Central Library Bahawalpur

04/10/2026

سنٹرل لائبریری بہاولپور کے "مکالمہ گھر" میں استادِ محترم جناب محمد دین جوہر صاحب نے "تصورِ عشق اور جدید ذہن" کے موضوع پر ایک بھرپور اور فکر انگیز لیکچر دیا۔ لیکچر کے بعد سوال و جواب کا دلچسپ سیشن بھی ہوا۔

تقریب کے روحِ رواں جناب نئیر مصطفیٰ تھے، جبکہ نظامت کے فرائض جناب وجہہ الحسن نے انجام دیے۔شرکاء میں پروفیسر ڈاکٹر راشد سعیدی، اظہر فراغ، حسین احمد خان، محمد مصطفیٰ، الطاف ملک، مصطفیٰ زیدی، پروفیسر حفیظ فیضی، محمد ابوبکر، بلال خان چغتائی، شہباز مہتر اور پروفیسر جہانزیب سعیدی شامل تھے۔

03/10/2026

سنٹرل لائبریری بہاولپور

03/10/2026

03/10/2026

بہاولپور میں شجرکاری اور آگاہی کا خوبصورت امتزاج 🌿
نیب ملتان اور ہارٹی کلچر ایجنسی بہاولپور کے اشتراک سے املتاس کے پودے لگانے کے ساتھ دیانت داری، شفافیت اور سماجی ذمہ داری کے حوالے سے آگاہی سرگرمیوں کا انعقاد کیا گیا۔
اس موقع پر "Horticulture for Integrity" مہم کا بھی آغاز کیا گیا، جبکہ آگاہی لیکچر، سوال و جواب سیشن اور واک کا اہتمام بھی کیا گیا۔

03/10/2026

ظفر لاشاری املتاس ڈے
رپورتاژ از نئیر مصطفیٰ

یکم اکتوبر کی رات کو "محمد خالد اختر سکھ چین یاترا" مکمل ہوئی ہی تھی کہ دو اکتوبر کی سہ پہر کو ہارٹی کلچر ایجنسی بہاول پور، نیب ملتان اور سینٹرل لائبریری کے اشتراک سے شجرکاری، ماحولیاتی تحفظ اور دیانت داری کے فروغ کے لیے ظفر لاشاری املتاس ڈے منایا گیا۔

دن کا آغاز دربار محل سے ون یونٹ چوک تک املتاس کے پودے لگا کر کیا گیا۔ املتاس ایک خوب صورت اور ماحول دوست درخت ہے، جبکہ ظفر لاشاری اس خطے کے جم پل اور سرائیکی زبان کے پہلے ناول نگار۔ املتاس کی ٹھنڈی چھاؤں اور زرد پھولوں کو ظفر لاشاری کی "نازو" کے ساتھ یک جا کرنا اِس بات کا اظہار تھا کہ شجرکاری اور ثقافت ایک ہی خیال کے دو چہرے ہیں۔ یاد رہے شجرکاری محض پودے لگانے کا عمل نہیں، اصل بات تو یہ ہے کہ فطرت اور شہر کو قریب لایا جائے؛ ماحول اور افراد میں مطابقت پیدا ہو۔ دارالسرور بہاول پور کو زیادہ سرسبز، خوب صورت اور ماحول دوست بنانے کے لیے ضروری ہے کہ ہر شعبہ ہائے زندگی کے افراد اِس میں شریک ہوں، کیونکہ شراکت کا احساس ہی سماجی ذمہ داری کا آغاز ہے۔

شجرکاری مکمل ہوئی تو ظفر لاشاری املتاس ڈے کا دوسرا مرحلہ شروع ہوا۔ ایک سو ایک سالہ تاریخی سینٹرل لائبریری بہاول پور کے "مکالمہ گھر کارنر" میں دیانت داری اور شفافیت کے موضوع پر آگہی لیکچر کا انعقاد کیا گیا۔ راقم الحروف نے واضح کیا کہ تھکن اور بزدلی کو ایمانداری سمجھ لیا گیا ہے، جو ایک بہت بڑا مغالطہ ہے۔ ایک غلط فائل پر دستخط کرنے سے زیادہ غلط یہ ہے کہ ایک درست فائل پر دستخط نہ کیے جائیں۔ ایمانداری اگر کچھ ہے تو محض یہ کہ قانون کے دائرے میں رہتے ہوئے، لوگوں کی زندگی میں زیادہ سے زیادہ بہتری لائی جائے۔ لیکچر کے فوراً بعد ایک یکجہتی واک کا انعقاد کیا گیا، جس کی قیادت اسسٹنٹ ڈائریکٹر نیب، میڈم وردہ نے کی۔

03/10/2026

🌱 سینٹرل لائبریری بہاولپور میں شجرکاری مہم 🌱
سینٹرل لائبریری بہاولپور میں Helping Hand for Relief and Development (HHRD) کے زیرِ اہتمام Tree Plantation Drive کا انعقاد کیا گیا۔
اس موقع پر چوہدری ساجد علی، ڈائریکٹر آپریشنز، Helping Hand for Relief and Development نے سینٹرل لائبریری کا دورہ کیا اور خصوصی بچوں و افراد کو درختوں کی اہمیت، ماحولیاتی تحفظ اور سرسبز پاکستان کے حوالے سے آگاہی دی۔
بعد ازاں Helping Hand کی ٹیم، خصوصی بچوں اور دیگر شرکاء کے ہمراہ سینٹرل لائبریری کے احاطے میں شجرکاری ریلی کا انعقاد کیا گیا۔
ریلی کے بعد چوہدری ساجد علی، ڈائریکٹر آپریشنز، Helping Hand for Relief and Development نے سینٹرل لائبریری کے احاطے میں پودا لگایا۔ اس موقع پر ڈاکٹر نیر مصطفیٰ، مینجنگ ڈائریکٹر پارکس اینڈ ہارٹیکلچر اتھارٹی (PHA) بہاولپور نے بھی پودا لگایا اور شجرکاری مہم میں بھرپور شرکت کی۔
یہ سرگرمی Clean Pakistan | Green Pakistan کے عزم کو اجاگر کرتی ہے اور شجرکاری، ماحولیاتی تحفظ اور خصوصی افراد کی معاشرتی شمولیت کے فروغ کی جانب ایک مثبت قدم ہے۔ 🌿🇵🇰

01/10/2026

📚 مکالمہ گھر — ایک فکری و علمی نشست
سینٹرل لائبریری بہاولپور میں مکالمہ گھر کے زیرِ اہتمام معروف دانشور ایم۔ دین جوہر کے ساتھ ایک خصوصی فکری و علمی نشست کا انعقاد کیا گیا، جس کا موضوع ’’تصورِ عشق اور جدید ذہن‘‘ تھا۔
اس نشست میں مقرر نے محبت، عشق اور جدید ذہن کے باہمی تعلق پر نہایت دلچسپ اور فکری گفتگو کی۔ پروگرام میں شہر کے معززین، کالم نگار، ادیب، دانشور اور مختلف شعبہ ہائے زندگی سے تعلق رکھنے والے افراد سمیت بڑی تعداد میں شرکاء نے شرکت کی۔
شرکاء نے موضوع سے متعلق گفتگو کو سراہا اور نشست میں بھرپور دلچسپی کا اظہار کیا۔
مکالمہ گھر — جہاں خیالات ملتے ہیں، سوال جنم لیتے ہیں اور معاشرہ مکالمے سے آگے بڑھتا ہے۔

30/09/2026