14/10/2024
Mga minamahal kong Muntinlupeño,
Isang makabuluhan na bagong kabanata sa aking buhay ang nagsisimula ngayon. Matapos kong mag-file ng aking Kandidatura bilang aspiranteng Konsehal para sa Distrito Uno ng ating Lungsod, buo ang aking loob na ako ay nakahandang mag alay ng aking pagmamahal at paglilingkod para sa ating kapwa. Tiwala ako sa husay at galing ng mga Muntinlupeño lalo na ng mga Kabataan.
Alam kong hindi magiging madali ang daang ating tatahakin, ngunit sa tulong ng ating sama-samang pagsisikap at sa gabay ng Panginoon, lahat ng hamon ay kayang malampasan.
Ang laban pong ito ay hindi lamang tungkol sa aking pangarap, kundi para sa adhikain para sa ating mahal na Lungsod ng Muntinlupa at sa bawat mamamayang nagnanais ng mas maayos, mas malapit, at mas may malasakit na serbisyo.
Kasama ko po kayo sa hangaring ito—na maglingkod ng tapat, buo ang puso, at para sa kapakanan ng lahat.
Sama-sama po nating isulong ang Serbisyong Makabago tungo sa isang mas maunlad at mas magandang kinabukasan para sa ating lahat.