Office of the Speaker - Social Services Group

Ikinagagalak po nating ibalita sa ating mga kababayan na 23 sa 31 panukalang batas at priority measures ng Marcos administration ang naipasa na natin sa House of Representatives.

Ang mga panukalang batas na ito ay inaaasahan natin na magbibigay-sigla sa ating ekonomiya, makakalikha ng dagdag trabaho at kabuhayan, makakapag-bigay ng de-kalidad at murang health care services sa ating mga kababayan at makakatulong na bawasan ang kahirapan sa ating bansa.

Sa pamamagitan rin ng mga panukalang batas na ito, inaaasahan natin na mapapabilis ang ating recovery mula sa mga epekto ng COVID-19 pandemic sa ekonomiya ng ating bansa at sa kabuhayan ng ating mga kababayan.



https://fb.watch/jxgObp8BO3/

Sa ngalan ng House of Representatives, nais po nating iparating ang ating taos-pusong pasasalamat kay Pangulong Bongbong Marcos sa paglagda upang maisabatas ang SIM Registration Act, ang kauna-unahang panukalang batas na naging ganap na batas sa ilalim ng panunungkulan ng ating pangulo.

Ang paglagda ni Pangulong Marcos sa batas na ito ay nagpapatunay lamang ng pagpapahalaga at pagkilala ng kasalukuyang administrasyon sa pagbibigay proteksyon sa ating mga kababayan laban sa "cybercriminals" at "online scammers".

Sa pamamagitan ng batas na ito, mas mabibigyan natin ng proteksyon ang mga Pilipino laban sa mga masasamang gawain na gamit ang cellphones at iba pang electronic communication devices.

Muli, maraming salamat Pangulong Bongbong Marcos! Mabuhay po kayo!