Rescue 1122 Attock

19/09/2026

_پنجاب ایمرجنسی سروس
ریسکیو 1122 اٹک_
مورخہ: 19 ستمبر 2026

*_وزیر اعلیٰ پنجاب کے "میت منتقلی سروس تکریم کے ساتھ" پروگرام کا ضلع اٹک میں باقاعدہ آغاز_*

وزیر اعلیٰ پنجاب کے عوامی فلاحی پروگرام میت منتقلی سروس کا ضلع اٹک میں باقاعدہ افتتاح کر دیا گیا۔ افتتاحی تقریب کے مہمان خصوصی ممبر قومی اسمبلی شیخ آفتاب احمد تھے جبکہ تقریب میں انیل سعید ایڈیشنل ڈپٹی کمشنر اٹک بھی شریک ہوئے۔

اس موقع پر مہمان خصوصی شیخ آفتاب احمد نے ریسکیو 1122 کی کارکردگی کو سراہا اور کہا کہ وزیراعلیٰ پنجاب کا یہ اقدام عوام کو زندگی کے انتہائی کٹھن اور غمزدہ لمحات میں باوقار سہولت فراہم کرنے کی جانب ایک اہم سنگِ میل ہے۔

ڈسٹرکٹ ایمرجنسی آفیسر ریسکیو 1122 اٹک ڈاکٹر میاں محمد اشفاق نے بتایا کہ وزیراعلیٰ پنجاب کے وژن کے مطابق ضلع اٹک کے لیے بلا معاوضہ میت منتقلی سروس کی 6 خصوصی ایمبولینسیں فراہم کی گئی ہیں، جو ضلع کی تمام 6 تحصیلوں اٹک، حضرو، حسن ابدال، جنڈ، پنڈی گھیب اور فتح جنگ میں عوام کو بلکل مفت خدمات فراہم کریں گی۔

19/09/2026

12/09/2026

پنجاب ایمرجنسی سروسز
ریسکیو 1122 اٹک
12 ستمبر 2026

*اٹک: ریسکیو 1122 کے زیر اہتمام ورلڈ فرسٹ ایڈ ڈے بھرپور انداز میں منایا گیا*

12 ستمبر کو دنیا بھر کی طرح ضلع اٹک میں بھی ورلڈ فرسٹ ایڈ ڈے بھرپور انداز میں منایا گیا۔ اس سلسلے میں ریسکیو 1122 اٹک کے زیر اہتمام ضلع بھر میں مختلف تربیتی اور آگاہی سرگرمیوں کا انعقاد کیا گیا۔
ڈسٹرکٹ ایمرجنسی آفیسر ریسکیو 1122 اٹک ڈاکٹر میاں محمد اشفاق نے کہا کہ ورلڈ فرسٹ ایڈ ڈے منانے کا مقصد عوام میں ابتدائی طبی امداد اور خصوصاً CPR کی اہمیت کے بارے میں شعور اجاگر کرنا ہے۔ اس موقع پر سینٹرل اسٹیشن اٹک میں صحافی برادری اور عام شہریوں کے لیے خصوصی تربیتی سیشن کا انعقاد کیا گیا، جہاں ڈسٹرکٹ ایمرجنسی آفیسر نے شرکاء کو عملی طور پر CPR کی تربیت فراہم کی اور انہیں ریسکیو 1122 کے بطور رضاکار رجسٹرڈ کیا گیا۔
انہوں نے بتایا کہ ضلع اٹک کی دیگر تحصیلوں میں بھی تمام تحصیل انچارجز اور ریسکیو ٹیموں کی جانب سے سکولوں، کالجوں اور مختلف کمیونٹی گروپس کے لیے فرسٹ ایڈ اور خصوصی طور پر CPR کی تربیت کا انعقاد کیا گیا، جبکہ تربیت حاصل کرنے والے افراد کی بطور رضاکار رجسٹریشن بھی کی گئی۔

11/09/2026

*ورلڈ فرسٹ ایڈ ڈے 2026*

مورخہ 12 ستمبر 2026 بروز ہفتہ صبح 9:30 بجے ریسکیو 1122 اٹک کے سینٹرل اسٹیشن اور تمام تحصیلوں کے ریسکیو سٹیشن میں ورلڈ فرسٹ ایڈ ڈے کے حوالے سے خصوصی پروگرام کا انعقاد کیا جا رہا ہے۔
ریسکیو 1122 اٹک کی جانب سے عوام الناس کو دعوت دی جاتی ہے کہ وہ سینٹرل اسٹیشن تشریف لائیں اور فرسٹ ایڈ کی عملی تربیت حاصل کریں۔
اس موقع پر شرکاء کو First Aider اور Rescue Volunteer کے طور پر رجسٹر ہونے کا موقع بھی فراہم کیا جائے گا، تاکہ وہ کسی بھی ہنگامی صورتحال میں بروقت ابتدائی طبی امداد فراہم کرکے قیمتی انسانی جانوں کے تحفظ میں اپنا کردار ادا کر سکیں۔
تمام مرد و خواتین، نوجوان، بزرگ اور ہر عمر کے افراد اس پروگرام میں بھرپور شرکت کریں اور ایک محفوظ، باشعور اور ذمہ دار معاشرے کے قیام میں ریسکیو 1122 کا ساتھ دیں۔

ڈسٹرکٹ ایمرجنسی آفیسر ڈاکٹر میاں محمد اشفاق