2nd Palawan Provincial Mobile Force Company

08/10/2026

𝟮𝗡𝗗 𝗣𝗔𝗟𝗔𝗪𝗔𝗡 𝗣𝗠𝗙𝗖, 𝗡𝗔𝗚𝗦𝗔𝗚𝗔𝗪𝗔 𝗡𝗚 𝗖𝗛𝗘𝗖𝗞𝗣𝗢𝗜𝗡𝗧 𝗔𝗧 𝗡𝗔𝗚𝗣𝗔𝗔𝗟𝗔𝗟𝗔 𝗦𝗔 𝗠𝗚𝗔 𝗠𝗢𝗧𝗢𝗥𝗜𝗦𝗧𝗔

ROXAS, PALAWAN — Patuloy na isinusulong ng 2nd Palawan PMFC ang road safety at crime prevention efforts sa pamamagitan ng pagsasagawa ng checkpoint at pagbibigay ng mga paalala sa mga motorista upang makatulong na maiwasan ang mga aksidente sa kalsada.

Sa isinagawang checkpoint, pinaalalahanan ang mga motorista na mahigpit na sumunod sa mga batas-trapiko, traffic signs at speed limits, gayundin ang paggamit ng standard helmet para sa mga motorcycle rider at back rider at seatbelt para sa mga sakay ng sasakyan.

Binigyang-diin din ang kahalagahan ng hindi paggamit ng cellphone habang nagmamaneho, pag-iwas sa pagmamaneho kapag nakainom ng alak, pagpapanatiling maayos ang kondisyon ng sasakyan, at pagpapanatili ng ligtas na distansya mula sa ibang sasakyan.

“Ang kaligtasan sa kalsada ay pananagutan ng bawat motorista. Sumunod sa batas-trapiko, maging responsable sa pagmamaneho, at laging unahin ang kaligtasan upang makaiwas sa aksidente at ligtas na makarating sa paroroonan.”

Patuloy namang hinihikayat ng 2nd Palawan PMFC ang publiko na maging disiplinado, mapagmatyag, at responsable sa bawat biyahe para sa isang ligtas na kalsada at ligtas na komunidad.

08/10/2026

𝟰𝗧𝗛 𝗣𝗟𝗔𝗧𝗢𝗢𝗡, 𝗡𝗔𝗚𝗛𝗔𝗧𝗜𝗗 𝗡𝗚 𝗔𝗡𝗧𝗜-𝗧𝗘𝗥𝗥𝗢𝗥𝗜𝗦𝗠 𝗔𝗪𝗔𝗥𝗘𝗡𝗘𝗦𝗦 𝗦𝗔 𝗕𝗜𝗡𝗧𝗨𝗔𝗡

CORON, PALAWAN — Patuloy na nagsusulong ang 4th Platoon, 2nd Palawan PMFC ng kamalayan sa seguridad sa pamamagitan ng pagsasagawa ng Anti-Terrorism Awareness Dialogue at pamamahagi ng Information, Education and Communication (IEC) materials sa mga residente ng Barangay Bintuan, Coron, Palawan.

Sa isinagawang dialogue, tinalakay ang kahalagahan ng pagiging mapagmatyag at responsableng mamamayan sa pagpapanatili ng kapayapaan at seguridad ng komunidad. Binigyang-diin din ang kahalagahan ng pagkilala sa mga posibleng banta ng terorismo at violent extremism, gayundin ang wastong pagtugon sa mga kahina-hinalang sitwasyon.

Sa pamamagitan ng pamamahagi ng IEC materials, nabigyan ang mga residente ng karagdagang impormasyon hinggil sa mga paraan upang makatulong sa prevention at early reporting ng mga kahina-hinalang aktibidad. Hinikayat ang publiko na maging mapanuri sa mga impormasyong nakikita online at iwasang magpalaganap ng hindi beripikadong balita o content na maaaring magdulot ng takot at hindi pagkakaunawaan.

Ipinaalala rin na ang anumang kahina-hinalang aktibidad ay dapat agad i-report sa pinakamalapit na police station o kinauukulang awtoridad, at iwasang direktang komprontahin ang mga indibidwal na maaaring magdulot ng panganib.

“Ang kaalaman at pagiging mapagmatyag ng bawat mamamayan ay mahalagang bahagi ng ating sama-samang pagsisikap para sa isang ligtas at mapayapang komunidad. Maging mapanuri tayo sa impormasyon at huwag mag-atubiling mag-report sa awtoridad kung may napansing kahina-hinalang aktibidad.”

Patuloy na magsasagawa ang 2nd Palawan PMFC ng mga dialogue, information dissemination, at iba pang community engagement activities upang palakasin ang kamalayan ng mga mamamayan at itaguyod ang peace and order, public safety, at community resilience.

08/10/2026

08/10/2026

𝗥-𝗣𝗦𝗕 𝗧𝗘𝗔𝗠, 𝗡𝗔𝗚𝗛𝗔𝗧𝗜𝗗 𝗡𝗚 𝗙𝗔𝗞𝗘 𝗡𝗘𝗪𝗦 𝗔𝗪𝗔𝗥𝗘𝗡𝗘𝗦𝗦 𝗦𝗔 𝗠𝗚𝗔 𝗥𝗘𝗦𝗜𝗗𝗘𝗡𝗧𝗘 𝗡𝗚 𝗖𝗔𝗧𝗔𝗕𝗔𝗡

TAYTAY, PALAWAN — Patuloy na nagsusulong ang R-PSB Team ng 2nd Palawan PMFC ng responsible digital citizenship sa pamamagitan ng pagsasagawa ng Fake News Awareness para sa mga residente ng Barangay Cataban, Taytay, Palawan.

Sa isinagawang information drive, tinalakay ang kahalagahan ng pagiging mapanuri sa mga impormasyong nakikita at natatanggap, partikular sa social media. Ipinaalala sa mga residente na huwag agad maniwala o magbahagi ng mga balitang walang malinaw at mapagkakatiwalaang source.

Binigyang-diin din ang simpleng prinsipyo na “Mag-isip Bago Mag-Share”, kung saan hinihikayat ang bawat isa na suriin ang pinagmulan ng impormasyon, tingnan ang petsa at konteksto ng post, at ikumpara ito sa mapagkakatiwalaang sources bago mag-like, mag-comment, o mag-share.

Ipinaalala rin na ang pagpapakalat ng maling impormasyon ay maaaring magdulot ng kalituhan, takot, at hindi pagkakaunawaan sa komunidad. Dahil dito, mahalagang maging responsable sa paggamit ng social media at huwag maging bahagi ng pagpapalaganap ng hindi beripikadong impormasyon.

“Sa panahon ngayon, mabilis kumalat ang impormasyon, kaya mahalagang maging mapanuri tayo. Bago maniwala at magbahagi, suriin muna ang source at beripikahin ang impormasyon. Maging responsable tayo sa bawat impormasyong ating ipinapakalat.”

Patuloy ang R-PSB Team sa pagsasagawa ng mga information drive at community-based activities bilang bahagi ng kanilang Barangay Immersion Program upang mapalakas ang kaalaman, kamalayan, at pakikipagtulungan ng mga residente tungo sa isang ligtas at responsableng komunidad.