Pasay City Urban Development And Housing Office

11/10/2026

NATIONAL SHELTER MONTH 2026
Tahanan, Pamayanan, Kinabukasan

Bilang pakikiisa sa pagdiriwang ng National Shelter Month 2026 na may temang “Tahanan, Pamayanan, Kinabukasan,” at sa pangunguna ng ating Ina ng Lungsod ng Pasay Mayor Imelda “Emi” Calixto-Rubiano, matagumpay na isinagawa ng Urban Development and Housing Office (UDHO), katuwang ang Kandili ng Kalusugan ng Office of the City Mayor, City Health office at City Veterinary Office, ang Medical Mission and Anti-Rabies Vaccination and Deworming for Pets para sa ating mga pasayeño na naninirahan sa Pasay Housing site sa Tanay Rizal.

Layunin ng aktibidad na ito na maihatid ang mahahalagang serbisyong pangkalusugan sa ating mga residente, gayundin ang itaguyod ang responsableng pag-aalaga ng mga alagang hayop sa pamamagitan ng pagbibigay ng anti-rabies vaccination at deworming services.

Ang programang ito ay sumasalamin sa patuloy na pagsisikap ng Pamahalaang Lungsod ng Pasay na pangalagaan ang kalusugan, kaligtasan, at kapakanan ng bawat pamilya, habang isinusulong ang isang malusog, ligtas, at nagkakaisang pamayanan.

Sama-sama nating isulong ang isang kinabukasang may ligtas na tahanan, maunlad na pamayanan, at mas malusog na buhay para sa lahat! 🫶🏻

07/10/2026

Entry No. 6 - Urban Development and Housing Office
Please tap the picture and ❤️ reaction then Share 🫶🏻

Entry No. 06 – Urban Development and Housing Office

30/09/2026

𝗜𝗸𝗮𝘁𝗹𝗼𝗻𝗴 𝗣𝗮𝘀𝗮𝘆 𝗖𝗶𝘁𝘆 𝗛𝗼𝘂𝘀𝗶𝗻𝗴 𝗗𝗲𝘃𝗲𝗹𝗼𝗽𝗺𝗲𝗻𝘁 𝗕𝗼𝗮𝗿𝗱 𝗠𝗲𝗲𝘁𝗶𝗻𝗴

Isinagawa natin ang ating ika-3 Pasay City Housing Development Board upang talakayin ang mga naging tagumpay at ulat ng Urban Development and Housing Office (UDHO), kabilang ang clearing operations sa iba’t ibang barangay, mga ulat at hakbangin tungkol sa mga returnees, pangangalaga sa mga daluyan ng tubig, pagpapanatili at pagmomonitor ng mga cleared areas sa iba’t ibang barangay ng lungsod, tulong sa mga homeowners' association at neighborhood association, Local Interagency Committee for Waterways, at mga alalahanin ukol sa mga Presidential Proclamation sa ilalim ng National Housing Authority at Manila International Airport Authority.

Dumalo sa pulong ang iba't ibang tanggapan ng lokal na pamahalaan at mga ahensya ng pambansang pamahalaan, kabilang ang 𝗢𝗳𝗳𝗶𝗰𝗲 𝗼𝗳 𝘁𝗵𝗲 𝗖𝗶𝘁𝘆 𝗔𝗱𝗺𝗶𝗻𝗶𝘀𝘁𝗿𝗮𝘁𝗼𝗿, 𝗢𝗳𝗳𝗶𝗰𝗲 𝗼𝗳 𝘁𝗵𝗲 𝗩𝗶𝗰𝗲 𝗠𝗮𝘆𝗼𝗿 𝗠𝗮𝗿𝗸 𝗔𝗻𝘁𝗵𝗼𝗻𝘆 𝗖𝗮𝗹𝗶𝘅𝘁𝗼 , 𝗢𝗳𝗳𝗶𝗰𝗲 𝗼𝗳 𝘁𝗵𝗲 𝗖𝗼𝗻𝗴𝗿𝗲𝘀𝘀𝗺𝗮𝗻 𝗔𝗻𝘁𝗼𝗻𝗶𝗻𝗼 𝗚. 𝗖𝗮𝗹𝗶𝘅𝘁𝗼, 𝗖𝗶𝘁𝘆 𝗖𝗼𝘂𝗻𝗰𝗶𝗹, 𝗗𝗲𝗽𝗮𝗿𝘁𝗺𝗲𝗻𝘁 𝗼𝗳 𝗛𝘂𝗺𝗮𝗻 𝗦𝗲𝘁𝘁𝗹𝗲𝗺𝗲𝗻𝘁 𝗮𝗻𝗱 𝗨𝗿𝗯𝗮𝗻 𝗗𝗲𝘃𝗲𝗹𝗼𝗽𝗺𝗲𝗻𝘁, 𝗡𝗮𝘁𝗶𝗼𝗻𝗮𝗹 𝗛𝗼𝘂𝘀𝗶𝗻𝗴 𝗔𝘂𝘁𝗵𝗼𝗿𝗶𝘁𝘆, 𝗣𝗵𝗶𝗹𝗶𝗽𝗽𝗶𝗻𝗲 𝗖𝗼𝗺𝗺𝗶𝘀𝘀𝗶𝗼𝗻 𝗳𝗼𝗿 𝘁𝗵𝗲 𝗨𝗿𝗯𝗮𝗻 𝗣𝗼𝗼𝗿, 𝗖𝗼𝗺𝗺𝗶𝘀𝘀𝗶𝗼𝗻 𝗼𝗻 𝗛𝘂𝗺𝗮𝗻 𝗥𝗶𝗴𝗵𝘁𝘀, 𝗗𝗲𝗽𝗮𝗿𝘁𝗺𝗲𝗻𝘁 𝗼𝗳 𝗜𝗻𝘁𝗲𝗿𝗶𝗼𝗿 𝗮𝗻𝗱 𝗟𝗼𝗰𝗮𝗹 𝗚𝗼𝘃𝗲𝗿𝗻𝗺𝗲𝗻𝘁, 𝗠𝗲𝘁𝗿𝗼𝗽𝗼𝗹𝗶𝘁𝗮𝗻 𝗠𝗮𝗻𝗶𝗹𝗮 𝗗𝗲𝘃𝗲𝗹𝗼𝗽𝗺𝗲𝗻𝘁 𝗔𝘂𝘁𝗵𝗼𝗿𝗶𝘁𝘆, 𝗸𝗮𝘀𝗮𝗺𝗮 𝗮𝗻𝗴 𝗽𝗿𝗶𝗯𝗮𝗱𝗼𝗻𝗴 𝘀𝗲𝗸𝘁𝗼𝗿.

Sa pamumuno ng ating butihing Ina ng Lungsod, Kgg. Imelda Calixto-Rubiano katuwang ng mga Housing Board Members, patuloy na isinusulong ang balanse, maayos, makatao, inklusibo, ligtas paninirahan at pangangalaga sa mga daluyan ng tubig at mga cleared areas. 🏠

16/08/2026

Ang ating tanggapan ay buong puso at taos-pusong bumabati ng Maligayang Kaarawan sa ating minamahal na Ina ng Lungsod ng Pasay, Mayor Emi Calixto-Rubiano!

Nawa’y patuloy kayong pagkalooban ng Poong Maykapal ng mabuting kalusugan, lakas, karunungan, at mahabang buhay upang patuloy ninyong mapaglingkuran at mapangalagaan ang bawat Pamilyang Pasayeño.

Muli mula sa pamilya ng Urban Development and Housing Office, maligayang kaarawan at mabuhay kayo Mayor Emi Calixto- Rubiano!💗

26/06/2026

maraming salamat po DHSUD

26/06/2026

Kahapon June 25,2026 ay matagumpay na isinagawa ang pamamahagi ng Emergency Shelter Support sa ilalim ng Integrated Disaster Shelter Assistance Program (IDSAP) sa pangunguna ng ating butihing Ina ng Lungsod, Mayor Emelda “Emi” Calixto-Rubiano, katuwang ang Department of Human Settlements and Urban Development.

Layunin ng programang ito na magbigay ng tulong at suporta sa mga pamilyang naapektuhan ng hindi inaasahang kalamidad upang makatulong sa kanilang pagbangon at muling pagpapatatag ng kanilang mga tahanan. Sa pamamagitan ng pagtutulungan ng lokal na pamahalaan at ng pambansang ahensya, naipakita ang patuloy na malasakit at dedikasyon sa pagbibigay ng maayos at higit pa sa sapat na serbisyo para sa mga mamamayan ng Lungsod ng Pasay.

16/06/2026

Ang aming tanggapan ay nakipagtulungan sa City University of Pasay para sa isang libreng Computer Capability Training Program sa ilalim ng Community Extension Program ng Unibersidad kung saan ang mga empleyado ng UDHO ay tatanggap ng isang programa sa pagbuo ng kakayahan na naglalayong pahusayin ang digital literacy, office productivity, at data management.

Ito ay naging posible dahil sa ating Ina ng Lungsod, Honorable Mayor Emi Calixto Rubiano, sa patuloy na pagsuporta hindi lang sa lahat ng mga programa at proyekto ng UDHO kundi pati na rin sa ganitong uri ng inisyatiba para sa kapakinabangan ng ating mga empleyado tungo sa tapat at higit pa sa sapat na paglilingkod sa ating lungsod.

16/06/2026

PALALA muli sa mga HOA/NAI:

PAALALA SA PUBLIKO. Pinapayuhan ang mga homeowners association (HOA) na dating nakarehistro sa Securities and Exchange Commission (SEC) o Home Insurance Guarantee Corporation (HIGC) na iproseso ang kanilang re-registration sa DHSUD bago ang deadline sa Hunyo 18, 2026 upang maiwasan ang tuluyang pagkansela ng kanilang rehistro.

12/06/2026

🇵🇭Dangal, Kasarinlan, at Pagkakaisa ng Pasayeño! 🇵🇭

Ngayong araw, kaisa ang Buong Pamahalaang Lungsod ng Pasay, sa pangunguna ng ating butihing Ina ng Lungsod, Mayor Imelda “Emi” Calixto-Rubiano, at ng aming tanggapan sa pagdiriwang ng ika-128 taon ng Kasarinlan ng Pilipinas. Atin pong gunitain ang kabayanihan at sakripisyo ng ating mga ninuno na nagbigay-daan sa kalayaang ating tinatamasa sa kasalukuyan.