Tindig, Tinig Cristonians

Tindig, Tinig Cristonians Pahayagang Pangkampus ng Sto. Cristo Integrated School

05/10/2026

𝐒𝐢𝐠𝐥𝐚 𝐚𝐭 𝐏𝐚𝐠𝐤𝐚𝐤𝐚𝐢𝐬𝐚, 𝐍𝐚𝐦𝐚𝐲𝐚𝐧𝐢 𝐬𝐚 𝐆𝐒𝐏 𝐁𝐚𝐜𝐤𝐲𝐚𝐫𝐝 𝐂𝐚𝐦𝐩𝐢𝐧𝐠

Naging masigla ang ikalawang araw ng GSP Backyard Camping ngayong ika-3 ng Oktubre sa Doña Marina Gymnasium ng Sto. Cristo Integrated School.

Tampok sa programa ang knotting ng scarves, pinning, candle lighting at flower offering bilang pagpupugay kay Josefa Llanes Escoda, at ang masiglang yell and song activity na nagbigay-diin sa pagkakaisa at teamwork ng mga Girl Scouts.

Isang makabuluhang araw ng pakikilahok, pagkakaibigan, at pagkatuto para sa ating mga Girl Scouts.

Writer/ Reporter Ashly Faith R. Ilagan, Rhan L. Salcedo
Videographer/ Director: Ashly Faith R. Ilagan, Nickson D. Cayabyab
Technical Director: Jendy Balantes

𝐄𝐃𝐈𝐓𝐎𝐑𝐘𝐀𝐋 | 𝐏𝐫𝐨𝐭𝐞𝐬𝐭𝐚: 𝐊𝐚𝐩𝐚𝐧𝐠𝐲𝐚𝐫𝐢𝐡𝐚𝐧 𝐨 𝐓𝐢𝐧𝐢𝐠 𝐧𝐠 𝐁𝐚𝐲𝐚𝐧?‎Kung karapatan ang magpahayag, bakit tila kasalanan ang manindigan...
16/09/2026

𝐄𝐃𝐈𝐓𝐎𝐑𝐘𝐀𝐋 | 𝐏𝐫𝐨𝐭𝐞𝐬𝐭𝐚: 𝐊𝐚𝐩𝐚𝐧𝐠𝐲𝐚𝐫𝐢𝐡𝐚𝐧 𝐨 𝐓𝐢𝐧𝐢𝐠 𝐧𝐠 𝐁𝐚𝐲𝐚𝐧?

‎Kung karapatan ang magpahayag, bakit tila kasalanan ang manindigan? Sa gitna ng mga suliraning bumabalot sa bansang kinikilala ang kalayaan sa pagpapahayag, ang pagkaaresto sa limang paralegal na lumahok sa protesta kontra-Pax Silica sa BGC, Taguig City, ay isang pangyayaring hindi dapat talikuran. Sa halip na hadlangan ang mga tinig ng pagtutol, mahalagang pagtuunan ng pansin ang kanilang mga hinaing.
‎
‎Batay sa ulat, inaresto sina Daya Juliano, Mara Peralta, Jona Yang, Kenneth Castor, at RC Placido noong Setyembre 10, 2026. Sila ay nahaharap sa mga kaso, kabilang ang alarms and scandals, resistance and disobedience, direct assault, at tumults and disturbances of public order. Inilahad din ang pagkodena ng grupong BAYAN ang marahas na disperal at pag-arestio sa mga nagpoprotesta.
‎
‎Malinaw na may tungkulin ang mga awtoridad sa pagpapanatili ng kaayusan. Gayunpaman, ang pagpapanatili ng kapayapaan ay hindi dapat maging dahilan upang talikuran ang karapatang manawagan. Ang pagpapatupad ng batas ay dapat maihain ng patas, makatao, at may paggalang sa dignidad ng bawat isa.
‎
‎Higit na nakababahala ang ulat ng UPLB Perspective tungkol sa isang pulis na sinasabing nag-utos na kaladkarin ang mga paralegal at nagpahayag ng kawalan ng pagrespeto sa karapang pantao. Kung mapapatunayan ang alegasyong ito, nararapat lamang na magkaroon ng masusing imbestigasyon at pagharap ng may pananagutan. Ang uniporme ay simbolo ng tungkulin, hindi kalasag sa pananagutan o pahintulot sa paglapastangan sa karapatan ng sinuman.
‎
‎Kasabay nito, nanawagan ang UP Office of the Student Regent (OSR) ng agarang pagpapalaya kay Kenneth Castor at hinimok ang UP system, mga konseho ng mag-aaral, indibidwal, at kaugnay na organisasyon na kondenahin ang inilarawang ilegal na pag-aresto. Ipinapahiwatig nito ang panawagang igalang ang karapatan ng mga mag-aaral at mamamayang naninindigan para sa kapakanan ng bayan.
‎
‎Hindi dapat ituring kalaban o kaaway ang mga mamamayang tumitinig para sa ikabubuti ng bayan, hindi ng mga dayuhan at ng mga mayayaman. Ang kanilang pahayag ay nararapat na dinggin, hindi pigilin, sa pamamagitan ng pagpoprotesta naipaaabot nila ang mga isyung nangangailangan ng agarang tugon, walang pagprotesta kung makatarungan, patas at tama ang pamamalakad ng mga kinauukulan. Ang pagtugon sa kanila ay hindi pagsang-ayon sa lahat ng kanilang mga sinasabi, kundi pagkilala sa kanilang karapatang magpahayag at makilahok sa mga usapin sa publiko.
‎
‎Buong paninindigan sa mga awtoridad na itigil ang anumang uri ng pang-aabuso sa mga mamamayang tumitinig. Ang karapatang magpahayag ay hindi pribelehiyong maaaring bawiin basta-basta, kundi isang pangunaging karapatang dapat ipagtanggol at ipaglaban. Ipatupad ang batas ng may katarungan, panagutin ang sinumang tunay na lumabag, at maitatawag itong batas na makabuluhan dahil ipinatitibay nito ang demokrasya—isang lipunang nagbibigay-halaga sa malayang pagpapahayag, at hindi natatakot sa tinig ng mamamayan, hindi batas na ginagamit upang supilin ang kanilang mga pahayag. Sa isang malayang bansa, ang tinig ng mamamayan ay dapat pakinggan, hindi limitahan.
‎__________________________________
‎Isinulat ni :
‎Princess Arn Balanditan
‎
‎Ini-Anyo nina :
‎Rhianne Ramos | Punong Taga-Anyo
‎James Porazo | Punong Patnugot

𝐈𝐒𝐏𝐎𝐑𝐓𝐒 | 𝐒𝐂𝐈𝐒-𝐌𝐕𝐓, 𝐏𝐮𝐬𝐩𝐮𝐬𝐚𝐧 𝐚𝐧𝐠 𝐩𝐚𝐠-𝐞𝐧𝐬𝐚𝐲𝐨 𝐮𝐩𝐚𝐧𝐠 𝐬𝐞𝐥𝐲𝐮𝐡𝐢𝐧 𝐚𝐧𝐠 𝟑-𝐩𝐞𝐚𝐭 𝐧𝐚 𝐭𝐢𝐭𝐮𝐥𝐨 𝐭𝐮𝐧𝐠𝐨𝐧𝐠 𝐂𝐋𝐑𝐀𝐀‎Muling binuksan ng Sto. Cr...
16/09/2026

𝐈𝐒𝐏𝐎𝐑𝐓𝐒 | 𝐒𝐂𝐈𝐒-𝐌𝐕𝐓, 𝐏𝐮𝐬𝐩𝐮𝐬𝐚𝐧 𝐚𝐧𝐠 𝐩𝐚𝐠-𝐞𝐧𝐬𝐚𝐲𝐨 𝐮𝐩𝐚𝐧𝐠 𝐬𝐞𝐥𝐲𝐮𝐡𝐢𝐧 𝐚𝐧𝐠 𝟑-𝐩𝐞𝐚𝐭 𝐧𝐚 𝐭𝐢𝐭𝐮𝐥𝐨 𝐭𝐮𝐧𝐠𝐨𝐧𝐠 𝐂𝐋𝐑𝐀𝐀

‎Muling binuksan ng Sto. Cristo Integrated School - Mens Volleyball Team (SCIS-MVT) ang kanilang pintuan sa puspusang pag ensayo upang muling masungkit ang ikatlong sunod na tiket tungong Central Luzon Regional Athletics Association (CLRAA), ngayong ika-15 ng Septyembre.
‎
‎Kung tatanawin ang huling laro, naselyo ng SCIS ang kanilang ikalawang sunod na taon na panalo sa City Meet upang umarangkada sa CLRAA sa ikalawang pagkakataon.

Ngayong taon, muling magsisimula ng panibagong yugto ang SCIS-MVT at maglilikom ng mga bagong sasanayin upang muling makamit ang ikatlong sunod na kampeonato.
‎
‎Determinasyon at pagsisikap ang nilalaan ng mga manlalaro sa bawat ensayo, katuwang ng mga pursigidong tagapagsanay na sina Carlo Francisco, Michael Joe Llanes, at Kenneth John Castro.
‎
‎Isa rin sa mga susi ng tagumpay ang kanilang kapitan na si Tyrone Oliva na nagpakita ng malaking suporta sa kanyang mga bagong miyembro.
‎
‎Saad nito, "As a captain, ang mindset ko talaga is we don’t chase the title, we chase the standard. Hindi pwedeng dahil nakadalawang championship na kami. magiging kampante kami, mas lalo kaming dapat magutom, kasi alam namin kung gaano kahirap makuha yung 3-peat."
_________________________________

Isinulat at Ini-Anyo ni:
James Kyle Porazo | Punong Patnugot

‎𝐁𝐀𝐋𝐈𝐓𝐀 | 𝐒𝐂𝐈𝐒-𝐒𝐒𝐋𝐆, 𝐦𝐚𝐭𝐚𝐠𝐮𝐦𝐩𝐚𝐲 𝐧𝐚 𝐧𝐚𝐤𝐢𝐢𝐬𝐚 𝐬𝐚 𝐅𝐞𝐞𝐝𝐢𝐧𝐠 𝐏𝐫𝐨𝐠𝐫𝐚𝐦, 𝐌𝐞𝐝𝐢𝐜𝐚𝐥 𝐌𝐢𝐬𝐬𝐢𝐨𝐧𝐬 𝐬𝐚 𝐒𝐌𝐄𝐒‎Bilang pagtugon sa kapakanan at ...
14/09/2026

‎𝐁𝐀𝐋𝐈𝐓𝐀 | 𝐒𝐂𝐈𝐒-𝐒𝐒𝐋𝐆, 𝐦𝐚𝐭𝐚𝐠𝐮𝐦𝐩𝐚𝐲 𝐧𝐚 𝐧𝐚𝐤𝐢𝐢𝐬𝐚 𝐬𝐚 𝐅𝐞𝐞𝐝𝐢𝐧𝐠 𝐏𝐫𝐨𝐠𝐫𝐚𝐦, 𝐌𝐞𝐝𝐢𝐜𝐚𝐥 𝐌𝐢𝐬𝐬𝐢𝐨𝐧𝐬 𝐬𝐚 𝐒𝐌𝐄𝐒

‎Bilang pagtugon sa kapakanan at holistic development ng mga school community, matagumpay na lumahok ang Supreme Secondary Learners Government (SSLG) mula Sto. Cristo Integrated School (SCIS) sa paglulunsad ng feeding program at medical missions kahapon sa mga natukoy na benepisyaryong mag-aaral ng San Miguel Elementary School (SMES).
‎
‎Layunin ng mga nasabing aktibidad na isulong ang kahalagahan ng nutrisyon, proper hygiene, at health practices sa mga mag-aaral sa pamamagitan ng pagkakaloob ng mga masusustansyang pagkain at pagsasagawa ng medical consultations.
‎
‎Mas naging progresibo ang pagsasakatuparan ng mga nasabing aktibidad sa kooperasyon ng SCIS-SSLG sa UGNAYAN ALUMNI FOUNDATION, INC. at Tarlac High School Annex Batch ‘74.
‎
‎Ayon kay Ashly Faith Ilagan, Pangulo ng SSLG, taon-taon nilang isinasagawa ang outreach programs kung saan ngayong taon ang unang beses na nakipagtulungan ang SSLG sa mga organisasyon upang mailarga ang mga aktibidad na naglalayong mapaunlad ang school community.
‎
‎Dagdag pa niya, magandang karanasan para sa tulad niyang student leader ang naibigay ng naganap na aktibidad na nakatuon sa pagtulong sa iba.
‎
‎“It reminded me po na leadership is not only about being in a position, but also about being willing to serve and take part in activities that benefit the community,” wika ni Ilagan.
‎_______________________________________
‎Isinulat ni :
‎Alexa De Juan | Kawaksing Patnugot
‎
‎Ini-Anyo ni :
‎James Porazo | Punong Patnugot
‎

‎BALITA | Romualdez, arestado sa kasong plunder‎‎Inaresto noong Lunes si dating House Speaker at Leyte Representative Ma...
08/09/2026

‎BALITA | Romualdez, arestado sa kasong plunder
‎
‎Inaresto noong Lunes si dating House Speaker at Leyte Representative Martin Romualdez dahil sa kasong plunder na nagkakahalagang ₱7.4 bilyon na may kinalaman sa maanomalyang flood control project mula 2022 hanggang 2025 kasunod ng arrest warrant na inilabas ng Sandiganbayan Third Division.
‎
‎Ayon kay Departament of Interior and Local Government (DILG) Secretary Jonvic Remulla, itinuturing nang Person Deprived of Liberty (PDL) si Romualdez at kasalukuyang binabantayan ng pulisya sa Cardinal Santos Medical Center sa San Juan City matapos itong isugod dahil sa umanong cardiovascular complications.
‎
‎Gayunpaman, walang inirerekomendang piyansa ang Sandiganbayan para sa kanyang pansamantalang kalayaan dahil ang kaniyang kaso ay isang non-bailable offense.
‎
‎Bukod kay Romualdez, kasama rin sa kaso si dating Ako Bicol Rep. Zaldy Co, Joselyn Tragua Serenio, personal assistant ni Romualdez, at Felicito Cristobal Guevarra (Pangulo ng Samahan Foreign Exchange Corporation).
‎
‎Kaugnay ang pag-aresto sa ₱7.4-bilyong kickbacks, commissions, at bribes mula sa flood control projects ng gobyerno na isinampa ng Office of the Ombudsman.
‎
‎Samantala, sinabi ni Attorney Ade Fajardo (legal counsel ni Romualdez), na maaring na-pressure lamang umano si dating Department of Public Works and Highways (DPWH) Secretary Manuel Bonoan para idawit si Romualdez sa iskandalo.
‎
‎Dahil dito, hiniling ng kampo ni Romualdez na magkaroon ng impormasyon sa 28 na bagong witness.
‎
‎Samantala, kasalukuyan nang naglabas ang korte ng hold departure order (HDO) laban sa kaniya at kaniyang kapwa akusado.
‎____________________________________
‎
‎Isinulat ni :
‎Althea Zehannah L. Tolentino
‎
‎Ini-Anyo ni :
‎Rhianne Ramos | Punong Taga-Anyo

LATHALAIN | Sa Gitna ng Ulan, Sino ang May Pananagutan?‎‎Nasanay na lamang tayong salubungin ang ulan nang may kaba, at ...
02/09/2026

LATHALAIN | Sa Gitna ng Ulan, Sino ang May Pananagutan?
‎
‎Nasanay na lamang tayong salubungin ang ulan nang may kaba, at ang baha na may pangamba. Sa bawat patak ng ulan, may kuwentong may kasamang alinlangan; sa bawat agos ng baha, may tanong na humihingi ng sagot at gawa. Habang ang lansangan ay nagiging lawa, ang tahanan ay nilalamon ng baha, at ang mamamayan ay nangangamba sa sakuna.
‎
‎Maaaring tumila ang ulan, maaaring humupa ang baha, ngunit ang pananagutan ay hindi dapat tangayin ng agos at mawala. Sa gitna ng unos, ang bayan ay nangangailangan ng gawa– hindi salita, paghahanda at hindi paghihintay, malasakit at hindi pagkukulang na paulit-ulit. Sapagkat iisa ang tanong na nananatiling umaalingawngaw: Kung may pondong inilaan para sa proteksiyon ng bayan, bakit tila paulit-ulit pa ring nalulunod ang karaniwang mamamayan?
‎
‎Tinatayang mahigit sampung bilyong piso na ang pondong nailustay ng mga nakaluklok sa Gobyerno na nakalaan dapat sa mga proyekto. Pana’y ang daing ng mga mamamayan dahil sa palyadong sistema ng bansa — isang hinaing na pilit idinidiin ng sambayanan na bigyan ito ng solusyon, ngunit tila walang tainga ang mga nakaluklok sa Gobyerno sa usaping ito.
‎
‎Hindi lamang pamahalaan ang may bahid ng pagkukulang, maging ang taumbayan ay may sariling pananagutan. Sa bawat kalat na hinahayaang humarang sa agos at punong unti-unting winawasak, tila kalikasan mismo ang naniningil sa ating kapabayaan. Sapagkat ang patak na dati’y biyaya, ngayo’y nagiging rumaragasang parusa— isang ganti ng kalikasang matagal nating pinabayaan at sinira.
‎
‎Sa mga panahong walang tigil ang pagbuhos ng ulan at unti-unting nilalamon ng tubig ang ilang tahanan, higit na nahahayag ang halaga ng isang bubong na masisilungan at pagkakaisang walang iniiwan. Sa bawat unos, tumitibay ang katotohanang ang ugnayan ng mga namumuno at mamamayan ay hindi lamang nakabatay sa pangako, kundi sa pananagutang pinatutunayan ng pagkilos.
‎
‎Hindi man natin kayang pigilan ang hagupit ng kalangitan, hawak natin ang kapangyarihang baguhin ang mga pinunong bingi sa daing ng bayan. Ang halalan ay hindi lamang pagpili ng pangalan, kundi pagpili ng kinabukasang hindi lulubog sa baha ng kapabayaan. Sa bawat boto, piliin ang karapat-dapat— bumoto nang tama, bumoto nang matalino, para sa bayang muling makabangon at hindi manatiling nakalubog sa pagkukulang.
‎___________________________________
‎
‎Isinulat nina :
‎Ayen Keziah Bartolo
‎Lindsay Kate Prillo
‎Ciatxie Gwyneth Bare
‎Chloe Rose Perico
‎
‎Kartoon ni :
‎Alexa Dungo
‎
‎Ini-Anyo ni :
‎James Porazo | Punong Patnugot

‎National Press Freedom Day | Agosto 30‎‎Sa likod ng bawat balita at isyung ating nilalathala, may istoryang sumisigaw n...
30/08/2026

‎National Press Freedom Day | Agosto 30
‎
‎Sa likod ng bawat balita at isyung ating nilalathala, may istoryang sumisigaw ng katotohanan, tinig na lumalaban at may paninindigan na hindi matitinag para sa bayan.
‎
‎Isang mataas na pagpugay at taos pusong pasasalamat sa lahat ng mamamahayag na walang takot itaguyod ang katotohanan.
‎
‎Saludo kami sa lahat ng mga mamamahayag na patuloy nagsusulat nang walang takot, naglilingkod nang may puso, at naninindigan para sa tama.
‎
‎Nawa'y magsilbi ang araw na ito bilang paalala sa ating lahat na ang kalayaan sa pamamahayag ay hindi lamang karapatan ng mga mamahayag, kundi karapatan ng bawat Pilipino.
‎
‎Isang patunay na ang katotohanan, kailanman ay hindi mapipigil at hindi mapapatahimik.
‎______________________________
‎
‎Isinulat ni :
‎James Porazo | Punong Patnugot
‎
‎Ini-anyo ni :
‎Rhianne Ramos | Punong Taga-Anyo

TINGNAN | Alternatibong tulay para sa pagguho ng Ninoy Aquino Bridge, bumigay na rin dulot ng patuloy na pag-ulan ‎‎Tulu...
29/08/2026

TINGNAN | Alternatibong tulay para sa pagguho ng Ninoy Aquino Bridge, bumigay na rin dulot ng patuloy na pag-ulan
‎
‎Tuluyan na ring bumagsak ang Agana Bridge ngayong gabi, ang alternatibong tulay matapos ang pagbigay ng Ninoy Aquino Bridge bunga ng patuloy na pagbagsak ng ulan at malakas na daloy ng tubig sa Tarlac River.
‎
‎Ginawang alternatibong ruta o daanan ng mga motorista at residente ang Agana Bridge matapos ang pagguho ng Ninoy Aquino Bridge kagabi na nag-uugnay sa Barangay Carangian at Barangay Tibag.
‎
‎Dahil dito, pansamantala munang isinara ng lokal na pamahalaan ng Tarlac ang nasabing tulay sa publiko upang masig**o ang kaligtasan ng mga mamamayan.
‎
‎Pinapayuhan din ang mga motorista at residente na gumamit na muna ng alternatibong daan upang mapanatili ang proteksyon sa bawat isa.
‎
‎Samantala, ibinahagi rin ng lokal na pamahalaan ang mga emergency hotlines upang makahingi agad ng tulong ang mga mamamayan kung kinakailangan.
‎
‎CDRRMO Tarlac City:
‎Smart: 0921-930-0047
‎Landline: (045) 470-8647
‎
‎BFP RIII - Tarlac City Fire Station:
‎(045) 982-1356 / (045) 606-0329
‎0991-512-4752
‎
‎Tarlac City Police Station:
‎0998-598-5494
‎________________________
‎
‎Isinulat ni:
‎Alexa De Juan | Kawaksing Patnugot
‎
‎Ini-anyo ni:
‎James Porazo | Punong Patnugot

Larawan : Tarlac City Government
‎

BALITA | Bahagi ng Ninoy Aquino Bridge sa Brgy. San Isidro, gumuho matapos ang sunod-sunod na pag-ulan‎‎Bunsod ng tuloy-...
29/08/2026

BALITA | Bahagi ng Ninoy Aquino Bridge sa Brgy. San Isidro, gumuho matapos ang sunod-sunod na pag-ulan
‎
‎Bunsod ng tuloy-tuloy na pag-ulan dulot ng Hanging Habagat sa Tarlac City, bumigay ang bahagi ng Ninoy Aquino Bridge sa Barangay San Isidro noong gabi kahapon, ika-28 ng Agosto.
‎
‎Namataan ang senyales ng pagbagsak bandang 11:30 ng gabi at nang maglaon ay tuluyan nang gumuho bandang 11:55 ng gabi batay sa mga residente.
‎
‎Ayon naman kay Gov. Christian Yap, Gobernador ng Tarlac, patuloy ang pagsubaybay ng lokal na pamahalaan sa nasabing tulay katulong ang Philippine National Police (PNP), Bureau of Fire Protection (BFP), Provincial Disaster Risk Reduction and Management Office (PDRRMO), City Disaster Risk Reduction and Management Office (CDRRMO),Public Order and Safety Office (POSO), City Engineering Office (CEO), General Services Office (GSO), at City Environment and Natural Resources Office (CENRO).
‎
‎Dagdag pa ni Gov. Yap, personal nang bumisita si Department of Public Works and Highways (DPWH) Secretary Vince Dizon upang masuri ang Ninoy Aquino Bridge at malaman ang mga susunod na hakbang para sa kaligtasan ng mga residente.
‎
‎Dahil dito, pinapayuhan ang mga motorista at residente na gumamit muna ng alternatibong daan sa pag byahe upang masig**o ang kaligtasan ng bawat isa.
‎______________________________
‎
‎Isinulat ni:
‎Alexa De Juan | Kawaksing Patnugot
‎
‎Ini-anyo ni:
‎James Porazo | Punong Patnugot

CTTO sa nagmamay-ari ng larawan

‎‎BALITA | PAGPAPAUNLAD NG KAKAYAHAN SA LARANGAN NG NEGOSYO, BUMIDA SA SCIS YOUNG ENTREPRENEURSHIP EXPO 2026‎‎Upang mah...
28/08/2026

‎‎BALITA | PAGPAPAUNLAD NG KAKAYAHAN SA LARANGAN NG NEGOSYO, BUMIDA SA SCIS YOUNG ENTREPRENEURSHIP EXPO 2026
‎
‎Upang mahasa ang kasanayan ng mga mag-aaral sa ika-12 na baitang sa larangan ng negosyo, matagumpay na isinagawa ng Sto. Cristo Integrated School (SCIS) ang Young Entrepreneurs Expo 2026 mula Agosto 26-27 sa harap ng bagong gusali ng paaralan.
‎
‎Pinangunahan ni Ma’am Arifa Bashier, g**o sa asignaturang Entrepreneurship ang nabanggit na Expo.
‎
‎Layunin ng aktibidad na mabigyan ng pratikal na karanasan ang mga piling mag-aaral mula sa Senior High School (SHS) sa pagpapatakbo ng maliit na negosyo sa pamamagitan ng pagtatayo ng kani-kanilang booth.
‎
‎Nilahukan ito ng mga mag-aaral mula sa Business and Enterprise Cluster at Hospitality and Tourism Cluster - Bakery Oparations kung saan bumuo sila ng mga produktong ihahain para sa mga mag-aaral.
‎
‎Ayon kay Renzo Danver L. Delo-ag, isa sa mga batang negosyante, isang magandang karanasan ang naganap na Expo upang matuto ang mga young entrepreneurs na tulad niya.
‎
‎“Sig**o ang pinaka magandang naging experience ko is yung natuto kami sa pag co-costing ng pera kasi bilang young entrepreneurs dapat responsible kami pag dating sa pera," saad ni Delo-ag.
‎
‎Samantala, inaasahan na makadaragdag sa kaalaman ng mga batang entrepreneurs ang mga karanasan na makukuha nila sa naganap na Expo.
‎
‎_______________________________
‎
‎Isinulat ni:
‎Eilysh Macapagal | Patnugot sa Balita
‎
‎Ini-anyo ni:
‎James Porazo | Punong Patnugot
‎
‎Kuhang Larawan ni:
‎Lindsay Prillo | Punong Taga-Larawan

Address

Sto. Cristo, Tarlac City
Tarlac
2300

Website

Alerts

Be the first to know and let us send you an email when Tindig, Tinig Cristonians posts news and promotions. Your email address will not be used for any other purpose, and you can unsubscribe at any time.

Shortcuts

Share

Category