Pasay City Urban Development And Housing Office

SHE RISES: A Journey To SELF-LOVE And SELF-CARE💜

Sa huling araw ng National Women's Month, ang ating lungsod sa pangunguna ng Ina ng Lungsod, Mayor Emi Calixto Rubiano sa pakikipagtulungan ng aming tanggapan sa Presidential Commission for Urban Poor (PCUP), ay dinaos muli ang ikalawang Gender and Development (GAD) Training para sa ating mga HOANAs kahapon ika-31 ng Marso 2026.

Ito ay nilahukan ng mga kababaihan o HOANAs mula sa mga ibat ibang asusasyon sa Malibay area kasama na dito ang Samahan MaryVillians HOA,Geronimo HOA,
St. Hannibal phase 2 HOA,E. Cornejo Vitales Resident HOA,E. Rodriguez S D Guzman C. Jose HOA,Merebelle HOA,BGY 172 Pioneer HOA,St. Hannibal Phase 4, Malibay Estates portion HOA.

Ang aming tanggapan ay nagpapasalamat sa ating napakahusay na Speaker na si Sir. Santaner Tedranes Iray at sa Coordinator na si Sir. Harlon D. Agsaoay ng PCUP sa pagpapaunlak na magbahagi ng kanilang mga kaalaman patungkol sa mga karapatan at mga kakayahan ng mga kababaihan.

Kami ay umaasa sa inyong patuloy na paglahok at kooperasiyon sa ating mga iba pang gawain at programa.

Mabuhay ang mga kababaihan!🫶🏻

EARTH HOUR

Ang Pamahalaang Lungsod Pasay sa pangunguna ng Ina ng Lungsod, Mayor Emi Calixto-Rubiano ay nakikiisa at nag-aanyaya sa lahat ng Pasayeño sa gaganaping “Earth Hour” bukas, Marso 28, 2026, alas-8:30 ng gabi.

Bilang pagtugon ay sama-sama nating patayin ang mga ilaw sa mga tahanan, tanggapan at mga establisimyento sa lungsod at makiisa sa pinakamalaking isang oras para sa mundo.

SHE RISES: Women Who Lead, Inspire and Transform!💜

Bilang pakikiisa sa National Women's Month ang ating lungsod sa pangunguna ng Ina ng Lungsod, Mayor Emi Calixto Rubiano sa pakikipagtulungan ng aming tanggapan sa Presidential Commission for Urban Poor (PCUP), ay nagkaroon ng unang Gender and Development (GAD) Training para sa ating mga HOANAs noong ika-19 ng Marso 2026.

Ito ay matagumpay na naisagawa na nilahukan ng mga kababaihan o HOANAs mula mga asusasyon galing sa Barangay 195, 196, 198, at 192. Layunin ng programa ang palawakin ang kaalaman at kasanayan, palakasin ang kakayahang lokal, at isulong ang aktibong pakikilahok tungo sa inklusibo at makabuluhang kaunlaran ng mga kababaihan sa kanilang komunidad.

PUBLIC ADVISORY: TEMPORARY COMPRESSED FOUR DAYS WORK WEEK

Bilang pagtalima sa kautusan ni Pangulong Ferdinand Marcos, Jr. alinsunod sa Memorandum Circular No. 114, s.2026 ng Office of the President, naglabas na rin ng Executive Order No. 12. s. 2026 ang Ina ng Lungsod, Mayor Emi Calixto-Rubiano para sa pagpapatupad ng Temporary Compressed Four Day Work Week sa mga kawani ng Pasay City Hall.

Ito ay ipatutupad simula ngayong araw, Marso 9, 2026 mula Lunes hanggang Huwebes, alas-7 ng umaga hanggang alas-6 ng gabi. Habang ang mga tanggapang may kaugnayan sa pagbibigay ng essential public services ay mananatiling bukas mula Lunes hanggang Biyernes, alas-7 hanggang alas-4 ng hapon.

Noong ika-6 ng Marso 2026, naganap ang pormal na paglagda ng Memorandum of Agreement (MOA) sa pagitan ng Pasay City at Tanay, Rizal na sumasaklaw sa paghahatid ng iba’t ibang serbisyo para sa mga relocatee sa Pasay City Relocation Site sa Sitio Sampiro, Tanay Rizal.

Mainit na tinanggap ng lungsod ang mga delegado mula sa Tanay Municipality na pinangunahan ni Hon. Mayor Rex Tanjuatco kasama si Hon. Councilor Nelson Ocampo, Chairman ng Housing Committee ng Tanay Municipality.

Ang mga probisyon ng kasunduang ito ay naisakatuparan sa pamumuno ng ating Ina ng Lungsod at sa pamamagitan ng tuloy-tuloy at aktibong koordinasyon ng iba’t ibang tanggapan ng Pasay City, sa pamumuno ng Urban Development and Housing Office kasama ang Pasay Social Welfare and Development Department, City Health Office, Public Employment and Services Office, City Engineering Office, City Planning and Development Office, General Services Office, City Legal Office, Disaster Risk Reduction and Management Office, Pasay City Environment and Natural Resources Office, at City Budget Office.

Bukod sa paghahatid ng pangunahing pangangailangan ng mga relocatees, layunin nito ang tiyakin na ang mga awardee ng mga yunit sa nasabing housing site ay mga nararapat at kwalipikadong mga benipisyaryo.

Sa pagsasabuhay ng 4Cs ng butihing Punong Alkalde, Hon. Emi Calixto-Rubiano, ang pinagsamang pagsisikap ng mga tanggapan at katuwang ang Tanay Municipality ay nagbunga ngayong Marso 2026.

Ito ay initiatiba ng ating Ina ng Lungsod na naayon sa H.E.L.P Priority Agenda (Housing) tungo sa Tapat at Higit pa sa Sapat na Paglilingkod.

FREE Issuance of Meralco Certification to all Female applicants

When: March 2-31, 2026

Where: Urban Development and Housing Office, Room 209 2nd Floor Pasay City Hall, FB Harrison St. Pasay City

How to avail: Proceed to the Urban Development and Housing office and look for Meralco Certification Focal Person Ms. Judy May Mabute

Brought to you by the Pasay City Urban Development And Housing Office in celebration of 2026 National Women’s Month

| |

Bilang pagkilala sa lakas, sipag, at dedikasyon ng bawat babae sa ating lungsod, ang Urban Development and Housing Office (UDHO) ay nakikiisa sa Philippine Commission on Women sa pagbibigay ng Serbisyo para sa Kababaihan 2026 sa pamamagitan ng LIBRENG PAG-IISYU NG MERALCO CERTIFICATION sa mga kababaihang aplikante o nagpoproseso ng aplikasyon ngayong buong buwan ng Marso 2026! 💜

Handog namin ito para sa lahat ng ating Pasay-Ina, Pasayeña, Juana, at HOA-na.

Patuloy nating itaguyod at suportahan ang kababaihan sa ating komunidad dahil ang tagumpay ng kababaihan ay tagumpay ng buong lungsod! 🌷

Bumisita lamang sa aming opisina ngayong Marso upang makapag-avail ng espesyal na serbisyong ito.

PasayenKnows!

Ang Republic Act No. 9904, o mas kilala bilang "Magna Carta for Homeowners and Homeowners' Associations", ay ang batas sa Pilipinas na kumikilala at nagpoprotekta sa mga karapatan ng mga miyembro ng homeowners' associations (HOAs). Nilalayon nitong palakasin ang pamamahala sa mga subdibisyon, kondominyum, at pabahay, habang tinitiyak ang maayos na ugnayan sa lokal na pamahalaan.

Kabilang sa karapatan ng miyembro ang pagboto, pagtakbo bilang opisyal, inspeksyon sa mga rekord ng asosasyon, at paggamit ng mga pasilidad ng komunidad. Obligasyon naman ng miyembro ang magbayad ng dues, sumunod sa mga panuntunan, at makilahok sa mga pagpupulong. Ang mga miyembro ng Board ay karaniwang hindi binabayaran (no compensation), maliban sa mga reimbursement para sa mga opisyal na gawain.

Pinamamahalaan ng batas ang paggamit at maintenance ng mga espasyo o "common areas" na pagmamay-ari ng lahat. Ang batas na ito ay ipinatutupad upang masiguro na makatao, patas, at demokratiko ang pamamalakad sa mga komunidad.

Source: https://elibrary.judiciary.gov.ph/thebookshelf/showdocs/2/16070

𝙋𝙖𝙨𝙖𝙮𝙚𝙣-𝙠𝙣𝙤𝙬𝙨!

Noong 2025, naitatag ang kauna-unahang opisyal na Federasyon ng mga Homeowners’ Association (HOA) ng Pasay City. Ito ay binubuo ng mga HOA mula Distrito 1 at Distrito 2. Naisakatuparan ang makasaysayang pagkakatatag na ito sa ilalim ng pamumuno ni Hon. Mayor Emi Calixto-Rubiano, at pormal na nanumpa ang federasyon noong Disyembre 6, 2025.

Ang federasyon ay magsisilbing isa sa mga aktibong partner ng Pamahalaang Lungsod (LGU) sa pagtugon sa mga usapin at alalahanin sa pabahay mula sa iba’t ibang HOA sa Pasay City.

Isang mahalagang araw para sa pamayanang pabahay! 💗

Pitong (7) Homeowners’ Associations (HOAs) ang nanumpa noong Pebrero 3, 2026 sa Mayor’s Conference Room matapos ang matagumpay na halalan ng kanilang mga bagong opisyal ng kani-kanilang mga HOA.

Ang panunumpa ay isinagawa sa harap ng ating Mahal na Punong Alkalde, Hon, Emi Calixto-Rubiano, bilang tanda ng kanilang pangako na maglingkod nang tapat at may pananagutan sa kanilang mga komunidad.

Malaki ang ginagampanang papel ng mga Homeowners’ Associations (HOAs) sapagkat sila ang nagsisilbing tulay ng mga usapin at hinaing sa pabahay mula sa iba’t ibang barangay at pamayanan patungo sa Pamahalaang Lungsod.

Sa pamamagitan ng mga HOAs, nagkakaroon ng mas malinaw at mas direktang ugnayan ang ating Punong Alkalde sa mga Pasayeño, na nagbibigay-daan upang mas maunawaan ang kanilang mga pangangailangan kaugnay ng pabahay at upang makapagbigay ng angkop na teknikal at alternatibong solusyon.

Bilang patunay nito, ilan sa mga HOAs na humiling nuong nakaraang taon ng paglalagay ng solar street lights, CCTV cameras, water pumps, gates, at marami pang iba sa loob ng kanilang komunidad ay nabigyan ng kaukulang tulong at suporta mula sa Pamahalaang Lungsod.

Binabati namin ang ating mga bagong lider ng HOA sa Pasay! 🩷