Local Youth Development Office - San Joaquin

𝐌𝐮𝐧𝐢𝐜𝐢𝐩𝐚𝐥 𝐅𝐞𝐝𝐞𝐫𝐚𝐭𝐞𝐝 𝐒𝐮𝐩𝐫𝐞𝐦𝐞 𝐒𝐞𝐜𝐨𝐧𝐝𝐚𝐫𝐲 𝐋𝐞𝐚𝐫𝐧𝐞𝐫 𝐆𝐨𝐯𝐞𝐫𝐧𝐦𝐞𝐧𝐭, 𝐧𝐚𝐠𝐫𝐞𝐨𝐫𝐠𝐚𝐧𝐢𝐳𝐚𝐫 𝐛𝐢𝐥𝐚𝐧𝐠 𝐩𝐫𝐞𝐩𝐚𝐫𝐚𝐬𝐲𝐨𝐧 𝐬𝐚 𝐩𝐚𝐠𝐛𝐮𝐤𝐚𝐬 𝐤𝐚𝐧𝐠 𝐒𝐜𝐡𝐨𝐨𝐥 𝐘𝐞𝐚𝐫 𝟐𝟎𝟐𝟔-𝟐𝟎𝟐𝟕

Nagtiriripon ang mga Presidente kag Bise Presidente kang Supreme Secondary Learner Government kang tanan nga mga secondary kag integrated schools sa banwa kang San Joaquin, tulad nga adlaw, June 5, 2026 para sa isa ka conference nga tinutuyo maplastar ang pederasyon kang mga SSLG Officers.

Gin-istoryahan sa amo nga aktibidad ang papel kang MFSSLG sa banwa bilang kabahin kang Local Youth Development Council, pagplastar kang mga programa nga pagahiwaton sa sunod nga mga binulan, kag ang eleksyon kang bag-o nga federation officers para sa school year 2026-2027.

Ang amo nga aktibidad ginpatigayon kang LGU San Joaquin sa pagpanguna ni Municipal Mayor Atty. Joe Abad S. Lazaro, Jr. bilang pagkilala sa rolyo kang mga student leaders sa pagpasangkad kang mga potensyal kang tagsa ka mga kabataan kag bilang preparasyon sa ginaplano nga Youth Leadership Summit nga pagahiwaton sa banwa.

Ang pagtipon sa mga student leaders isa man ka tikang para makapalab-ot kang suporta kang local government sa mga aktibidad kag kinahanglanon kang tagsa ka mga eskwelahan.

𝐒𝐏𝐄𝐒 𝟐𝟎𝟐𝟔 𝐎𝐫𝐢𝐞𝐧𝐭𝐚𝐭𝐢𝐨𝐧, 𝐠𝐢𝐧𝐩𝐚𝐭𝐢𝐠𝐚𝐲𝐨𝐧 𝐤𝐚𝐧𝐠 𝐋𝐆𝐔 𝐒𝐚𝐧 𝐉𝐨𝐚𝐪𝐮𝐢𝐧

Nagtiriripon ang tanan nga mga qualified applicants kang Special Program for Employment of Students (SPES) 2026 kang Mayo 30, 2026 sa ginhiwat nga orientation nga ginpangunahan ni Municipal Mayor Atty. Joe Abad S. Lazaro Jr., imaw kang PESO-Designate, John Erik Embultora, LYDO-Designate John Earl Napao, kag ni SB Member, Atty. Igmedio Prado.

Ang orientation nagsentro sa pagkilalahay kang mga kabataan, hinon-anon sa mga topiko nga kabahin kang mga work assignments, kag iban pa.

Kalipay man kang mga kabataan nga makabatyag kang suporta kang banwa sa anda nga SPES Program nga makabulig gid pasangkad kang anda mga abilidad kag kinaadman, pagbuol kang mga bag-o nga eksperyensya, kag makabulig sa kaugalingon nga makatipon kang kantidad bilang preparasyon sa anda pag-eskwela.

𝐒𝐀𝐍 𝐉𝐎𝐀𝐐𝐔𝐈𝐍 𝐋𝐘𝐃𝐂, 𝐧𝐚𝐤𝐢𝐠𝐛𝐚𝐡𝐢𝐧 𝐬𝐚 𝐁𝐈𝐃𝐀 𝐊𝐀𝐁𝐀𝐓𝐀𝐀𝐍𝐆 𝐈𝐋𝐎𝐍𝐆𝐆𝐎: 𝟏𝐬𝐭 𝐈𝐥𝐨𝐢𝐥𝐨 𝐏𝐫𝐨𝐯𝐢𝐧𝐜𝐢𝐚𝐥 𝐘𝐨𝐮𝐭𝐡 𝐂𝐨𝐧𝐯𝐞𝐫𝐠𝐞𝐧𝐜𝐞

Sa pagpanguna kang Iloilo Provincial Government paagi sa Office of the Local Youth Development Officer, ginpatigayon tulad nga adlaw, June 2, 2026 ang BIDA KABATAANG ILONGGO: 1st Iloilo Provincial Youth Convergence sa syudad kang Iloilo kung sa diin nagkalain-lain nga representante kang youth organizations sa mga kabanwahanan sa probinsya ang nagpasakop kalakip ang banwa kang San Joaquin.

Nagtambong sa amo nga aktibidad amo ang LYDO-Designate kang banwa, imaw ang representante halin sa San Joaquin Parish Youth Ministry, Sidlak Youth, Sangguniang Kabataan Municipal Federation kag Supreme Secondary Learner Government.

Nangin sentro kang aktibidad ang pagpabaskog kang rolyo kang mga kabataan sa patag kang ledirismo kag serbisyo publiko, pagpresentar kang mga programa nga handom makasulbar ka mga gina-atubang nga problema kang mga pamatan-on, kag pag unveil kang Child and Youth Development Center nga proyekto kang provincial government.

Nangin mabinungahon gid ang pagtigayon kang programa nga gintambungan gid ni Governor Arthur Defensor, Jr. Asec. Juanquine Carlo Racho, Commissioner Representing Visayas kang National Youth Commission, PPSK President Esara Javier, Board Member JP Peñol, kag pira ka department heads kang Provincial Government.

𝐏𝐚𝐧𝐠𝐢𝐧𝐛𝐮𝐥𝐚𝐡𝐚𝐧, 𝐎𝐮𝐫 𝐋𝐚𝐝𝐲 𝐨𝐟 𝐒𝐚𝐥𝐯𝐚𝐭𝐢𝐨𝐧 𝐏𝐚𝐫𝐢𝐬𝐡 𝐘𝐨𝐮𝐭𝐡 𝐌𝐢𝐧𝐢𝐬𝐭𝐫𝐲!

Sa handom nga mangin kompleto ang registered members kang San Joaquin Local Youth Development Council sa NYC-YORP, ang Our Lady of Salvation PYM nga ginabug-usan kang mga pamatan-on halin sa Lawigan kag iban pa nga sakop kang Parokya, nagtinguha nga mangin kabahin kang verified youth-serving organization kag dayon nga nakapasar rason para mapabaskog ang papel kang anda organisasyon sa komunidad.

Ang inyo nadangtan tikang para sa padayon nga pagpasangkad kang mga kabataan sa aton banwa!

𝐌𝐠𝐚 𝐅𝐫𝐚𝐭𝐞𝐫𝐧𝐢𝐭𝐢𝐞𝐬 𝐬𝐚 𝐛𝐚𝐧𝐰𝐚 𝐤𝐚𝐧𝐠 𝐒𝐚𝐧 𝐉𝐨𝐚𝐪𝐮𝐢𝐧, 𝐧𝐚𝐠𝐭𝐢𝐩𝐨𝐧 𝐩𝐚𝐫𝐚 𝐬𝐚 𝐢𝐬𝐚 𝐤𝐚 𝐩𝐚𝐠𝐡𝐢𝐧𝐮𝐧-𝐚𝐧𝐨𝐧

Ginpatigayon tulad nga adlaw, Mayo 28, 2026, ang pagtiriripon kang mga representante kang mga Fraternities sa banwa kang San Joaquin para nga maghinun-anon may kaangtanan sa pagpabaskog kang anda presensya kag rolyo sa banwa.

Ginpangunahan ni Municipal Mayor Atty. Joe Abad S. Lazaro, Jr. imaw kang Local Youth Development Office kag kang Municipal Planning and Development Office ang pagsapol kang mga topiko kaangay kang CSO Accreditation, pagsulod bilang myembro kang LYDC, mga plano nga programa kag aktibidades, kag iban pa.

Nagapasalamat ang mga myembro kang mga fraternities sa prehibiliyo nga gintugro kang Local Government kang banwa nga magapakilala kang mga adbokasiya nga ginasulong kang tagsa ka mga grupo.

Plano kang mga fraternities nga magpatukod kang Federation para sa mas mabaskog kag masulhay nga pagpatigayon kang mga programa sa banwa kang San Joaquin.

Hooked on your dreams?
Reel them in with the Fisheries Scholarship Program!

The Bureau of Fisheries and Aquatic Resources (BFAR) is NOW ACCEPTING applications for Fisheries Scholarship Program for Academic Year 2027-2031.

Your future is looking fintastic 🐟 ✨
Whether you’re a fisherfolk child, an academic achiever there’s a scholarship waiting for you! 💙

📌 Application period: March 2 – July 31, 2026
📝 Qualifying Exam: October 10, 2026
📌 Eligibility requirements and application details:
https://tinyurl.com/BFAR-FSP-Application
https://tinyurl.com/BFAR-FSP-Application
https://tinyurl.com/BFAR-FSP-Application

Don’t let this opportunity swim away! 🐠
Cast your dreams wide - baka ito na ang "catch" mo this year!

Interested applicants may visit the Municipal Agriculture Office of San Joaquin or contact the BFAR Regional Office through its page for further information & application details.

Note: Only incoming freshmen who will be taking BS Fisheries are eligible to apply.

𝗦𝗣𝗘𝗦 𝗥𝗘𝗦𝗨𝗟𝗧 𝗜𝗦 𝗢𝗨𝗧!!

Panginbulahan sa aton mga aplikante nga nakapasar sa Special Program for Employment of Students (SPES) 2026.

Ang Public Employment Service Office magapatigayon kang SPES Orientation sa Mayo 30, 2026 (Sabado), 9:00 AM, sa Audio-Visual Room, San Joaquin People's Center.

Palihog nga magdara kang ballpen kag Long Size White Folder sa inyo orientation.

|| 𝗕𝗔𝗟𝗜𝗞 𝗡𝗔 𝗦𝗔 𝟱-𝗗𝗔𝗬 𝗪𝗢𝗥𝗞 𝗪𝗘𝗘𝗞 𝗦𝗖𝗛𝗘𝗗𝗨𝗟𝗘 𝗔𝗡𝗚 𝗕𝗔𝗡𝗪𝗔 𝗞𝗔𝗡𝗚 𝗦𝗔𝗡 𝗝𝗢𝗔𝗤𝗨𝗜𝗡

Suno sa Memorandum Circular No. 005, natapos na ang temporaryo nga 4-day work week kag nagbalik na sa regular nga 5-day work schedule ang LGU San Joaquin, epektibo tulad nga adlaw, Mayo 25, 2026, 8:00 AM tubtob 5:00 PM, agud mas mapadayon ang episyente, mayad, kag mas accessible nga serbisyo publiko para sa tanan.

Dugang pa, ginapahibalo sa publiko nga wara ti opisina sa Miyerkules, Mayo 27, 2026 bilang pagselebrar sang Eid’l Adha (Feast of Sacrifice), nga ginproklamar nga regular holiday suno sa Proclamation No. 1264.

Magapadayon ang tanan nga transaksyon kag regular nga operasyon kang mga opisina sa Huwebes, Mayo 28, 2026.

#𝗹𝗴𝘂𝘀𝗮𝗻𝗷𝗼𝗮𝗾𝘂𝗶𝗻
#𝗺𝗮𝘆𝗼𝗿𝗮𝗯𝗮𝗱
#𝗯𝗮𝗻𝘄𝗮𝗻𝗴𝗮𝗺𝗮𝗿𝗮𝗽𝗶𝘁𝘀𝗮𝘁𝗮𝘄𝗼𝗸𝗮𝗴𝗺𝗮𝘆𝗯𝘂𝗹𝗮𝘄𝗮𝗻𝗼𝗻𝗻𝗴𝗮𝗴𝘂𝗴𝗺𝗮

|| 𝗕𝗔𝗟𝗜𝗞 𝗡𝗔 𝗦𝗔 𝟱-𝗗𝗔𝗬 𝗪𝗢𝗥𝗞 𝗪𝗘𝗘𝗞 𝗦𝗖𝗛𝗘𝗗𝗨𝗟𝗘 𝗔𝗡𝗚 𝗕𝗔𝗡𝗪𝗔 𝗞𝗔𝗡𝗚 𝗦𝗔𝗡 𝗝𝗢𝗔𝗤𝗨𝗜𝗡

Suno sa Memorandum Circular No. 005, natapos na ang temporaryo nga 4-day work week kag nagbalik na sa regular nga 5-day work schedule ang LGU San Joaquin, epektibo tulad nga adlaw, Mayo 25, 2026, 8:00 AM tubtob 5:00 PM, agud mas mapadayon ang episyente, mayad, kag mas accessible nga serbisyo publiko para sa tanan.

Dugang pa, ginapahibalo sa publiko nga wara ti opisina sa Miyerkules, Mayo 27, 2026 bilang pagselebrar kang Eid’l Adha (Feast of Sacrifice), nga ginproklamar nga regular holiday suno sa Proclamation No. 1264.

Magapadayon ang tanan nga transaksyon kag regular nga operasyon kang mga opisina sa Huwebes, Mayo 28, 2026.

#𝗹𝗴𝘂𝘀𝗮𝗻𝗷𝗼𝗮𝗾𝘂𝗶𝗻
#𝗺𝗮𝘆𝗼𝗿𝗮𝗯𝗮𝗱
#𝗯𝗮𝗻𝘄𝗮𝗻𝗴𝗮𝗺𝗮𝗿𝗮𝗽𝗶𝘁𝘀𝗮𝘁𝗮𝘄𝗼𝗸𝗮𝗴𝗺𝗮𝘆𝗯𝘂𝗹𝗮𝘄𝗮𝗻𝗼𝗻𝗻𝗴𝗮𝗴𝘂𝗴𝗺𝗮

𝐂𝐀𝐋𝐋 𝐅𝐎𝐑 𝐄𝐍𝐋𝐈𝐒𝐓𝐌𝐄𝐍𝐓!!

Ang Local Government kang San Joaquin, paagi sa Local Youth Development Office, naga-imbitar sa mga Fraternities sa aton banwa nga magpalista para sa profiling kag pagkilala kang mga organisasyon nga handom mangin kabahin kang aton adbokasiya nga mas mapasangkad ang partisipasyon kang kada isa sa anuman nga programa kag aktibidad kang aton banwa.

Gani, i-click ang link sa idalom ukon i-scan ang QR Code kag magpalista. Ginapangabay man nga kung kamo may kilala nga kabahin kang mga Fraternity ridya sa banwa, ipakita ang post kag hagada nga mag-imaw sa aton kawsa.

Para sa dugang nga pamangkot, magpabalin lang kang mensahe.

Salamat!

Registration Link:
https://forms.gle/CwJFTBSXBzGet43T6

Deadline of Registration is until May 24, 2026 only.

𝗖𝗗𝗧 𝟭𝗖𝗟 𝗤𝗨𝗘𝗘𝗡𝗜𝗘 𝗦𝗛𝗔𝗡𝗘𝗡 𝗦𝗘𝗗𝗢𝗡 𝗣𝗘Ñ𝗔𝗥𝗔𝗡𝗗𝗔
𝗣𝗠𝗔 𝗧𝗮𝗹𝗮𝗻𝗴 𝗗𝗮𝗻𝗴𝗮𝗹 𝗖𝗹𝗮𝘀𝘀 𝗼𝗳 𝟮𝟬𝟮𝟲.

Panginbulahan sa aton kasimanwa, CDT 1CL Queenie Shanen Sedon Peñaranda, sa pagradwar sa Philippine Military Academy (PMA) Talang Dangal Class of 2026.

Si Queenie Shanen tumandok kang Brgy. Pañatan, San Joaquin, Iloilo. Nag-elementarya sa Dacdacanan Elementary School kag nag-highschool sa Don Felix Serra National High School. Kag bag-o magsulod sa PMA, nakaeskwela pa tana sa West Visayas State University-Iloilo City.