Barangay San Jose

𝗪𝗘𝗟𝗖𝗢𝗠𝗘 𝗧𝗢 𝗢𝗨𝗥 𝗕𝗦𝗝 𝗖𝗢𝗨𝗡𝗖𝗜𝗟 𝗙𝗔𝗠𝗜𝗟𝗬

Malugod nating binabati si CAMILLE ZAPANTA bilang bagong talaga na Kagawad sa Barangay San Jose.

Pinangunahan ni Mayora Menchie Abalos ang panunumpa ng katungkulan kasama si Kap. Joan Batan-Pintang, Ms Czarina G. Del Espiritu Santo LGOO VII, Cluster Head DILG Mandaluyong, Kagawad Joswa Cruz, SK Chairman Romark Orias, at pamilya.

Anak siya ni yumaong kagawad Dikong Zapanta at nagsisilbi rin bilang Barangay Nutrition Action Officer (BNAO) sa loob ng halos tatlong taon.

Muli, congratulations, Kagawad Camille Zapanta!

📞 Narito ang ating updated landline number para sa inyong mga katanungan, concerns, at mga problemang nais ipaabot:

☎️ 8-782-3191

Handa po kaming tumugon at magbigay ng kaukulang tulong. Maraming salamat! 😊

💉 𝑫𝑨𝒀 2 | 𝑳𝑰𝑮𝑻𝑨𝑺 𝑻𝑰𝑮𝑫𝑨𝑺 𝑪𝑨𝑴𝑷𝑨𝑰𝑮𝑵 2026

Patuloy ang ating pagbabakuna para sa ikalawang araw ng 𝙻𝚒𝚐𝚝𝚊𝚜 𝚃𝚒𝚐𝚍𝚊𝚜 𝙲𝚊𝚖𝚙𝚊𝚒𝚐𝚗 2026!

Maraming salamat sa mga magulang, health workers, volunteers, at mga katuwang na patuloy na sumusuporta sa programang ito. Ang bawat batang nababakunahan ay isang hakbang tungo sa mas ligtas na komunidad at mas malusog na kinabukasan.

Kung hindi pa nababakunahan ang inyong anak na 𝒆𝒅𝒂𝒅 6 𝒉𝒂𝒏𝒈𝒈𝒂𝒏𝒈 59 𝒃𝒖𝒘𝒂𝒏, maaari pa rin kayong magtungo sa pinakamalapit na vaccination site sa inyong lugar.

🛡️ LIGTAS TIGDAS: Handa. BakunaDOH. ProtektaDOH.

💉 𝘿𝘼𝙔 1 | 𝙇𝙄𝙂𝙏𝘼𝙎 𝙏𝙄𝙂𝘿𝘼𝙎 𝘾𝘼𝙈𝙋𝘼𝙄𝙂𝙉 2026

Opisyal nang nagsimula kahapon ang Ligtas Tigdas Campaign 2026 sa Barangay San Jose!

Inaanyayahan natin ang lahat ng mga magulang at tagapag-alaga na dalhin ang kanilang mga anak na 𝙚𝙙𝙖𝙙 6 𝙝𝙖𝙣𝙜𝙜𝙖𝙣𝙜 59 𝙗𝙪𝙬𝙖𝙣 sa pinakamalapit na vaccination site upang mabigyan ng proteksyon laban sa tigdas at tigdas-hangin.

Ang bakuna ay ligtas, epektibo, at libre. Sama-sama nating pangalagaan ang kalusugan ng ating mga anak para sa mas ligtas at mas malusog na kinabukasan.

📍 Barangay San Jose - Banana Court
⏱️ 8:00 AM - 11:30AM
📅 Hunyo 1–30, 2026

🛡️ LIGTAS TIGDAS: Handa. BakunaDOH. ProtektaDOH.

𝗟𝗜𝗚𝗧𝗔𝗦 𝗧𝗜𝗚𝗗𝗔𝗦 𝗖𝗔𝗠𝗣𝗔𝗜𝗚𝗡 2026 💉👶

Ngayong Hunyo 1, opisyal nang magsisimula ang LIGTAS TIGDAS Campaign sa Metro Manila bilang bahagi ng patuloy na kampanya ng Department of Health upang maprotektahan ang ating mga kabataan laban sa Tigdas at Tigdas-hangin.

Kaya naman mga magulang, lolo't lola, tito't tita, at mga tagapag-alaga—halina't makiisa! Dalhin ang mga batang edad 6 hanggang 59 buwan sa pinakamalapit na vaccination site o health center sa inyong lugar.

✅ Ang pagbabakuna ay nagbibigay-proteksyon laban sa pagka-ospital at pagkamatay dulot ng Tigdas at Tigdas-hangin.
📍 Libre at madaling makuha ang bakuna sa pinakamalapit na health center.
🤝 Nakaantabay ang ating mga health workers upang magbigay ng gabay at agarang tulong kung kinakailangan.

Sama-sama nating tiyakin na ligtas, malusog, at masigla ang ating mga anak. Dahil mas masaya ang kulitan, habulan, at laro kapag protektado laban sa tigdas ang bawat bata! 💙

🛡️ LIGTAS TIGDAS: Handa. BakunaDOH. ProtektaDOH.

𝐁𝐑𝐈𝐆𝐀𝐃𝐀 𝐄𝐒𝐊𝐖𝐄𝐋𝐀! 🎨📚

Isang makulay at makabuluhang paghahanda para sa panibagong taong panuruan!

Sa pangunguna ni Kap Joan Batan, SK Chairman Romark Orias, Kagawad Eson Banda at ng buong konseho ng ONEBSJ, nagkaloob ang Barangay San Jose ng mga pintura at cleaning materials para sa Filemon P. Javier Elementary School bilang suporta sa pagpapaigting ng Brigada Eskwela at paghahanda sa pagbubukas ng klase!

Kasama ang pamunuan ng paaralan sa pangunguna ni Punong-guro Elizabeth Catibug, taos-pusong pasasalamat ang ipinaabot sa buong konseho ng barangay para sa patuloy na suporta at malasakit sa kapakanan ng mga mag-aaral at sa pagpapabuti ng kanilang kapaligiran sa pagkatuto.

Kayo ang 𝐔𝐍𝐀 sa serbisyong kayo ang 𝐒𝐄𝐍𝐓𝐑𝐎! 💙💛

𝐓𝐚𝐚𝐬-𝐍𝐨𝐨𝐧𝐠 𝐈𝐭𝐚𝐭𝐚𝐬 𝐚𝐧𝐠 𝐁𝐚𝐧𝐝𝐞𝐫𝐚!

Isang makulay na Pride Month para sa lahat nang parte ng LGBTQ community! katuwang ninyo ang suporta ng 𝐎𝐍𝐄𝐁𝐒𝐉 sa pangunguna ni 𝐊𝐚𝐩𝐢𝐭𝐚𝐧𝐚 𝐉𝐨𝐚𝐧 𝐁𝐚𝐭𝐚𝐧 at 𝐂𝐨𝐮𝐧𝐜𝐢𝐥!

Patuloy tayong magkakaisa sa lahat nang uri ng pagmamahal at paghuhubog ng kumunidad para sa malaya at pantay-pantay. Ipagdiriwang natin ang mahalagang pagkakataon upang ibandera ang paninindigan, pakikibaka, kalayaan, at paggalang sa ating kapwa.

Para sa mga abala tuwing Lunes hanggang Biyernes, bukas rin po ang ating Barangay Hall tuwing Sabado!
🕒 𝐒𝐜𝐡𝐞𝐝𝐮𝐥𝐞: 9:00 𝐀𝐌 - 4:00 𝐏𝐌

Maaari ninyong asikasuhin ang mga sumusunod na serbisyo:
✅ 𝐁𝐚𝐫𝐚𝐧𝐠𝐚𝐲 𝐂𝐞𝐫𝐭𝐢𝐟𝐢𝐜𝐚𝐭𝐞𝐬
✅ 𝐖𝐨𝐫𝐤 𝐏𝐞𝐫𝐦𝐢𝐭𝐬
✅ 𝐋𝐮𝐩𝐨𝐧 𝐓𝐚𝐠𝐚𝐩𝐚𝐦𝐚𝐲𝐚𝐩𝐚

Huwag nang ipagpaliban ang inyong mga kailangan. Bisitahin lang ang ating FB page na Barangay San Jose para sa mga anunsyo.
Sama-sama at tulong-tulong para sa mas maayos na komunidad.

Maligayang Kaarawan sa ating masipag at mahusay na 𝙎𝙆 𝘾𝙝𝙖𝙞𝙧𝙢𝙖𝙣, 𝙍𝙤𝙢𝙖𝙧𝙠! 🎉

Nawa’y patuloy kang pagpalain ng mabuting kalusugan, tagumpay, at lakas upang maipagpatuloy ang iyong paglilingkod sa kabataan at sa ating barangay.

Kasama ang ating Bantay Bayan, Street Sweepers, Canal Estero Rangers, at mga TUPAD Beneficiaries, tuloy-tuloy ang pagpapanatili ng kalinisan at kaayusan sa ating Barangay bilang paghahanda sa nalalapit na tag-ulan.

Nagsagawa sila ng paglilinis at pagbabaklas ng mga bara sa kanal, gayundin ng pagsasaayos sa mga lugar na madalas naiipunan ng tubig upang makatulong sa pag-iwas sa pagbaha at pagkalat ng sakit.

Ang sama-samang pagkilos at bayanihan ng bawat isa ay malaking hakbang tungo sa isang mas malinis, ligtas, at maayos na Barangay San Jose!

Maraming salamat po sa inyong patuloy na serbisyo at malasakit para sa ating Barangay.