15/10/2026
𝗣𝗔𝗔𝗟𝗔𝗟𝗔 𝗦𝗔 𝗟𝗔𝗛𝗔𝗧 𝗡𝗚 𝗠𝗔𝗠𝗔𝗠𝗔𝗬𝗔𝗡 𝗡𝗚 𝗕𝗔𝗬𝗔𝗡 𝗡𝗚 𝗔𝗚𝗨𝗧𝗔𝗬𝗔 !
Ipinapaalala ng Lokal na Pamahalaan ng Agutaya na nananatiling epektibo ang Executive Order No. 72, Series of 2026, na nagtatakda ng mahigpit na pagpapatupad ng mga hakbang pangkaligtasan laban sa pagkalat ng African Swine Fever (ASF) sa ating bayan.
Alinsunod sa nasabing Kautusang Tagapagpaganap, mahigpit na ipinagbabawal ang mga gawaing nakasaad dito, kabilang ang hindi awtorisadong pagdadala, pagbebenta, at paggalaw ng mga baboy, karne ng baboy, pagbenta ng mga pagkain (hal. Feeds, Darak at iba pa)at iba pang produktong may kaugnayan dito, gayundin ang iba pang gawaing maaaring magdulot ng pagkalat ng ASF.
Hinihikayat ang lahat ng mamamayan, lalo na ang mga mag-aalaga ng baboy, negosyante, at mga nagdadala ng mga produktong karne, na sumunod sa mga umiiral na alituntunin at makipagtulungan sa mga kinauukulang tanggapan upang maprotektahan ang ating mga alagang hayop at kabuhayan.
Ang pagsunod sa kautusang ito ay mahalagang hakbang upang maiwasan ang pagkalat ng sakit at mapangalagaan ang kabuhayan ng ating mga kababayan.
Makiisa, makipagtulungan, at sumunod sa mga alituntunin!
