LGU Villanueva

  • Home
  • LGU Villanueva
Call Directions Website Contact the organization

LGU Villanueva Fast growing 1st Class Municipality in the Province of Misamis Oriental.

VIsion:

Villanueva is a premier agro-industrial center in Northern Mindanao empowered with proactive, responsive and accountable governance in a peaceful and sustainable environment of compassionate, sincere and responsible constituents who enjoy meaningful lives.

IMPORTANTENG PAHIBALO GIKAN SA LGU VILLANUEVA!Ubos sa maayong pagpangulo ni Mayor Julio T. Uy, gipahibalo sa tanang inte...
03/11/2026

IMPORTANTENG PAHIBALO GIKAN SA LGU VILLANUEVA!

Ubos sa maayong pagpangulo ni Mayor Julio T. Uy, gipahibalo sa tanang interesadong vendors ang mga guidelines alang sa FiesKo Bazaar 2026 – DRY GOODS.

Gihangyo ang tanan nga mamaligyaay nga basahon ug sundon ang mga requirements, slot allocation ug uban pang mga lagda aron masiguro ang hapsay nga pagpatuman sa maong kalihokan.

📌November 9, 2026 | 1:00 PM – Draw Lots
📌 November 13, 2026 | 4:00 PM – Official Bazaar Opening sa Villanueva Boulevard.

Alang sa dugang detalye ug mga pangutana, palihog duol sa Business Permit and Licensing Office (BPLO).

Palihog tan-awa ang poster sa ubos alang sa kompletong guidelines.

LGU VILLANUEVAFlag Raising CeremonyNovember 03, 2026Usa na usab ka matahum nga kabuntagon ang misidlak karong adlawa sa ...
03/11/2026

LGU VILLANUEVA
Flag Raising Ceremony
November 03, 2026

Usa na usab ka matahum nga kabuntagon ang misidlak karong adlawa sa Munisipalidad sa Villanueva, Misamis Oriental, LGU Villanueva, ubos sa pagpangulo ni Mayor Julio T. Uy, ang naandan nga flag-raising ceremony sa unang adlaw sa trabaho matag semana.

Gipahigayon kini sa Villanueva Municipal Hall grounds ug gitambongan sa mga lokal nga opisyal, empleyado sa munisipyo, ug mga representante sa nagkadaiyang sektor sa gobyerno.

Dugang pa kini nga higayon sa pagpalig-on sa panaghiusa, disiplina, ug padayong dedikasyon sa pagserbisyo alang sa katawhan sa Villanueva.

MGA PANGULO SA PDAO UG PWD FEDERATION SA TIBUOK MISAMIS ORIENTAL, MALIPAYPON NGA NAGTIGOM DINHI SA VILLANUEVAUsa ka mali...
30/10/2026

MGA PANGULO SA PDAO UG PWD FEDERATION SA TIBUOK MISAMIS ORIENTAL, MALIPAYPON NGA NAGTIGOM DINHI SA VILLANUEVA

Usa ka malipayon, lingaw, ug puno sa kahibalo nga adlaw ang nahitabo karong adlawa atol sa binulan nga panagtigom sa mga pangulo sa PDAO ug PWD Federation nga gipahigayon sa Villanueva Event Center, lungsod sa Villanueva, Misamis Oriental.

Ang maong kalihokan gipangunahan sa Municipal Social Welfare and Development Office (MSWDO), ubos sa pagpanguna ni Ms. Liuxene Orditor, ug giorganisar sa PDAO Villanueva nga gipangulohan ni Mr. Roldan B. Jamesolanim, PDAO Officer.

Nahimong buhi ug makalingaw ang maong panagtigom tungod sa nagkalain-laing hisgotanan, pagbinayloay sa mga kasayuran, ug paghisgot sa mga butang nga may kalabotan sa katungod, kaayohan, ug mga programa alang sa mga Persons with Disabilities.

Dili lamang kini usa ka ordinaryong panagtigom, kondili usa usab ka maayong higayon aron mapalig-on ang panaghiusa, pagtinabangay, ug panag-uban sa matag pangulo sa PWD. Napuno kini sa katawa, kalipay, ug bililhong mga kahibalo nga mapuslanon sa matag usa.

Mitambong usab si Vice Mayor Jeric G. Emano aron ipakita ang iyang suporta sa maong kalihokan ug sa mga programa alang sa sektor sa PWD.

Kini nga kalihokan kabahin sa kanunay nga pagpaluyo ug suporta sa administrasyon ni Governor Juliette T. Uy, inubanan sa pakigtimbayayong sa LGU Villanueva, ubos sa pagpaangulo ni Mayor Julio T. Uy, alang sa mga programa ug serbisyo nga nagtumong sa pagpalig-on sa katungod, kaayohan, ug aktibong pag-apil alang sa kalamboan sa atong komunidad.

588 KA MGA BARANGAY NUTRITION SCHOLARS SA MISAMIS ORIENTAL, NAKADAWAT OG HONORARIA ALANG SA UNANG TULO KA QUARTER SA 202...
30/10/2026

588 KA MGA BARANGAY NUTRITION SCHOLARS SA MISAMIS ORIENTAL, NAKADAWAT OG HONORARIA ALANG SA UNANG TULO KA QUARTER SA 2026!

Usa na usab ka makahuluganon ug malampusong kalihokan ang nahitabo karong adlawa dinhi sa Villanueva Municipal Hall Gymnasium, diin gipahigayon sa Provincial Health Office sa Misamis Oriental, nga gipangulohan ni Dr. Ma. Bebina Casiño, ang BARANGAY NUTRITION SCHOLARS AND NUTRITION ACTION OFFICERS DISTRIBUTION OF HONORARIA.

Sa maong kalihokan, mokabat sa 588 ka mga Barangay Nutrition Scholars (BNS) gikan sa nagkalainlaing lungsod ug barangay sa tibuok probinsya sa Misamis Oriental ang nakadawat sa ilang honoraria alang sa unang tulo ka quarter ning tuig 2026, nga mokabat og P9,000 matag usa.

Personal nga nanguna sa maong kalihokan ug naghatag usab og espesyal nga mensahe si Misamis Oriental Governor Hon. Juliette T. Uy, nga nagpasiugda sa dakong papel ug kontribusyon sa mga Barangay Nutrition Scholars ug Nutrition Action Officers sa pagpauswag sa kahimsog ug nutrisyon sa matag komunidad.

Dako usab og pasalamat sa taga LGU Villanueva ubos sa pagpangulo ni Mayor Julio T. Uy isip gihimong venue ang Municipal Hall Gymnasium niining makahuluganon nga kalihokan. Usa kini ka dakong kalampusan ug pagpabili sa paghatag og suporta sa mga programa ug kalihokan alang sa kaayohan sa katawhan.

Ang maong honoraria dili lamang pinansyal nga tabang, kondili usa usab ka pag-ila ug pagpasalamat sa walay puas nga serbisyo, dedikasyon ug sakripisyo sa atong mga Barangay Nutrition Scholars nga aktibong nagtabang sa pag-atiman sa nutrisyon ug kahimsog sa matag pamilya sa atong mga komunidad.

MGA TRIBU HIGAONON, NAGKAHIUSA SA PAGSAULOG SA IKA-29 NGA INDIGENOUS PEOPLES MONTH CELEBRATION SA VILLANUEVAMalipayon ug...
29/10/2026

MGA TRIBU HIGAONON, NAGKAHIUSA SA PAGSAULOG SA IKA-29 NGA INDIGENOUS PEOPLES MONTH CELEBRATION SA VILLANUEVA

Malipayon ug puno sa garbo nga nagtigom karong adlawa ang mga miyembro sa tribu Higaonon gikan sa tanang 11 ka barangay sa Munisipalidad sa Villanueva ug pipila usab ka barangay sa Tagoloan, Misamis Oriental, atol sa pagsaulog sa 29th Indigenous Peoples Month.

Gisugdan ang kalihokan pinaagi sa malipayon nga parada sa sayong kabuntagon, nga gisundan sa nagkadaiyang programa nga nagtumong sa pagpasidungog sa adunahang kultura, tradisyon, katungod, ug panulundong kabilin sa mga lumad.

Gipangunahan ang kalihokan ni Hon. SB Member Celso A. Yagma, Indigenous Peoples Mandatory Representative (IPMR), uban sa aktibong partisipasyon sa mga lumad nga komunidad.

Uban sa temang “EMPOWERING INDIGENOUS PEOPLES: STRENGTHENING RIGHTS, CULTURE, AND ANCESTRAL DOMAINS,” gipasiugda ang kamahinungdanon sa pagpanalipod sa katungod sa mga lumad, pagpreserbar sa ilang kultura ug tradisyon, ug pag-amuma sa ilang yutang kabilin alang sa sunod nga mga henerasyon.

Nahimong malampuson ang maong kalihokan pinaagi sa suporta sa LGU Villanueva ubos sa pagpangulo ni Mayor Julio T. Uy, kauban si Vice Mayor Jeric G. Emano ug ang tanang miyembro sa Sangguniang Bayan.

Kini nga selebrasyon nagpamatuod nga ang panaghiusa, pagtahod, ug pag-ila sa kultura ug katungod sa mga lumad importante sa pagtukod sa usa ka komunidad nga nagkahiusa ug naghatag og bili sa atong adunahang kultural nga panulundon.

DUL-AN 3,000 KA BHW SA MISAMIS ORIENTAL, NAKADAWAT OG TAG P3,500 NGA HONORARIUM GIKAN SA PROBINSYAL NGA KAGAMHANAN SA MI...
27/10/2026

DUL-AN 3,000 KA BHW SA MISAMIS ORIENTAL, NAKADAWAT OG TAG P3,500 NGA HONORARIUM GIKAN SA PROBINSYAL NGA KAGAMHANAN SA MISAMIS ORIENTAL

Puno sa kalipay, panaghiusa, ug pagpasalamat ang natigayon karong adlawa atol sa Barangay Health Workers (BHW) Convention and Honorarium Distribution sa Villanueva Municipal Hall Gymnasium, diin dul-an 3,000 ka mga Barangay Health Workers gikan sa nagkalain-laing lungsod sa Misamis Oriental ang nagtigom aron sa pag-apil niining makahuluganon nga kalihokan.

Ubos sa pagpangulo ni Governor Juliette T. Uy, sa Provincial Government of Misamis Oriental, ug sa kooperasyon sa LGU Villanueva ubos sa pagpangulo ni Mayor Julio T. Uy,uban ang nagka lain laing ahensya sa gobyerno, matag BHW nakadawat og tag P3,500 nga honorarium, lakip ang nagkalain-laing gift packs ug food packs isip pahalipay ug pag-ila sa ilang walay puas nga serbisyo.

Tumong niini nga kalihokan ang pagpasidungog sa dedikasyon ug sakripisyo sa mga BHW nga nahimong importanteng kauban sa paghatag og serbisyong panglawas sa matag barangay. Pinaagi sa ilang padayong pag-alagad, mas napaduol ang mga programa sa panglawas ngadto sa mga pamilya ug komunidad, ilabi na niadtong nanginahanglan og tabang ug pag-atiman.

Dili lamang kini paghatag og honorarium ug mga pahalipay, kondili usa usab ka pagpamatuod sa pag-ila sa dakong papel sa mga BHW isip unang kauban sa pag-atiman sa kahimsog sa panglawas sa mga katawhan.

Sa panaghiusa sa Provincial Government, LGU Villanueva, ug uban mga ahensya sa gobyerno, padayon ang pagpalig-on sa serbisyong panglawas ug ang paghatag og suporta sa atong mga bayani sa komunidad.

LGU VILLANUEVA MALAMPUSONG NAGPAHIGAYON OG SEMINAR SA MGA BALAOD UG REGULASYON SA TRAPIKOMalampusong gipahigayon karong ...
27/10/2026

LGU VILLANUEVA MALAMPUSONG NAGPAHIGAYON OG SEMINAR SA MGA BALAOD UG REGULASYON SA TRAPIKO

Malampusong gipahigayon karong adlawa LGU Villanueva, ubos sa pagpangulo ni Mayor Julio T. Uy, ang Seminar on Traffic Rules and Regulations sa Bongloy Hall, sulod sa Municipal Hall sa Villanueva.

Ang maong kalihokan gipahigayon sa pakigtambayayong sa Villanueva Municipal Police Station ubos sa Philippine National Police (PNP), nga gitambongan sa mga drayber sa LGU Villanueva ug mga indibidwal gikan sa nagkalain-laing opisina.

Tumong sa seminar nga madungagan ang kahibalo sa mga partisipante mahitungod sa mga balaod ug regulasyon sa trapiko, mapalig-on ang disiplina ug responsableng pagmaneho, ug mapalambo ang pagsunod sa mga traffic rules and regulations sa kadalanan.

Pinaagi niini, gilauman nga makatabang ang maong kalihokan sa pagpamenos sa mga aksidente sa dalan, pagpanalipod sa kinabuhi sa mga pasahero ug pedestrian, ug pagmintinar sa kahapsay sa trapiko sulod sa lungsod sa Villanueva.

Nagpakita usab kini sa padayong paningkamot sa administrasyon ni Mayor Julio T. Uy, uban ni Vice Mayor Jeric G. Emano, ug mga miyembro sa Sangguniang Bayan lakip ang Villanueva Municipal Police Station, sa pagpauswag sa kahibalo ug responsibilidad sa mga drayber alang sa kaluwasan sa tibuok komunidad.

LGU VILLANUEVA, MIDAWAT OG DUHA KA TALAGSAONG PASIDUNGOG SA TURISMO UG MAAYONG PAGDUMALA!Dugang na usab sa garbo ug dung...
26/10/2026

LGU VILLANUEVA, MIDAWAT OG DUHA KA TALAGSAONG PASIDUNGOG SA TURISMO UG MAAYONG PAGDUMALA!

Dugang na usab sa garbo ug dungog sa lungsod sa Villanueva ang duha ka prestihiyosong pasidungog nga bag-ohay lang nadawat sa LGU Villanueva ubos sa maayong pagpangulo ni Mayor Julio T. Uy, nga nagpakita sa lig-on nga dedikasyon sa munisipyo sa pagpasiugda sa turismo, maayong pangdumala, ug episyenteng serbisyo publiko.

Usa niini ang pagkahimong 1st Runner-Up sa Best Event Hosting (International) Category sa ATOP Pearl Awards 2026 nga gipahigayon sa Ormoc City. Kini nga kalampusan nakab-ot pinaagi sa Municipal Tourism, Culture and the Arts Office nga gipangulohan ni Arch. Paul Perocello. Ang maong pasidungog nagpakita sa paningkamot, pagtinabangay, ug dedikasyon sa tanang mitampo aron mahimong malampuson ang mga internasyonal nga kalihokan sa lungsod.

Dugang pa niini, gipasidunggan usab ang LGU Villanueva pinaagi sa NABPLO Gawad Luntian Award 2026, usa ka talagsaong pag-ila nga gihatag lamang sa napulo ka mga nakadawat sa tibuok nasud, diin ang Villanueva mao lamang ang LGU sa tibuok Region X nga nakadawat niini.

Ang maong award usa ka pag-ila sa talagsaong kalampusan sa munisipyo sa pagpauswag sa ease of doing business pinaagi sa bag-o, episyente, ug mas sayon nga mga serbisyo sa pag-isyu sa mga permit ug lisensiya nga nagpunting sa panginahanglan sa mga lungsoranon. Kini nga kalampusan gipangulohan sa Business Permits and Licensing Office (BPLO) ubos sa pagdumala ni Ms. Marlyn Achas.

Nagpakita usab kini sa lig-on nga pagpangulo ug dedikasyon sa LGU Villanueva sa digital transformation, maayong pangdumala, ug inklusibong kalamboan, subay sa tema sa ika-9 nga NABPLO National Convention: “READY. CONNECTED, UNITED. BUILDING A STRONGER FUTURE TOGETHER.”

Kini nga duha ka pasidungog dili lamang simbolo sa kalampusan sa lokal nga pangagamhanan, kondili pamatuod usab sa panaghiusa ug walay hunong nga pagpaningkamot sa mga opisyal ug empleyado sa paghatag og dekalidad nga serbisyo ngadto sa katawhan.

LGU VILLANUEVAFlag Raising CeremonyOctober 26, 2026Laing matahom nga Lunes ang misidlak karong adlawa sa lungsod sa Vill...
26/10/2026

LGU VILLANUEVA
Flag Raising Ceremony
October 26, 2026

Laing matahom nga Lunes ang misidlak karong adlawa sa lungsod sa Villanueva, Misamis Oriental, diin gipahigayon pag-usab sayo ning buntaga sa LGU Villanueva, ubos sa pagpangulo ni Mayor Julio T. Uy, ang matag semana nga Flag Raising Ceremony dinhi sa Municipal Hall grounds.

Gitambongan kini sa mga lokal nga opisyal, mga empleyado sa LGU, ug mga representante sa nagkalain-laing sektor sa gobyerno dinhi sa Villanueva.

Dili lamang kini usa ka tradisyon matag pagsugod sa semana, kondili usa usab ka pagpamatuod sa panaghiusa, disiplina, gugma sa nasud, ug padayong dedikasyon sa matinud-anong pagserbisyo sa katawhan.

LGU VILLANUEVA MDRRMO, MALAMPUSONG NAGTAPOS SA EMERGENCY OPERATION CENTER TRAININGMalampusong gitapos sa Municipal Disas...
23/10/2026

LGU VILLANUEVA MDRRMO, MALAMPUSONG NAGTAPOS SA EMERGENCY OPERATION CENTER TRAINING

Malampusong gitapos sa Municipal Disaster Risk Reduction and Management Office (MDRRMO) sa LGU Villanueva ang Emergency Operation Center (EOC) Training nga gipahigayon sa Bongloy Hall, Municipal Hall sa Villanueva, Misamis Oriental.

Ang maong kalihokan gi-organisar sa LGU Villanueva MDRRMO nga gipangulohan ni Engr. Ferdinand Ricacho, isip kabahin sa padayon nga pagpalig-on sa ka andam, koordinasyon, ug kapasidad sa pagtubag sa mga emerhensya ug kalamidad.

Kini nga programa lig-on nga gisuportahan sa administrasyon ni Mayor Julio T. Uy, kauban si Vice Mayor Jeric G. Emano ug ang mga miyembro sa Sangguniang Bayan, nga nagpadayon sa pagpaluyo sa mga kalihokan alang sa kaluwasan ug kaayohan sa katawhan.

Pinaagi sa maong pagbansay, mas mapauswag ang kahibalo, kahanas, ug koordinasyon sa mga personnel aron mas episyente ug epektibo ang pagdumala sa mga emerhensya ug pagtubag sa mga kalamidad.

Address

New Municipal Hall Complex, Looc

9002

Opening Hours

Monday 08:00 - 17:00
Tuesday 08:00 - 17:00
Wednesday 08:00 - 17:00
Thursday 08:00 - 17:00
Friday 08:00 - 17:00

Telephone

+639362145602

Website

Alerts

Be the first to know and let us send you an email when LGU Villanueva posts news and promotions. Your email address will not be used for any other purpose, and you can unsubscribe at any time.

Contact The Organization

Send a message to LGU Villanueva:

Shortcuts

  • Want your organization to be the top-listed government service?

Share