28/07/2026
Magandang Araw, mga Kabarangay!
Ang listahang aming ilalathala ay ang opisyal na listahan ng mga benepisyaryo ng UPLIFT Assistance Program ng Pamahalaan.
Ang UPLIFT (Unified Package for Livelihood, Industry, Food, and Transport Assistance Program) ay isang programang inilunsad ng administrasyon ni Pangulong Ferdinand R. Marcos Jr. upang magbigay ng tulong-pinansyal sa mga kwalipikadong pamilyang Pilipino bilang suporta sa kanilang pang-araw-araw na pangangailangan.
Nais din naming ipabatid na ang opisyal na listahan ng mga benepisyaryo ay nagmula sa Department of Social Welfare and Development (DSWD) National, at nakabatay sa datos ng 2024 Community-Based Monitoring System (CBMS) na isinagawa ng Philippine Statistics Authority (PSA). Ang pagpili ng mga benepisyaryo ay hindi isinagawa ng Barangay, Municipal Government, o sinumang lokal na opisyal. Ang tungkulin lamang ng Barangay ay ipaalam sa mga napabilang sa listahan ang mga kinakailangang dokumento at ang iskedyul ng kanilang pagpunta.
Para sa mga napabilang sa opisyal na listahan, mangyaring magtungo sa Barangay Hall ng Mayhay, Pagbilao, Quezon sa ika-29 ng Hulyo 2026. Pakidala ang sumusunod:
β’ Photocopy ng National ID (kung mayroon) o anumang Government-issued Valid ID.
Paalala rin po na ang mga aktibong benepisyaryo ng Pantawid Pamilyang Pilipino Program (4Ps) ay hindi na kwalipikado sa UPLIFT Assistance Program kung kabilang sila sa mga saklaw na hindi maaaring tumanggap ng dobleng benepisyo, alinsunod sa umiiral na patakaran ng programa.
Para sa iba pang katanungan o paglilinaw, maaari lamang pong magtungo sa Tanggapan ng Barangay Mayhay sa oras ng opisina.
Maraming salamat po at magandang araw!