Municipality of Mawab

10/10/2026

09/10/2026

𝐅𝐑𝐄𝐄 𝐙𝐔𝐌𝐁𝐀 𝐒𝐀 𝐓𝐀𝐍𝐀𝐍𝐆 𝐁𝐀𝐑𝐀𝐍𝐆𝐀𝐘 𝐒𝐀 𝐌𝐀𝐖𝐀𝐁, 𝐌𝐔𝐁𝐀𝐋𝐈𝐊 𝐍𝐀 𝐒𝐀 𝐒𝐄𝐓 𝟐! 🕺💃

Andam na ba ang mga Mawabeño? Mobalik na ang Free Zumba sa Tanang Barangay: Set 2, nga magdala og dugang kalihokan, lingaw, ug ehersisyo ngadto sa matag barangay sa lungsod.

Gi-awhag ang tanang Mawabeño nga moapil sa LIBRENG Zumba Sessions aron mapalig-on ang panglawas samtang maglingaw-lingaw uban sa pamilya, mga higala, ug isigka-barangay.

⏰ 6:00 PM
📍 Barangay Gymnasium
📅 Tan-awa ang schedule sa inyong barangay

Dugang sa sayaw ug ehersisyo, aduna usab exciting raffle items ug freebies nga nagpaabot sa mga partisipante.

Gipasiugdahan ang maong kalihukan pinaagi sa suporta ni Governor Raul Mabanglo, Congressman Jhong Ceniza, ug Mayor Myrill Apit, isip kabahin sa padayon nga paningkamot sa pagpaLAMBO sa kahimsog ug kaayohan sa mga Mawabeño.

Busa, andama na ang inyong Zumba attire, imbitaha ang pamilya ug mga higala, ug apil sa kalihukan sa inyong barangay.

MAWAB, MOVE NA! ZUMBA TA SA INYONG BARANGAY! 💃🕺

09/10/2026

𝐑𝐎𝐀𝐃 𝐆𝐑𝐀𝐕𝐄𝐋𝐈𝐍𝐆 𝐒𝐀 𝐏𝐔𝐑𝐎𝐊 𝟏𝐀, 𝟏𝐁, 𝐔𝐆 𝟏𝐂 𝐒𝐀 𝐁𝐑𝐆𝐘. 𝐍𝐔𝐄𝐕𝐎 𝐈𝐋𝐎𝐂𝐎, 𝐏𝐀𝐃𝐀𝐘𝐎𝐍

Padayon ang road graveling project sa Purok 1A, Purok 1B, ug Purok 1C sa Barangay Nuevo Iloco, Mawab, isip kabahin sa paningkamot nga mapaayo ang mga dalan ug mapahapsay ang adlaw-adlaw nga pagbiyahe sa mga residente.

Sulod sa daghang katuigan, naghulat ang mga residente sa maong mga purok sa pagpaayo sa ilang mga agianan. Karon, hinay-hinay nang gitubag ang ilang dugay nang hangyo pinaagi sa padayong pagpatuman sa maong proyekto.

Ubos sa liderato ni Mayor Myrill Apit, MPA, ug sa suporta ni Governor Raul Mabanglo ug Congressman Jhong Ceniza - Batang Pantukan nagpadayon ang paningkamot nga mahatagan og pagtagad ang mga panginahanglan sa mga komunidad.

Pinaagi sa pagpaayo sa mga dalan, mas mapahapsay ang pagbiyahe sa mga residente, mas sayon ang pagdala sa ilang mga produkto, ug mas maablihan ang mga oportunidad alang sa ilang panginabuhian.

Ang maong proyekto nagpakita sa kamahinungdanon sa panaghiusa ug pagtinabangay sa lokal, probinsyal, ug nasyonal nga panggamhanan aron matubag ang dugay nang panginahanglan sa katawhan.

Kay sa matag dalan nga mapaayo, mas sayon ang pagbiyahe, mas daghan ang oportunidad, ug mas duol ang kalamboan sa matag pamilyang Mawabeño.

Serbisyong Mabati sa Tanan. Ang Katawhan ang Una! 💪🏻💚

09/10/2026

𝐁𝐎𝐗 𝐂𝐔𝐋𝐕𝐄𝐑𝐓 𝐒𝐀 𝐒𝐈𝐓𝐈𝐎 𝐊𝐀𝐖𝐀𝐍𝐖𝐀𝐍, 𝐁𝐑𝐆𝐘. 𝐒𝐀𝐖𝐀𝐍𝐆𝐀𝐍, 𝐆𝐈𝐓𝐔𝐑𝐍 𝐎𝐕𝐄𝐑 𝐍𝐀 𝐇𝐔𝐌𝐀𝐍 𝐒𝐀 𝐃𝐔𝐆𝐀𝐘 𝐍𝐀𝐍𝐆 𝐇𝐀𝐍𝐆𝐘𝐎 𝐒𝐀 𝐌𝐆𝐀 𝐑𝐄𝐒𝐈𝐃𝐄𝐍𝐓𝐄

Usa na usab ka dugay nang gihangyo sa mga residente sa Sitio Kawanwan, Barangay Sawangan, ang natuman pinaagi sa turnover sa Box Culvert Project, nga nagtumong sa pagpaayo sa agianan ug pagtubag sa dugay nang problema sa maong lugar.

Dugay nang gipaabot sa mga residente ang mas maayong agianan nga luwas ug sayon gamiton. Importante kini ilabi na kay nahimutang sa maong lugar ang sementeryo sa Barangay Sawangan, diin mas mapahapsay na ang pagbisita sa mga pamilya sa ilang mga minahal nga namahulay na.

Dugang sa box culvert, gitukod usab ang riprap sa duha ka kilid sa sapa aron makatabang sa pagpugong sa pagdahili sa yuta, ilabi na panahon sa kusog nga pag-ulan. Kini nga dugang nga imprastraktura gitumong usab sa pagpalig-on sa daplin sa sapa ug pagpakunhod sa posibleng kadaot sa agianan tungod sa kusog nga agas sa tubig.

Ubos sa administrasyon ni Mayor Myrill Apit, MPA, padayon ang pagpaningkamot sa Municipal Government of Mawab sa pagtubag sa dugay nang panginahanglan sa mga residente pinaagi sa mga proyekto nga direktang makatabang sa komunidad.

Ang maong proyekto nagpakita sa kamahinungdanon sa pagpaminaw sa hangyo sa katawhan ug paghatag og konkretong aksyon aron mas mapaayo ang ilang adlaw-adlaw nga kinabuhi.

Alang sa LGU Mawab, ang kalamboan dili lamang bahin sa pagtukod og imprastraktura. Importante usab nga ang matag proyekto makatubag sa tinuod nga panginahanglan sa mga residente ug makatabang sa ilang kaluwasan ug kaayohan.

Serbisyong Mabati sa Tanan. Ang Katawhan ang Una. 💪🏻💚

09/10/2026

𝐌𝐀𝐃𝐀𝐂 𝐌𝐀𝐖𝐀𝐁 𝐍𝐀𝐆𝐏𝐀𝐋𝐈𝐆-𝐎𝐍 𝐒𝐀 𝐈𝐌𝐏𝐋𝐄𝐌𝐄𝐍𝐓𝐀𝐒𝐘𝐎𝐍 𝐒𝐀 𝐘𝐀𝐊𝐀𝐏 𝐁𝐀𝐘𝐀𝐍 𝐏𝐑𝐎𝐆𝐑𝐀𝐌

Nagmeeting ang Municipal Anti-Drug Abuse Council (MADAC) Mawab uban sa mga BADAC Focal Persons, Barangay Secretaries, ug Social Welfare and Development Auxiliaries (SWDA) gikan sa 11 ka barangay.

Gipresidehan ni Sir Jerico A. Acana, Private Secretary II ug MADAC Focal Person, ang meeting nga nagtutok sa pagpatuman sa Yakap Bayan Program sa LGU Mawab.

Mitambong usab ang mga miyembro sa Yakap Bayan Multi-Disciplinary Team (MDT), kauban si Sir Melvin Millan, RPSB Team Leader, ug usa ka representante gikan sa PNP Mawab Police Station.

Gihisgutan sa meeting ang mga lakang ug buluhaton nga kinahanglan buhaton sa matag barangay aron hapsay nga maipatuman ang Yakap Bayan Program ug mahatagan og hustong suporta ang mga benepisyaryo.

Importante ang pagtinabangay sa MADAC, BADACs, Barangay Secretaries, SWDA, Yakap Bayan MDT, PNP, ug uban pang partner agencies aron mas maayo ang paghatag og serbisyo sa mga tawo nga nanginahanglan og tabang.

Gipadayag usab ang padayon nga suporta ni Mayor Myrill Apit, MPA, sa mga programa nga nagtumong sa pagtabang sa mga Mawabeño ug pagpalig-on sa serbisyo sa matag barangay.

Ang Yakap Bayan usa ka paningkamot nga maghatag og tabang, suporta, ug bag-ong higayon sa mga tawo nga nanginahanglan niini. 💪🏻💚

08/10/2026

08/10/2026

08/10/2026

A proud moment for Mawab, Davao de Oro | Mayor Myrill Apit shared her deep gratitude as Mawab stands as the only municipality in the entire Davao Region honored with the 2025 Presidential Award for Child-Friendly Municipality.

She dedicated the award to the entire community, stakeholders, partners, and parents who tirelessly care for the youth.

Para sa atong mga bata, padayon ta!

08/10/2026

08/10/2026

𝐄𝐀𝐑𝐓𝐇𝐐𝐔𝐀𝐊𝐄 𝐀𝐃𝐕𝐈𝐒𝐎𝐑𝐘

Nagpahinumdom napud ang linog—magpabiling kalmado ug alerto ang tanan.

Likayi ang mga delikadong istruktura ug sundon ang safety measures.

Tungod usab sa padayon nga pag-ulan karon, magdoble ta og pag-amping. Likayi ang mga lugar nga posibleng bahaan, landslide-prone areas, ug mga lugar nga delikado ang kahimtang tungod sa kusog nga ulan.

Kung naay kadaot, pagbaha, landslide, o uban pang insidente, ipahibalo dayon sa barangay o sa atong MDRRMO.

📞 0951-093-4373

Mag-amping ta kanunay ug magpabiling alerto sa kahimtang sa atong palibot.