Congressman JM Lagdameo - Aksyon at Serbisyo

🌾🤝 𝐌𝐚𝐬 𝐥𝐢𝐠-𝐨𝐧 𝐧𝐠𝐚 𝐤𝐚𝐮𝐠𝐦𝐚𝐨𝐧 𝐚𝐥𝐚𝐧𝐠 𝐬𝐚 𝐚𝐭𝐨𝐧𝐠 𝐦𝐠𝐚 𝐦𝐚𝐠-𝐮𝐮𝐦𝐚!

Hunyo 3, 2026| Mitambong si Atty. Devona Jumamil-Inso isip representante ni Cong. JM Lagdameo sa Stakeholders Forum of Agrarian Reform Beneficiaries (ARBs) of Davao del Norte, Davao de Oro, and Davao Oriental nga gipahigayon sa Tagum City Hall.

Usa sa mga gipasidunggan nga bahin sa maong kalihokan mao ang paghatag sa electronic land titles (e-Titles) ug Collective Certificates of Land Ownership Award (CCLOAs) ngadto sa mga kwalipikadong benepisyaryo. Kini usa ka mahinungdanong pamaagi aron masiguro ang lig-on nga pagpanag-iya sa yuta ug paghatag og dugang nga oportunidad alang sa mga mag-uuma nga mapauswag ang ilang panginabuhian ug mas mapadayon ang kalamboan sa sektor sa agrikultura.

𝐌𝐚𝐝𝐚𝐮𝐠𝐨𝐧 𝐧𝐠𝐚 𝐋𝐢𝐛𝐫𝐞𝐧𝐠 𝐊𝐨𝐧𝐬𝐮𝐥𝐭𝐚 𝐌𝐞𝐝𝐢𝐤𝐚𝐥 𝐚𝐥𝐚𝐧𝐠 𝐬𝐚 𝟏𝟎𝟐 𝐧𝐠𝐚 𝐦𝐠𝐚 𝐏𝐚𝐬𝐲𝐞𝐧𝐭𝐞

June 3, 2026 | Madaugon nga nahuman ang atong libreng konsulta medikal tungod kay 102 ka mga pasyente ang nahatagan nato og libreng check up ug mga tambal uban sa atong mga staff and medical team nga walay puas nga naga-atiman. Kini luyo sa pagpaningkamot ug inisyatibo ni Cong. JM Lagdameo ug sa atong partner nga mao ang UNILAB.

Abli ang Aksyon at Serbisyo Center para sa Libreng Konsulta Medikal kada-Miyerkules, 8:00AM – 12:00NN ug kutob sa 100 ka mga pasyente ang kaya nato mahatagan ug serbisyo.

𝐏𝐚𝐠𝐡𝐢𝐬𝐠𝐨𝐭 𝐬𝐚 𝐦𝐠𝐚 𝐁𝐢𝐥𝐥𝐬 𝐬𝐚 𝐨𝐧𝐥𝐢𝐧𝐞 𝐠𝐚𝐦𝐛𝐥𝐢𝐧𝐠 𝐮𝐠 𝐚𝐧𝐠 𝐩𝐚𝐠𝐝𝐮𝐠𝐚𝐧𝐠 𝐬𝐚 𝐬𝐡𝐚𝐫𝐞 𝐬𝐚 𝐦𝐠𝐚 𝐋𝐆𝐔𝐬 𝐬𝐚 𝐟𝐫𝐚𝐧𝐜𝐡𝐢𝐬𝐞 𝐭𝐚𝐱 𝐬𝐚 𝐏𝐀𝐆𝐂𝐎𝐑

June 2, 2026 | Miatubang si Cong. JM Lagdameo ug ang uban pa nga mga miyembro sa Committee on Games and Amusements sa committee hearing ug gihisgutan sa maong pagdungog ang mga balaod nga may kalabutan sa online gambling ug ang pagdugang sa bahin sa mga Local Government Units (LGUs) sa franchise tax sa PAGCOR.

Padayon ang pagsusi ug pagmonitor sa mga polisiya aron masiguro nga makatabang kini sa kaayohan sa katawhan ug sa lokal nga mga komunidad.

𝐂𝐨𝐧𝐠𝐦𝐮𝐬𝐭𝐚𝐡𝐚𝐧 𝐧𝐢 𝐂𝐨𝐧𝐠. 𝐉𝐌 𝐋𝐚𝐠𝐝𝐚𝐦𝐞𝐨 𝐬𝐚 𝐁𝐚𝐫𝐚𝐧𝐠𝐚𝐲 𝐁𝐚𝐥𝐚𝐠𝐮𝐧𝐚𝐧, 𝐒𝐭𝐨.𝐓𝐨𝐦𝐚𝐬!

Arangkada dayun si Cong. JM Lagdameo sa Balagunan, Sto.Tomas kaniadtong May 22, 2026 aron makigstorya ug maminaw sa mga barangay officials and functionaries nga gipanguluhan ni Brgy. Capt. Allan A. Magallanes. Mitambong sab sila Vice-Mayor Maria Luz "INDAY" Dejesica, Councilors Joel Mirafuentes - ABC President, Henly "B**G" Danila, ug Deofil S. Rollan.

Pinaagi aning Congmustahan, mahan-ay ang mga isyu sa barangay ug mga sunod nga lihokon sa atong representante.

𝐂𝐨𝐧𝐠. 𝐉𝐌 𝐋𝐚𝐠𝐝𝐚𝐦𝐞𝐨 𝐧𝐚𝐤𝐢𝐠-𝐂𝐨𝐧𝐠𝐦𝐮𝐬𝐭𝐚𝐡𝐚𝐧 𝐬𝐚 𝐁𝐚𝐫𝐚𝐧𝐠𝐚𝐲 𝐃𝐚𝐩𝐜𝐨, 𝐏𝐚𝐧𝐚𝐛𝐨 𝐂𝐢𝐭𝐲!

May 21, 2026 | Mibisita si Cong. JM Lagdameo sa Dapco, Panabo City aron personal nga maila ang mga opisyal ug uban pa nga functionaries sa barangay. Usa pud kini ka higayon aron ilang masulti ang mga panginahanglan ug uban pa nga proyekto aron makahatag ug episyente nga pagserbisyo sa ilang nasakupan. Pinaagi sa inyong pakig-collaborate, si Cong. JM maningkamot nga maaksyonan ang inyong mga concern.

𝐂𝐨𝐮𝐫𝐭𝐞𝐬𝐲 𝐕𝐢𝐬𝐢𝐭 𝐬𝐚 𝐃𝐓𝐈 𝐗𝐈 𝐤𝐚𝐲 𝐂𝐨𝐧𝐠. 𝐉𝐌 𝐋𝐚𝐠𝐝𝐚𝐦𝐞𝐨

Mahinungdanon ang nahitabong courtesy visit sa DTI XI nga gipangulohan ni Regional Director Romeo L. Castañaga niadtong May 15, 2026 kang Cong. JM Lagdameo. Ilahang gipakita ang mga achievements ug accomplishment report kaniadtong 2025, ug gihisgutan usab ang mga giplanong proyekto ug programa para sa umaabot nga mga bulan karong 2026.

Usa kini na maayong higayon sa pagtan-aw sa mga posibleng pagtinabangay nga makatabang sa paghimo ug mas daghang oportunidad para sa atong mga ka-distrito gikan sa suporta sa mga lokal nga negosyo ug kooperatiba, hangtod sa mga programa nga makahatag ug panginabuhian ug dugang nga oportunidad sa trabaho. Kay kung magtinabangay, mas daghan ta ug mahimo para sa kalamboan ug serbisyo sa katawhan! 🤝

Happy Eid Al-Adha sa atong mga Muslim brothers and sisters. Hinaot nga kini nga adlaw mapuno sa kalipay, kalinaw ug mga panalangin kauban sa inyong mga pamilya ug mga higala.

Eid Mubarak sa inyong tanan!

Pahibalo sa tanan natong ka-distrito nga close ang opisina ni Cong. JM Lagdameo ugma tungod kay gi-deklara ang May 27, 2026 nga regular holiday, Eid Al Adha, usa ka importanteng adlaw sa atong mga kaigsuonang Muslim.

𝐌𝐚𝐬 𝐌𝐚𝐥𝐚𝐦𝐛𝐮𝐨𝐧 𝐧𝐠𝐚 𝐁𝐚𝐧𝐚𝐧𝐚 𝐈𝐧𝐝𝐮𝐬𝐭𝐫𝐲 𝐬𝐚 𝐚𝐭𝐨𝐧𝐠 𝐝𝐢𝐬𝐭𝐫𝐢𝐭𝐨 𝐮𝐠 𝐬𝐚 𝐭𝐢𝐛𝐮𝐨𝐤 𝐍𝐚𝐬𝐮𝐝! 🍌

Gihisgutan sa Committee on Agriculture and Food ang Banana Industry Development Act sa nahitabong pagdungog kaniadtong Mayo 19, 2026. Si Cong. JM Lagdameo usa sa mga prinsipal nga tagsulat sa maong balaod ug mismo mipresentar ug midepensa niini atubangan sa Komite.

Ang maong balaudnon nagtinguha nga mapalig-on ang banana industry, ilabina ang pagtabang sa atong gagmayng mag-uuma sa saging. Lakip sa mga giplanong lakang ang pagtukod ug Banana Research Center sa Panabo, paghatag ug technical assistance ug trainings sa mga mag-uuma, pagpanalipod sa eksport sa saging, ug paghimo ug komprehensibong plano alang sa mas maayo nga produksiyon sa saging. Kay kung kusgan ang atong mag-uuma, mas kusgan usab ang atong ekonomiya.🤝✨