25/09/2026
Mariing kinokondena ng Tapang Paraรฑaque ang pagkansela ni Marcos Jr. ng halalan para sa Eleksyon ng mga Barangay at mga Kabataan na gaganapin dapat ngayong Nobyembre 2026.
Sa katwiran ni Marcos Jr., ito raw ay pagsisig**o na maitutuloy ang serbisyong ginagawa ng kada barangay sa kanilang nasasakupan.
Malaki itong kasinungalingan. Patuloy tayong niloloko, at tinuturing na mangmang ng administrasyong ito. Dahil mistulang pagsisig**o lang ito ng kanyang kapangyarihan para makahingi ng suporta sa mga Kapitan sa darating na national elections sa 2028.
Patunay diyan ang patuloy na pagtanggap ng pera ng mga barangay mula sa Presidente. Habang patuloy naman tayong nilulubog sa taas ng presyo ng pagkain, kuryente, at gasolina.
Kasama pa diyan ang pag-ipit ng baryang pagtaas ng sahod, at malawakang pagtapyas ng budget para sa edukasyon -- mga iilang halimbawa kung paano supilin ng administrasyong Marcos ang kapangyarihan ng taumbayan.
Dinidiin lang nito na ang tunay na pagkalas sa mga naghaharing pamilya, ay nananawagan ng pagkilos natin lagpas sa eleksyon. Mas dapat natin paigtingin ang pag-oorganisa, pagsasama-sama, at pagkilos bilang kolektibo. Nananawagan ito sa mga nag-aasam makapagserbisyo, SK o Barangay, na banggain ang mga dinastiyang nagpapatuloy ng ganitong bulok na sistema.
Magbuo ng pagkilos, sumama sa mga usapan, at aktibong makilahok sa pagpuna sa mga katarantaduhan ng pamahalaan. Dahil sa panahong ginagawa tayong mangmang, dapat mas lalo tayong magalit, magsama-sama, at iparamdam na hinihiram lang ang kapangyarihang hawak nila.
Pumirma sa Dapat Isa Lang.
Sumama sa pag-organisa.
Dalhin natin sa konseho at kalsada ang pagka-inutil ng ating gobyerno mula barangay hanggang nasyonal.
