Burdeos Water District

15/10/2026

15 Oktubre 2026
9:43 AM

PABATID

WATER INTERRUPTION SA SO. BUCAL

Ipinababatid po na pansamantalang puputulin ang supply patungong So. Bucal upang palakasin ang supply ng tubig sa So. Sabang at Balite na maaaring tumagal hanggang alas-singko ng hapon.

Kami po ay humihingi ng paumanhin sa mga apektadong kunsumidor.

Ipinapaalala rin po namin ang kahalagahan ng pagkakaroon ng imbak na supply ng tubig upang may magamit tuwing may emergency. Hinihikayat din po namin ang agarang pagrereport ng mga leakages, partikular sa ating transmission at distribution lines upang maiwasaan ang pagkasayang ng tubig.
Maraming salamat po.

26/09/2026

26 Setyembre 2026

PABATID

Ang Burdeos Water District po ay magpapatupad ng Work Suspension simula ala-una ng hapon (1PM) sa araw ng Lunes, Setyembre 28, 2026, alinsunod na rin sa Memorandum Circular No. 136, na nagbibigay daan sa pagdiriwang ng "Kainang Pamilya Mahalaga Day 2026."

Mananatili naman pong nakaantabay ang mga Maintenance Personnel upang umaksyon sa mga emergency patungkol sa pagkawala o interruption sa supply ng tubig.

Maraming salamat po.

Basahin:
https://www.officialgazette.gov.ph/downloads/2026/09sep/20260916-MC-136-FRM.pdf

16/09/2026

16 SETYEMBRE 2026

PAHAYAG

KALAGAYAN NG SUPPLY NG TUBIG MULA SA BURDEOS WATER DISTRICT

Kaugnay ng pag-iral ng El Niño Phenomenon sa ating bansa na nakakaapekto sa supply ng tubig, ang lahat po ng mga kunsumidor ng Burdeos Water District ay patuloy na hinihikayat na magtipid sa paggamit ng tubig at magreport kung may masasaksihang mga tagas o sira.

Narito po ang schedule ng water pump operation upang ating maging batayan:
Submersible Water Pump – 24/7
4DR5 Engine Water Pump – Araw-araw mula 6AM hanggang 8:30AM

Hinihikayat din po namin ang mga kunsumidor na sumunod sa tamang paggamit ng booster pump alinsunod sa RA 9275 (Philippine Clean Water Act of 2004), PD 856 (Code on Sanitation), RA 8041 (National Water Crisis Act of 1995), PD 198 (Provincial Water Utilities Act) at Revised National Plumbing Code, kung saan kinakailangan ng cistern o sump tank na pansamantalang pag-iimbakan ng tubig mula sa metro bago higupin ng booster pump patungo sa overhead tank. Maaring magpadala ng report sa tanggapan ng Burdeos Water District kung tayo ay may masasaksihang paglabag.

Salamat po.

28/08/2026

28 Agosto 2026

PABATID

Sa kasalukuyan po ay paunti-unti nang naibalik ang supply ng tubig.

Kung tayo po ay nakararanas pa ng kawalan o mahinang supply ng tubig, maaring magpadala ng pribadong mensahe (private message) sa page na ito o kaya ay magtungo sa Tanggapan ng Burdeos Water District upang makapag-request ng Repair/Maintenance.

Format ng Mensahe:
Pangalan ng Service Connection
Address at Landmark
Sitwasyon, halimbawa: walang tulo simula noong Aug. 26

Maraming salamat po.

27/08/2026

‼️UPDATE‼️

27 Agosto 2026
5PM

Muli pong ipagpapatuloy ang repair operation bukas, Aug. 28, 2026 upang maibalik ang supply ng tubig.

Sa kasalukuyan po ay isang transmission line mula sa Bayabas Spring Catchment ang gumagana upang magsupply ng tubig.

Muling mag-ooperate ang water pump bukas ng alas-singko ng umaga (5AM).

Maraming salamat po.

27/08/2026

‼️UPDATE‼️

27 Agosto 2026

Patuloy pong nagsasagawa ng repair operation ang Burdeos Water District upang maibalik ang supply ng tubig.

Maraming salamat po.

26/08/2026

‼️UPDATE‼️

27 Agosto 2026

Karagdagang impormasyon patungkol sa pagkasira ng Transmission Line sa Spillway Bridge, So. Catmon

Naputol na rin po ang ikalawang Transmission Line sa Spillway Bridge, dahil dito asahan ang malawakang pagkawala ng supply ng tubig.

Ang Burdeos Water District po ay magsasagawa ng repair operation ngayong araw upang maibalik ang supply ng tubig.

Kami po ay humihingi ng paumanhin sa lahat ng apektadong kunsumidor.

26/08/2026