Ang Tanglaw : Ang Opisyal na Pahayagan ng Morong High School

Maligayang Kaarawan sa Tagapagpayo ng Ang Tanglaw, Ma'am Aiesly M. Sitjar!💜 🎉

Taos puso kaming nagpapasalamat sa iyong walang sawang paggabay at pagsuporta sa bawat miyembro ng ating organisasyon. Ang iyong dedikasyon sa wikang tagalog ay aming nagiging tanglaw at inspirasyon upang mas pagbutihan ang paghahatid ng balita para sa ating paaralan. Nawa'y mas pagpalain ka pa ng Panginoon at bigyan ka ng taon puno ng pagmamahal at tagumpay!

Lubos na paggalang at pasasalamat, mula sa mga opisyal ng Ang Tanglaw!💜

[𝐏𝐀𝐍𝐈𝐓𝐈𝐊𝐀𝐍]

“𝙏𝙞𝙣𝙞𝙜 𝙣𝙜 𝙋𝙖𝙜-𝙖𝙨𝙖”

Sa malalim na bangin, kung saan katahimika’y nakalatag,
Kandilang walang sindi, balatkayo ng isang kaluluwa.
Tinig ng kanlung-salamangka, sa gabing nag-iisa,
na nang-aakit ng katapusan, at nagpapalabo sa liwanag.

Huwag hahayaang magtagumpay, kasamaan ay supilin,
Sapagkat pag-asa’y sisibol, sa sisidlang iyong itinanim.
Abutin ang kamay, pakinggan ang tinig,
Upang mapaalis ang daan-daang takot.

Iyong mga tawa, iyong mga luha,
Mga katanungang pumupuno sa iyong isipan.
Iyong tahimik na saloobin, iyong malalakas na mga sigaw,
Ika’y mahalaga, bawat piraso mo’y bumubuo ng obra.

Kailangan ka ng mundo, iyong presensiya, iyong mga katangian.
Ang bunga na iyong tinanim.
Abutin mo ang aming mga kamay, hayaan mo kaming pumasok,
Magandang kinabukasan ay magsisimula.

Naisulat ni Mark Angelo A. Salinding
Naiguhit ni Kheyla Marchelle DC. Vallestero

[𝐂𝐎𝐋𝐔𝐌𝐍]

𝙔𝙖𝙗𝙖𝙜 𝙣𝙜 𝙃𝙪𝙨𝙩𝙞𝙨𝙮𝙖, 𝙂𝙖𝙡𝙞𝙩 𝙨𝙖 𝙋𝙖𝙢𝙖𝙢𝙖𝙝𝙖𝙡𝙖𝙣𝙜 𝙒𝙖𝙡𝙖𝙣𝙜 𝙎𝙖𝙮𝙨𝙖𝙮

Sa haba’t dami ng padyak, tuyong-tuyong lalamunan, ay isang trilyong pisong nawala ang katumbas. Walang sambayanang sisigaw at hihingi ng hustisya, kung walang bahid ng karumihan ang pamamalakad ng mga nakaupong hindi man lang tumatayo. Salapi ng bayan, sa bulsa ng mga buwaya ang bagsak.

Nagiisa lamang ang sandatang kayang magpabago sa ating bayan—ang boses ng bayan. Ang galit ng madla ay ang tanglaw ng tagumpay laban sa korapsyon at pagnanakaw. Ito ang puwersa na nagmumula sa bawat isa, ang daing ng ina na may nagugutom na anak, ang hinaing ng magsasakang nalulugi, at ang hinanakit ng mga taong nawawalan ng pag-asa sa Flood Control Projects. Ang bawat sigaw, sa bawat yapak sa lansangan, at sa bawat post sa social media, hinuhubog natin ang isang matibay na panig laban sa katiwalian—binabaliktad natin ang isang bulok na sistema.

Ang nagliliyab na galit ng bayan aya ng nagbibigay-liwanag sa mga madidilim na sulok kung saan nagtatago ang mga inapi. Ang bawat sentimong nanakaw, ang bawat proyektong pinawalang-bisa, at ang bawat buhay na nawala ay nagdaragdag sa init ng galit na ito, na siyang magtutulak sa mga mamamayan na manindigan at ipaglaban ang nararapat.

Sa kabila ng tagumpay na ating ipinaglalaban, hindi maiiwasan ang delubyo. Iyong lalaking may hawak na karatulang nagsasaad na bawasan ang presyo ng turo-turo sa tabi-tabi, siya ay isang tao na humihingi ng hustisiya. Nakatatawa man isipin na kahit presyo ng fishball, kikiam, at tokneneng ipinag-lalaban pa rin. Ngunit ito’y nagpapakita lamang na kahit kakarampot man ang gasto niyan, ito pa rin ay kasama sa trilyong pisong ninakaw sa atin. Presyong pang masa noon, hindi man lang makapitan ng mga gipit ngayon.

Ang pagbabago ay hindi magmumula sa iilang kababayan. Ito ay nasa ating mga kamay, sa ating paa, sa ating boses, at sa ating sama-samang galit. Sapagkat kapag nagsama-sama ang lahat ng tinig, at kapag pinagsanib ang kanilang daing, walang korapsyon ang kayang manalo. Ang boses ng bayan ang simula, at ang galit ng bayan ang tatapos sa laban.

Isinulat ni Mark Angelo A. Salinding at Usher Vinz D. Revadomia
Illustratyon ni Mark Angelo A. Salinding at Lindseymiel Dela Torre

[𝐏𝐀𝐆𝐌𝐀𝐒𝐃𝐀𝐍]

𝘽𝙖𝙬𝙖𝙩 𝙆𝙖𝙜𝙖𝙩, 𝙄𝙨𝙖𝙣𝙜 𝘼𝙡𝙖𝙖𝙡𝙖: 𝘼𝙣𝙜 𝙆𝙬𝙚𝙣𝙩𝙤 𝙣𝙜 𝙋𝙖𝙢𝙞𝙡𝙮𝙖𝙣𝙜 𝙋𝙞𝙡𝙞𝙥𝙞𝙣𝙤

Habang abala ang buong bayan sa pang araw-araw na gawain, may isang natatanging araw na ginugunita at binibigyang-halaga—ang Kainang Pamilya Mahalaga Day. Ngayong araw, isang mahalagang paalala ang ibinibigay sa bawat Pilipino, ang pamilya ay higit pang mas mahalaga sa kahit anumang obligasyon.

Ang araw na ito ay na itinakda sa ilalim ng Memorandum Circular No. 96 upang bigyan ng pagkakataon ang mga pamilya na magsama-sama sa isang simpleng paraan katulad ng pagkain ng sabay-sabay. Sa hindi kapani-paniwalang bilis ng takbo ng oras, maraming pamilya ang minsan lamag makapag-usap nang masaya, masinsinan, at puno ng pagmamahal dahil sa dami ng iba’t ibang trabaho, klase, at iba pang responsibilidad. Ang hapag-kainan ay isang lugar na nagbibigay daan upang makapagbahagi ng mga karanasan, kuwento, pagpapalitan ng kaisipan, at makagawa ng bagong alaala ang iyong pamilya.

Ang Kainang Pamilya Mahalaga Day ay hindi lamang tungkol sa hapunan. Ito rin ay isang paalala sa halaga ng bawat pamilya, isang pundasyon na nagpapaatatag sa lipunan. Ang araw na ito ay nagpapahiwatig sa isang gawaing pang araw-araw—ang pagbabahagi ng pagkain at karanasan—ito ay bumubuo sa pagmamahalan at pagkakaisa na nagpapatatag sa bawat kasapi ng isang pamilya. Kaya't ngayong araw, ilaan natin ang oras na ito para sa mga taong pinakamahalaga sa atin—ang ating pamilya.

Naisulat ni Mark Angelo A. Salinding
Illustratyon ni Lindseymiel Dela Torre at Khryz Allaiza R. Reyes
Inayos ni Nicky Francheska B. Cinco

[𝐏𝐀𝐆𝐌𝐀𝐒𝐃𝐀𝐍]

EDITORYAL BOARD PARA SA TAONG PANURUAN 2025-2026

Magandang Araw, Morong High School! Kamusta ang lahat? Ikinagalak namin ipakilala ang bagong mga opisyal ng Ang Tanglaw para sa taong panuruan 2025-2026 na kinabinibilangan ng mga estudyante na magiging tinig at gabay ng bawat kabataan sa LabSchool.

Gurong Tagapayo ng Ang Tanglaw: Bb. Aiesly M. Sitjar

Punong Patnugot: Nicky Francheska B. Cinco

Pangalawang Punong Patnugot: Lindseymiel Dela Torre

Patnugot sa Panitikan: Mark Angelo A. Salinding

Patnugot sa Lathalain: Khloe Faye C. San Juan

Patnugot sa Isports:
Steven Jaymhar SJ. De Ungria at Krizzberg P. De Rosas

Patnugot sa Balita:
Nina Lindsay SJ. Landas at
Viola Ryell P. San Juan

Patnugot sa Editoryal: Kheyla Marchelle D.C. Vallestero

Taga lay-out:
Usher Vinz D. Revadomia at
Kurt Cassandra R. Navarro

Taga kuha ng larawan:
Dyn Auberg A. Quidilla at Julianne Ashely B. Ramirez

Taga guhit: Kheyla Marchelle D.C. Vallestero

Taga ambag:
Benedict Joseph A. Montes at
Khryza Allaiza R. Reyes

Magandang Umaga, Giants! Kasalukuyag ginaganap ang parada ng 2025 municipal meet. Nag simula ang parada sa Boundary ng Maybancal at CCL at magtutungo sa Maybancal Elementary School. Pinangunahan ng mga eskwelahan ang parada, kasama ang mga kanilang mga manlalaro at tagasanay. Lagi nating tandaan na hiindi lamang panaloo ang mahalaga kundi ang paggkakaisa, desiplina, at pusong handang lumaban para sa nirerepresenta.

Good luck, Giants!💙

[𝐋𝐀𝐓𝐇𝐀𝐋𝐀𝐈𝐍]

𝐍𝐚𝐭𝐢𝐨𝐧𝐚𝐥 𝐏𝐫𝐞𝐬𝐬 𝐅𝐫𝐞𝐞𝐝𝐨𝐦 𝐃𝐚𝐲: 𝐏𝐚𝐠𝐩𝐮𝐩𝐮𝐠𝐚𝐲 𝐬𝐚 𝐌𝐚𝐥𝐚𝐲𝐚 𝐚𝐭 𝐓𝐚𝐩𝐚𝐭 𝐧𝐚 𝐁𝐚𝐥𝐢𝐭𝐚

Sa araw ng Agosto ika-30, tayo ay nagdiriwang para sa Araw ng kalayaan sa Pamamahayag, isang espesyal na okasyon na nagpapaalala saatin kung gaano kahalaga ang pagkakaroon ng malayang pamamahayag sa ating bansa. Sa araw na ito, ipinagdiriwang rin natin ang kapanganakan ni Marcelo H. del Pilar, isang bayani ng tagapagbalita at lider ng kilusang propaganda noong panahon ng mga kastila.

Ang malayang pamamahayag ay mahalaga dahil ito ay nag sisimbolo ng kalayaan at karapatan na makaalam ng totoo at makatarungang impormasyon. Dahil dito, nagkaroon tayo ng boses laban sa panlilinlang at pang-aabuso. Dito tumatatag ang demokrasya at naproproteksyonan ang karapatan ng bawat Pilipino bata man o matanda.

Ngayon, habang ipinagdiriwang natin ang Araw ng Kalayaan sa Pamamahayag, nawa’y hindi natin kalimutan ang mahalagang tungkulin ng bawat mamamahayag sa pagbibigay-liwanag sa katotohanan. Huwag nating kalimutan na ang kalayaan sa pamamahayag ay kalayaan ng ating bayan, kaya’t dapat natin itong pangalagaan at ipaglaban nang buong puso.

Isinulat ni Khryz Allaiza R. Reyes
Idinesenyo ni Kurt Cassandra R. Navarro

[𝐋𝐀𝐓𝐇𝐀𝐋𝐀𝐈𝐍]

𝐏𝐀𝐆𝐏𝐔𝐏𝐔𝐍𝐘𝐀𝐆𝐈 𝐒𝐀 𝐀𝐓𝐈𝐍𝐆 𝐌𝐆𝐀 𝐁𝐀𝐘𝐀𝐍𝐈!🇵🇭

"Aling pag-ibig pa ang hihigit pa kaya sa pagkadalisay at pagkadakila gaya ng pag-ibig sa
tinubuang lupa?
Aling pag-ibig pa?
Wala na nga.
Wala."
-Andrés Bonifacio

Agosto 25, 2025- Ang araw ng pagbigay ala-ala sa mga bayaning nag sakripisyo para sa ating mga Pilipino. Ang pag-aalay ng buhay ng ating mga bayani ay sadyang makasaysayan, bagkus dahilan ito ng paglaya natin sa mga dayuhan.
Pagmamahal sa bayan ang ipinakita, walang takot na hinarap ang kamatayan—para lang sa ating bayan.

Ilan sa kanila ay si Dr. Jose Rizal, Andres Bonifacio, at Melchora Aquino. Nang dahil sa nobelang nakasulat pa sa alegorya, hindi magigising sa katotohanan ang mga Pilipino na lumaban at itayo ang ating karapatan. Kung walang nanguna sa himagsikan nuon, paano na kaya ang kinabukasan ng mga kabataan ngayon? At hindi magkakaroon ng isang matibay na pundasyon ang isang samahan, kung walang ilaw na nagsisilbing gabay. Kaya’t sa Katipunan ay may tumayong ina, hindi alintana ang edad sa pagsama, at layuning maki-isa, na naging daan upang kilalanin din siya bilang isang magiting na bayani ng ating bansa—dahil ang isang bayani ay hindi laging may hawak na balisong, ‘yung iba tahimik na gumagawa ng paraan sa pag sulat, pag gamot, at simpleng pag bibigay suporta. Resulta ng kagustuhang pag ligtas, sa inang bayan.

Opisyal na idineklara ang 𝘕𝘢𝘵𝘪𝘰𝘯𝘢𝘭 𝘏𝘦𝘳𝘰𝘦𝘴 𝘋𝘢𝘺 noong 1931 sa bisa ng Act No. 3827, na nilagdaan noong Oktubre 28, 1931 ng 𝘗𝘩𝘪𝘭𝘪𝘱𝘱𝘪𝘯𝘦 𝘓𝘦𝘨𝘪𝘴𝘭𝘢𝘵𝘶𝘳𝘦. Sa batas na ito, itinakda na ang araw ng mga bayani ay sa huling linggo ng Agosto. Ngunit sa panahon ng pamamahala ni Pangulong Gloria Macapagal Arroyo, inilipat ang pagdiriwang sa huling Lunes ng Agosto (ayon sa Republic Act No. 9492, 2007). Layunin nitong bigyan ng mas mahabang weekend para sa mga Pilipino upang makapagpahinga o sa pagbabayahe.

Laging tatandaan na hindi lahat ng bayani ay may kapa, ‘yung iba buong puso ang sandata, upang protektahan ang silangan.

Isinulat at disenyo ni Usher Vinz D. Revadomia

[𝐁𝐀𝐋𝐈𝐓𝐀]

Matagumpay na naisagawa ang selebrasyon ng 81st Founding Anniversary ng Morong High School na may temang: “𝘜𝘙𝘚 @81 𝘊𝘶𝘭𝘵𝘪𝘷𝘢𝘵𝘪𝘯𝘨 𝘗𝘳𝘰𝘨𝘳𝘦𝘴𝘴 𝘢𝘯𝘥 𝘌𝘹𝘤𝘦𝘭𝘭𝘦𝘯𝘤𝘦 𝘧𝘰𝘳 𝘐𝘯𝘤𝘭𝘶𝘴𝘪𝘷𝘦 𝘢𝘯𝘥 𝘛𝘳𝘢𝘯𝘴𝘧𝘰𝘳𝘮𝘢𝘵𝘪𝘷𝘦 𝘊𝘰𝘮𝘮𝘶𝘯𝘪𝘵𝘪𝘦𝘴”.

Noong Ika-18 ng Agosto ay sinimulan ang pagdiriwang ng nasabing patimpalak sa oras ng ika-8 ng umaga, sinimulan ang araw na ito sa pamamagitan ng pagtitipon-tipon ng mga mag-aaral ng unibersidad para sa misa ng pagpapasalamat na pinangunahan ni Fr. Rasel Berdin. Nang matapos ang misa ay agad naman itong sinundan ng programang paggunita na sinimulan sa pagdadasal at pag-awit sa “Lupang Hinirang” ng Hiraya Chorale, at panauhing pandangal Dr. Isabelita S. Bacud na nagsimula sa unang araw ng foundation week. Para naman sa pambungad na pananalita na nagmula sa ating campus director na si Dr. Niclie L. Tiratira at mensaheng nag bigay inspirasyon galing sa Pangulo ng Unibersidad na si Dr. Nancy T. Pascual. Sinundan naman ito ng pagbati mula sa Mayor ng Morong na si Kgg. Sidney B. Soriano, Bise Presidente ng RDEP na si Dr. Marites M. Rio, at Bise Presidente ng Admin & Finance na si Dr. Marvin P. Amoin. Matapos nito ay nagpakita naman ng mahusay na talento sa pagsayaw ang Inrayo de Morong na sinundan naman ng video presentation na nagpakita sa makasaysayang ebolusyon ng Morong High School sa loob ng walong dekada. Naipakilala naman ni Dr. Florence V. Bautista ang speaker na si Prof. Jocelyn S. San Juan at nagbigay aliw naman sa Teatro Kagilasan sa pamamagitan ng pagdula. Para naman sa pangwakas na pananalita ito ay nanggaling kay Dr. Wilma R. Lomangaya, at doon nagtapos ang programa para sa Campus Foundation Week.

Sinundan din ito ng mga booths na naghatid ng ligaya at ngiti sa mukha ng bawat-isa. Ito ay puno-puno ng masasayang palaro, masasarap na pagkain, at iba pang bagay na sentimental. Ang unibersidad ay napupuno ng sari-saring booths na nagpamalas ng pagiging malikhain ng iba’t ibang organisasyon mula sa LabSchool kasama na dito.

Sa sumunod na araw, Ika-19 ng Agosto, naisaganap ang libreng Eye Check-up para sa mga mag-aaral. Ito’y nagsilbing paalala sa mga mag-aaral na ingatan ang kani-kanilang sariling nararamdaman, maari rin itong magsilbing diwa ng pagpapahalaga sa iyong kapwa at mga kaibigan. Sa huling araw, ika-20 ng Agosto, ay matagumpay na naisagawa ang ika-walumpu’t isang pagkakatatag ng University of Rizal System-Morong Campus. Isang pagtitipon-tipon ng mga g**o ang naganap upang magkaroon ng masaganang salo-salo o boodle fight. Winakasan nito ang isang linggo na pagdiriwang ng masayang foundation week ng unibersidad.Ang mga ganitong pangyayari ay nagsisilbing tanglaw at daan sa mga bagong di-malilimutang alaala, masaganang unibersidad, at magandang aral para sa bawat mag-aaral.

Isinulat nina Mark Angelo Salinding at Nicky Francheska Cinco
Kuhang larawan nina Julliane Ashley B. Ramirez at Dyn Auberg A. Quidilla

[𝐏𝐀𝐍𝐈𝐓𝐈𝐊𝐀𝐍]

𝐖𝐢𝐤𝐚’𝐲 𝐒𝐮𝐥𝐨 𝐧𝐠 𝐁𝐚𝐲𝐚𝐧🇵🇭📜

Bayang pinagmulan, sariling atin ay pahalagahan,
Wika’y siyang sulo, gabay at sandigan.
Filipino’y nabuo, diwa ay umusbong sa bawat isa,
Iba pang wika’y kasama, handog ang pagkakaisa.

Katutubong dila, yaman ay ‘di mabilang,
Iba’t ibang diyalekto, kasaysaya’t kultura’y isinulong.
Sa bawat bigkas, makabayang pag-ibig ay isinasabuhay,
Inang bayan ay nagkakaisa, adhika’y naging tulay.

Paglinang sa wika, tungkulin ng lahat,
Ipamalas, gamitin, mahalin at pahalagahan.
Pagkakaisa’y nakamtan, sariling atin ay naging daan,
Perlas ng Silanganan, sama-samang aabutin ang tagumpay.

Agosto’y sumapit, pagdiriwang sa wika’y ipamalas,
Sariling wika ay ipagmalaki’t, itaas ang dangal ng sambayanan.
Maksayasayang ugnayan, sa ating kamay matatagpuan,
Ikaw na Pilipino, ipamalas ang talino sa wikang katutubo.

Isinulat ni Mark Angelo A. Salinding
Obra ni Kheyla Marchelle DC. Vallestero

[𝐋𝐀𝐓𝐇𝐀𝐋𝐀𝐈𝐍]

𝐋𝐢𝐰𝐚𝐧𝐚𝐠 𝐧𝐠 𝐏𝐚𝐠-𝐚𝐬𝐚, 𝐒𝐚𝐠𝐢𝐬𝐚𝐠 𝐧𝐠 𝐃𝐞𝐦𝐨𝐤𝐫𝐚𝐬𝐲𝐚

“𝘞𝘦 𝘴𝘩𝘰𝘶𝘭𝘥 𝘯𝘰𝘵 𝘥𝘦𝘱𝘦𝘯𝘥 𝘰𝘯 𝘰𝘯𝘦 𝘮𝘢𝘯, 𝘸𝘦 𝘴𝘩𝘰𝘶𝘭𝘥 𝘥𝘦𝘱𝘦𝘯𝘥 𝘰𝘯 𝘢𝘭𝘭 𝘰𝘧 𝘶𝘴”- Sen.Ninoy Aquino

Ika-21 ng Agosto, ginugunita nating mga Pilipino ang kabayanihan at kamatayan ng dating Senador Benigno “Ninoy” Aquino ng mga Filipino.

Si Ninoy Aquino ay ipinanganak noong ika-27 ng Nobyembre 1937 at namatay noong ika-21 ng Agosto 1983. Siya ay pinaslang sa Manila International Airport sa pasay at ang pagkamatay nito ay ikinagulat ng sambayanan. Ang kaniyang kamatayan ay nag dulot ng malawakang protesta na humihingi ng karapatan at demokrasya, nagresulta ang galit ng publiko at naging sanhi ito ng 1986 People Power Revolution. Ang kaniyang sakripisiyo ay nagpahiwatig sa mga mamamayang-pilipino na hindi natin makakamit ang kalayaan kung hindi natin ito ipaglalaban.

Siya rin ay isang tanyag na senador, mamamahayag, at isang aktibista sa panahon ng pagdeklara ng batas militar. Ang kaniyang salita ay naging simbolo ng pag-asa, katapangan, at paglaban sa sistemang diktatoryal at naging tanglaw ng demokrasya para sa mga Pilipino. Ang pagiging martir nito ay nagsilbing pagtutol at nagbigay pag-asa sa mga Pilipino na lumaban para sa hustisiya at kalayaan.

Ngayong Huwebes (Agosto 21) ay hindi lamang tungkol sa kaniyang kamatayan, kundi pati rin sa kaniyang sakripisiyo at pagsulong ng karapatan at kalayaan nating mga Pilipino. Ang pagdidiriwang ng araw na ito’y nagsisilbi rin simbolo sa pagtataguyod ni Ninoy Aquino para sa demokrasya sa ating bansa. Ang kaniyang mga naisagawa ay nagpapakita ng matinding pagmamahal sa bansang Pilipinas at ang ating tungkulin ay palaganapin pa ang kalayaan at katarungan sa lipunan.

Isinulat ni Mark Angelo A. Salinding
Disensyo ni Lindseymiel Dela Torre

Tᜁᜃ᜔ᜋᜈ᜔ ᜀᜅ᜔ Sᜀᜌ, Dᜀᜋ᜔ᜑᜒᜈ᜔ ᜀᜅ᜔ Pᜀᜄ᜔-ᜀᜐ! 🎉

Isang mapagpalang araw sa inyong lahat, Giants! 💜 Maligayang pagdiriwang ng ating Foundation Week‼️

Handa ka na ba sa handog ng Ang Tanglaw? 🫣
Hatid ng aming booth ang masasarap na pagkain tulad ng cookies, muffins at brownies! 😋 Hindi lang yan! kundi mayroon ding masasayang mga aktibidad na tiyak na kayo ay masisiyahan! Gusto mo bang magbigay ng liham ✨ para sa iyong kaibigan? crush? teachers? Kami ang bahala sayo! 😉 Hatid din namin ang mga Bible Verses 📖✝️ na maaring makatulong sa inyo. kaya’t tara na’t pumili, magbasa, at magalak sa mga Salita at turo ng Diyos. 🙏🏼 Halina’t makiisa 🤗 at sumama sa ating masayang selebrasyon! Ihanda ang inyong mga puso at isipan, dahil ito ay puno ng masasarap na bilihin 🛍, masasayang laro 🎲, at pagbabasa mula sa sulat at turo ng Diyos. 🌟

Tayo’y mag kita-kita 👀 sa Agosto 18-20, 2025 📆 sa Laboratory Schools GSP Circle! 🏫🎪

Isinulat ni Nina Lindsay SJ. Landas
Idinesenyo ni Lindseymiel Dela Torre