PCA Palawan

Call Directions Contact the organization

PCA Palawan A food-secure Philippines with prosperous farmers and fisherfolk

🎉 Happy Birthday, Narciso Ramos! 🎂May God bless you with good health, strength, and wisdom. May He continue to guide and...
17/10/2026

🎉 Happy Birthday, Narciso Ramos! 🎂

May God bless you with good health, strength, and wisdom. May He continue to guide and protect you as you carry out your duties and serve others. Wishing you more blessings, success, and meaningful years ahead! 🙏🎉

🥥 🥥 KAALAMAN PARA SA KAUNLARAN: SERBISYO PARA SA MAGNINIYOG! 🌴Patuloy na pinalalawak ng Philippine Coconut Authority (PC...
17/10/2026

🥥 🥥 KAALAMAN PARA SA KAUNLARAN: SERBISYO PARA SA MAGNINIYOG! 🌴

Patuloy na pinalalawak ng Philippine Coconut Authority (PCA)–Palawan Provincial Office ang kaalaman ng mga magniniyog tungkol sa mga programa at proyektong naglalayong mapabuti ang kanilang kabuhayan at mapaunlad ang industriya ng niyog.

Noong Oktubre 16, 2026, nagsagawa ng information dissemination activity sa Sitio Balintang, Barangay Isugod, Quezon, Palawan, hinggil sa iba’t ibang programa at proyekto ng PCA, kabilang ang mga inisyatiba sa ilalim ng Coconut Farmers and Industry Development Plan (CFIDP) at ang National Coconut Farmers Registry System (NCFRS).

Sa pangunguna ni Acting Division Chief Engr. Arlo G. Solano, tinalakay ang mga programa, serbisyo, at oportunidad na maaaring mapakinabangan ng mga rehistradong magniniyog, gayundin ang kahalagahan ng NCFRS bilang mahalagang batayan sa pagtukoy sa mga kwalipikadong benepisyaryo ng mga programa ng PCA.

Sa pamamagitan ng mga gawaing tulad nito, patuloy na isinusulong ng PCA–Palawan ang pagpapalaganap ng tamang impormasyon at pagpapalapit ng mga serbisyo ng pamahalaan sa mga komunidad ng magniniyog.

🥥🌴 SALO-SALONG KAALAMAN, SAMA-SAMANG PAG-UNLAD!Patuloy na pinagtitibay ng Philippine Coconut Authority (PCA)–Palawan Pro...
16/10/2026

🥥🌴 SALO-SALONG KAALAMAN, SAMA-SAMANG PAG-UNLAD!

Patuloy na pinagtitibay ng Philippine Coconut Authority (PCA)–Palawan Provincial Office ang pakikipagtulungan sa mga katuwang sa industriya ng niyog sa pamamagitan ng pagbabahagi ng kaalaman at pagpapalawak ng kasanayan sa makabago at wastong pamamaraan ng produksyon ng niyog.

Isinagawa ng PCA-Palawan team, sa pangunguna ni Acting Division Chief I Engr. Arlo G. Solano, ang Training on Coconut Production with Good Agricultural Practices (GAP) para sa 25 kawani ng Lionheart Farms (Philippines) Corp. noong Oktubre 13–15, 2026, sa Barangay Punta Baja, Rizal, Palawan.

Layunin ng pagsasanay na palalimin ang kaalaman at kasanayan ng mga kalahok sa wastong pangangalaga ng niyog alinsunod sa Good Agricultural Practices (GAP), na nagtataguyod ng mas produktibo, episyente, at napapanatiling produksyon.

Higit pa sa pagsasanay, nagsisilbi itong pagkakataon upang mapalakas ang ugnayan ng PCA-Palawan at Lionheart Farms sa pamamagitan ng pagbabahagi ng kaalaman, pagpapalitan ng karanasan, at sama-samang pagsusulong ng kaunlaran ng industriya ng niyog.

Sa pagkakaisa at pagtutulungan, sama-sama nating itaguyod ang mas maunlad at matatag na sektor ng niyugan sa Palawan! 💚🥥

👓💚 MGA KA-NIYOG, SILIPIN ANG MAS MALIWANAG NA BUKAS! 🥥🌴Hindi lang ani at kita ang mahalaga, mga ka-niyog—pati ang inyong...
12/10/2026

👓💚 MGA KA-NIYOG, SILIPIN ANG MAS MALIWANAG NA BUKAS! 🥥🌴

Hindi lang ani at kita ang mahalaga, mga ka-niyog—pati ang inyong kalusugan, alagang-alaga! 💚

✨ 199 PARES NG SALAMIN SA MATA, NAIPAMAHAGI SA MGA MAGNINIYOG SA ABORLAN!

Noong Oktubre 12, 2026, muling naghatid ng serbisyong pangkalusugan ang Philippine Coconut Authority (PCA) sa mga magsasaka ng niyog sa Aborlan, Palawan, sa pamamagitan ng pamamahagi ng 199 pares ng salamin sa mata. Bahagi ito ng pagpapatuloy ng serbisyong hatid ng naunang Mobile Health Services (MHS) sa bayan.

Sa tulong at pakikiisa nina Municipal Mayor Lito O. Tito at Municipal Agriculturist Engr. Erwin I. Yadao, patuloy na nailalapit sa mga magniniyog ang mga serbisyong sumusuporta sa kanilang kalusugan at pang-araw-araw na pamumuhay.

Dahil mga ka-niyog, mas mahalagang maalagaan ang kalusugan upang patuloy na makapaghanapbuhay, makapag-alaga ng mga niyugan, at masuportahan ang pamilya. 👓🌱

Patuloy na isinusulong ng PCA ang kapakanan ng mga magniniyog—hindi lamang sa pamamagitan ng mga programang pangkabuhayan at pang-agrikultura, kundi pati na rin sa mga serbisyong pangkalusugan para sa kanila at sa kanilang mga pamilya.

🌴💚 Alagang magniniyog, masiglang kabuhayan, mas maliwanag na kinabukasan!

👓 MAGANDANG BALITA PARA SA ATING MGA COCONUT FARMERS NG Municipality of Aborlan,Palawan! 🥥✨Handa na po ang inyong mga LI...
11/10/2026

👓 MAGANDANG BALITA PARA SA ATING MGA COCONUT FARMERS NG Municipality of Aborlan,Palawan! 🥥✨

Handa na po ang inyong mga LIBRENG PRESCRIPTION EYEGLASSES mula sa Philippine Coconut Authority! 👓🌱

Para sa 199 na validated Coconut Farmers na nasuri noong ginanap na Medical Mission noong August 2026, maaari niyo na pong makuha ang inyong mga customized eyeglasses!

📜 LISTAHAN NG MGA BENEPISYARYO:
Tingnan ang mga kasamang larawan sa ibaba para sa opisyal na listahan ng 199 na magsasaka na makakakuha ng salamin.

📌 MGA PAALALA SA PAGKUHA:
1. Suriin ang Pangalan: Paki-check ang inyong pangalan sa listahang nasa ibaba/likod.
2. Magdala ng Valid ID: Magdala ng ID para sa beripikasyon.
3. Makipag-coordinate: Tiyaking nakipag-ugnayan sa inyong Barangay Captain/ Farmer Leaders bago pumunta.

Dahil sa PCA, ang inyong malinaw na paningin at kapakanan ang aming prayoridad! 💚

🌴🪲AGAPAY KONTRA BRONTISPA! | PCA-Palawan Pinaigting ang Pagbabantay sa mga NiyuganMaagang pagtukoy. Likas na pagkontrol....
10/10/2026

🌴🪲AGAPAY KONTRA BRONTISPA! | PCA-Palawan Pinaigting ang Pagbabantay sa mga Niyugan

Maagang pagtukoy. Likas na pagkontrol. Agarang aksyon. 🌱

Bilang paghahanda sa posibleng pagdami ng Brontispa ngayong panahon ng El Niño, pinaigting ng Philippine Coconut Authority (PCA)–Palawan ang pagmamanman at maagap na pagkontrol sa mga niyugan sa Brooke’s Point.

Ngayong unang linggo ng Oktubre, nagsagawa ang PCA-Palawan ng malawakang information dissemination at release ng Bio-control (earwigs) sa mga niyugan sa Brgy. Saraza, Samariñana, Salogon, at Malis matapos makitaan ng mga senyales ng Brontispa infestation ang ilang puno ng niyog sa mga nasabing lugar.

🪲 EARWIGS BILANG BIO-CONTROL

Ang earwigs ay ginagamit bilang natural na kaaway ng Brontispa. Ang kanilang pagpapakawala sa mga niyugang may senyales ng infestation ay bahagi ng Integrated Pest Management (IPM) upang makatulong sa natural na pagkontrol at pagpapababa ng populasyon ng Brontispa.

Sa pamamagitan nito, layunin ng PCA na maagapan ang paglala ng infestation, maprotektahan ang mga dahon ng niyog, at mapanatili ang kalusugan at produktibidad ng mga puno.

📢 Kasabay ng Bio-control release, binigyang-diin din sa mga magniniyog ang kahalagahan ng regular na pagmamanman sa kanilang mga niyugan, maagang pagkilala sa mga senyales ng infestation, at agarang pagsasagawa ng nararapat na control measures.

Pinangunahan nina IPM Agriculturist Mary Rose V. Macairan at Laboratory Aide Imelda E. Rosel ang aktibidad bilang bahagi ng patuloy na pest surveillance at Integrated Pest Management efforts ng PCA-Palawan.

Sama-sama nating protektahan ang bawat puno, bawat niyugan, at kabuhayan ng ating mga magniniyog.

Dalawampu't isang magsasaka ng cacao ang lumahok sa isinagawang Training on Farm Diversification: Coffee and Cacao sa Sh...
09/10/2026

Dalawampu't isang magsasaka ng cacao ang lumahok sa isinagawang Training on Farm Diversification: Coffee and Cacao sa Shing Spa Resort, Brooke's Point Palawan, noong Oktubre 6-8, 2026.

Sa loob ng tatlong araw, sumailalim ang mga kalahok sa mga talakayan tungkol sa kahalagahan ng farm diversification upang magamit nang husto ang lugar na mayroon sa isang sakahan at madagdagan ang mga maaaring pagkakitaan. Maliban dito, natutunan din ng mga kalahok ang iba't ibang pamamaraan ng pagtatanim at pag-aalaga ng cacao at kape.

Bilang bahagi ng pagsasanay, iba't ibang hands-on activity ang isinagawa sa Cabasal Integrated Farm, isang Learning Site for Agriculture ng ATI-MIMAROPA. Kabilang sa mga gawaing ito ang farm lay-out and preparation, side grafting, double grafting, chupon grafting, and pruning.

Nagsilbing tagapagsalita sa gawain si G. Peter V. Cruz, Marketing Manager of CASS Agricultural Company mula sa Davao City.

Samantala, nagpaabot naman ng mensahe si Center Director Pat Andrew B. Barrientos, kung saan hinikayat niya ang bawat isa na gamitin ang kanilang mga natutunan mula sa pagsasanay upang mas mapalago ang kani-kanilang taniman at kabuhayan. Gayundin, ipinakilala rin niya ang iba't ibang programa na maaaring ma-avail ng mga kalahok, lalo na sa ilalim ng Coconut Farmers and Industry Development Plan (CFIDP).

Para sa ibang impormasyon, bisitahin ang ati.da.gov.ph/ati-4b

MAY DAGDAG-SUPORTA PARA SA MGA MAGNINIYOG!Hindi lang punla ang ipinagkakaloob—may insentibo ring katuwang sa pagpapalawa...
09/10/2026

MAY DAGDAG-SUPORTA PARA SA MGA MAGNINIYOG!

Hindi lang punla ang ipinagkakaloob—may insentibo ring katuwang sa pagpapalawak at pagpapatatag ng ating mga niyugan! 🌱

Sa ilalim ng MCPP 2026 – PCPP Option II Phase I sunod-sunod na isinagawa ang pamamahagi ng insentibo sa kabuuang 226 coconut farmers, na nakatanggap ng pinagsamang ₱1,251,250.00 mula sa limang barangay sa tatlong munisipalidad:

📍 BATARAZA
91 magsasaka mula sa Iwahig at Puring
💰 ₱500,500.00

📍 QUEZON
94 magsasaka mula sa Pinaglabanan at Maasin
💰 ₱500,500.00

📍 SOFRONIO ESPAÑOLA
41 magsasaka
💰 ₱250,250.00

🌱Layunin ng MCPP na palawakin at palakasin ang produksyon ng niyog sa pamamagitan ng suporta sa mga magsasakang nag-aambag sa pagpaparami at pagtatanim ng de-kalidad na coconut planting materials.

🤝 Pinangunahan ito ni Engr. Arlo G. Solano, katuwang ang mga PCA Agriculturists, sa pakikipagtulungan ng mga Municipal Government Units (MGUs) at Municipal Agriculture Offices (MAOs).

🌴 Sa bawat punlang itinatanim, may pag-asang aanihin. Sa bawat insentibong ipinagkakaloob, may dagdag na suporta para sa mas matatag na industriya ng niyog!

Address

New Government Center, Rafols Road, Brgy. Sta. Monica

5300

Opening Hours

Monday 08:00 - 18:00
Tuesday 08:00 - 18:00
Wednesday 08:00 - 18:00
Thursday 08:00 - 18:00

Telephone

+63485531804

Website

Alerts

Be the first to know and let us send you an email when PCA Palawan posts news and promotions. Your email address will not be used for any other purpose, and you can unsubscribe at any time.

Contact The Organization

Send a message to PCA Palawan:

Shortcuts

  • Want your organization to be the top-listed government service?

Share