DMW Anti-Illegal Recruitment and Trafficking in Persons Program

News Alert
Migrant Workers Protection Bureau
31 May 2026

𝗦𝘂𝘀𝗽𝗲𝗸 𝘀𝗮 𝗤𝘂𝗮𝗹𝗶𝗳𝗶𝗲𝗱 𝗛𝘂𝗺𝗮𝗻 𝗧𝗿𝗮𝗳𝗳𝗶𝗰𝗸𝗶𝗻𝗴, 𝗮𝗿𝗲𝘀𝘁𝗮𝗱𝗼 𝘀𝗮 𝗽𝗮𝗴𝗱𝗮𝘁𝗶𝗻𝗴 𝗺𝘂𝗹𝗮 𝗖𝗮𝗺𝗯𝗼𝗱𝗶𝗮

𝘗𝘢𝘴𝘢𝘺 𝘊𝘪𝘵𝘺, 𝘗𝘩𝘪𝘭𝘪𝘱𝘱𝘪𝘯𝘦𝘴 — Matagumpay na sinalubong ng Department of Migrant Workers – Migrant Workers Protection Bureau (DMW-MWPB) kasama ang Overseas Workers Welfare Administration (OWWA), Inter-Agency Council Against Trafficking (IACAT), Presidential Anti-Organized Crime Commission (PAOCC), Bureau of Immigration (BI), Criminal Investigation and Detection Group – Cordillera Administrative Region (CIDG-CAR) at Philippine National Police Aviation Security Group Terminal 1 (PNP-AVSE Group T-1) ang pitong (7) Pilipinong biktima ng human trafficking na na-repatriate mula sa Cambodia.

Bandang alas-5:15 ng umaga ngayong Mayo 31, 2026, dumating sa bansa ang mga biktima na agad sumailalim sa kinakailangang proseso at ibat ibang serbisyo ng mga kinauukulang ahensya upang matiyak ang kanilang kaligtasan, kapakanan, at agarang suporta mula sa pamahalaan.

Sa isinagawang processing, isa sa mga na-repatriate na indibidwal na nakilalang si John Lerry Amit ay inaresto ng mga awtoridad matapos mapag-alamang siya ay isang suspek sa kasong Qualified Human Trafficking, alinsunod sa umiiral na warrant of arrest na inilabas laban sa kanya.

Ipinaalam kay Amit ang dahilan ng kanyang pag-aresto at ang kanyang mga karapatang konstitusyonal. Matapos nito, dinala siya sa tanggapan ng PNP-AVSE Group T-1 para sa kaukulang booking procedures at mugshot documentation, bago ihatid para sumailalim sa nararapat na detention at pagdinig ng kanyang kaso.

Patuloy na pinaiigting ng DMW at ng mga katuwang nitong ahensya ang kampanya laban sa illegal recruitment, human trafficking at iba pang anyo ng pagsasamantala sa mga Pilipino sa ibamg bansa. Kasabay nito, nananatiling prayoridad ng pamahalaan ang pagligtas, pagprotekta, at pagbibigay ng kinakailangang tulong sa mga biktima ng illegal recruitment at human trafficking, gayundin ang pagpapanagot sa mga sangkot sa ganitong uri ng krimen.

News Alert
Migrant Workers Protection Bureau

𝗣𝗮𝗻𝗴𝗮𝗸𝗼𝗻𝗴 𝘁𝗿𝗮𝗯𝗮𝗵𝗼 𝘀𝗮 𝗗𝘂𝗯𝗮𝗶, 𝗻𝗮𝘂𝘄𝗶 𝘀𝗮 𝗽𝗮𝗻𝗹𝗼𝗹𝗼𝗸𝗼; 𝟮 𝗶𝗹𝗲𝗴𝗮𝗹 𝗻𝗮 𝗿𝗲𝗰𝗿𝘂𝗶𝘁𝗲𝗿, 𝗮𝗿𝗲𝘀𝘁𝗮𝗱𝗼

𝘎𝘦𝘯𝘦𝘳𝘢𝘭 𝘛𝘳𝘪𝘢𝘴, 𝘊𝘢𝘷𝘪𝘵𝘦 — Sa ikinasang operasyon ng Department of Migrant Workers (DMW), katuwang ang Philippine National Police-Criminal Investigation and Detection Group (PNP-CIDG), agad naaresto kagabi sa General Trias, Cavite ang dalawang hinihinalang ilegal na rekruiter na sina Elmina Hajiruk Jawad alyas “Mau” at Angelina Paridjal Abduhasan alyas “Josh” matapos ireklamo ng kanilang mga biktima dahil sa napakong pangakong trabaho sa Dubai.

Ayon sa reklamo, tatlong aplikante ang pinangakuan umano nina “Mau” at “Josh” ng trabaho bilang nanny sa Dubai na may sahod na 1,600 dirhams kada buwan. Ipinakilala rin umano ng mga suspek na lehitimo ang proseso ng kanilang deployment at sinabing naghihintay na lamang ang mga aplikante ng kanilang pag-alis patungong Dubai.

Gayunman, sa isinagawang beripikasyon ng DMW, napag-alamang walang aprubadong job order para sa Dubai ang recruitment agency na ginagamit ng mga suspek para makapagpadala ng manggagawa sa nasabing bansa. Dahil dito, agad na nagsampa ng reklamo ang mga biktima sa tanggapan ng DMW Migrant Workers Protection Bureau (MWPB) kahapon nang umaga.

Habang ikinakasa ang operasyon laban sa mga suspek, nadiskubre rin ng mga awtoridad ang iba pang mga aplikanteng umano’y nabiktima sa nasabing lugar, dahilan upang agad silang ma-rescue ng mga operatiba.

Kasalukuyang inihahanda ng mga awtoridad ang mga reklamong isasampa laban kina “Mau” at “Josh” kaugnay ng paglabag sa mga batas laban sa illegal recruitment.

Nananawagan ang DMW Migrant Workers Protection Bureau sa iba pang mga biktima nina “Mau” at “Josh” na mangyari lamang na makipag-ugnayan sa pamamagitan ng https://www.facebook.com/dmwairtip upang mabigyan ng libreng tulong legal.

News Alert
Migrant Workers Protection Bureau
14 May 2026

𝗩𝗶𝘀𝗮 𝗖𝗼𝗻𝘀𝘂𝗹𝘁𝗮𝗻𝗰𝘆 𝗻𝗮 𝗻𝗮𝗴-𝗮𝗮𝗹𝗼𝗸 𝗻𝗴 𝗖𝗮𝗿𝗲𝗴𝗶𝘃𝗶𝗻𝗴 𝗝𝗼𝗯𝘀 𝘀𝗮 𝗨𝗦, 𝗶𝗽𝗶𝗻𝗮𝘀𝗮𝗿𝗮 𝗻𝗴 𝗗𝗠𝗪

𝘗𝘢𝘴𝘪𝘨, 𝘗𝘩𝘪𝘭𝘪𝘱𝘱𝘪𝘯𝘦𝘴 — Ipinasara ng Department of Migrant Workers (DMW) sa pangunguna ni Usec Bernard P. Olalia, Undersecretary for Adjudication and Regional Offices, kasama si Asec Jerome A. Alcantara at mga Director ng Migrant Workers Protection Bureau at DMW NCR ang State 101 Travel Visa Consultancy (State 101) alinsunod sa Closure Order No. 12, Series of 2026 matapos itong mahuling ilegal na nag-aalok ng caregiving jobs para sa mga nais magtrabaho sa Amerika.

Ayon sa imbestigasyon, sinasabing may ka-tie up umanong employer sa California, USA ang State 101 at pinapangakuan ang mga aplikante na makakapagtrabaho bilang caregiver gamit lamang ang tourist visa.

Nabisto rin na naniningil ang nasabing consultancy ng processing fee na umaabot sa Php 150,000 kapalit ng trabahong may alok na sahod na USD 1,800 o tinatayang Php 109,800 kada buwan. Ayon pa sa kanilang alok, libre umano ang tirahan at pagkain ng mga manggagawa sa Amerika.

Mahaharap sa kasong illegal recruitment ang corporate officers, directors at mga empleyadong kaugnay sa operasyon ng State 101. Bukod pa rito ay mapapasama rin sila sa DMW List of Persons and Entities with Derogatory Records.

Pinaalalahanan ng DMW ang publiko na hindi maaaring magsagawa ng anumang recruitment activities para sa trabaho abroad ang mga kumpanyang nag-aalok lamang ng visa consultancy services.

Hinihikayat ng DMW ang mga biktima ng State 101 Travel Visa Consultancy na mag-report lamang sa pamamagitan ng [email protected] o sa Facebook na https://www.facebook.com/dmwairtip upang mabigyan ng libreng tulong.

News Alert
Migrant Workers Protection Bureau

𝗢𝗽𝗶𝘀𝗶𝗻𝗮 𝗻𝗮 𝗻𝗮𝗴𝗽𝗮𝗽𝗮𝗸𝗶𝗹𝗮𝗹𝗮 𝗯𝗶𝗹𝗮𝗻𝗴 “𝗽𝗮𝗿𝘁𝗻𝗲𝗿 𝗮𝗴𝗲𝗻𝗰𝘆” 𝗻𝗴 𝗗𝗠𝗪, 𝗶𝗽𝗶𝗻𝗮𝘀𝗮𝗿𝗮

𝘔𝘢𝘯𝘪𝘭𝘢, 𝘗𝘩𝘪𝘭𝘪𝘱𝘱𝘪𝘯𝘦𝘴 — Pinaigiting pa ng Department of Migrant Workers (DMW) ang laban kontra illegal recruitment matapos ipasara ang opisina ng Polaris Manpower and Documentation Services (Polaris) na nagpapakilala bilang isang “partner agency” na may kakayahan umanong magpadala ng mga aplikante para sa trabaho abroad.

Batay sa imbestigasyon, nabisto ang modus ng Polaris kung saan ay patago itong nagsasagawa ng orientation activities bilang umano’y “partner agency” ng DMW sa opisina nito na matatagpuan sa 1653 Tecson Street, Sta. Cruz, Manila upang hindi mahuli ng mga awtoridad. Napag-alaman din na ang umanoy operations manager ng Polaris na kinikilala bilang si Yolanda M. Naag ang nagsasagawa ng nasabing orientation sa mga aplikante.

Napag-alaman rin sa operasyon ang mga alok ng Polaris na trabaho bilang hotel worker, production operator, production packer, at cleaner sa mga bansang Taiwan, New Zealand, Canada, at Finland kapalit umano ng sahod na halagang Php 170,000 hanggang Php 210,000. Naniningil din umano ang Polaris ng halagang Php 260,000 bilang processing fee kung saan nakapaloob aniya rito ang “documentation at visa expenses”.

Walang kaukulang lisensya o awtoridad na magsagawa ng kahit anong recruitment activities ang Polaris para sa anumang trabaho abroad kung kaya’t ibinaba ng DMW ang Closure Order No. 11, Series of 2026 para sa pagpapasara nito.

Pinapaalalahanan naman ng DMW ang publiko na katumbas lamang ng isang buwang ipinangakong sahod ang maaaring singilin bilang placement fee sa mga aplikante para sa trabaho abroad. Hindi rin maaaring maningil ng placement fee sa ilang mga bansa gaya ng New Zealand at Canada.

Mahaharap sa kasong illegal recruitment ang mga taong nasa likod ng operasyon ng Polaris. Higit pa rito ay irerekomenda rin ng DMW na mapasama ang kanilang mga pangalan sa List of Persons and Entities with Derogatory Record.
Hinihikayat ng DMW ang mga biktima ng Polaris na dumulog sa pinakamalapit na opisina ng DMW sa inyong lugar o mag-mensahe sa [email protected] upang makatanggap ng libreng tulong legal.

News Alert
Migrant Workers Protection Bureau

𝗗𝘂𝗯𝗮𝗶 𝗮𝗻𝗴 𝗣𝗮𝗻𝗴𝗮𝗸𝗼, 𝗦𝘆𝗿𝗶𝗮 𝗮𝗻𝗴 𝗕𝗮𝗴𝘀𝗮𝗸: 𝟮 𝗥𝗲𝗸𝗿𝘂𝗶𝘁𝗲𝗿 𝗛𝗶𝗻𝗮𝘁𝘂𝗹𝗮𝗻 𝗻𝗴 𝗣𝗮𝗻𝗴𝗵𝗮𝗯𝗮𝗺𝗯𝘂𝗵𝗮𝘆 𝗻𝗮 𝗣𝗮𝗴𝗸𝗮𝗸𝗮𝗯𝗶𝗹𝗮𝗻𝗴𝗴𝗼 𝘀𝗮 𝗸𝗮𝘀𝗼𝗻𝗴 𝗜𝗹𝗹𝗲𝗴𝗮𝗹 𝗥𝗲𝗰𝗿𝘂𝗶𝘁𝗺𝗲𝗻𝘁, 𝗛𝘂𝗺𝗮𝗻 𝗧𝗿𝗮𝗳𝗳𝗶𝗰𝗸𝗶𝗻𝗴

𝘋𝘢𝘦𝘵, 𝘊𝘢𝘮𝘢𝘳𝘪𝘯𝘦𝘴 𝘕𝘰𝘳𝘵𝘦 — Isang matinding dagok laban sa illegal recruitment at trafficking in persons ang naitala ng DMW matapos hatulan ng Regional Trial Court Branch 38 sa Daet, Camarines Norte sina Praxedes Orpiana a.k.a. “Ched Llamera” at Jinky Aglibot dahil sa pagre-recruit at pagpapadala sa isang Pilipina sa Syria, kahit may umiiral na deployment ban. Sa desisyong may petsang Marso 27, 2026, pinatawan ang dalawa ng life imprisonment at multang ₱5 milyon sa trafficking case, bukod pa sa hiwalay na parusa sa iba pang kaso.

Batay sa consolidated judgment, pinangakuan umano ng mga nasabing rekruiter ang kanilang biktima ng trabaho sa bansang Dubai bilang domestic helper kapalit ng sahod na halagang USD350. Ngunit, hindi umano nagtrabaho ang biktima sa Dubai at bagkus ay napunta sa Syria kung saan kasalukuyang ipinatutupad ng Department of Migrant Workers (DMW) ang total deployment ban o pagbabawal laban sa pagpapadala ng mga aplikante para magtrabaho sa nasabing bansa.

Base sa testimonya ng biktima, bago pa siya makarating ng Syria, ang kanyang ticket palabas ng bansa ay naglalaman ng itinerary patungo sa Kuala Lumpur, Malaysia; Colombo, Sri Lanka; Bahrain, at Damascus, Syria. Nang siya ay makarating ng Syria, agad siyang pinigilan ng isang immigration officer na umalis habang hinihintay ang susundo sa kanya na isang hindi pinangalanang tao sabay nag-abot umano ng pera sa nasabing immigration officer.

Matapos makalaya ay dinala siya nito sa bahay ng kanyang employer kung saan siya ay pinapirma ng nasabing employer ng kontrata na tanging USD150 lamang ang kanyang sasahurin, taliwas sa sahod na ipinangako ng kanyang mga rekruiter. Maliban pa sa mababang pasahod ay mabigat din umano ang trabahong ibinibigay sa kanya sa bahay ng employer at limitado ang kanyang galaw sapagkat kinuha rin nito ang kanyang passport.

Nananawagan ang DMW Migrant Workers Protection Bureau sa iba pang mga biktima nina Praxedes Orpiana a.k.a Ched Llamera at ni Jinky Aglibot na mangyari lamang na makipag-ugnayan sa pamamagitan ng https://www.facebook.com/dmwairtip upang mabigyan ng libreng tulong legal.

Press Release
Migrant Workers Protection Bureau

𝗔𝗠𝗟𝗖 𝗱𝗲𝗽𝘂𝘁𝗶𝘇𝗲𝘀 𝗳𝗼𝘂𝗿 𝗯𝗮𝘁𝗰𝗵𝗲𝘀 𝗼𝗳 𝗗𝗠𝗪 𝗳𝗶𝗻𝗮𝗻𝗰𝗶𝗮𝗹 𝗶𝗻𝘃𝗲𝘀𝘁𝗶𝗴𝗮𝘁𝗼𝗿𝘀 𝘁𝗼 𝘀𝘁𝗿𝗲𝗻𝗴𝘁𝗵𝗲𝗻 𝗳𝗶𝗴𝗵𝘁 𝗮𝗴𝗮𝗶𝗻𝘀𝘁 𝗶𝗹𝗹𝗲𝗴𝗮𝗹 𝗿𝗲𝗰𝗿𝘂𝗶𝘁𝗺𝗲𝗻𝘁, 𝘁𝗿𝗮𝗳𝗳𝗶𝗰𝗸𝗶𝗻𝗴

𝘗𝘩𝘪𝘭𝘪𝘱𝘱𝘪𝘯𝘦𝘴 — In a significant move to strengthen the government’s crackdown on transnational crimes affecting Overseas Filipino Workers (OFWs), the Anti-Money Laundering Council (AMLC) has formally deputized four batches of financial investigators from the Department of Migrant Workers (DMW).

The formal deputization ceremonies, held in Ortigas, Pampanga, Cebu City, and Koronadal, mark a crucial expansion of the DMW’s enforcement capabilities. Under this initiative, the newly authorized financial investigators are now empowered to conduct specialized money laundering investigations predicated on the crimes of illegal recruitment and human trafficking. This authority to conduct financial investigation aligns directly with the Department’s core mandate to combat these exploitative schemes and steadfastly protect the rights and welfare of Filipino Migrant Workers.

This collaborative framework ensures that investigations are conducted with the high level of technical expertise, effectively tracing the illicit financial flows that fuel illegal recruitment and trafficking in persons syndicates.

“This deputation is a game-changer in our pursuit of justice for our modern-day heroes,” said DMW Secretary Hans Leo J. Cacdac. “We are no longer just going after the criminals, we are dismantling the financial infrastructure that allows them to prey on our OFWs.”

The initiative is in line with the directive of President Ferdinand “Bongbong” Marcos Jr. for all government agencies to actively support the Philippines national anti-money laundering strategy.

The deputization of four batches of investigators builds on the initial success of the program, significantly expanding the DMW’s reach and strengthening its capacity to combat illegal recruitment and trafficking in persons.