubre 30, 2023 (Lunes), KATEulong sa pagunlad, KATEuwang ng kabataan sa pagabot ng pangarap, KATE MAGSAKAY para SK Kagawad

Ano ang bitbit na plataporma ni SK JANE SANTIAGO?

Teenage Pregnancy

Ang teenage pregnancy ay inilarawan bilang pagbubuntis ng isang kabataang babae na wala pang dalawampu't taong gulang, anuman o kung siya ay kasal o nasa legal na edad. Ang teenage pregnancy ay isang kontrobersyal na paksa na maaaring makaapekto sa buhay ng isang estudyante. Ang pagbubuntis ng kabataan ay isang mahirap na hamon dahil sa kakulangan sa kasanayan at karanasan pagdating sa pagbubuntis o pagiging magulang. Ang kuryosidad ng teenager ay humahantong sa kanila sa paggawa ng mga pagkakamali na maaaring makapagbigay ng mga problema o disadvantages, kabilang na rito ang mga sumusunod: a) pagkakahinto sa pag-aaral, b) hindi handa sa responsibilidad ng pagiging magulang, c) hindi na-e-enjoy sa kanilang teenager years. Ang teenage pregnancy ay isang malawak na isyu sa panahong ito. Ang kuryosidad, mga problema sa pamilya, at iba pa ay ilan sa mga pangunahing sanhi ng problemang ito. Maiiwasan ang teenage pregnancy kung alam ng mga teenager ang kanilang mga limitasyon at kahihinatnan ng kanilang mga desisyon. Ang mga magulang at tagapag-alaga ay dapat palaging tumuon sa kanilang mga anak at gabayan ang mga ito.

Huwag kalilimutan! Oktubre 30, 2023 (Lunes), Laging nanJANE para sa kabataan, JANE SANTIAGO para SK Kagawad

Ano ang bitbit na plataporma ni SK RICHELYN CUDIA?

HEALTH (Pangkalusugan)
Ang pagkakasakit ay isa sa mga pinaka nakakabahala na bagay na maaaring mangyari sa isang tao. Hindi lamang ito abala, nangangailangan din ito ng pera. Ang pagkakasakit ay hindi naman talaga ito ang problema dahil hindi naman natin ito maiiwasan ngunit ang tunay na problema ay ang pera sa mga gastusin sa pagpapagamot. Sa nakakaalarmang bilang ng mga kabataang Pilipino na walang access sa programang pangkalusugan, ang isa sa aking mga hangarin ay magkaroon ng mas maayos na estatado pagdating sa kalusugan para sa mga kabataan sa pamamagitan ng pagbibigay ng programang Access to Healthcare for the Youth. Ang pagkakaroon ng preventive health services ay may malaking epekto para sa mga kabataan, sa pagkakaroon ng mga ganitong programa maiiwasan natin ang mga health risk factors na maaaring harapin ng mga kabataan.

Huwag kalilimutan! Oktubre 30, 2023 (Lunes), YAMAN sa Kalidad at PUSO sa Kabataan, RICHELYN CUDIA para SK Kagawad

Ano ang bitbit na plataporma ni SK JD SARMEINTO?

EMOTIONAL/PSYCHOLOGICAL ASSESSMENT
WHY EMOTIONAL/PSYCHOLOGICAL ASSESSMENT?

Ano man ang nararamdaman mo, ito ay valid. Sa panahon ngayon, patuloy na dumarami o tumataas ang bilang ng mga nakararanas ng depresyon. Nagsasanhi ito, hindi lamang sa psychological factor ng isang tao, kundi sa pisikal din nitong aspeto, tulad ng kawalan ng gana at marami pang iba. Ayon sa estadistika, karaniwang nakararanas nito ay ang mga kabataan na edad 18-24 years old, at taon - taon ay may 700K na tao sa buong mundo ang nagsusuicide, isang tao kada 40 segundo. Ito ay mahirap mapigilan sapagkat ito ay nangangailangan ng tulong ng mga eksperto, at dahil dito, hindi kami papayag na ilan pa sa mga kabataan ang makarating sa ganitong sitwasyon. Sa tulong ng mga eksperto, tayo ay magkakaroon ng mga seminars para sa awareness ng bawat isa ukol sa topic na ito. Kung bibigyan din ng pagkakataon ay ating ilulunsad ang libreng konsultasyon nang sa gayon ay matutukan ito nang maayos. Handa kami, ang AKAP Kabataan, na pakinggan ang bawat kwento at problema n'yo! Ang bawat nararamdaman mo ay mahalaga! Isang Yakap po na mahigpit! Narito kami, kasama n'yo.

Huwag kalilimutan! Oktubre 30, 2023 (Lunes), Jackpot dito kay JD SARMIENTO, JD SARMIENTO para SK Kagawad

Kilalanin, Kilatisin, at Basahin!

Halina't kilalanin ang mga tao sa likod ng AKAP KABATAAN NG MOJON!
Kilatisin at basahin ang mga hinandang 'biodata' ng mga kabataang handang maglingkod.

Ipinakikilala namin si Joshua Limpo!

Kilalanin, Kilatisin, at Basahin!

Halina't kilalanin ang mga tao sa likod ng AKAP KABATAAN NG MOJON!
Kilatisin at basahin ang mga hinandang 'biodata' ng mga kabataang handang maglingkod.

Ipinakikilala namin si Daphnee Villanueva!