Municipal Health Office - Rizal, Palawan

🦷✨ 𝐌𝐚𝐭𝐚𝐠𝐮𝐦𝐩𝐚𝐲 𝐧𝐚 𝐋𝐢𝐛𝐫𝐞𝐧𝐠 𝐁𝐮𝐧𝐨𝐭 𝐧𝐠 𝐍𝐠𝐢𝐩𝐢𝐧 𝐬𝐚 𝐁𝐚𝐲𝐚𝐧 𝐧𝐠 𝐑𝐢𝐳𝐚𝐥! ✨🦷

Mula Mayo 25 hanggang Mayo 28, 2026, matagumpay na naidaos ang apat (4) na araw na Libreng Bunot ng Ngipin para sa mga mamamayan ng Rizal.

Ang programang ito ay bahagi ng Palawan Plus Development Agenda ni 𝐆𝐨𝐯𝐞𝐫𝐧𝐨𝐫 𝐀𝐦𝐲 𝐀𝐥𝐯𝐚𝐫𝐞𝐳 at pinangunahan ng 𝑷𝒓𝒐𝒗𝒊𝒏𝒄𝒊𝒂𝒍 𝑯𝒆𝒂𝒍𝒕𝒉 𝑶𝒇𝒇𝒊𝒄𝒆 ng Pamahalaang Panlalawigan ng Palawan, katuwang ang Municipal Health Office ng Rizal sa pamumuno ng ating Officer-in-Charge, 𝐑𝐮𝐭𝐜𝐡𝐞𝐥 𝐋𝐚𝐛𝐨𝐫𝐞𝐫𝐚, 𝐑𝐍.

Sa loob ng apat na araw na aktibidad, 𝒖𝒎𝒂𝒃𝒐𝒕 𝒔𝒂 262 mamamayan ang nabigyan ng libreng serbisyong pangkalusugan sa ngipin. Kabilang sa mga serbisyong ipinagkaloob ang Dental Consultation, Tooth Extraction, at Oral Health Education, bilang bahagi ng Oral Health Program ng Provincial Health Office.

Lubos nating pinasasalamatan ang suporta ng ating Municipal Mayor 𝐍𝐨𝐫𝐦𝐚𝐧 𝐒. 𝐎𝐧𝐠 at Vice Mayor, 𝐌𝐚𝐫𝐢𝐚 𝐆𝐫𝐚𝐜𝐢𝐚 𝐌. 𝐙𝐚𝐩𝐚𝐧𝐭𝐚 at ng 17𝒕𝒉 𝑺𝒂𝒏𝒈𝒈𝒖𝒏𝒊𝒂𝒏𝒈 𝑩𝒂𝒚𝒂𝒏, na naging mahalagang katuwang upang matagumpay na maisakatuparan ang programang ito para sa kapakanan ng ating mga kababayan.

Patuloy nating pangalagaan ang ating kalusugan, lalo na ang ating mga ngipin, para sa isang mas malusog at mas masayang komunidad.

📣 𝐏𝐀𝐀𝐋𝐀𝐋𝐀 𝐒𝐀 𝐋𝐀𝐇𝐀𝐓 📣

Mga ka-Rizalians, may pagbabago po sa schedule ng ating Libreng Bunot ng Ngipin.

🗓 Hanggang bukas na lamang po ito, 𝐌𝐚𝐲 28, 2026
⏰ Oras: 8:30 ng umaga hanggang 3:30 ng hapon
📍 Venue: 𝐌𝐮𝐧𝐢𝐜𝐢𝐩𝐚𝐥 𝐆𝐲𝐦

Inaanyayahan po namin ang lahat na maagap na pumunta upang maiwasan ang mahabang pila. Tandaan po natin na limitado lamang ang bilang ng maaaring mapaglingkuran kaya 𝑭𝑰𝑹𝑺𝑻 𝑪𝑶𝑴𝑬, 𝑭𝑰𝑹𝑺𝑻 𝑺𝑬𝑹𝑽𝑬 po tayo.

Maraming salamat po sa inyong kooperasyon at pang-unawa. Ang inyong kalusugan sa ngipin ay mahalaga sa amin! 🦷✨

𝐒𝐚𝐦𝐚-𝐬𝐚𝐦𝐚𝐧𝐠 𝐏𝐚𝐠𝐡𝐮𝐛𝐨𝐠 𝐧𝐠 𝐌𝐚𝐬 𝐌𝐚𝐥𝐮𝐬𝐨𝐠 𝐧𝐚 𝐏𝐚𝐦𝐚𝐲𝐚𝐧𝐚𝐧!

Matagumpay na naisagawa ang 2nd Quarter Municipal Nutrition Council noong May 20, 2026 na dinaluhan ng iba’t ibang tanggapan at stakeholders na katuwang sa pagsusulong ng kalusugan at wastong nutrisyon sa ating bayan.

Tinalakay sa pagpupulong ang mga mahahalagang usapin tulad ng OPT 2025 at mga resulta ng OPT 2026, gayundin ang mga nakahanay na aktibidad at pondo para sa nalalapit na Nutrition Month Celebration sa buwan ng Hulyo. Isa rin sa naging mahalagang bahagi ng talakayan ang Municipal Nutrition Action Plan (MNAP) 2027, kabilang ang Adoption and Approval ng Municipal Resolution para dito, pati na rin ang revised Vision and Mission ng LNAP.

Dinaluhan ito nina Sir Arvin Fuentes, Executive Assistant II bilang kinatawan ng Office of the Mayor, at Sir Vladimir Eslerancilla bilang kinatawan ng Office of the Vice Mayor. Nakiisa rin si Sir Vilmar Manaeg, Municipal Budget Officer, kasama ang mga kinatawan mula sa MPDC, Mayor’s Office, MDRRMO, MTO, Administrative Office, DILG, IPMR, at ABC.

Pinangunahan naman ang pagpupulong ng ating Municipal Health Officer-OIC na si Rutchel Escabal Laborera,RN at Leslie Ann M. Echalas, RN Municipal Nutrition Action Officer (MNAO)

Patuloy ang pagkakaisa at pakikipagtulungan ng bawat tanggapan upang maisulong ang mga programang magbibigay ng mas malusog at mas maayos na kinabukasan para sa bawat mamamayan. Lubos ding pinasasalamatan ang suporta ng ating Municipal Mayor Norman S. Ong at Vice Mayor Maria Gracia Goh Macasaet-Zapanta at ng 17th Sangguniang Bayan sa patuloy na pagtataguyod ng mga programang pangnutrisyon at pangkalusugan ng bayan.

🩺 “𝐒𝐢𝐥𝐞𝐧𝐭 𝐊𝐢𝐥𝐥𝐞𝐫 𝐚𝐧𝐠 𝐇𝐲𝐩𝐞𝐫𝐭𝐞𝐧𝐬𝐢𝐨𝐧—𝐌𝐚𝐠-𝐢𝐧𝐠𝐚𝐭 𝐚𝐭 𝐌𝐚𝐠𝐩𝐚𝐭𝐢𝐧𝐠𝐢𝐧!”

Ang Hypertension o High Blood Pressure ay tinatawag ding “silent killer” dahil madalas ay walang sintomas ngunit maaaring magdulot ng seryosong sakit tulad ng stroke, atake sa puso, at sakit sa bato.

📌 𝗠𝗴𝗮 𝗦𝗮𝗻𝗵𝗶 𝗻𝗴 𝗛𝘆𝗽𝗲𝗿𝘁𝗲𝗻𝘀𝗶𝗼𝗻:
🔹 Maalat at mamantikang pagkain
🔹 Paninigarilyo at pag-inom ng alak
🔹 Stress at puyat
🔹 Kakulangan sa ehersisyo
🔹 Labis na timbang

✅ 𝗣𝗮𝗮𝗻𝗼 𝗠𝗮𝗶𝗶𝘄𝗮𝘀𝗮𝗻 𝗮𝗻𝗴 𝗛𝘆𝗽𝗲𝗿𝘁𝗲𝗻𝘀𝗶𝗼𝗻?
🥗 Kumain ng masustansyang pagkain
🚶‍♂️ Mag-ehersisyo araw-araw
🧂 Bawasan ang alat at processed foods
🚭 Iwasan ang paninigarilyo at alak
😴 Magpahinga at matulog nang sapat
🩺 Regular na magpa-check ng blood pressure

💡 𝐓𝐚𝐧𝐝𝐚𝐚𝐧:
“Mas mabuting maagapan kaysa gamutin.”
Ang simpleng pag-aalaga sa kalusugan ay malaking hakbang para maiwasan ang hypertension.

👨‍⚕️ Magpatingin agad sa pinakamalapit na health center kung nakararanas ng madalas na pananakit ng ulo, pagkahilo, o panlalabo ng paningin.

Ang Municipal Health Office ay magpapatupad ng iskedyul para sa libreng X-ray mula Lunes hanggang Biyernes, ito ay dahil sa pagtaas ng presyo ng gasolina at mga hindi inaasahang brownout.

🕘 Umaga: 9:00 AM – 11:30 AM
🕒 Hapon: 3:00 PM – 5:00 PM

Ang Libreng X-Ray ay naaayon sa doctors Order ng mga Consultating Physicians ng Rural Health Unit.

Inaanyayahan po namin ang lahat na sundin ang itinakdang oras upang maging maayos at tuloy-tuloy ang serbisyo.

Maraming salamat po sa inyong pang-unawa at kooperasyon. 💚

💙 “YAKAP ng PhilHealth: Alagang Pangkalusugan para sa Bawat Pamilya!”

📅 May 11–15, 2026

Matagumpay na naidaos ang PhilHealth YAKAP Update sa mga barangay ng Bgy. Culasian, Bgy. Candawaga, Bgy. Taburi, Bgy. Latud, at Bgy. Canipaan bilang bahagi ng patuloy na adhikain na mailapit ang serbisyong pangkalusugan at mairehistro ang bawat mamamayan ng Rizal sa PhilHealth YAKAP Program.

Layunin ng PhilHealth YAKAP na mabigyan ng mas mabilis at maayos na access sa serbisyong medikal ang bawat mamamayan sa pamamagitan ng pagpaparehistro sa PhilHealth, upang masigurong may sapat na benepisyong pangkalusugan ang bawat pamilya lalo na sa oras ng pangangailangan.

Sa buong linggong pag-iikot, naging matagumpay ang isinagawang First Encounter at YAKAP Registration sa tulong ng Municipal Civil Registrar, Palawan Pawnshop, at Municipal Health Office sa pangunguna ni Rutchel Escabal Laborera, RN – Officer In Charge.

📌 Accomplishment Report:

✅ Bgy. Culasian
• First Encounter – 36
• YAKAP Registration – 33

✅ Bgy. Candawaga
• First Encounter – 45
• YAKAP Registration – 77

✅ Bgy. Taburi
• First Encounter – 21
• YAKAP Registration – 89

✅ Bgy. Latud
• First Encounter – 20
• YAKAP Registration – 45

✅ Bgy. Canipaan
• First Encounter – 6
• YAKAP Registration – 32

Patuloy ang ating pagkakaisa upang mas mapalapit ang serbisyong pangkalusugan sa bawat mamamayan.

Ang inisyatibong ito ay sa pangunguna ng ating Municipal Mayor Norman S. Ong, Vice Mayor Maria Gracia Goh Macasaet-Zapanta at ng 17th Sangguniang Bayan ng Rizal.

𝐌𝐚𝐭𝐚𝐠𝐮𝐦𝐩𝐚𝐲 𝐧𝐚 𝐍𝐚𝐢𝐝𝐚𝐨𝐬 𝐚𝐧𝐠 𝐌𝐨𝐧𝐭𝐡𝐥𝐲 𝐋𝐨𝐜𝐚𝐥 𝐇𝐞𝐚𝐥𝐭𝐡 𝐁𝐨𝐚𝐫𝐝 𝐌𝐞𝐞𝐭𝐢𝐧𝐠
𝐌𝐚𝐲 4, 2026

Matagumpay na naisagawa ang Monthly Local Health Board Meeting ng Municipal Health Office sa pangunguna ng ating Municipal Health Officer Officer-In-Charge, Rutchel Escabal Laborera.

Sa pagpupulong, tinalakay ang mahalagang Epidemiological Surveillance Report kaugnay ng mga naitalang kaso ng sakit ng ulo, pagkahilo, at hirap sa paghinga mula sa Sitio Tagbalugo, Brgy. Culasian na may kaugnayan sa isyu ng creek. Inilahad din ang mga agarang aksyon at rekomendasyon hinggil sa paglabag ng isang kumpanya sa environmental sanitation na nakaapekto sa kalusugan ng komunidad.

Napag-usapan din ang pinakabagong update sa mga kaso ng malaria ngayong 2026, pati na ang ulat ukol sa Yakap PhilHealth Capitation—patunay ng tuloy-tuloy na pagbabantay at pagpapabuti ng serbisyong pangkalusugan.

Pinangunahan ni Sir Arvin Fuentes, Executive Assistant II, representative mula sa Mayors Office, ang nasabing pagpupulong na dinaluhan ng iba’t ibang sektor, sina: Dina Pascual (Municipal IPMR), Joven Guerrero (MSWDO), Judith Hermoso (SK President), Lo**ta Parado (MCR), at mga kinatawan mula sa MDRRMO, MPDO, MENRO, at Dr. Jose Rizal District Hospital. Nakibahagi rin via Zoom sina Doc Ricky Dann Marquez, DTTB, at Ms. Carla P. Palanca, DOH Representative.

💚 Taos-pusong pasasalamat sa ating Municipal Mayor Norman S. Ong at Vice Mayor Maria Gracia Goh Macasaet-Zapanta sa kanilang walang sawang suporta sa mga programang pangkalusugan—patunay na ang kalusugan ng bawat mamamayan ay tunay na prayoridad!