Bagong Gintlo (2026)

06/08/2026

𝐋𝐚𝐦𝐞𝐬, 𝐧𝐚𝐦𝐚𝐲𝐚𝐠𝐩𝐚𝐠 𝐬𝐚 𝐭𝐚𝐛𝐥𝐞 𝐭𝐞𝐧𝐧𝐢𝐬 𝐤𝐨𝐧𝐭𝐫𝐚 𝐌𝐨𝐧𝐭𝐚ñ𝐨; 𝐮𝐮𝐬𝐚𝐝 𝐬𝐚 𝐌𝐀𝐀 𝐌𝐞𝐞𝐭

Dinaig ng Baitang 7 - Green Wolves na si Ethan Lames ang kontrang si Arc Daniel Montaño ng Baitang 12 - Purple Wild Cats nang itarak ang 11-6,11-5,11-4 na panalo sa Men's Singles Secondary Table Tennis sa Intramurals 2026 ng Matanao National High School (MNHS) upang makamit ang susi patungong Municipal Athletic Association (MAA) Meet na ginanap sa JHS Campus,kamakailan.

Nagpasiklab ng sunod-sunod na spike si Lames sa unang set dahilan upang matipon ang 11-6 iskor kaya napasakamay ang momentom ng laro.

Ayon sa Batang Pinoy Gold Medalist,nakaramdam siya ng pressure dahil maraming tagahanga si Montaño at libangan lamang niya ang paglalaro nito.

Kumamada ng sunod-sunod na spike si Lames sa unang set ng laro upang madiskaril sa Montaño at upang mabulsa ang momentum.

Samantala, nagpupumilit na umariba si Montaño ng atake ngunit bigo pa rin itong lupigin si Lames sa unang set ng laro.

Sumusyo ng matinding spike si Lames sa pangalawang set upang masamantala ang momentum ng laro kaya natuhog ang 11-5 iskor.

Nangibabaw ang mabagsik na spike at attack ni Lames sa panghuling set dahilan kaya nanlalata ang kalidad ng laro ni Montaño na ibinida.

"Excited ko at the same time kay nakulbaan and akong parents ang akong inspiration para ani na dula," ani ni Montaño.

Kamakailan lang,nag-uwi ng gintong medalya si Lames sa kakatapos na Batang Pinoy upang maiangat ang pangalan ng Matanao.

Aabante patungong MAA Meet si Lames sa paparating sa Agosto 15-16,2026 sa kaniyang susunod na laban. #

✍️: 𝑴𝒉𝒐𝒏𝒂 𝑱𝒆𝒂𝒏 𝑹. 𝑵𝒂𝒔𝒂𝒓𝒂 || ᴛᴀɢᴀꜱᴜʟᴀᴛ ɴɢ ʙᴀʟɪᴛᴀɴɢ ᴘᴀᴍᴘᴀʟᴀᴋᴀꜱᴀɴ

06/08/2026

𝐈𝐍𝐔𝐆𝐎𝐍𝐆 𝐀𝐍𝐆 𝐒𝐄𝐑𝐎
𝐏𝐮𝐫𝐩𝐥𝐞 𝐖𝐢𝐥𝐝 𝐂𝐚𝐭𝐬, 𝐩𝐢𝐧𝐚𝐭𝐚𝐨𝐛 𝐚𝐧𝐠 𝐎𝐫𝐚𝐧𝐠𝐞 𝐁𝐥𝐚𝐳𝐢𝐧𝐠 𝐓𝐢𝐠𝐞𝐫𝐬 𝐬𝐚 𝐭𝐚𝐤𝐫𝐚𝐰; 𝐚𝐚𝐫𝐚𝐧𝐠𝐤𝐚𝐝𝐚 𝐬𝐚 𝐌𝐀𝐀 𝐌𝐞𝐞𝐭

Nagpasiklab ang Purple Wild Cats laban sa Orange Blazing Tigers nang ipinalutang ang 15-12, 15-8 panalo sa Sepak Takraw Men's Secondary sa Intramurals 2026 ng Matanao National High School (MNHS) upang maagaw ang pwesto sa Municipal Athletic Association (MAA) Meet na ginanap sa Old Gymnasium,kamakailan.

Isinulong ni Jey-ar Tabar Albuena ang umaalingawngaw na spike sa Orange Blazing Tigers para umangat ang Purple Wild Cats dahilan upang manaig sa unang set.

Ayon kay Nelyma Rose Pantojan,coach ng Purple Wild Cats,nagbunga ang araw-araw na ensayo ng mga manlalaro niya at nanging daan ito sa kanilang tagumpay.

Umugong ang matinding spike ni Albuena kasabay ang mainam na serve ni Neovan Clerk Ordaneza sa unang set ng laro upang maangkin ang momentum ng Purple Wild Cats.

Tumalbog din ang attack ni Roy Casas para matarak ang pangunguna ng Purple Wild Cats sa unang set.

Samantala, nagpakitang-gilas din sina Arch Jethro Tejada,Noah Macias,at Mc River ng mahusay na serve at attack ngunit kapos pa rin ito upang patumbahin ang Purple Wild Cats.

Patuloy na dinudurog ng Purple Wild Cats ang Orange Blazing Tugers sa pangalwang set dahilan upang maangkin ang panalo patungong MAA Meet.

"Kulang mi ug ball control and receiving of ball tas we are aiming for more practice sab,"wika ni Reymark Torres, coach ng Orange Blazing Tigers.

Aabante sa MAA Meet ang Purple Wild Cats para sa kanilang susunod na laban. #

✍️: 𝑴𝒉𝒐𝒏𝒂 𝑱𝒆𝒂𝒏 𝑹. 𝑵𝒂𝒔𝒂𝒓𝒂 || ᴛᴀɢᴀꜱᴜʟᴀᴛ ɴɢ ʙᴀʟɪᴛᴀɴɢ ᴘᴀᴍᴘᴀʟᴀᴋᴀꜱᴀɴ

09/03/2026

𝐓𝐈𝐍𝐆𝐍𝐀𝐍 | 𝐃𝐢𝐞𝐳, 𝐬𝐢𝐧𝐢𝐫𝐢𝐭 𝐚𝐧𝐠 𝐩𝐚𝐧𝐚𝐥𝐨 𝐬𝐚 𝐚𝐭𝐡𝐥𝐞𝐭𝐢𝐜𝐬 𝐧𝐠 𝐃𝐀𝐕𝐑𝐀𝐀; 𝐚𝐚𝐛𝐚𝐧𝐭𝐞 𝐬𝐚 𝐤𝐚𝐮𝐧𝐚-𝐮𝐧𝐚𝐡𝐚𝐧𝐠 𝐏𝐚𝐥𝐚𝐫𝐨𝐧𝐠 𝐏𝐚𝐦𝐛𝐚𝐧𝐬𝐚 𝐧𝐠 𝐌𝐚𝐭𝐚𝐧𝐚𝐨 𝐍𝐇𝐒

Humataw si Dexter Diez sa Secondary Boys Athletic 110 meter hurdle ng Davao Regional Athletic Association Meet (DAVRAA) 2026 nang iposte ang 14.96 segundo sa pilak na medalya upang mabulsa ang susi sa kauna-unahang Palarong Pambansa ng Matanao National High School (MNHS) na idinaros sa Davao del Norte Sports Complex nitong ika-24 ng Pebrero.

Bumirada ang matibay na sprint at rhythm ni Diez sa karerahan para makartada ang panalo sa podium.

"Rhythm gyud ang akong gihatag para madaug ko,"wika ni Diez.

"Nalipay ug naexcited ko nga nakakuha ko ug medal sa DAVRAA,"dagdag pa niya.

Bumwelo ang matinding speed at rhythm ni Diez sa kalagitnaan ng karerahan patungong finish line upang madismaya ang mga kontra na lumalaban.

Samantala, inukit naman ng pambato ng Davao del Norte ang ginto at tansong medalya sa 110 meter hurdle.

Nakasungkit ang kampeon ng karangalan sa Matanao NHS nang masusyo ang pinakauna na Palarong Pambansa sa athletics secondary boys.

Nagpakitang gilas din si Joel Saranillo sa 48-50 Bantamweight Taekwondo Secondary Boys at Audrie Antonette Abania sa 46-49kls Featherweight Taekwondo Secondary Girls dahilan kaya naiuwi ang tansong medalya.

Ibinida ng kampeon ang kauna-unahang gintong medalya sa ginanap na Batang Pinoy 2025 upang makakolekta ng panalo para sa Matanao NHS.

"Naningkamot gyud ug taman si Dexter, nagtraining ug maayo,unya confident at first sa dula. And compare sauna mas better ang dula ni Dexter ron,"ani ni Jun Rey Fiel, coach ni Dexter.

"Nag summer training si Dexter para ma improve ang indurance ug leg power niya. Tas naa sab miy ginasunod nga training program para sa mga athletes,long term ang training ni Dexter walay pahulay," sabi ni Earl Herson B. Laput, trainer ni Dexter.

Aarangkada naman sa Palarong Pambansa si Diez sa susunod na karerahan sa Agusan del Sur.

✍️: 𝑴𝒉𝒐𝒏𝒂 𝑱𝒆𝒂𝒏 𝑹. 𝑵𝒂𝒔𝒂𝒓𝒂 || ᴛᴀɢᴀꜱᴜʟᴀᴛ ɴɢ ʙᴀʟɪᴛᴀɴɢ ᴘᴀᴍᴘᴀʟᴀᴋᴀꜱᴀɴ
🖼️: 𝑲𝒊𝒎 𝑹𝒉𝒊𝒂𝒏𝒂 𝑩𝒓𝒊𝒆𝒕𝒂 || ᴘᴜɴᴏɴɢ ᴘᴀᴛɴᴜɢᴏᴛ
📷 Courtesy: 𝑬𝒂𝒓𝒍 𝑯𝒆𝒓𝒔𝒐𝒏 𝑩. 𝑳𝒂𝒑𝒖𝒕

23/02/2026

𝗧𝗜𝗡𝗚𝗡𝗔𝗡 || 𝐌𝐚𝐭𝐚𝐧𝐚𝐨 𝐍𝐇𝐒 𝐬𝐭𝐮𝐝𝐞𝐧𝐭 𝐣𝐨𝐮𝐫𝐧𝐨, 𝐛𝐚𝐜𝐤-𝐭𝐨-𝐛𝐚𝐜𝐤 𝐜𝐡𝐚𝐦𝐩𝐢𝐨𝐧 𝐬𝐚 𝐒𝐜𝐢𝐓𝐞𝐜𝐡; 𝐩𝐚𝐬𝐨𝐤 𝐬𝐚 𝐍𝐒𝐏𝐂

Nagkamit ng panibagong tagumpay ang Matanao National High School (MNHS) matapos masungkit ni Marvin C. Evangelista ang unang puwesto sa Pagsulat ng Artikulong Agham at Teknolohiya (SciTech) sa Regional Schools Press Conference (RSPC) noong Hunyo 26–28, 2026, na nagbigay sa kanya ng back-to-back regional title at muling pagkakataon para sa National Schools Press Conference (NSPC).
‎
‎Itinuring ang panalo bilang ikalawang sunod na kampeonato ni Evangelista sa parehong kategorya matapos din niyang makuha ang unang puwesto sa RSPC noong nakaraang taon, na nagpapatibay sa kanyang consistent na pagganap sa larangan ng science journalism.
‎
‎Matatandaang noong NSPC 2025, nagtapos siya bilang ikatlong puwesto sa nasabing kategorya, na inaasahang maitataas niya sa kanyang pagbabalik sa pambansang kompetisyon ngayong taon.
‎
‎“I want to surpass my previous performance and give my best in aiming for the gold at this year’s NSPC,” ani Evangelista kaugnay ng kanyang paghahanda para sa nalalapit na patimpalak.
‎
‎Ayon sa kanyang coach na si G. Adrian H. Pansacala, ang consistency ni Evangelista sa SciTech Writing ay bunga ng disiplina, matibay na pundasyon sa pananaliksik, at kakayahang ipaliwanag ang komplikadong konseptong pang-agham sa malinaw at organisadong paraan.
‎
‎Bukod sa kanyang panalo, nagkamit din ng ikalawang puwesto si Kim Rhiana Brieta sa Pagsulat ng Editoryal, habang si Jilian Mae C. Quisil ay nagtapos bilang ikalawang puwesto sa Pagwawasto ng Sipi at Pag-uulo ng Balita.
‎
‎Kwalipikado naman sa ikalawang round sina Eloiza Villanueva sa Editorial Writing at Althea Monique R. Lames sa Pagsulat ng Balita matapos makapasa sa unang yugto ng kompetisyon.
‎
‎Lumahok din sina Mhona Jean Nasara sa Pagsulat ng Balitang Pampalakasan, Princess Garcia sa Editorial Cartooning, at Jeamiah Bhoynn O. Gomez sa Pagkuha ng Larawang Pampahayagan bagama’t hindi nakapuwesto sa kani-kanilang kategorya.
‎
‎Gaganapin ang National Schools Press Conference sa Ormoc City, Leyte sa darating na Abril 13 hanggang 17 ng taon kung saan muling kakatawan si Evangelista sa MNHS at sa Davao del Sur bilang bahagi ng delegasyon ng Region XI at lalaban sa mga pinakamahusay na campus journalist sa bansa.

✍️: 𝑨𝒍𝒕𝒉𝒆𝒂 𝑴𝒐𝒏𝒊𝒒𝒖𝒆 𝑳𝒂𝒎𝒆𝒔 || ᴛᴀɢᴀꜱᴜʟᴀᴛ ɴɢ ʙᴀʟɪᴛᴀ
🖼️: 𝑲𝒊𝒎 𝑹𝒉𝒊𝒂𝒏𝒂 𝑩𝒓𝒊𝒆𝒕𝒂 || ᴘᴜɴᴏɴɢ ᴘᴀᴛɴᴜɢᴏᴛ

29/10/2025

𝗣𝗔𝗡𝗜𝗧𝗜𝗞𝗔𝗡 𝗡𝗚 𝗟𝗜𝗡𝗚𝗚𝗢: 𝗟𝗔𝗧𝗛𝗔𝗟𝗔𝗜𝗡 | 𝗦𝘂𝗺𝗶𝘀𝗶𝗯𝗼𝗹 𝗻𝗮 𝗯𝘂𝗹𝗮𝗸: 𝗣𝗮𝗴𝗱𝗶𝗿𝗶𝘄𝗮𝗻𝗴 𝗻𝗴 𝗺𝗮𝗹𝗮𝘄𝗮𝗸𝗮𝗻𝗴 𝗽𝗮𝗴𝗸𝗶𝗹𝗮𝗹𝗮 𝘀𝗮 𝗽𝗮𝗺𝗮𝗺𝗮𝗺𝗮𝗴𝗶𝘁𝗮𝗻 𝗻𝗴 𝗠𝗼𝗱𝗮 𝗞𝘂𝗹𝘁𝘂𝗿𝗮

ℳaihahalintulad sa isang bagong sibol na bulak ang panibagong yugto para sa Indigenous People (IP) na Moda Kultura na nagbabahagi ng mga kasuotang siyang nagbibigay-daan sa pandaigdigang pagkilala sa sustainable materials at slow fashion na yamang sinulid na pamana habang inirereserba ang namumulaklak nilang kultura.

Sa isang entablado na may palamuting sumasalamin sa makulay at masining na disenyo ng mga katutubong tela, ipinakita ng bayan ng Matanao ang isang bisyon na nag-uugnay sa sinaunang sining ng paghahabi at sa makabagong mundo ng kalakalan. Ito ang Gintlong Fashion Show na nagbigay-pugay sa tradisyonal na paghahabi at direktang pagsuporta sa mga Indigenous Peoples (IPs) sa pagtataguyod at pagpapanatili ng kanilang tradisyon na inaasahang magiging pangunahing puwersa sa ekonomiya at turismo ng bayan.

Layunin nito'y hindi lamang ang pag-iwas sa pagkalimot sa sining, kundi ang pagpapaunlad ng domestic at global na pagpapahalaga para sa mga handwoven na tela, na sumusuporta sa "slow fashion"na isang kilusan na nagpapahalaga sa kalidad, etikal na produksiyon, at pagpapanatili kaysa sa mass-produced na damit.

Upang buhayin at palakasin ang industriya, ang Matanao ay nakakatanggap ng suporta mula sa iba't ibang ahensiya ng gobyerno at lokal na pamahalaan (LGU). Kasama rito ang DTI, DOST-PTRI, at ang pagtatatag ng Shared Service Facilities (SSF) at mga Weaving Hubs sa mga piling lugar ng Matanao.
Bagamat kilala ang tribo sa paghahabi ng Tabih gamit ang abaca, binibigyang-diin din sa Matanao ang tela na Gintlo.

Ipinapakita ng mga datos na malaki ang potensyal ng textile industry. Ayon sa datos ng Matanao Tourism, ang textile exports noong Enero 2025 ay tumalon ng 36% year-on-year, mula sa humigit-kumulang US$17.82 milyon tungo sa US$24.26 milyon. Ang kabuuang laki ng textile market naman ay tinatayang US$56.70 milyon noong 2024 at inaasahang lalago pa sa US$75.20 milyon pagsapit ng 2033, na may compound annual growth.

Sa kabila ng pagiging "nasa maagang yugto" pa lamang, ang industriya ng paghahabi ng Matanao ay nagtataglay ng malaking potensyal bilang isang sustainable na kabuhayan at isang mahalagang tourism driver. Sa pamamagitan ng Moda Kultura at patuloy na suporta, ang tradisyonal na sining ng B'laan sa paghahabi ay magiging pamana sa buong mundo na siyang namumulaklak.

Nagpapatunay ang programang Moda Kultura na sumisibol ang tinatangkilik ng mga IP na kultura.

✒️: 𝙈𝙞𝙨𝙨𝙮 𝙀𝙣𝙘𝙖𝙡𝙡𝙖𝙙𝙤
📸: 𝙈𝙖𝙩𝙖𝙣𝙖𝙤 𝙏𝙤𝙪𝙧𝙞𝙨𝙢
🖼️: 𝙆𝙞𝙢 𝙍𝙝𝙞𝙖𝙣𝙖 𝘽𝙧𝙞𝙚𝙩𝙖

27/10/2025

TINGNAN: Mga larawang kuha ni photojournalist Gomez sa Pagdiriwang ng Buwan ng Wika noong Agosto 2025.

09/09/2025

𝗧𝗜𝗡𝗚𝗡𝗔𝗡 | 𝐆𝐫𝐚𝐝𝐞 𝟏𝟐, 𝐍𝐚𝐧𝐠𝐮𝐧𝐚 𝐬𝐚 𝐈𝐧𝐭𝐫𝐚𝐦𝐮𝐫𝐚𝐥𝐬 𝟐𝟎𝟐𝟓 𝐌𝐞𝐝𝐚𝐥 𝐓𝐚𝐥𝐥𝐲;𝐆𝐫𝐚𝐝𝐞 𝟖 𝐖𝐚𝐠𝐢 𝐬𝐚 𝐌𝐨𝐬𝐭 𝐃𝐢𝐬𝐜𝐢𝐩𝐥𝐢𝐧𝐞 𝐀𝐰𝐚𝐫𝐝

Grade 12,Nanguna sa Intramurals 2025 Medal Tally;Grade 8 Wagi sa Most Disciplined Award

MATANAO,Davao del Sur — Pinatunayan ng Grade 12 ang kanilang lakas matapos manguna sa Intramurals 2025 Medal Tally ng Matanao National High School na opisyal na inanunsyo sa isinagawang flag ceremony nitong ika-15 ng Septyembre,kasabay ng Kick-Off ng Teachers’ Day Celebration na ginanap sa Matanao National High School(MNHS).

Sa tala ng medal count,nanguna ang Grade 12 na may 55 medalya (30 ginto, 17 pilak,at 8 tanso). Sumunod dito ang Grade 10 na may 52 medalya (21 ginto,17 pilak,at 14 tanso),habang pumangatlo ang Grade 11 na nagtala ng 47 medalya(16 ginto,20 pilak,at 11 tanso).

Pumang-apat sa medal tally ang Grade 8 na may 46 medalya(15 ginto,19 pilak,at 12 tanso),sinundan ng Grade 9 na may 33 medalya(7 ginto,8 pilak,at 18 tanso)at Grade 7 na may 27 medalya(4 ginto,7 pilak,at 16 tanso).

Samantala,iginawad din ang Most Disciplined Award kung saan itinanghal ang Grade 8 bilang Top 1,sinundan ng Grade 7 bilang Top 2,at Grade 10 bilang Top 3.

Sa kabuuan, naging makulay at matagumpay ang pagwawakas ng Intramurals 2025 na hindi lamang nakatuon sa tagisan ng galing sa sports kundi pati na rin sa pagpapalaganap ng disiplina, pagkakaisa, at sportsmanship sa buong komunidad ng Matanao NHS.

✒️: 𝙈𝙝𝙤𝙣𝙖 𝙉𝙖𝙨𝙖𝙧𝙖
🖼: 𝙅𝙖𝙞𝙧𝙖 𝘼𝙫𝙞𝙡𝙖

06/09/2025

𝗧𝗜𝗡𝗚𝗡𝗔𝗡 | 𝐁𝐞𝐧𝐥𝐨𝐭, 𝐮𝐦𝐚𝐫𝐚𝐧𝐠𝐤𝐚𝐝𝐚 𝐬𝐚 𝐦𝐚𝐝𝐢𝐤𝐢𝐭𝐚𝐧𝐠 𝐥𝐚𝐫𝐨 𝐤𝐨𝐧𝐭𝐫𝐚 𝐘𝐞𝐥𝐥𝐨𝐰 𝐂𝐡𝐞𝐞𝐭𝐚𝐡 𝐩𝐚𝐫𝐚 𝐬𝐚 𝐑𝐞𝐝 𝐁𝐮𝐥𝐥𝐬;𝐚𝐚𝐫𝐚𝐧𝐠𝐤𝐚𝐝𝐚 𝐬𝐚 𝐃𝐢𝐬𝐭𝐫𝐢𝐜𝐭 𝐌𝐞𝐞𝐭

MATANAO,Davao del Sur - Pinayuko ng Grade 9 Red Bulls ang kontrang Grade 8 Yellow Cheetah ng maglatag ng kontrol sa bola si Jelavebs O. Benlot upang maitarak ang 4-3 panalo sa gitgitang laro dahilan para mamayagpag sa Girls Futsal Championship Intramurals 2025 na ginanap sa Matanao National High School(MNHS) Old Gym,kamakailan.

Ibinida ni Benlot ang nagsusumiklab na dribbling sa bola upang pangunahan ang unang half ng laro para ngumiyaw ang 3-2 kalamangan.

Ayon kay Armando C. Prado Jr.,coach ng Red Bulls,na ang pagsasanay ng kaniyang mga atleta ay constant lang,disiplina ang ginawa sa court para manalo at binuo muna nila ang kanilang skills at strategies bago sumabak sa laro.

Nagpakitang gilas si Benlot ng mag-ambag ng heading sa bola dahilan para manghina ang Yellow Cheetah sa unang half ng laro upang makamit ang 2-1 kalamangan.

Samantala,nagsumiklab naman si Blessy S. Maravillas ng Yellow Cheetah nang bumirada ito ng nanlalatang ball control na bigong depensahan ng Red Bulls.

Ngunit,inungusan naman agad ito ng Red Bulls ng mga passing at receiving na estilo para malasap ang 3-2 kalamangan sa laro.

Ipinoste ni Benlot ang kanyang balanse sa bola agad-agad upang mapatumba ang Yellow Cheetah sa pangalawang half ng laro para pukulin ang 4-3 panalo sa laro.

"Positive lang ang huna-huna namo permi,gihimo gyud namo among best para madaug and warm-up ug jogging gyud among ginabuhat bago musabak sa among dula," wika ni Benlot,Team Captain ng Red Bulls.

"Need to improve training habits,set goals,and improving their playing stategies ang need sa akong mga athletes. Also, proper nutrition sa player to sustain healthy body and strong," ani ni Gaiza Jane Cosare,coach ng Yellow Cheetah.

"Pray and be humble sa dula ang among gibuhat," pag-amin ni Maravillas,Team Captain ng Yellow Cheetah

Nagpakatatag naman sa Davao del Sur Division Athletic Association(DAVSURDAA)ang Red Bulls nitong nakaraang taon ngunit bigong bulsahin ang korona papauwi.

Maghahanda naman sa paparating na laro sa District Meet ang Red Bulls upang mangwasak ulit. #

✒️: 𝙈𝙝𝙤𝙣𝙖 𝙉𝙖𝙨𝙖𝙧𝙖
🖼: 𝙅𝙖𝙞𝙧𝙖 𝘼𝙫𝙞𝙡𝙖

12/08/2025

𝗧𝗜𝗡𝗚𝗡𝗔𝗡 | 𝐇𝐔𝐆𝐍𝐀 𝟐𝟎𝟐𝟓, 𝐁𝐈𝐍𝐔𝐊𝐒𝐀𝐍 𝐒𝐀 𝐌𝐀𝐓𝐀𝐍𝐀𝐎 𝐍𝐀𝐓𝐈𝐎𝐍𝐀𝐋 𝐇𝐈𝐆𝐇 𝐒𝐂𝐇𝐎𝐎𝐋

Binuksan sa kauna-unahang pagkakataon sa Matanao National High School ang “HUGNA: Municipal-Wide Linggo ng Kabataan (LNK) 2025,” Agosto 12, bilang pormal na pagsisimula ng mga serye ng programa at gawain ng Sangguniang Kabataan(SK) ng Matanao.

Pinili ang MNHS bilang kick-off venue ng flagship event na dinaluhan ng mga kinatawan mula sa iba’t ibang pampubliko at pribadong sekundaryang paaralan sa buong munisipalidad.

Dinaluhan at pinangunahan ang programan ni Municipal at Provincial SK President Hon. Justin Adrian Siao, Mary Grace O. Santos, Dr. Elizabeth Bernaldez (PSDS), Hon. Liezel Dalumatan (LYDO Head), Ms. Angela Bayarcal (LYDO Program Local), at Youth Focal Person, panauhing pandangal.

Nilahukan ang programa ng mga student-leaders mula sa Bangkal NHS, Sinawilan NHS, New Katipunan NHS, Holy Cross of Matanao, at Matanao NHS.

Dagdag pa rito, tinalakay ng mga tagapagsalita ang mga isyu sa mental health, kamalayan sa HIV at AIDS, pag-iwas sa ilegal na droga, at ang mahalagang papel ng kabataan sa bolunterismo bilang bahagi ng pagpapaunlad ng komunidad.

Tampok sa programa ang "Dagyaw para sa Kabataan-onan," isang open forum na nagbigay-daan sa mga kabataang lider mula sa iba’t ibang paaralan na magtanong, magpahayag ng saloobin, at magmungkahi ng mga solusyon.

Binigyang-diin ng mga tagapagsalita ang kahalagahan ng patuloy na pakikiisa ng kabataan sa mga inisyatiba ng SK upang mas maging epektibo ang pagpapatupad ng mga proyekto sa kani-kanilang komunidad.

✒️ : 𝘼𝙡𝙩𝙝𝙚𝙖 𝙈𝙤𝙣𝙞𝙦𝙪𝙚 𝙍. 𝙇𝙖𝙢𝙚𝙨
🖼 : 𝙅𝙖𝙞𝙧𝙖 𝘾. 𝘼𝙫𝙞𝙡𝙖

25/07/2025

𝗣𝗔𝗡𝗜𝗧𝗜𝗞𝗔𝗡 𝗡𝗚 𝗟𝗜𝗡𝗚𝗚𝗢: 𝗘𝗗𝗜𝗧𝗢𝗥𝗬𝗔𝗟 | 𝐌𝐚𝐤𝐮𝐥𝐚𝐲 𝐚𝐧𝐠 𝐇𝐮𝐥𝐲𝐨, 𝐏𝐞𝐫𝐨 𝐆𝐮𝐭𝐨𝐦 𝐚𝐧𝐠 𝐓𝐨𝐭𝐨𝐨

Tuwing Hulyo ginaganap ang Nutrition Month, nagiging makulay ang mga paaralan. May poster-making, parade, at masisiglang slogan tungkol sa wastong pagkain. Ngunit sa likod ng kasiyahan, nananatiling gutom ang libo-libong mag-aaral. Walang slogan ang kayang punan ang nagugutom na sikmura. Dapat pahahalagahan pa rin ang nutrisyon ng bawat estudyante higit pa sa buwan ng nutrisyuon.

Sinusubukan naman ng Department of Education (DepEd) na magawa ito sa pamamagitan ng School-Based Feeding Program (SBFP) na ayon sa kanilang datos, may mahigit 4.3 milyong mag-aaral ang nakikinabang noong 2023. Layunin nitong tugunan ang kagutuman at tulungan ang mga batang undernourished na magkaroon ng mas maayos na konsentrasyon sa pag-aaral. Nakakatulong ito sa mga piling estudyante, ngunit hindi lahat ng nangangailangan ay nakatatanggap.

Samantala, ayon sa FNRI 2021 Expanded National Nutrition Survey nananatiling isa sa bawat tatlong batang Pilipino ay stunted o bansot. Dagdag pa rito, lumabas sa UNICEF Philippines report na may 13.6 million Filipinos ang nakakaranas ng “involuntary hunger” noong 2023, karamihan sa kanila ay mga bata. Sa mga datos na ito, makikitang kulang na kulang pa rin ang pagsisikap ng sistema, at kinakailangan nitong palaguin.

Sa kabilang dako, ang Department of Social Welfare and Development (DSWD) ay may mga regular na feeding programs at supplementary feeding para sa mga daycare centers sa iba't ibang rehiyon. Bukod sa mga ito, maraming LGUs ang nagsasagawa ng buwanang feeding, gulayan sa paaralan, at information drives na umaabot kahit sa labas ng Nutrition Month. Subalit hindi lahat ng sulok ng Pilipinas ang nakararanas ng mga ito. Hindi lahat ang nakakakain ng wasto.

Sa mga lugar na may SBFP, maraming paaralan ang kulang sa pondo, kulang sa pagkain, at hindi sapat ang saklaw ng benepisyaryo. Sa madaling salita, maganda sa papel, pero sablay sa implementasyon. Hulyo lang tayo muling nabubuhay sa isyung ito. Ang sistemang ito ang gutom sa tunay na solusyon.

Samakatuwid, ang nutrisyon ng mga kabataang Pilipino ay hindi dapat ikahon sa isang buwang selebrasyon lamang. Kinakailangan ng mas malawak, mas tuloy-tuloy, at mas sistematikong tugon mula sa lahat, pamahalaan, paaralan, magulang, at komunidad. Dapat siguruhing naaabot ng mga programa ang mga liblib na lugar, at tiyaking sapat ang pondo at suporta para sa bawat paaralan. Nararapat lamang na magsilbing paalala ang Buwan ng Nutrisyon na ang laban sa kagutuman ay araw-araw, hindi lamang tuwing Hulyo.

Bagong Gintlo

06/08/2026

06/08/2026

09/03/2026

23/02/2026

29/10/2025

27/10/2025

09/09/2025

06/09/2025

12/08/2025

25/07/2025

Address

Website

Alerts

Shortcuts

Share

Listing takedown request