Barangay Santolan Gender And Development Office

𝐋𝐚𝐡𝐚𝐭 𝐧𝐠 𝐤𝐚𝐩𝐚𝐧𝐬𝐚𝐧𝐚𝐧, 𝐦𝐚𝐲 𝐝𝐚𝐧𝐠𝐚𝐥 𝐚𝐭 𝐤𝐚𝐫𝐚𝐩𝐚𝐭𝐚𝐧.

Sa isang lipunang inklusibo, bawat isa, anuman ang kapansanan, ay may karapatang makilahok nang ganap, magkaroon ng pantay na oportunidad, at maipamalas ang kanilang kakayahan nang may dignidad at paggalang.

Sama-sama nating buwagin ang mga maling pananaw, stereotype, at mga hadlang na naglilimita sa partisipasyon ng mga taong may kapansanan. Kilalanin natin ang kanilang kakayahan, hindi ang kanilang limitasyon, at itaguyod ang isang komunidad kung saan ang bawat isa ay may pagkakataong umunlad, makapag-ambag, at maging bahagi ng pagbabago.

-

Alinsunod ito sa Proclamation No. 597, s. 2024, na nagtatakda sa Hulyo 17 hanggang 23 ng bawat taon bilang National Disability Rights Week, bilang pagkilala sa patuloy na pagsusulong ng karapatan, dignidad, at pakikilahok ng person with disability sa ating lipunan.

𝐎𝐨𝐨𝐩𝐩𝐬, 𝐧𝐨! 𝐡𝐢𝐧𝐝𝐢 𝐩𝐨 𝐤𝐚𝐡𝐢𝐧𝐚𝐚𝐧 𝐚𝐧𝐠 𝐩𝐚𝐠-𝐢𝐲𝐚𝐤. Tears are a natural expression of human emotions, not a measure of masculinity. Everyone, regardless of gender, has the right to express sadness, pain, grief, or even overwhelming joy without fear of judgment.

𝐖𝐑𝐎𝐍𝐆 𝐓𝐀𝐍𝐎𝐍𝐆 – “𝐋𝐚𝐥𝐚𝐤𝐢 𝐤𝐚, 𝐛𝐚𝐤𝐢𝐭 𝐤𝐚 𝐮𝐦𝐢𝐢𝐲𝐚𝐤?” ay maaaring maging nakasasakit dahil ipinahihiwatig nito na ang kalalakihan ay hindi dapat magpakita ng emosyon. Nakabatay ito sa stereotype na ang "tunay na lalaki" ay dapat laging matatag, hindi umiiyak, at hindi nagpapakita ng kahinaan.

Sa realidad, ang pag-iyak ay normal at malusog na paraan ng pagpapahayag ng damdamin. Ang emosyon ay bahagi ng pagiging tao at hindi ito dapat ikinakabit sa kasarian. Ang pagpapakita ng nararamdaman ay hindi senyales ng kahinaan, kundi ng pagiging totoo sa sarili at pagkilala sa sariling emosyon.

Ang ganitong pananalita ay maaaring magtulak sa mga kalalakihan na itago ang kanilang nararamdaman, matakot humingi ng tulong, at magdulot ng negatibong epekto sa kanilang mental health at emotional well-being. Maaari rin nitong mapanatili ang mga mapaminsalang paniniwala tungkol sa pagiging "matigas" o "walang emosyon" ng mga lalaki.

Manatiling sensitibo at magalang sa pakikitungo sa iba. Bigyan natin ang bawat isa ng ligtas na espasyo upang maipahayag ang kanilang damdamin nang walang panghuhusga o diskriminasyon.

Remember, showing emotions does not make anyone less of a man. Everyone deserves empathy, understanding, and the freedom to express how they truly feel.

Ano mang oras, saan man naroroon, .

𝐀𝐥𝐥 𝟑𝟎 𝐏𝐚𝐬𝐢𝐠 𝐁𝐚𝐫𝐚𝐧𝐠𝐚𝐲𝐬 𝐇𝐚𝐯𝐞 𝐒𝐮𝐛𝐦𝐢𝐭𝐭𝐞𝐝 𝐓𝐡𝐞𝐢𝐫 𝟐𝟎𝟐𝟕 𝐆𝐀𝐃 𝐏𝐥𝐚𝐧𝐬 𝐚𝐧𝐝 𝐁𝐮𝐝𝐠𝐞𝐭𝐬, 𝐢𝐧 𝐭𝐢𝐦𝐞 𝐟𝐨𝐫 𝐭𝐡𝐞𝐢𝐫 𝐀𝐧𝐧𝐮𝐚𝐥 𝐁𝐮𝐝𝐠𝐞𝐭 𝐏𝐫𝐞𝐩𝐚𝐫𝐚𝐭𝐢𝐨𝐧

Sa pagdiriwang ng Araw ng Pasig 2026, buong galak nating binabati ang lahat ng tatlumpung (30) barangay sa Lungsod ng Pasig para sa kanilang kumpletong pagsusumite ng 2027 Barangay Gender and Development (GAD) Plans and Budgets (GPBs).

Sa kauna-unahang pagkakataon sa planning and budgeting cycle, nakamit ng Pasig City ang 100% submission rate ng Barangay GAD Plans and Budgets. Ibig sabihin, lahat ng 30 barangay ay nakapagsumite ng kani-kanilang GPB bago ang paghahanda ng kanilang Annual Budget para sa susunod na taon.

Ang pagsusumite ng GPB ay isa lamang sa mga mahalagang yugto ng proseso. Alinsunod sa DILG-PCW-DBM-NEDA Joint Memorandum Circular No. 2024-01, o ang Revised Guidelines for the Localization of the Magna Carta of Women, ang lahat ng isinumiteng Barangay GAD Plans and Budgets ay sasailalim sa review at assessment ng City GAD Focal Point System bago ang opisyal na pag-eendorso ng Local Chief Executive.

Sa Pasig, pinalalakas pa ang prosesong ito sa pamamagitan ng Executive Order No. 11, s. 2026, na nagtatatag sa Joint Technical Review (JTR) Team bilang bahagi ng submission, review, at endorsement process ng Barangay GPBs. Ang JTR Team ay binubuo ng Pasig City GAD Department, City Planning and Development Office (CPDO), at DILG Pasig City Field Office upang matiyak na ang mga panukalang programa, proyekto, at aktibidad ay naaayon sa umiiral na mga polisiya, tumutugon sa mga natukoy na gender issues, at nakaangkla sa mga prayoridad ng lokal na pamahalaan.

Batay sa official records ng GAD Planning, Coordinating, Monitoring, and Evaluation Division as of June 26, 2026, dalawampu’t anim (26) sa 30 barangay ang sumailalim na sa Joint Technical Review sessions, habang ang natitirang apat (4) na barangay ay nakatakdang sumailalim sa review process bilang bahagi ng final endorsement.

Congratulations sa ating mga Punong Barangay, mga miyembro ng Sangguniang Barangay, Barangay GAD Focal Point Systems, at iba pang stakeholders para sa inyong dedikasyon at patuloy na pagsusulong ng isang mas inklusibo, gender-responsive, at makataong pamamahala para sa bawat Pasigueño.

𝐌𝐀𝐋𝐈𝐆𝐀𝐘𝐀𝐍𝐆 𝐀𝐑𝐀𝐖 𝐍𝐆 𝐏𝐀𝐒𝐈𝐆, 𝐌𝐆𝐀 𝐏𝐀𝐒𝐈𝐆𝐔𝐄𝐍̃𝐎!

Ngayong July 2, 2026, muli nating ipinagdiriwang ang kapistahan ng ating minamahal na Lungsod Pasig. Sa makasaysayang araw na ito, inaaanyayahan namin ang sambayanang Pasigueño na makiisa at makisaya sa mga aktibidad na inihanda para sa lahat!

𝗗𝗶𝘀𝗰𝗼𝘂𝗻𝘁 𝗗𝗮𝘆 𝗮𝗻𝗱 𝗙𝗿𝗲𝗲𝗯𝗶𝗲𝘀
Espesyal na handog para sa isang espesyal na okasyon! Mula 03:00AM hanggang 06:00PM ngayong araw, maghahandog ng discounts at freebies ang ilang mga vendor ng Mutya ng Pasig Mega Market para sa mga mamimili.

𝗔𝗿𝗮𝘄 𝗻𝗴 𝗣𝗮𝘀𝗶𝗴 𝗖𝗶𝘃𝗶𝗰 𝗣𝗮𝗿𝗮𝗱𝗲
Magsisimula ng 06:30AM, isang makulay na parada ang matutunghayan mula sa Sta. Clara de Montefalco Parish (C. Raymundo Ave.) hanggang Plaza Rizal.

Pangungunahan ito ng Pamahalaang Lungsod ng Pasig, kasama ang 30 barangay, mga ahensya ng pamahalaan, mga paaralan, civil society organizations, religious institutions, pribadong sektor, at marami pang iba.

Para sa Traffic Advisory kaugnay ng Civic Parade, i-check ang naunang post sa link na ito: https://bit.ly/CivicParade2026_TrafficAdvisory

Maaari ring ipakita ang iyong suporta sa pamamagitan ng pagtutok sa livestream ng Pasig City Public Information Office.

𝗧𝗵𝗮𝗻𝗸𝘀𝗴𝗶𝘃𝗶𝗻𝗴 𝗠𝗮𝘀𝘀
Sa ganap na 12:15PM, sama-sama rin tayong magpasalamat sa pamamagitan ng Misa ng Pasasalamat na idaraos sa Immaculate Conception Cathedral of Pasig (ICC-Pasig).

Kung hindi makakadalo nang personal, maaaring mapanood ang livestream ng misa sa official page ng ICC-Pasig.

——

Ayain na ang iyong kamag-anak, kaibigan, o mga katrabaho! Ipagbunyi ang ating kasaysayan, kultura, at pagkakaisa bilang isang lungsod na patuloy na sumusulong tungo sa mas maunlad at mas magandang kinabukasan.

Mabuhay ang mga Pasigueño!

𝐎𝐨𝐨𝐩𝐩𝐬, 𝐧𝐨! 𝐡𝐢𝐧𝐝𝐢 𝐩𝐨 𝐧𝐚𝐤𝐚𝐛𝐚𝐭𝐚𝐲 𝐬𝐚 𝐤𝐚𝐬𝐚𝐫𝐢𝐚𝐧 𝐚𝐧𝐠 𝐤𝐚𝐤𝐚𝐲𝐚𝐡𝐚𝐧. A person's competence, leadership, strength, and potential are not determined by whether they are a woman or a man. Every individual deserves to be recognized based on their skills, qualifications, and character, free from assumptions, biases, stereotypes, or discrimination.

𝐖𝐑𝐎𝐍𝐆 𝐓𝐀𝐍𝐎𝐍𝐆 – “𝐁𝐚𝐛𝐚𝐞 𝐤𝐚, 𝐤𝐚𝐲𝐚 𝐦𝐨 𝐛𝐚 ’𝐲𝐚𝐧?” ay maaaring maging nakasasakit dahil ipinahihiwatig nito na ang pagiging babae ay dahilan upang pagdudahan ang kakayahan ng isang tao. Nakabatay ito sa stereotype na may mga gawain, propesyon, o tungkulin na mas angkop lamang para sa kalalakihan at na ang kababaihan ay likas na mas mahina o hindi gaanong may kakayahan.

Sa realidad, ang kakayahan ay hindi nakadepende sa kasarian kundi sa kaalaman, kasanayan, karanasan, dedikasyon, at oportunidad na natatanggap ng isang tao. Maraming kababaihan ang matagumpay na namumuno, naglilingkod, nag-iinnovate, at nagtatagumpay sa iba't ibang larangan na minsang itinuturing na para lamang sa kalalakihan.

Ang ganitong tanong ay maaaring magpalakas ng gender bias at magdulot ng pagdududa sa sarili ng mga kababaihan. Maaari rin nitong limitahan ang kanilang mga oportunidad at magpanatili ng mga lumang paniniwala na humahadlang sa pagkakapantay-pantay ng kasarian.

Manatiling sensitibo at magalang sa pakikitungo sa iba. Kilalanin ang bawat tao batay sa kanilang kakayahan, kontribusyon, at potensyal, hindi sa kanilang kasarian.

Remember, a person's capability is never defined by their gender. Everyone deserves equal opportunities, equal respect, and equal recognition for what they can achieve.

Ano mang oras, saan man naroroon, .

TINGNAN | 𝐒𝐊 𝐒𝐚𝐧𝐭𝐨𝐥𝐚𝐧 𝐀𝐝𝐨𝐩𝐭𝐬 𝐭𝐡𝐞 𝐂𝐫𝐞𝐚𝐭𝐢𝐨𝐧 𝐨𝐟 𝐚 𝐏𝐑𝐈𝐃𝐄 𝐃𝐞𝐯𝐞𝐥𝐨𝐩𝐦𝐞𝐧𝐭 𝐂𝐨𝐮𝐧𝐜𝐢𝐥, 𝐂𝐫𝐞𝐚𝐭𝐢𝐧𝐠 𝐒𝐩𝐚𝐜𝐞𝐬 𝐟𝐨𝐫 𝐖𝐨𝐦𝐞𝐧 𝐚𝐧𝐝 𝐄𝐯𝐞𝐫𝐲𝐨𝐧𝐞.

Bilang bahagi ng pagdiriwang ng Pride Month noong Hunyo, opisyal na isinulong at pinagtibay ng Sangguniang Kabataan ng Barangay Santolan noong Hunyo 24, 2026 ang pagbuo ng kauna-unahang Barangay PRIDE Development Council, isang mahalagang hakbang tungo sa pagtataguyod ng pagkakapantay-pantay, inklusibong pamamahala, at mas matibay na proteksyon sa karapatan ng LGBTQIA+ community sa antas ng barangay.

Nakiisa ang Pasig City Gender and Development Department sa aktibidad at buong pusong nagpahayag ng suporta sa inisyatibang ito. Binigyang-diin din ng Tanggapan ang kahalagahan ng pagpapatupad ng City Ordinance No. 05, Series of 2022, na nagtatag ng Pasig City PRIDE Development Council sa lungsod bilang pangunahing mekanismo sa pagsusulong ng mga programa, polisiya, at adbokasiyang nagtataguyod ng pagkakapantay-pantay at karapatang pantao ng lahat ng kasarian. Kaugnay nito, pinatitibay rin nito ang pagpapatupad ng City Ordinance No. 04, Series of 2022, o ang Comprehensive Anti-Discrimination Ordinance ng Lungsod ng Pasig.

Layunin ng PRIDE Development Council na magsilbing plataporma para sa makahulugang partisipasyon ng LGBTQIA+ community sa pagpaplano, pagbuo ng mga programa, at pagbalangkas ng mga polisiya na tumutugon sa kanilang pangangailangan at kapakanan. Inaasahan ding magsisilbi itong katuwang ng lokal na pamahalaan sa pagsusulong ng ligtas, patas, at lipunang malaya sa pang-aabuso at diskriminasyon para sa lahat.

Taos-pusong pagbati sa buong Sangguniang Kabataan ng Barangay Santolan sa pangunguna ni SK Chair Elijah Q. Boncay para sa kanilang makabago at makabuluhang inisyatiba. Ang inyong liderato ay patunay na ang kabataan ay mahalagang katuwang sa pagtataguyod ng patas na Lipunan para sa lahat ng indibidwal ano man ang kasarian.

Binabati rin natin ang mga kauna-unahang halal na opisyal at miyembro ng Barangay Santolan PRIDE Development Council. Nawa’y magsilbi kayong inspirasyon at katuwang sa pagtataguyod ng isang komunidad na kumikilala, gumagalang, at nagtatanggol sa dignidad at karapatan ng bawat isa.

Sa Pasig, walang maiiwan. Sama-sama nating itinataguyod ang isang lungsod na inklusibo, makatarungan, at may pantay na oportunidad at pagtingin para sa lahat.

GAD MANDATE | 𝐋𝐚𝐡𝐚𝐭 𝐧𝐠 𝐁𝐚𝐫𝐚𝐧𝐠𝐚𝐲 𝐬𝐚 𝐏𝐚𝐬𝐢𝐠 𝐚𝐲 𝐦𝐚𝐲 𝟐𝟒/𝟕 𝐕𝐢𝐨𝐥𝐞𝐧𝐜𝐞 𝐀𝐠𝐚𝐢𝐧𝐬𝐭 𝐖𝐨𝐦𝐞𝐧 (𝐕𝐀𝐖) 𝐃𝐞𝐬𝐤.

Alinsunod sa Republic Act No. 9710 o Magna Carta of Women, inaatasan ang lahat ng local government units na magtatag ng Violence Against Women (VAW) Desk sa bawat barangay upang matiyak na ang mga kaso ng karahasan laban sa kababaihan ay natutugunan nang buo, maagap, at sa paraang sensitibo sa kasarian o gender-responsive.

Ang Violence Against Women (VAW) ay tumutukoy sa anumang uri ng gender-based violence na nagreresulta o maaaring magdulot ng pisikal, sekswal, o sikolohikal na pinsala o pagdurusa sa kababaihan. Kabilang dito ang mga pagbabanta, pamimilit, o hindi makatarungang pagkakait ng kalayaan, maging ito man ay nagaganap sa pampubliko o pribadong buhay.

Kung ikaw o ang iyong kakilala ay nakararanas ng pisikal, sekswal, sikolohikal, o ekonomikong pang-aabuso mula sa asawa, kinakasama, dating kinakasama, kasintahan, dating kasintahan, o sinumang may malapit na relasyon sa iyo, maaari kang lumapit sa VAW Desk ng inyong barangay anumang oras upang humingi ng tulong, mag-ulat ng insidente, at makatanggap ng agarang suporta at kaukulang serbisyo.

FIND VAWC HOTLINES: https://www.facebook.com/share/p/1BgSHQFyqG/

Para sa iba pang katanungan, maaari ding magpadala ng mensahe sa ating GAD Legal and Special Concerns Division sa [email protected]

May handang makinig. May batas na nagpoprotekta. May tulong na maaasahan. Huwag manahimik, lumapit sa inyong barangay VAW Desk.