Konsi Maro Martires - #KMM

Ngayong hapon ay nagkaroon tayo ng pagkakataon upang ibahagi ang ating kaalaman patungkol sa Barangay Budget Process sa Barangay Development Plan Orientation/Crafting sa Barangay Maybunga.

Sa ating talakayan, binigyang-diin natin ang kabuuang proseso, mga legal na limitasyon, at ang kahalagahan ng aktibo, responsable, at maalam na partisipasyon ng bawat sektor ng komunidad sa pagpaplano at paglalaan ng pondo ng barangay.

Naniniwala tayo na sa pamamagitan ng transparency, accountability, at wastong pag-prayoridad ng mga proyekto, matitiyak natin na ang pondo ng bayan ay nagagamit nang tama, epektibo, at may direktang pakinabang sa kapakanan ng bawat ka-barangay.

Maraming salamat sa Pamahalaang Barangay ng Maybunga sa mainit na pagtanggap, at sa lahat ng nakiisa at nakibahagi sa ating makabuluhang talakayan. Nawa’y magsilbi itong matibay na hakbang tungo sa mas maayos, mas inklusibo, at mas responsableng pamamahala sa ating lungsod!

Monday Flag Raising Ceremony

Ngayong araw, sa ginanap na Monday Flag Raising Ceremony na pinangunahan ng Environmental and Infrastructure Sector (DRRMO), muling ipinamalas ang diwa ng pagkakaisa, disiplina, at paglilingkod ng ating Pamahalaang Lungsod.

Sa naturang programa, kinilala at pinarangalan din ang natatanging tagumpay ng Pasig Baseball Team Mustang 10-Under Division matapos nilang magwagi sa katatapos na Babe Ruth League Philippines. Ang kanilang ipinakitang husay, determinasyon, at sportsmanship ay patunay ng patuloy na pag-usbong ng kabataang atleta ng Pasig sa larangan ng palakasan.

Kahapon ay nagkaroon tayo ng pagkakataon upang ibahagi ang ating kaalaman patungkol sa Barangay Budget Process sa naganap na unang araw ng Barangay Development Plan Orientation/Crafting sa Barangay Dela Paz.

Dito ay binigyang-diin natin ang proseso, mga limitasyon, at kahalagahan ng aktibo, responsable, at maalam na partisipasyon ng bawat sektor ng komunidad sa pagpaplano at paglalaan ng pondo ng barangay. Tinalakay rin natin ang kahalagahan ng transparency, accountability, at wastong pag-prayoridad ng mga proyekto upang matiyak na ang pondo ng bayan ay nagagamit nang tama, epektibo, at may direktang pakinabang sa ating mga ka-barangay.

Maraming salamat sa Barangay Dela Paz sa mainit na pagtanggap at sa lahat ng nakiisa at nakibahagi sa makabuluhang talakayan. Nawa’y magsilbi itong hakbang tungo sa mas maayos, mas inklusibo, at mas responsableng pamamahala sa ating mga barangay.