Tarlac City Government

Nagbigay tayo ng ₱2 milyon na pondo para sa Philippine Red Cross Tarlac Chapter bilang suporta sa mga kababayan nating nangangailangan ng dugo. Sa panahon ng emergency at pangangailangan, mahalagang may sapat na suplay ng dugo at mabilis na responde para makapagligtas ng buhay.

Patuloy nating susuportahan ang mga programang may malasakit at direktang tumutulong sa bawat Tarlaqueño. ✨

𝗣𝗵𝗶𝗹𝗶𝗽𝗽𝗶𝗻𝗲 𝗔𝘁𝗵𝗹𝗲𝘁𝗶𝗰𝘀 𝗖𝗵𝗮𝗺𝗽𝗶𝗼𝗻𝘀𝗵𝗶𝗽 𝟮𝟬𝟮𝟲: 𝗦𝗰𝗵𝗲𝗱𝘂𝗹𝗲 𝗼𝗳 𝗚𝗮𝗺𝗲𝘀 📅

Markahan na ang inyong mga kalendaryo! 🏃‍♂️🏃‍♀️

Narito na ang opisyal na Schedule of Games para sa Philippine Athletics Championship 2026 na gaganapin mula 𝗝𝘂𝗻𝗲 𝟭𝟬–𝟭𝟰 sa 𝗡𝗲𝘄 𝗖𝗹𝗮𝗿𝗸 𝗖𝗶𝘁𝘆 𝗔𝘁𝗵𝗹𝗲𝘁𝗶𝗰𝘀 𝗦𝘁𝗮𝗱𝗶𝘂𝗺, 𝗖𝗮𝗽𝗮𝘀, 𝗧𝗮𝗿𝗹𝗮𝗰.

Abangan ang limang araw ng world-class competition, matitinding laban, at kahanga-hangang pagtatanghal mula sa pinakamahuhusay na atleta ng bansa. Tingnan ang iskedyul at suportahan ang inyong mga paboritong atleta sa kanilang paghahangad ng tagumpay!

𝗠𝗴𝗮 𝗣𝗿𝗼𝗱𝘂𝗸𝘁𝗼 𝗻𝗴 𝗡𝗼𝗿𝘁𝗵 𝗟𝘂𝘇𝗼𝗻, 𝗕𝗶𝗱𝗮 𝘀𝗮 𝟯𝟱𝘁𝗵 𝗡𝗼𝗿𝘁𝗵 𝗟𝘂𝘇𝗼𝗻 𝗔𝗿𝗲𝗮 𝗕𝘂𝘀𝗶𝗻𝗲𝘀𝘀 𝗖𝗼𝗻𝗳𝗲𝗿𝗲𝗻𝗰𝗲 (𝗡𝗟𝗔𝗕𝗖) 🩵💚

Naging sentro ng 35th North Luzon Area Business Conference (NLABC) ang pagtatampok sa mayayamang produkto, industriya, at negosyong nagmumula sa iba’t ibang lalawigan ng North Luzon—mga produktong sumasalamin sa husay, sipag, at pagkamalikhain ng mga lokal na negosyante.

Sa pangunguna ng Philippine Chamber of Commerce and Industry (PCCI), muling pinagtibay ang layunin ng NLABC na palawakin ang oportunidad para sa mga micro, small, and medium enterprises (MSMEs) at bigyang-daan ang mas matibay na ugnayan sa pagitan ng sektor ng negosyo, akademya, at pamahalaan.

Nakiisa si Mayor Susan Yap sa kumperensiya kahapong June 3, 2026, kung saan kanyang binigyang-diin ang kahalagahan ng mga programang nakatuon sa MSME development, capacity building, at digital marketplaces upang mas mapalawak ang merkado ng mga lokal na produkto at negosyo.

Nagpahayag din siya ng pasasalamat sa PCCI sa patuloy nitong pangunguna sa mga inisyatibong nagbubukas ng mas maraming oportunidad para sa mga negosyante at nagsisilbing tulay sa pagpapalago ng ekonomiya sa buong North Luzon.

Binalikan din ni Mayor Yap ang mga naging hakbang upang maipakilala ang mga produktong Tarlaqueño sa iba’t ibang bahagi ng bansa at sa pandaigdigang merkado, kasabay ng kanyang pangakong ipagpapatuloy ang mga programang magtataguyod sa Tarlac at sa mga lokal nitong produkto.

“Economic progress goes hand in hand with the people in business, with the academe, with our peacekeeping forces, and with the local government units,” ani Mayor Yap.

Sa pamamagitan ng mga programang isinusulong ng PCCI at ng pagkakaisa ng sektor ng negosyo, akademya, kapulisan, at pamahalaan, patuloy na nabibigyang-lakas ang mga lokal na produkto at negosyong siyang susi sa mas progresibong kinabukasan ng North Luzon.

𝗖𝗖𝗘𝗗𝗢, 𝗡𝗮𝗴𝘀𝗮𝗴𝗮𝘄𝗮 𝗻𝗴 𝗣𝗿𝗲-𝗠𝗲𝗺𝗯𝗲𝗿𝘀𝗵𝗶𝗽 𝗢𝗿𝗶𝗲𝗻𝘁𝗮𝘁𝗶𝗼𝗻 𝗦𝗲𝗺𝗶𝗻𝗮𝗿 𝗽𝗮𝗿𝗮 𝘀𝗮 𝗺𝗴𝗮 𝗚𝘂𝗿𝗼 𝗮𝘁 𝗞𝗮𝘄𝗮𝗻𝗶 𝗻𝗴 𝗖𝗲𝗻𝘁𝗿𝗮𝗹 𝗔𝘇𝘂𝗰𝗮𝗿𝗲𝗿𝗮 𝗱𝗲 𝗧𝗮𝗿𝗹𝗮𝗰 𝗛𝗶𝗴𝗵 𝗦𝗰𝗵𝗼𝗼𝗹 🏫👩🏻‍🏫

Patuloy ang pagsusulong ng City Cooperative and Enterprise Development Office (CCEDO) ng kooperatibismo sa pamamagitan ng isinagawang Pre-Membership Orientation Seminar para sa mga teaching at non-teaching personnel ng Central Azucarera de Tarlac High School sa Barangay Central, Tarlac City.

Layunin ng aktibidad na maipabatid sa mga kalahok ang mga batayang konsepto ng kooperatiba, kabilang ang mga karapatan at pananagutan ng mga miyembro, gayundin ang mga oportunidad at benepisyong maaaring makamit sa pamamagitan ng sama-samang pagkilos.

Tinalakay rin sa seminar ang kahalagahan ng pagtutulungan, aktibong pakikilahok, at responsableng pamamahala bilang mahahalagang salik sa pagtatatag ng isang matatag at maayos na samahan.

Naging makabuluhan ang talakayan kung saan nabigyan ng pagkakataon ang mga kalahok na magtanong at magbahagi ng kanilang mga pananaw, bilang paghahanda sa mga susunod na hakbang tungo sa pagbuo ng kanilang sariling kooperatiba.

𝗖𝗘𝗡𝗥𝗢 𝗜𝗡 𝗔𝗖𝗧𝗜𝗢𝗡 | 𝗖𝗹𝗲𝗮𝗿𝗶𝗻𝗴 𝗮𝘁 𝗖𝗹𝗲𝗮𝗻-𝘂𝗽 𝘀𝗮 𝗕𝘆𝗽𝗮𝘀𝘀 𝗥𝗼𝗮𝗱, 𝗧𝗶𝗯𝗮𝗴 🧹🍃

Nagsagawa ng clearing at clean-up operation ang Tarlac City Environment and Natural Resources Office (CENRO) noong ika-2 ng Hunyo 2026 sa bypass road, Brgy. Tibag, Tarlac City bilang bahagi ng patuloy na kampanya ng Pamahalaang Lungsod para sa mas malinis at maayos na kapaligiran.

Sa isinagawang aktibidad, tinanggal at kinolekta ang mga nakakalat na basura sa gilid ng kalsada upang maiwasan ang polusyon at mapanatili ang kaayusan sa lugar.

Paalala sa lahat ng mamamayan na sumunod sa Republic Act No. 9003 o ang Ecological Solid Waste Management Act of 2000:

✅ Iwasan ang open dumping at pagtatapon ng basura kung saan-saan
✅ Sumunod sa iskedyul ng garbage collection
✅ Mag-segregate ng basura
✅ Itapon ang basura sa tamang lalagyan
✅ Iwasan ang pagsusunog ng basura

Sa disiplina at malasakit sa kapaligiran, makakamit ang isang mas malinis, ligtas, at kaaya-ayang Tarlac City para sa lahat.

𝗠𝗮𝗸𝗶𝗯𝗮𝗵𝗮𝗴𝗶 𝗮𝘁 𝗺𝗮𝗸𝗶𝗶𝘀𝗮 𝘀𝗮 𝗽𝗮𝗻𝗴𝗮𝗻𝗴𝗮𝗹𝗮𝗴𝗮 𝗻𝗴 𝗮𝘁𝗶𝗻𝗴 𝗸𝗮𝗽𝗮𝗹𝗶𝗴𝗶𝗿𝗮𝗻! 💚

𝗖𝗖𝗘𝗗𝗢, 𝗡𝗮𝗴𝘀𝗮𝗴𝗮𝘄𝗮 𝗻𝗴 𝗦𝗲𝗺𝗶𝗻𝗮𝗿 𝗽𝗮𝗿𝗮 𝘀𝗮 𝗙𝗮𝗿𝗺𝗲𝗿𝘀' 𝗖𝗼𝗼𝗽𝗲𝗿𝗮𝘁𝗶𝘃𝗲 𝘀𝗮 𝗕𝗿𝗴𝘆. 𝗖𝗮𝗹i𝗻𝗴𝗰𝘂𝗮𝗻 🧑🏼‍🌾🌾

Isinagawa ng City Cooperative and Enterprise Development Office (CCEDO), sa pamumuno ni G. Manny Raquiza, ang seminar hinggil sa “Fundamentals of Cooperative” noong Mayo 26, 2026 para sa mga miyembro ng Barangay Calingcuan Farmers United Agriculture Cooperative.

Layunin ng aktibidad na mapalawak ang kaalaman ng mga kalahok ukol sa mga batayang prinsipyo ng kooperatiba, wastong pamamahala, at mga makabagong pamamaraan na makatutulong sa pagpapatatag ng kanilang samahan.

Tinalakay sa seminar ang kahalagahan ng pagkakaisa ng mga miyembro, epektibong pamamalakad, at ang mahalagang papel ng kooperatiba sa pagsusulong ng kaunlarang pang-ekonomiya sa komunidad, partikular sa sektor ng agrikultura.

Ayon sa CCEDO, bahagi ng kanilang patuloy na programa ang pagsasagawa ng mga ganitong pagsasanay upang higit pang mapalakas ang kakayahan ng mga kooperatiba at maging mas matatag at produktibo.

Nagpahayag naman ng pasasalamat ang mga dumalo sa isinagawang seminar, na nagbigay sa kanila ng dagdag kaalaman at gabay sa pagpapaunlad ng kanilang organisasyon.

𝗖𝗘𝗡𝗥𝗢 𝗜𝗡 𝗔𝗖𝗧𝗜𝗢𝗡 | 𝗖𝗹𝗲𝗮𝗿𝗶𝗻𝗴, 𝗖𝗹𝗲𝗮𝗻-𝘂𝗽 𝗮𝘁 𝗚𝗿𝗮𝘀𝘀𝗰𝘂𝘁𝘁𝗶𝗻𝗴 𝗢𝗽𝗲𝗿𝗮𝘁𝗶𝗼𝗻 𝘀𝗮 𝗦𝗮𝗻 𝗥𝗼𝗾𝘂𝗲 𝗝𝘂𝗻𝗰𝘁𝗶𝗼𝗻 🧹🍃

Nagsagawa ng clearing operation, clean-up, at grasscutting activity ang Tarlac City Environment and Natural Resources Office (CENRO) nitong ika-3 ng Hunyo 2026 sa San Roque Junction bilang bahagi ng patuloy na pagsisikap ng Pamahalaang Lungsod na mapanatili ang kalinisan, kaayusan, at kaaya-ayang kapaligiran.

Sa isinagawang operasyon, tinanggal ang mga naipong basura, debris, at mga ligaw na damo na maaaring magdulot ng panganib at hindi kanais-nais na tanawin sa lugar.

Layunin ng aktibidad na hindi lamang pagandahin ang kapaligiran kundi tiyakin din ang kaligtasan at kaginhawaan ng bawat Tarlaqueño.

Patunay ito na sa kolektibong pagkilos at malasakit sa kapaligiran, mas napapadali ang pag-abot sa isang malinis, maayos, at mas maunlad na Tarlac City para sa lahat.

𝗠𝗮𝗸𝗶𝗯𝗮𝗵𝗮𝗴𝗶 𝗮𝘁 𝗺𝗮𝗸𝗶𝗶𝘀𝗮 𝘀𝗮 𝗽𝗮𝗴𝗽𝗮𝗽𝗮𝗻𝗮𝘁𝗶𝗹𝗶 𝗻𝗴 𝗸𝗮𝗹𝗶𝗻𝗶𝘀𝗮𝗻 𝗻𝗴 𝗮𝘁𝗶𝗻𝗴 𝗹𝘂𝗻𝗴𝘀𝗼𝗱!

🌧️ 𝗕𝗔𝗕𝗔𝗟𝗔 𝗡𝗚 𝗣𝗔𝗡𝗔𝗛𝗢𝗡
📅 June 4, 2026 | Issued at 11:00 AM

⚠️ Sa pinakahuling abiso ng PAGASA (𝗥𝗮𝗶𝗻𝗳𝗮𝗹𝗹 𝗪𝗮𝗿𝗻𝗶𝗻𝗴 𝗡𝗼. 𝟲), nakakaranas ng 𝗸𝗮𝘁𝗮𝗺𝘁𝗮𝗺𝗮𝗻 𝗵𝗮𝗻𝗴𝗴𝗮𝗻𝗴 𝗺𝗮𝗹𝗮𝗸𝗮𝘀 𝗻𝗮 𝗽𝗮𝗴-𝘂𝗹𝗮𝗻 ngayon sa lungsod ng Tarlac kung saan 𝗺𝗮𝗮𝗮𝗿𝗶𝗻𝗴 𝗯𝗮𝗵𝗮𝗶𝗻 𝘀𝗮 𝗺𝗴𝗮 𝗳𝗹𝗼𝗼𝗱-𝗽𝗿𝗼𝗻𝗲 𝗮𝗿𝗲𝗮𝘀 .

Pinapayuhan ang publiko na magsagawa ng mga kinakailangang pag-iingat laban sa posibleng epekto ng mga nasabing panganib tulad ng 𝗳𝗹𝗮𝘀𝗵 𝗳𝗹𝗼𝗼𝗱𝘀 at 𝗹𝗮𝗻𝗱𝘀𝗹𝗶𝗱𝗲𝘀.

Paalala sa mga Tarlaqueños:
✅ 𝗠𝗮𝗴𝗵𝗮𝗻𝗱𝗮 𝗻𝗴 𝗽𝗮𝘆𝗼𝗻𝗴 𝗮𝘁 𝗿𝗮𝗶𝗻 𝗴𝗲𝗮𝗿
✅ 𝗠𝗮𝗴𝗵𝗮𝗻𝗱𝗮 𝗻𝗴 𝗲𝗺𝗲𝗿𝗴𝗲𝗻𝗰𝘆 𝗲𝘀𝘀𝗲𝗻𝘁𝗶𝗮𝗹𝘀
✅ 𝗜𝘄𝗮𝘀𝗮𝗻 𝗮𝗻𝗴 𝗺𝗴𝗮 𝗹𝘂𝗴𝗮𝗿 𝗻𝗮 𝗯𝗮𝗵𝗮𝗶𝗻
✅ 𝗦𝗶𝗴𝘂𝗿𝗮𝗱𝘂𝗵𝗶𝗻𝗴 𝗺𝗮𝗹𝗶𝗻𝗶𝘀 𝗮𝗻𝗴 𝗺𝗴𝗮 𝗱𝗮𝗹𝘂𝘆𝗮𝗻 𝗻𝗴 𝘁𝘂𝗯𝗶𝗴
✅ 𝗦𝘂𝗯𝗮𝘆𝗯𝗮𝘆𝗮𝗻 𝗮𝗻𝗴 𝗺𝗴𝗮 𝗼𝗽𝗶𝘀𝘆𝗮𝗹 𝗻𝗮 𝗮𝗯𝗶𝘀𝗼 𝗮𝘁 𝘄𝗲𝗮𝘁𝗵𝗲𝗿 𝘂𝗽𝗱𝗮𝘁𝗲𝘀

𝗠𝗮𝗴𝗶𝗻𝗴 𝗮𝗹𝗲𝗿𝘁𝗼, 𝗺𝗮𝗴𝗶𝗻𝗴 𝗵𝗮𝗻𝗱𝗮, 𝗮𝘁 𝗺𝗮𝗻𝗮𝘁𝗶𝗹𝗶𝗻𝗴 𝗹𝗶𝗴𝘁𝗮𝘀, 𝗺𝗴𝗮 𝗧𝗮𝗿𝗹𝗮𝗾𝘂𝗲ñ𝗼! 🌦

𝗠𝗮𝗹𝗮𝘀𝗮𝗸𝗶𝘁 𝘀𝗮 𝗔𝗹𝗮𝗴𝗮𝗻𝗴 𝗛𝗮𝘆𝗼𝗽, 𝗠𝗮𝗹𝗮𝘀𝗮𝗸𝗶𝘁 𝘀𝗮 𝗞𝗼𝗺𝘂𝗻𝗶𝗱𝗮𝗱 🐶🐱

Isang hakbang tungo sa mas ligtas at mas maayos na komunidad ang muling naisakatuparan sa matagumpay na Libreng Spay at Neuter Program ng Lungsod ng Tarlac, kung saan mahigit 50 a*o at pusa ang nabigyan ng libreng operasyon.

Matagumpay itong naisagawa ng Tarlac City Veterinary Office, katuwang ang International Wildlife Coalition Trust (IWCT), noong May 30, 2026, na naglalayong mapangalagaan ang kalusugan ng mga alagang hayop at makontrol ang patuloy na pagdami ng populasyon ng mga a*o at pusa sa lungsod na maaaring maging panganib sa kalusugan ng publiko, kabilang na ang posibilidad ng pagkalat ng rabies.

Naging bahagi rin ng programa ang pagbibigay-kaalaman sa Responsible Pet Ownership upang mas mapalalim ang pag-unawa ng bawat pet owner sa kanilang responsibilidad.

Dagdag saya rin ang suporta mula sa B-Meg Nutri Chunks sa pamamahagi ng feed samplers para sa ating mga fur parents.

Ang tagumpay na ito ay bunga ng kolektibong pagkilos—mula sa City Veterinary Office sa pangunguna ni Dr. Noel Soliman, volunteer veterinarians, partner organizations, at sa mga responsableng mamamayan ng Tarlac city.

Patuloy nating isulong ang malasakit at responsableng pag-aalaga—dahil ang bawat alagang hayop ay bahagi ng ating pamilya at komunidad.