Alabang Connect

23/09/2026

𝑩𝑨𝑮𝑶𝑵𝑮 𝑨𝑳𝑨𝑩𝑨𝑵𝑮 𝑳𝑬𝑨𝑹𝑵𝑰𝑵𝑮 𝑨𝑵𝑫 𝑰𝑵𝑵𝑶𝑽𝑨𝑻𝑰𝑽𝑬 𝑯𝑼𝑩, 𝑷𝑰𝑵𝑨𝑺𝑰𝑵𝑨𝒀𝑨𝑨𝑵 𝑵𝑨! 💙❤️

Isang bagong hakbang tungo sa mas makabuluhan, inklusibo, at accessible na edukasyon ang nasaksihan ngayong araw sa pormal na pagpapasinaya ng Bagong Alabang Learning and Innovative (BALAI) Hub, na matatagpuan sa Bagong Alabang People’s Center, 2nd Floor, Ilaya, Barangay Alabang.

Ang bagong Learning Hub ay nilikha upang maging isang lugar ng pagkatuto, teknolohiya, kaalaman, at oportunidad para sa ating mga kabarangay, lalo na sa mga mag-aaral, kabataan, at mga nangangailangan ng dagdag na access sa mga kagamitang makatutulong sa kanilang pag-aaral.

Handog ng Bagong Alabang Learning and Innovative Hub ang mga LIBRENG SERBISYO, kabilang ang Libreng Paggamit ng Computer at Laptop, Free Xerox at Printing (For Educational Purposes Only), Free Wi-Fi Access at Libreng Paggamit ng mga Educational Books at Learning Resources.

Sa pamamagitan nito, mas maraming kabataan ang magkakaroon ng pagkakataong makapag-aral, makapagsaliksik, makagamit ng teknolohiya, at mapalawak ang kanilang kaalaman nang hindi kinakailangang alalahanin ang dagdag na gastusin para sa ilang pangunahing learning resources.

“𝐴𝑛𝑔 𝑒𝑑𝑢𝑘𝑎𝑠𝑦𝑜𝑛 𝑎𝑦 ℎ𝑖𝑛𝑑𝑖 𝑙𝑎𝑚𝑎𝑛𝑔 𝑡𝑢𝑛𝑔𝑘𝑜𝑙 𝑠𝑎 𝑝𝑎𝑔𝑘𝑎𝑘𝑎𝑟𝑜𝑜𝑛 𝑛𝑔 𝑙𝑖𝑏𝑟𝑜 𝑜 𝑡𝑒𝑘𝑛𝑜𝑙𝑜ℎ𝑖𝑦𝑎, 𝑖𝑡𝑜 𝑎𝑦 𝑡𝑢𝑛𝑔𝑘𝑜𝑙 𝑠𝑎 𝑝𝑎𝑔𝑏𝑖𝑏𝑖𝑔𝑎𝑦 𝑛𝑔 𝑝𝑎𝑔𝑘𝑎𝑘𝑎𝑡𝑎𝑜𝑛 𝑠𝑎 𝑏𝑎𝑤𝑎𝑡 𝑘𝑎𝑏𝑎𝑡𝑎𝑎𝑛 𝑛𝑎 𝑚𝑎𝑡𝑢𝑡𝑜, 𝑚𝑎𝑛𝑔𝑎𝑟𝑎𝑝, 𝑎𝑡 𝑚𝑎𝑘𝑎𝑚𝑖𝑡 𝑎𝑛𝑔 𝑘𝑎𝑛𝑖𝑙𝑎𝑛𝑔 𝑚𝑔𝑎 𝑚𝑖𝑡ℎ𝑖𝑖𝑛.”

Ang programa ay pinangunahan ni Kapitana Tintin Abas-Ding kasama ang Sanggunian ng Barangay Alabang, sa pakikiisa at suporta ni Muntinlupa City Mayor Ruffy Biazon.

Ang proyektong ito ay patunay ng patuloy na pagsusulong ng mga programang nagbibigay-halaga sa edukasyon, digital access, youth development, at community empowerment, dahil sa Bagong Alabang, ang bawat kabataan ay dapat magkaroon ng pagkakataong matuto at umunlad.

“𝐾𝑎𝑝𝑎𝑔 𝑏𝑖𝑛𝑖𝑔𝑦𝑎𝑛 𝑛𝑎𝑡𝑖𝑛 𝑛𝑔 𝑎𝑐𝑐𝑒𝑠𝑠 𝑠𝑎 𝑘𝑎𝑎𝑙𝑎𝑚𝑎𝑛 𝑎𝑛𝑔 𝑎𝑡𝑖𝑛𝑔 𝑘𝑎𝑏𝑎𝑡𝑎𝑎𝑛, 𝑏𝑖𝑛𝑖𝑏𝑖𝑔𝑦𝑎𝑛 𝑑𝑖𝑛 𝑛𝑎𝑡𝑖𝑛 𝑠𝑖𝑙𝑎 𝑛𝑔 𝑚𝑎𝑠 𝑚𝑎𝑙𝑎𝑘𝑖𝑛𝑔 𝑝𝑎𝑔𝑘𝑎𝑘𝑎𝑡𝑎𝑜𝑛 𝑝𝑎𝑟𝑎 𝑠𝑎 𝑖𝑠𝑎𝑛𝑔 𝑚𝑎𝑠 𝑚𝑎𝑔𝑎𝑛𝑑𝑎𝑛𝑔 𝑘𝑖𝑛𝑎𝑏𝑢𝑘𝑎𝑠𝑎𝑛.” - Kapitana Tintin.

Lubos pasasalamat din sa lahat ng organizations, partners, volunteers, at stakeholders na nagpaabot ng kanilang suporta upang maisakatuparan ang Bagong Alabang Learning and Innovative Hub. Ang inyong pakikiisa ay malaking bahagi ng tagumpay ng programang ito. 💙

Bagong Alabang Learning and Innovative Hub, bukas para sa kaalaman, koneksyon, at kinabukasan ng bawat kabataan!

“Matuto. Kumonekta. Mangarap. Umangat.”

22/09/2026

𝗕𝗔𝗚𝗢𝗡𝗚 𝗔𝗟𝗔𝗕𝗔𝗡𝗚, 𝗣𝗔𝗧𝗨𝗟𝗢𝗬 𝗡𝗔 𝗨𝗠𝗨𝗨𝗡𝗟𝗔𝗗! 💙❤️

Hindi kailanman naging madali ang maglingkod. Sa gitna ng mga ingay, sa kabila ng patuloy na paninira at pagsubok sa pamumuno, may isang bagay na hindi kailanman mababago, ang tapat at buong-pusong pagmamahal ni Kapitana Tintin Abas-Ding sa bawat mamamayan ng Barangay Alabang.

Ang tunay na serbisyo ay hindi nasusukat sa matatamis na salita o sa haba ng pangako. Nasusukat ito sa mga pangarap na ating naisakatuparan, at sa mga buhay na ating nabago at naibsan ang hirap. Mula sa pangarap, sama-sama naitayo ang isang kongkretong kinabukasan na may Inisiyatibo, Malasakit, at Totoong Serbisyo.

Taong 2023, naitayo ang Bagong Alabang People’s Center at Bagong Barangay Hall, itinayo ito hindi lang bilang gusali, kundi bilang isang tahanan. Isang lugar kung saan ang bawat kabarangay na may karamdaman o nangangailangan ng tulong ay nakakatanggap ng kompletong serbisyong medikal at agarang kalinga nang may dignidad at ginhawa.

Bagong Alabang A-Care Therapy Center sa Wawa, walang naiiwan. Isang malaking hakbang ito upang mabigyan ng pag-asa, pagmamahal, at wastong pangangalaga ang ating mga kabarangay na nangangailangan ng espesyal na atensyon at therapy.

Ngayon naman, bubuksan ang Bagong Alabang Balai Hub (Learning Hub) Para sa mga kabataan at mag-aaral na siyang pag-asa ng ating bayan, itinayo ang Balai Hub na may libreng serbisyo tulad ng; LIBRENG paggamit ng Computer at Laptop, LIBRENG Print at Xerox para sa mga proyekto at takdang-aralin, LIBRENG Wi-Fi Access. Dahil naniniwala si Kapitana Tintin, na ang kakayahan sa pag-aaral ay hindi dapat maging hadlang dahil sa kawalan ng gastusin.

Ngayong taon, aabangan rin ang pagbubukas ng Elderly Facility na matatagpuan sa Estehonor Compound para sa ating mga Lolo at Lola na nagbuhos ng kanilang lakas para sa ating komunidad, oras naman upang sila ay alagaan at bigyan ng pasilidad na magbibigay sa kanila ng kalinga, saya, at kapayapaan ng isip.

Centralized Daycare Center sa Ilaya, isang ligtas at masayang pundasyon para sa kaalaman at kinabukasan ng ating mga maliliit na anak. Livelihood Training Center at Multipurpose Hall sa Ilaya. Isang oportunidad para sa bawat pamilya na matutong tumayo sa sariling mga paa, magkaroon ng bagong pangkabuhayan, at magkaroon ng maayos na lugar.

𝑯𝑰𝑵𝑫𝑰 𝑷𝑼𝑹𝑶 𝑺𝑨𝑳𝑰𝑻𝑨. 𝑯𝑰𝑵𝑫𝑰 𝑷𝑼𝑹𝑶 𝑷𝑨𝑵𝑮𝑨𝑲𝑶. 𝑲𝑼𝑵𝑫𝑰 𝑻𝑶𝑻𝑶𝑶𝑵𝑮 𝑺𝑬𝑹𝑩𝑰𝑺𝒀𝑶 𝑷𝑨𝑹𝑨 𝑺𝑨 𝑻𝑨𝑶!

May halalan man o wala, tuloy man o hindi, ang paglilingkod ay hindi kailanman magtatapos. Hindi ito tinitingnan ang pulitika upang gumawa ng mabuti. Hangga't may isang mamamayan ng Barangay Alabang na nangangailangan ng tulong, patuloy ang paglilingkuran nang may buong katapatan at pagmamahal.

22/09/2026

Habang yung iba patuloy na naninira! Ito si Kapitana Tintin Abas-Ding tuloy-tuloy naman ang paggawa ng mga proyekto para sa kanyang mga kabarangay!

📍Bagong Alabang People’s Center
📍Bagong Barangay Hall
📍A-Care Therapy Center
📍Bagong Alabang Balai Hub

Tapos may bubuksan pang Elderly Facility sa Estehonor, Centralized Day Care Center at Livelihood Training Center sa Ilaya! Bonus pa ang Multipurpose Hall sa 7A! Grabe ang Bagong Alabang!

𝐈𝐍𝐀𝐔𝐆𝐔𝐑𝐀𝐓𝐈𝐎𝐍 𝐂𝐄𝐑𝐄𝐌𝐎𝐍𝐘 𝐎𝐅 𝐁𝐀𝐋𝐀𝐈 𝐇𝐔𝐁 📚💡

Isang bagong hakbang tungo sa mas makabuluhan at makabagong pagkatuto para sa ating mga kabataan!

Sa pangunguna ni Kapitana Tintin Abas-Ding at Sanggunian, inaanyayahan ang lahat na makiisa sa Inauguration Ceremony of BALAI HUB: Bagong Alabang Learning and Innovative Hub, isang espasyong naglalayong magsilbing learning, reading, digital access, at innovation hub para sa mga kabataan at kabarangay.

Dito, magkakaroon ng lugar ang ating mga kabataan upang magbasa, matuto, gumamit ng teknolohiya, magsaliksik, at malinang ang kanilang mga kakayahan sa isang maayos at makabuluhang learning environment.

📅 September 23, 2026 (Wednesday)
🕐 1:00 PM
📍 2nd Floor, Bagong Alabang People’s Center
Ilaya, Alabang, Muntinlupa City

Sama-sama nating suportahan ang mga programang nagbibigay ng mas maraming oportunidad para sa edukasyon, kaalaman, at pag-unlad ng bawat kabataan.

BALAI HUB: Bagong Alabang Learning and Innovative Hub! 📚💻

08/09/2026

TRUST THE PROCESS! Congratulations, Barangay Bagong Alabang, Kapitana Tintin Abas-Ding & Brgy. Treasurer Rommel Abarnas Dacles 💙❤️

03/09/2026

𝗧𝗛𝗥𝗢𝗪𝗕𝗔𝗖𝗞 𝗧𝗛𝗨𝗥𝗦𝗗𝗔𝗬 | 𝗔𝗟𝗔𝗠 𝗠𝗢 𝗕𝗔?

Isang magandang alaala mula sa nakaraan na patuloy na nagpapaalala sa kahalagahan ng edukasyon at serbisyo para sa ating mga kabataan. 💙❤️

Noong September 3, 2019, isinagawa ang turn-over ng mga flat-screen television sa 13 Day Care Centers sa Barangay Alabang. Ito ay personal na inabot ni Kapitana Tintin Abas-Ding sa ating mga g**o.

Ang mga TV na ito ay inilaan upang magsilbing karagdagang learning resource ng ating mga Day Care Center, isang kagamitang maaaring makatulong sa mga g**o sa kanilang pagtuturo at makapagbigay sa ating mga batang mag-aaral ng mas makabuluhan, interactive, at masayang learning experience.

Sa murang edad, mahalagang mabigyan ang ating mga kabataan ng isang kapaligirang naghihikayat sa kanilang matuto, magtanong, tumuklas, at mangarap. Kaya naman ang bawat hakbang na naglalayong mapabuti ang ating mga Day Care Centers ay isang investment hindi lamang para sa kasalukuyan, kundi para rin sa kinabukasan ng buong Barangay Alabang.

Ang simpleng pagbibigay ng mga kagamitan ay maaaring maging malaking tulong sa araw-araw na pagkatuto ng ating mga anak. Sa pamamagitan ng mga ganitong programa, mas napapalakas ang suporta sa ating mga Day Care teachers at mas napapabuti ang learning environment na kinabibilangan ng ating mga batang Alabang.

Makalipas ang ilang taon, magandang balikan ang mga ganitong kaganapan at alalahanin ang mga programang naging bahagi ng patuloy na pag-unlad ng ating komunidad.

Alam mo ba ang throwback na ito?
I-share at i-tag ang mga kabarangay na maaaring nakakaalala sa ganitong mga programa at kaganapan sa ating Barangay!

Dahil sa Barangay Alabang, ang bawat serbisyo ay may layuning mag-iwan ng magandang alaala, makabuluhang pagbabago, at mas magandang kinabukasan para sa susunod na henerasyon.

23/08/2026

Kung bibigyan ka ng pagkakataon na makausap si Kapitana Tintin Abas-Ding, ano ang gusto mo’ng sabihin sa kanya at bakit? 🤗💙❤️

Mga taga-Alabang, try nga natin, malay ninyo mabasa ni Kapitana ang comment ninyo.

17/08/2026

𝙈𝘼𝙍𝘼𝙈𝙄𝙉𝙂, 𝙈𝘼𝙍𝘼𝙈𝙄𝙉𝙂 𝙎𝘼𝙇𝘼𝙈𝘼𝙏, 𝘽𝘼𝙍𝘼𝙉𝙂𝘼𝙔 𝘼𝙇𝘼𝘽𝘼𝙉𝙂!
💙❤️

Sa bawat ngiti, palakpak, tawanan, at masasayang alaala na nabuo ngayong Kapistahan ng Alabang, may mga taong tahimik na naglaan ng oras, lakas, puso, at malasakit upang maging makabuluhan at masaya ang bawat programa para sa mga mamamayan ng Barangay Alabang.

Ang lahat ng ito ay bunga ng isang hangarin, ang maglingkod, magbigay-saya, at unahin ang kapakanan ng bawat mamamayan ng Bagong Alabang. Dahil ang tunay na diwa ng isang kapistahan ay hindi lamang nasusukat sa laki ng mga programa, kundi sa dami ng mga pusong napasaya at mga pamilyang nabigyan ng pagkakataong magsama-sama, makiisa, at lumikha ng masasayang alaala.

Buong puso ang pasasalamat kay Kapitana Tintin Abas-Ding, na patuloy na nagbibigay ng suporta at tiwala sa mga programang naglalayong makapaghatid ng serbisyo, saya, at pagkakaisa sa Alabang.

Maraming salamat din sa mga Kagawad na nakiisa, sumang-ayon, at naging katuwang sa mga programang inihandog ngayong Kapistahan:

KAGAWAD ALICE LANDRITO
KAGAWAD JEFF HILAPO
KAGAWAD MELAY ABAS
at SK CHAIRWOMAN AIRA CALDOZA

Salamat sa inyong malasakit at sa inyong paniniwalang ang bawat programa ay dapat nakasentro sa tao, pamilya, at komunidad.

At higit sa lahat, salamat sa inyong lahat, mga mamamayan ng Barangay Alabang! Kayo ang tunay na dahilan kung bakit patuloy na nagsisikap na makapaghatid ng mas marami, mas makabuluhan, at mas masasayang programa. Ang inyong pakikiisa, suporta, at pagmamahal sa Barangay Alabang ang nagbibigay-inspirasyon upang lalo pa silang maglingkod.

Sa likod ng bawat programa ay may pusong nagplano.

Sa likod ng bawat tagumpay ay may mga taong nagtulungan.

At sa likod ng bawat ngiti ay may isang komunidad na marunong makialam, makiisa, at magmahal.

Ngayong Kapistahan, muli ninyong napatunayan na kapag ang Barangay Alabang ay nagkakaisa, walang imposible.

Ang mga masasayang sandaling ito ay mananatili hindi lamang sa ating mga larawan, kundi higit sa lahat, sa puso ng bawat isa.

Mabuhay ang Barangay Alabang!

Mabuhay ang bawat pamilyang bumubuo sa ating komunidad!

At higit sa lahat, maraming salamat sa inyong walang sawang pakikiisa.

Bagong Alabang, patuloy tayong magkaisa, magmalasakit, at magmahalan. ❤️💙

05/08/2026

𝙆𝘼𝙂𝘼𝙒𝘼𝘿 𝙈𝙀𝙇𝘼𝙔 𝘼𝘽𝘼𝙎: 𝙎𝙀𝙍𝘽𝙄𝙎𝙔𝙊𝙉𝙂 𝙈𝙀𝙇𝘼𝙔𝙐𝙉𝙄𝙉, 𝙎𝙀𝙍𝘽𝙄𝙎𝙔𝙊𝙉𝙂 𝙈𝘼𝙔 𝙋𝙐𝙎𝙊 𝘼𝙏 𝙈𝘼𝙇𝘼𝙎𝘼𝙆𝙄𝙏 💙❤️

May mga taong ang paglilingkod ay hindi lamang tungkulin, ito ay isang layunin. Isa na rito si 𝑲𝒂𝒈𝒂𝒘𝒂𝒅 𝑪𝒂𝒓𝒎𝒆𝒍𝒂 𝑱𝒐𝒚 “𝑴𝒆𝒍𝒂𝒚” 𝑨. 𝑨𝒃𝒂𝒔, isang lingkod-bayan na buong pusong iniaalay ang kanyang oras, kakayahan, at malasakit para sa bawat mamamayan ng Barangay Alabang.

Bilang kapatid ni Kapitana Tintin Abas-Ding, maaga pa lamang ay nahubog na ang kanyang pagmamahal sa serbisyo publiko. Lumaki siya sa pamilyang ang pamana ay hindi lamang pangalan, kundi isang tradisyon ng tapat na paglilingkod. Mula sa kanyang lolo na si dating Kapitan Enad Abas hanggang sa kanyang ama na si dating Konsehal Bet Abas, natutunan niya na ang tunay na lider ay inuuna ang kapakanan ng kanyang nasasakupan.

Bago pa man siya pumasok sa pamahalaan, kilala na si Melay bilang isang taong madaling lapitan at laging handang tumulong. Marami ang kanyang natulungan gamit ang sarili niyang kakayahan at sariling bulsa, nang walang hinihinging kapalit. Para sa kanya, ang pagtulong ay hindi kailanman dapat naghihintay ng posisyon.

Noong 2023, ipinakita niya ang kanyang husay at dedikasyon bilang Barangay Administrator ng Barangay Alabang, kung saan naging katuwang siya sa pagpapalakas at pagpapabuti ng mga programa at serbisyong ipinagkakaloob sa komunidad. Bilang pagkilala sa kanyang sipag at kakayahan, noong Hulyo 7, 2025, siya ay itinalaga bilang Barangay Kagawad, dala ang mas malaking responsibilidad at mas malawak na pagkakataong makapaglingkod.

Sa gitna ng pandemya, higit na nakita ang kanyang malasakit sa pamamagitan ng Abas Cares Program. Personal niyang inihatid ang tulong sa mga pamilyang nangangailangan sa pamamagitan ng pamamahagi ng libreng gamot, bitamina, maintenance medicine para sa high blood, nebulizers, at iba pang pangunahing pangangailangan. Naging daan din siya sa pagtatatag ng isang Community Pantry, na nagsilbing simbolo ng pag-asa, pagkakaisa, at bayanihan sa panahon ng matinding pagsubok.

Ngayong 2026, patuloy niyang isinusulong ang serbisyong may puso sa pamamagitan ng 𝑨𝑲𝑨𝒀 𝒏𝒊 𝑴𝒆𝒍𝒂𝒚 𝑷𝒓𝒐𝒈𝒓𝒂𝒎, isang programang nakatuon sa kapakanan ng ating mga Persons with Disabilities (PWDs). Sa ilalim nito ay namamahagi siya ng diapers, tungkod, saklay, at iba pang kinakailangang kagamitan upang maibsan ang pang-araw-araw na hamon ng mga benepisyaryo at maipadama sa kanila na hindi sila nag-iisa.

Sa bawat proyektong kanyang pinangungunahan at sa bawat taong kanyang natutulungan, malinaw na ipinapakita ni Kagawad Melay Abas na ang tunay na lider ay hindi nasusukat sa titulo o posisyon, kundi sa paglilingkod, integridad, at malasakit sa kapwa.

Serbisyong MELAYunin ay higit pa sa isang islogan, ito ay pangakong patuloy na kikilos, maglilingkod, at magbibigay ng pag-asa sa bawat pamilya ng Barangay Alabang.

Dahil ang tunay na layunin ng paglilingkod ay hindi lamang ang tumulong sa kasalukuyan, kundi ang mag-iwan ng pamana ng malasakit at magandang kinabukasan para sa mga susunod pang henerasyon.

04/08/2026

𝐒𝐄𝐑𝐁𝐈𝐒𝐘𝐎𝐍𝐆 𝐓𝐈𝐍𝐓𝐈𝐍! 𝐒𝐄𝐑𝐁𝐈𝐒𝐘𝐎𝐍𝐆 𝐀𝐁𝐀𝐒! 💙❤️

Sa panahon ngayon, hindi maiiwasan ang mga batikos, paghahambing, at iba’t ibang opinyon tungkol sa pamumuno. May mga nagsasabing mas mahusay ang nakaraan, mayroon namang naniniwalang mas marami nang nagagawa ang kasalukuyan. Ngunit sa halip na umasa sa sabi-sabi, mas makabubuting balikan at tingnan ang mga konkretong programa, proyekto, at serbisyong naihatid sa mamamayan.

Noon, naipagkakaloob ang mga school supplies, sapatos, medyas, bag, notebook, pad paper, crayons, lapis, ballpen na may pencil case, at school uniform.

Ngayon, bukod sa libreng school supplies, mayroon nang Educational Assistance at Scholarship Program na nakatutulong sa mahigit 1,200 Senior High School at College students. Malapit na ring magbukas ang Bagong Alabang Learning Hub, kung saan may libreng access sa computers, tablets, at educational books upang higit pang masuportahan ang edukasyon ng ating kabataan.

Noon, may mga naipagawang kalsada sa ilang bahagi ng Barangay.

Ngayon, pagpapagawa ng kalsada sa Purok 4, pagsasaayos ng mga pathways sa iba’t ibang lugar ng Alabang, at pagsasaayos ng mga basketball court bilang suporta sa sports development at kabataan.

Higit pa rito, sa ilalim ng kasalukuyang administrasyon ay naipatayo at naipagawa ang mga mahahalagang pasilidad tulad ng Bagong Alabang People’s Center, Bagong Barangay Hall, Elderly Facility sa Estehonor, at ang Satellite Office sa Wawa. Patunay ito na kapag maayos ang pamamahala at tama ang paggamit ng pondo ng bayan, maraming proyekto ang maisasakatuparan.

Patuloy ding naihahatid ang mga serbisyong tunay na ramdam ng mamamayan gaya ng:

• Botikang Barangay
• Libreng ECG, Pap Smear, at OB Gyne
• Health Center na bukas mula 8:00 AM hanggang 10:00 PM
• A-CARE Therapy Center
• Libreng Notaryo
• Dagdag Puhunan Program
• Livelihood Programs
• PWD Programs

Sa sektor ng mga Senior Citizens, kauna-unahan sa Lungsod ng Muntinlupa ang pagkakaloob ng Birthday Cash Gift sa mga lolo at lola bilang pagkilala sa kanilang mahalagang ambag sa komunidad.

Hindi rin naiiwan ang ating mga kapatid na LGBTQIA+ at PWD’s, sa pamamagitan ng mga livelihood programs, Pride Month activities, at Dagdag Puhunan Program NDP Week na nagsusulong ng pagkakapantay-pantay at inklusibong serbisyo.

Ilan lamang ito sa mga programang patuloy na isinusulong ng Pamahalaang Barangay sa pamumuno ni Kapitana Tintin Abas-Ding.

Ang paghahambing ng mga administrasyon ay bahagi ng demokrasya. Nararapat lamang na kilalanin ang naging ambag ng mga naunang namuno at pahalagahan din ang mga bagong programang naipatutupad sa kasalukuyan. Ngunit sa huli, ang pinakamahalagang batayan ay hindi ang ingay ng batikos o ng mga haka-haka, kundi ang mga serbisyong tunay na nararamdaman ng mamamayan.

Sa mga patuloy na naninira, nagpapakalat ng maling impormasyon, at mas pinipiling manira kaysa tumulong, isang paalala lamang: ang katotohanan ay hindi natatabunan ng ingay, at ang tunay na serbisyo ay nakikita sa gawa, hindi sa paninira.

Ang mabuting lider ay hindi nasusukat sa dami ng batikos na kanyang natatanggap, kundi sa dami ng buhay na kanyang natutulungan.

Sa serbisyo, hindi sapat ang magkaroon ng posisyon. Ang tunay na sukatan ng pamumuno ay ang integridad, malasakit, at ang legasiyang maiiwan para sa susunod na henerasyon.

Hindi lahat ng kritisismo ay mali, ngunit hindi rin lahat ng paninira ay katotohanan. Kaya bago humusga, alamin muna ang buong larawan. At bago magkumpara, ihambing ang mga nagawa, hindi ang mga haka-haka.