Aah sa Aah Tak

امّاں........

جس شام میں نے اسے مٹی کے حوالے کیا
موسم بہت خوبصورت تھا
بارش نے اسکی فاتحہ پڑھی
اور گندم کے ہرے کھیت
چوگرد ہاتھ اٹھائے کھڑے رہے
قبر سے کچھ دور کھڑے
ایک ضعیف درخت نے
اسے دیکھ کر ہاتھ ہلایا
اسے شوخ رنگ پسند تھے
مقامی پھولوں کی پتیوں میں پڑی
وہ بہت حسین لگ رہی تھی
اب وہ پرندوں سے بات کرتی ہے
اور بادلوں کو گزرتے دیکھتی ہے
ضعیف درخت اس کا نیا دوست ہے
ساتھ ہی بنی ایک ننھی قبر میں پڑا بچہ
اپنے ہنسی سے اس کا دل بہلائے رکھتا ہے
اسے ہر شام میرا انتظار رہا کرتا تھا
بہار آنے والی ہے
میری بیٹی نے اس کی قبر پر
انگلی سے دل بنایا ہے
اور اب اسے قبر کے سرھانے لگائے گئے
گلاب کے پودے پر
پھول آنے کا شدت سے انتظار ہے ۔۔۔۔

اِس بار کیا تحفہ خریدا ہے میرے لیے؟؟

"چاندی کی انگوٹھی ،اور جھُمکے"۔۔۔

میں صدقے،، آپ ہمیشہ چاندی ہی کیوں خریدتے ہیں؟؟؟

"کیونکہ چاندی کا رنگ مجھے پسند ہے،
اور دوسری بات، یہ وفادار ہے بہت۔"

وہ مُسکرائی۔۔
چاندی وفادار کیسے ہے بھلا۔۔؟؟

وفادار ہے ناں۔، اِسے جب تک آپ پہنے رکھیں گے، اِسکی چمک برقرار رہتی ہے
لیکن جونہی خود سے دور کرینگے یہ سِیاہ پڑ جائے گا۔۔

اُس نے مُجھے داد دیتے ہوئے کہا
"واہ پروفیسر،،، کمال کے اِنسان ہو تم بھی۔"۔

(مجھے یاد آیا، آج جب چاندی کی ایک سیاہ انگوٹھی میری الماری سے نکلی)💔

کس کو روشن بنا رہے ہو تم
اتنا جو بُجھتے جا رہے ہو تم

میں جب بہت تھک جاتا ہوں تو زندگی کے صفحات واپس پلٹ کر دیکھنا شروع کر دیتا ہوں۔ اور اس صفحے پر آ کر رک جاتا ہوں جہاں زندگی تمھیں مجھ سے ملاتی ہے

‏اتنا مجھے عزیز ہے دنیا میں ایک شخص
جتنی کسی ضعیف کو مسجد کی پہلی صَف!

میرے دِماغ میں مُبتلا وہ شخص
میری رَگوں کو کمزور کر رَہا ہے !-

اتنا چپ ہو گیا اچانک میں
مجھ سے دیوار نے کہا بولو

تیرا جنوں ہے باعثِ وحشت اور مجهے
اسی وحشت سے بلا کی الفت ھے۔

تُمہارے معاملے میں
اناؤں کا کوئی عمل دخل نہیں تھا
تُم بس تُم تھے
تُمہیں سوچ کر دِل میں دور دور تک
فقط مُحبت جنم لیتی تھی
شِکایات مرنے لگتی تھیں ضِد ہِجرت کر جاتی تھی
اور سُکون کِسی تناور درخت کی طرح
رُوح کے صحن کو اپنی لپیٹ میں لے لیتا تھا__!
مگر تم نے عجلت میں یہ سب گنوا دیا___

میرا حال اس قیدی جیسا ہے جسے عین فرار کے وقت یاد آیا کہ میرا تو کوئی منتظر ہی کوئی نہیں۔

کہیں میں اذیت کا سفر یہیں نا ختم کر دوں
کہیں میں پھینک نا دوں خود کو مار کے

ماں کی قبر ایک قبر نہیں ہوتی وہاں دفن ہوتی ہے ایک ایسی محبت جس کا متبادل اب کبھی مِل ہی نہیں سکتا ہے، وہاں دفن ہوتی ہیں آپکی زندگی کی تمام خوشیاں،
جب زندگی سے آپ ٹوٹ کر گِرنے لگو تو ایک سہارے کی ضرورت ہو اس قبر میں وہ ایک سہارا دفن ہوتا ہے،
وہ جب آپ تکلیف میں "ہائے ماں" کہتے اُس پر لبیک کہنے والی ماں دفن ہوتی ہے اس قبر میں، 💔