07/11/2024
UPDATE KABAHIN SA MGA PAGPANGANDAM SA POSIBLENG MAHITABO NGA MGA KALAMIDAD
Uban sa atong Provincial Administrator Asteria Caberte, atong gipatawag ang hepe sa Provincial Disaster Risk Reduction and Management Office (PDRRMO) Dr. Anthony Damalerio, Bohol Provincial Environment Management Office (BPEMO) Jovencia Ganub, ug si Engr. Ronilita Bunado sa Provincial Planning and Development Office (PPDO) alang sa usa ka meeting kay kini nga mga buhatan ang unang muresponde sa mga panahon nga adunay kalamidad ang lalawigan.
Kauban namo sa meeting ang Officer in Charge sa PHIVOLCS nga nakadestino sa atong lalawigan, Engr. Nolan Evangelista, kay iyang gipahibalo kanato ang kahimtang sa fault line karon nga East Bohol Fault sa Loay ngadto sa Sierra Bullones ug ang South Offshore Fault sa Anda ngadto sa Pamilacan Island nga posibleng mulahos sa Siquijor.
Atong giampo nga iiway kita gikan sa kalamidad, apan isip inyong Gobernador, atong gitutukan ang pagpangandam sa posibleng mahitabo nga linog kay importante kanako nga luwas ug layo sa peligro ang matag Bol-anon.
Matud ni Evangelista, kung mahitabo ang kusog nga linog, posible kini nga makaapekto sa mga coastal areas sa habagatan nga bahin sa Bohol, apil ang Tagbilaran, ug Panglao Island.
Inubanan ni PA Caberte, naghatag na kita og instructions sa mga angay buhaton, ug padayon nato kini nga i-monitor. Tabangan unta kita sa Ginoo.
Ako nagtuo nga dakong bahin sa kalampusan sa atong contingency planning, mao ang suporta sa katawhan, mao man nga akong pag-awhag sa tanan, nga magtinabangay kita, mag-amping ug mag-ampo sa kanunay.
07/11/2024
06/11/2024
09/03/2022
07/02/2022
04/02/2022
04/02/2022