Mayor Ronald "Bokwet" B. Cosico

10/11/2026

PUBLIC NOTICE

Ipinapaalam sa publiko na magsisimula ang transport ng mga bahagi ng windmill para sa Kalayaan 2 Wind Power Project na daraan sa kahabaan ng National Highway sa mga bayan ng Kalayaan, Paete, Pakil, at Pangil.

Narito ang schedule ng transport ng windmill components:
November 09, 2026: Tower
November 10, 2026: Blade
November 11, 2026: Tower
November 12, 2026: Blade
November 13, 2026: Tower
November 14, 2026: Blade
November 15, 2026: Tower
November 16, 2026: Blade

Start Time: 10:00 PM
End Time: 5:00 AM

Pinapayuhan ang lahat ng motorista at residente na mag-ingat at sumunod sa ipatutupad na traffic management habang isinasagawa ang transportasyon ng mga nabanggit na kagamitan.
Maraming salamat sa inyong pang-unawa at kooperasyon.

10/11/2026

Sa Diyos at sa bayan, buong kababaang-loob ko po kayong patuloy na paglilingkuran.

Taos-pusong pasasalamat sa Philippines Choice Award sa pagkilala sa inyong lingkod bilang Outstanding Mayor of the Year. Buong puso kong iniaalay ang pagkilalang ito sa Diyos at sa aking mga kababayan. Nawa'y magsilbi itong inspirasyon upang lalo pang pagbutihin ang ating paglilingkod at patuloy na isulong ang kaunlaran ng ating bayang minamahal.

Maraming salamat, Paete!

08/11/2026

07/11/2026

November 7, 2026 | Buong pagpapakumbaba at pasasalamat na tinanggap ng inyong lingkod ang pagkilala mula sa Philippines Choice Awards bilang isa sa mga Outstanding Mayors of the Year sa buong Pilipinas.

Ang parangal na ito ay buong-puso kong iniaalay sa ating mahal na bayan ng Paete at higit sa lahat, sa bawat isang Paeteño.

Maraming salamat sa inyong patuloy na pagtitiwala. Ang pagkilalang ito ay magsisilbing inspirasyon upang lalo pang pagbutihin ang paglilingkod at patuloy na isulong ang isang mas maunlad, mas masining, at mas masaganang Paete.

05/11/2026

November 4, 2026 | Personal na nagtungo ang inyong lingkod sa tanggapan ng GMA Network upang ipaabot sa tanggapan ni Ms. Jessica Soho at kay Director/Producer Michelle Pe Symaco ang ating liham, kalakip ang kopya ng resolusyong pinagtibay ng Sangguniang Bayan ng Paete kaugnay ng KMJS: Gabi ng Lagim episode na ipinalabas noong November 1, 2026.

Bahagi ito ng pormal na panawagan ng Pamahalaang Bayan ng Paete na mabigyang-pansin ang hinaing ng ating komunidad at maipahayag ang kahalagahan ng paggalang sa ating kultura, pananampalataya, tradisyon, at pagkakakilanlan bilang Bayang Masining.

Patuloy tayong manindigan sa maayos na pakikipag-ugnayan, bukas na diyalogo, at paggalang sa isa't isa.

05/11/2026

November 3, 2026 | Personal na binisita ng inyong lingkod ang mga pampublikong paaralan sa Paete upang inspeksyunin ang mga kinakailangang pagkukumpuni at konstruksyon ng mga silid-aralan.

Layunin nitong matiyak na ligtas, maayos, at angkop ang mga pasilidad na ginagamit ng ating mga mag-aaral at mga g**o.

Patuloy nating isinusulong ang mga proyektong nagbibigay-prayoridad sa kaligtasan at kapakanan ng bawat mag-aaral at g**o sa ating bayan.

04/11/2026

Isang taus-pusong pagbati mula sa Pamahalaang Bayan ng Paete sa lahat ng mga taga-Barangay 3 - Ermita sa pagdiriwang ng kapistahan ni San Antonio Abad.

Nawa'y patuloy tayong gabayan ng ating pananampalataya at pagpalain ang bawat pamilya ng kalusugan, pagkakaisa, at kapayapaan.

Happy Fiesta, Brgy. 3 - Ermita!

03/11/2026

Bago ang pormal na pagsisimula ng ika-67 Regular na Sesyon ng Kagalang-galang na Sangguniang Bayan ng Paete para sa Termino 2025–2028, nagtungo ang inyong lingkod sa tanggapan ng Sangguniang Bayan para sa isang impormal na pagpupulong kasama ang mga miyembro ng konseho upang talakayin ang naging tampok na bahagi ng Kapuso Mo, Jessica Soho (KMJS) Gabi ng Lagim XIV na may kaugnayan sa tradisyon ng pag-uukit sa ating bayan.

Sa nasabing sesyon, pinagtibay ang Sangguniang Bayan Resolusyon Blg. 166, T. 2026, na inakda ni Kgg. Lourdes F. Sunga. Nilalaman nito ang panawagan sa GMA Network at sa pamunuan ng KMJS para sa patas, wasto, at responsableng paglalahad ng mga kuwento at impormasyong may kinalaman sa kultura at pamanang pangkultura ng Paete.

Bilang inyong lingkod, nais kong bigyang-diin na ang paninindigang ito ay hindi nangangahulugang pagsasantabi o pagmamaliit sa personal na karanasan at paniniwala ng sinuman. Kinikilala natin ang karapatan ng bawat isa na magbahagi ng kanilang karanasan at pananaw. Gayunpaman, mahalaga ring magkaroon ng sapat na konteksto, pag-iingat, at responsibilidad sa paglalahad ng mga ganitong kuwento, lalo na kung may epekto ang mga ito sa pagkakakilanlan at reputasyon ng isang bayan.

Hindi natin layuning makipagtalo o magturo ng sisi. Ang nais lamang natin ay matiyak na ang mayamang kasaysayan at tradisyon ng pag-uukit sa Paete ay maipakikilala nang patas at may paggalang, habang kinikilala rin ang mga taong bahagi ng ating pamana.

Sa kabila ng iba't ibang pananaw at pangyayaring ating kinakaharap, patuloy tayong manalig at kumapit sa ating pananampalataya. Huwag nating hayaang manaig ang takot, pangamba, o pagkakahati-hati. Sa halip, pairalin natin ang pag-unawa, respeto, at pananalig sa Diyos. Nawa'y manatili tayong nagkakaisa sa pagmamahal at pagpapahalaga sa ating bayan at sa kulturang minana natin sa mga naunang henerasyon.

Kalakip ng post na ito ang buong kopya ng Sangguniang Bayan Resolusyon Blg. 166, T. 2026, para sa kaalaman at pagbasa ng publiko.

31/10/2026

Sa paggunita sa All Saints’ Day at All Souls’ Day, sama-sama nating alalahanin ang mga banal na nag-alay ng kanilang buhay sa pananampalataya at ang ating mga mahal sa buhay na pumanaw na.

Nawa'y magsilbing panahon ito ng panalangin, pasasalamat, at pagmamahal habang inaalala natin ang mga buhay at alaala na patuloy na nananatili sa ating puso.

Isang mapayapa at makabuluhang paggunita mula sa Pamahalaang Bayan ng Paete.