27/03/2026
Magandang araw po!
Ang Pamahalaang Barangay ng San Luis ay magalang na nag-aanyaya sa lahat ng aming minamahal na mamamayan na dumalo sa gaganaping Barangay Assembly Day.
Ang pagpupulong na ito ay gaganapin sa ika-28 ng Marso 2025, ganap na ika-8:00 ng umaga, sa Barangay San Luis Multipurpose Hall.
Layunin ng pagtitipong ito na maibahagi sa ating mga kabarangay ang mahahalagang ulat tungkol sa mga proyekto, programa, at mga nagawa ng barangay, gayundin ang mga plano para sa ikauunlad ng ating komunidad. Ito rin ay pagkakataon upang marinig ang inyong mga suhestiyon, hinaing, at opinyon para sa mas maayos at mas progresibong Barangay San Luis.
Hinihikayat namin ang lahat ng mamamayan—mga kabataan, magulang, senior citizens, at iba pang sektor—na makiisa at makilahok sa mahalagang gawaing ito.
Ang inyong presensya ay mahalaga upang mas mapagtibay ang pagkakaisa at kooperasyon ng ating barangay.
Maraming salamat po at kami ay umaasang kayo ay makakadalo.
