LTO NAGA District Office-Bicol

09/10/2026

09/10/2026

05/10/2026

𝐋𝐓𝐎 𝐑𝐞𝐠𝐢𝐨𝐧 𝐕, 𝐍𝐚𝐠𝐥𝐚𝐛𝐚𝐬 𝐧𝐠 𝐒𝐡𝐨𝐰 𝐂𝐚𝐮𝐬𝐞 𝐎𝐫𝐝𝐞𝐫 𝐊𝐚𝐮𝐠𝐧𝐚𝐲 𝐧𝐠 𝐌𝐚𝐩𝐚𝐧𝐠𝐚𝐧𝐢𝐛 𝐧𝐚 𝐏𝐚𝐠𝐦𝐚𝐦𝐚𝐧𝐞𝐡𝐨 𝐧𝐚 𝐍𝐚𝐠𝐫𝐞𝐬𝐮𝐥𝐭𝐚 𝐬𝐚 𝐏𝐚𝐠𝐤𝐚𝐬𝐚𝐰𝐢 𝐬𝐚 𝐂𝐨𝐧𝐜𝐞𝐩𝐜𝐢𝐨𝐧 𝐆𝐫𝐚𝐧𝐝𝐞, 𝐍𝐚𝐠𝐚 𝐂𝐢𝐭𝐲

Matapos ang paunang pagsusuri sa insidente at sa mga nakalap na ebidensya, naglabas ang Land Transportation Office (LTO) Region V ng Show Cause Order (SCO) na nag-aatas sa kinauukulang driver na magpaliwanag sa loob ng sampung (10) araw kung bakit hindi siya dapat panagutin sa kasong administratibo sa pagiging Improper Person to Operate a Motor Vehicle o hindi karapat-dapat na tao upang magmaneho ng sasakyang de-motor, alinsunod sa Seksyon 27 ng Republic Act No. 4136.

Nauna nang naisyu sa kinauukulang driver ang Temporary Operator’s Permit (TOP) kaugnay ng paglabag na Reckless Driving. Samantala, isinailalim sa preventive suspension sa loob ng siyamnapung (90) araw ang kanyang lisensya sa pagmamaneho, habang ang sangkot na sasakyang de-motor ay inilagay sa “Alarm” status habang hinihintay ang resolusyon sa kasong administratibo.

Isinasagawa ang mga hakbang na ito bilang bahagi ng pagpapatupad ng mga adhikain ng administrasyon ni Pangulong Ferdinand R. Marcos Jr., alinsunod sa mga patakarang isinusulong ng Department of Transportation (DOTr) Secretary Atty. Giovanni Z. Lopez at LTO Assistant Secretary Markus Lacanilao, at sa patuloy na pamumuno nina LTO Regional Director Allan Castillejos at Assistant Regional Director Vincent Nato.

05/10/2026

🚨 𝐒𝐇𝐎𝐖 𝐂𝐀𝐔𝐒𝐄 𝐎𝐑𝐃𝐄𝐑 𝐔𝐏𝐃𝐀𝐓𝐄 🚨

Matapos ang isinagawang pagdinig ng Land Transportation Office (LTO), tuluyang ipinataw ang revocation ng driver’s license ng rider at diskwalipikasyon na mabigyan muli ng lisensya sa loob ng dalawang (2) taon, matapos itong ideklarang Improper Person to Operate a Motor Vehicle.

Ang naturang desisyon ay kaugnay ng insidenteng kinasangkutan ng rider, kung saan natamaan nito ang kapwa motorista habang nagsasagawa ng delikadong maniobra. Dahil dito, nawalan ng balanse ang motorsiklong natamaan, dahilan upang mahulog ang rider at ang kanyang angkas.

Pinatawan din ang rider ng kaukulang parusa ng ahensya dahil sa paglabag sa Duty of the Driver in Case of Accident, sapagkat umalis siya sa lugar ng insidente nang hindi huminto upang magbigay ng kinakailangang tulong sa biktima.

Naisyuhan din ng traffic citation ticket ng pulis ang rider para sa Reckless Driving kaugnay ng insidente.

“Bawat paglabag ay seryosong inaaksyunan ng LTO. Kapag nilabag mo ang batas at tumakas matapos ang isang insidente, may katapat itong pananagutan, kabilang ang pagbawi ng iyong lisensya,” saad ni Asec. Lacanilao.

Para sa karagdagang impormasyon tungkol sa insidenteng ito, maaaring i-click ang link sa ibaba para sa naunang inilabas na pahayag ng LTO.

https://web.facebook.com/share/p/14nphMxkesW/

27/09/2026

📢𝗣𝘂𝗯𝗹𝗶𝗰 𝗔𝗱𝘃𝗶𝘀𝗼𝗿𝘆‼
Work in all LTO Region V offices will be 𝘀𝘂𝘀𝗽𝗲𝗻𝗱𝗲𝗱 from 𝟭:𝟬𝟬 𝗣𝗠 𝗼𝗻𝘄𝗮𝗿𝗱𝘀 𝗼𝗻 𝗠𝗼𝗻𝗱𝗮𝘆, 𝗦𝗲𝗽𝘁𝗲𝗺𝗯𝗲𝗿 𝟮𝟴, 𝟮𝟬𝟮𝟲.

This is in line with Memorandum Circular No. 136 issued by the Office of the President in observance of Family Week and “Kainang Pamilya Mahalaga” day.