Cabadbaran Today

𝐃𝐮𝐡𝐚 𝐊𝐚 𝐌𝐢𝐥𝐞𝐬𝐭𝐨𝐧𝐞 𝐀𝐰𝐚𝐫𝐝𝐞𝐞𝐬 𝐆𝐢𝐛𝐢𝐬𝐢𝐭𝐚 𝐍𝐢 𝐌𝐚𝐲𝐨𝐫 𝐀𝐦𝐚𝐧𝐭𝐞.

Duha ka mga Senior Citizens nga benepisyaryo sa Milestone Award ang gibisita ni City Mayor Judy Chin Amante sa ilang tagsa-tagsa ka panimalay, May 28, 2026.

Bitbit ni Mayor Amante ang gasang kwarta, cake, balloons ug vitamins alang nila ni Cabadbaran City Indigenous People Mandatory Representative Benefredo M. Manlubatan, 86 anyos, residente sa Barangay Calamba, ug Columba Tagaro, 90 anyos, residente sa Barangay Mabini.

✍️ Roselyn Gangca Exaure
📸 Demmard Banate

𝐊𝐚𝐝𝐚𝐠𝐤𝐮𝐚𝐧𝐠 𝐎𝐩𝐢𝐬𝐲𝐚𝐥 𝐒𝐚 𝐂𝐒𝐔𝐂𝐂 𝐍𝐢𝐛𝐢𝐬𝐢𝐭𝐚 𝐊𝐚𝐧𝐠 𝐌𝐚𝐲𝐨𝐫 𝐀𝐦𝐚𝐧𝐭𝐞.

Gibisita si City Mayor Judy Chin Amante sa mga kadagkuang opisyal sa Caraga State University Cabadbaran Campus (CSUCC), sa pagpanguna ni CSU President Dr. Rolyn Daguil, kauban si CSUCC Campus Director Dr. Deomila B. Mamaoag, ug mga University Officials, May 28, 2026, sulod sa City Mayor's Office.

Tumong sa ilang pagbisita mao ang personal nga pagpasalamat sa Cabadbaran City Local Government Unit pinaagi kang Mayor Amante, sa ilang nadawat nga Fifteen Million Pesos (P15,000, 000.00) nga tabang pinansyal alang sa construction sa Four-storey 32 classrooms Academic Building Phase 1, alang sa 2026 Project Implementation.

Gipasalig ni Mayor Amante sa mga kadagkuang opisyal sa maong tulunghaan nga magpabilin ang suporta sa LGU Cabadbaran sa pagpalambo sa maong tulunghaan alang sa tanang magtutungha niini, labi na ang mga kabataang Cabadbaranon.

✍️ Roselyn Gangca Exaure
📸 Demmard Banate

𝐓𝐮𝐥𝐨 𝐊𝐚 𝐌𝐢𝐥𝐞𝐬𝐭𝐨𝐧𝐞 𝐀𝐰𝐚𝐫𝐝𝐞𝐞𝐬 𝐆𝐢𝐝𝐮𝐚𝐰 𝐍𝐢 𝐌𝐚𝐲𝐨𝐫 𝐀𝐦𝐚𝐧𝐭𝐞.

Bitbit ang gasang Kwarta, Balloons, Vitamins ug Cakes, personal nga giduaw ni City Mayor Judy Chin Amante ang TUlo (3) ka mga Senior Citizens sa ilang panimalay, aron personal nga itunol kanila ang dalang gasa.

Unang gibisita ni Mayor Amante ang 90 anyos nga si Remedios Santillan, residente sa Barangay Comagascas, sunod si ASTERIO ABOLOC, 86 anyos, residente sa Poblacion 12, ug FELIPE LIM, 90 anyos, residente sa Poblacion 4.

Thirty Thousand Pesos (P30,000.00) ang nadawat sa nag edad ug 90 anyos, samtang Twenty Thousand Pesos (P20,000.00) usab ang nadawat sa nag edad ug 86 anyos.

✍️ Roselyn Gangca Exaure
📸 Demmard Banate

𝐁𝐫𝐢𝐠𝐚𝐝𝐚 𝐄𝐬𝐤𝐰𝐞𝐥𝐚 𝐍𝐚𝐭𝐢𝐨𝐧𝐚𝐥 𝐋𝐚𝐮𝐧𝐜𝐡𝐢𝐧𝐠 𝐒𝐚 𝐂𝐚𝐛𝐚𝐝𝐛𝐚𝐫𝐚𝐧 𝐂𝐢𝐭𝐲 𝐀𝐧𝐝𝐚𝐦 𝐍𝐚.

Andam na ang Department of Education Cabadbaran City Division, kaabag ang Cabadbaran City Local Government Unit alang sa nasudnong kalihukan karong June 1, 2026, adlaw nga Lunes.

Ang maong nasudnong kalihukan mao ang National Launching sa Brigada Eskwela, ang tinuig nga kalihukan sa Department of Education sa tibook nasud, kon diin mang limpyo ug andamon ang tanang pampublikong tulunhaan adiser sugdan ang klase sa mga kabataang magtutungha.

Kagahapong adlawa, May 26, 2026, bisita ni Mayor Judy Chin Amante ang mga kadagkuang opisyal sa DepEd Cabadbaran City Division, sa pagpanguna ni Schools Division Superintendent Dr. Imelda Sabornido, aron hisgutan ang final touch sa pagpangandam, ug ang kinatibuk-ang programa atol sa maong adlaw.

Lauman nga ubay-ubay ang mga mamahimong bisita sa maong okasyon, gikan sa Department of Education National ug Regional Offices, ug mga National Dignitaries.

Malaumon si Mayor Amante nga mamahimong hapsay ang pagpatuman sa maong programa dinhi sa Syudad sa Cabadbaran, ug mapasalamaton usab kini sa dakung oportunidad nga maka host ang Syudad sa Cabadbaran ug sama ani nga nasudnong kalihukan, aron mas maila pa ang maong Syudad ug makahatag kini ug dugang kalamboan sa ekonomikanhnong kahimtang sa Cabadbaran.

Ang maong programa ipahigayon kini sa Cabadbaran City National High School.

✍️ Roselyn Gangca Exaure
📷 Demmard Banate

𝐁𝐚𝐠-𝐨𝐧𝐠 𝐃𝐞𝐬𝐢𝐧𝐲𝐨 𝐒𝐚 𝐌𝐠𝐚 𝐌𝐚𝐧𝐢𝐤𝐚 𝐍𝐠𝐚 𝐍𝐚𝐠-𝐬𝐢𝐦𝐛𝐨𝐥𝐨 𝐒𝐚 𝐌𝐠𝐚 𝐋𝐮𝐦𝐚𝐝 𝐒𝐚 𝐒𝐲𝐮𝐝𝐚𝐝, 𝐆𝐢𝐩𝐫𝐞𝐬𝐞𝐧𝐭𝐚 𝐊𝐚𝐧𝐠 𝐌𝐚𝐲𝐨𝐫 𝐀𝐦𝐚𝐧𝐭𝐞.

Gipresentar sa mga personahe sa Cabadbaran City Tourism, Culture and Arts Office sa pagpanguna ni Tourism Officer Estelito O. Devera, ang bag-ong desinyo sa mga Manika nga nag hulagway sa mga Lumad nga ania sa Syudad sa Cabadbaran, niadtong May 26, 2026.

Ang maong mga Manika gamiton kini isip Token o Souvenir Items alang sa mga bisita nga moanhi sa Syudad sa Cabadbaran, nga anaa makita sa Cabadbaran City Pasalubong Center, kon diin gikalipay ni Mayor Amante ang bag-ong mga desinyo nga mamahimong handumanan gikan sa Syudad sa Cabadbaran.

✍️ Roselyn Gangca Exaure
📷 Demmard Banate

𝐂𝐎 𝐒𝐚 𝟐𝟗𝐭𝐡 𝐈𝐁 𝐍𝐢𝐛𝐢𝐬𝐢𝐭𝐚 𝐊𝐚𝐧𝐠 𝐌𝐚𝐲𝐨𝐫 𝐀𝐦𝐚𝐧𝐭𝐞.

Subling nibisita kang City Mayor Judy Chin Amante ang Commanding Officer sa 29th Infantry "Matatag" Battalion, Philippine Army , nga si Lt. Col. Mark S. Tabon, May 26, 2026.

Tumong sa iyang pagbista mao ang paghisgot sa kasamtangang kahimtang karon sa pwersa sa kasundalohan ubos sa iyang kadumalahan, ingon man ang pag update sa mga nakahan-ay nga mga proyekto ug programa, aron mamintina ang kahapsay ug kalinaw, ug ang padayon nga pakigbisog aron magpabiling Insurgency Free ang tibook Syudad sa Cabadbaran.

✍️ Roselyn Gangca Exaure
📷 Demmard Banate

𝐁𝐚𝐠-𝐨𝐧𝐠 𝐑𝐞𝐯𝐞𝐧𝐮𝐞 𝐃𝐢𝐬𝐭𝐫𝐢𝐜𝐭 𝐎𝐟𝐟𝐢𝐜𝐞𝐫 𝐒𝐚 𝐀𝐠𝐮𝐬𝐚𝐧 𝐝𝐞𝐥 𝐍𝐨𝐫𝐭𝐞 𝐍𝐚𝐤𝐢𝐠𝐡𝐢𝐦𝐚𝐦𝐚𝐭 𝐊𝐚𝐧𝐠 𝐌𝐚𝐲𝐨𝐫 𝐀𝐦𝐚𝐧𝐭𝐞.

Personal nga nakighimamat kang City Mayor Judy Chin Amante ang bag-ong Bureau of Internal Revenue (BIR) Agusan del Norte Revenue District Officer nga si Atty. Maria Jonelle Sacote - Faune, May 26, 2026, sulod sa City Mayor's Office.

Si Faune usa ka lumad nga Cabadbaranon, mao nga daku ang iyang kalipay nga makaalagad sa katawhang Cabadbaranon ug Agusanon isip Revenue Officer, ug mainiton usab siya nga gi welcome ni Mayor Amante.

✍️ Roselyn Gangca Exaure
📷 Demmard Banate

Congratulations 🎉

Congratulations! Your DepEd Cabadbaran family is so proud of you! 🎉
Photo credit: Rex Hussein Delarmente Lamoste