JI youth Tehsil Tangi

23/09/2026

22/09/2026

22/09/2026

21/09/2026

19/09/2026

جماعت اسلامی کے تمام ارکان و کارکنان سےایک عاجزانہ درخواست:

ہم سب جانتے ہیں کہ مولانا فضل الرحمن صاحب نے حالیہ دنوں میں حافظ نعیم الرحمن صاحب اور جماعت اسلامی کے عوامی مسائل کے حوالے سے جاری احتجاجی مؤقف پر تنقید کی ہے۔ سیاسی اختلاف اور تنقید جمہوری عمل کا حصہ ہیں، اس لیے جماعت اسلامی کے ساتھی بھی دلیل، شائستگی اور سیاسی شعور کے ساتھ اس تنقید کا جواب دیں۔

تمام ساتھیوں سے عاجزانہ درخواست ہے کہ تنقید ضرور کریں، مگر مولانا صاحب کی ذات، شخصیت یا کسی بھی فرد کے بارے میں غیر مہذب، توہین آمیز یا گالم گلوچ پر مبنی زبان سے مکمل گریز کریں۔

ہمیں یہ بات یاد رکھنی چاہیے کہ ہمارا مقصد کسی کی تذلیل نہیں بلکہ عوامی مسائل، پٹرول لیوی، بھتہ ٹیکس اور دیگر بنیادی مسائل پر اپنا مؤقف واضح کرنا ہے۔

اگر کوئی شخص سوشل میڈیا پر نامناسب زبان استعمال کرتا ہے تو اس کا جواب بھی اسی انداز میں دینا ضروری نہیں۔ خاموش رہنا کمزوری نہیں، بلکہ اخلاقی برتری ہے۔ جہاں جواب ضروری ہو، وہاں شائستہ، مدلل اور مضبوط جواب دیا جائے۔

حافظ نعیم الرحمن صاحب نے بھی کارکنان کو احتجاج کے دوران نظم و ضبط اور اخلاقی حدود کا خیال رکھنے کی ہدایات دی ہیں۔ لہٰذا ہماری ہر تحریر اور ہر تبصرہ جماعت اسلامی کے نظم، تربیت اور اخلاقی کردار کا عکاس ہونا چاہیے۔

اختلاف کریں، بھرپور کریں، مگر اخلاق کے دائرے میں رہ کر۔

آئیے! اپنے مؤقف کو مضبوط کریں، مگر اپنی زبان اور کردار سے جماعت اسلامی کی عزت اور وقار کی بھی حفاظت کریں۔

تنقید کا جواب دلیل سے،
اختلاف کا جواب اخلاق سے۔

19/09/2026

مولانا فضل الرحمٰن صاحب کی "سیاسی مصلحت" اور بدلتے پینترے: ایک تنقیدی جائزہمحترم مولانا فضل الرحمٰن صاحب! پاکستانی سیاست کے افق پر آپ کی پوزیشن ہمیشہ سے ایک ایسے "سیاسی موسمِ بہار" جیسی رہی ہے جو یہ دیکھ کر رخ بدلتا ہے کہ اقتدار کی ہوا کس طرف چل رہی ہے۔ جب عوام مہنگائی کے بوجھ تلے دبے ہوں اور ملک بھر میں سیاسی ہلچل ہو، تو آپ کا یہ مصلحت پسندانہ یو ٹرن (Turn) عوام کے لیے حیران کن اور سیاسی حلقوں کے لیے معنی خیز ہے۔1۔ "حلوہ" اور "کرسی" کی دائمی محبتسیاسی گلیاروں میں آپ کے لیے "ابنِ الوقت سیاست کا بادشاہ" یا "پاور شیئرنگ کا ماسٹر مائنڈ" جیسی اصطلاحات یونہی مشہور نہیں ہوئیں۔ تاریخ گواہ ہے کہ نظریات بدل سکتے ہیں، اتحادی بدل سکتے ہیں، بیانیے بدل سکتے ہیں، لیکن آپ کی "کرسی" اور روایتی سیاسی حلوے کی طلب کبھی کم نہیں ہوتی۔ عوام اب یہ پوچھنے پر مجبور ہیں کہ اس بار حکومت کا ساتھ دینے کے بدلے پردے کے پیچھے کیا "خاص آفر" یا سیاسی پیکج طے پا رہا ہے؟2۔ تاریخ کی منفرد ترین "سرکاری اپوزیشن"آپ نے پاکستانی سیاست میں ایک نئی تاریخ رقم کر دی ہے۔ آپ دنیا کے پہلے ایسے "مصلحت پسند حزبِ اختلاف" (Opposition) کے لیڈر بن چکے ہیں جو عوامی مسائل، مہنگائی اور بحرانوں پر عوام کی آواز بننے اور احتجاج کا ساتھ دینے کے بجائے، خاموشی سے حکومت کی بیساکھی بننے کو ترجیح دے رہے ہیں۔ جب عوام ریلیف مانگ رہے ہیں، تب آپ کی توجہ "پاور کوریڈورز" میں اپنا حصہ محفوظ کرنے پر ہے۔3۔ پیٹرولیم لیوی پر جماعت اسلامی کی حمایت سے اچانک پسپائیجماعت اسلامی پیٹرولیم لیوی اور ظالمانہ ٹیکسز کے خلاف ملک بھر میں کئی ہفتوں سے مسلسل دھرنے دے رہی ہے اور اب وفاقی دارالحکومت کی طرف لانگ مارچ کی تیاریاں کر رہی ہے۔ کچھ ہی دن پہلے تک آپ نے بھی اس سنگین عوامی مسئلے پر جماعت اسلامی کے مؤقف کی کھل کر تائید کی تھی۔ لیکن جیسے ہی اقتدار کے ایوانوں سے کوئی خاص اشارہ ملا، آپ نے فوراً "سیاسی قلابازی" کھاتے ہوئے اپنے پچھلے بیانات سے دوری اختیار کر لی اور حکومت کے ریلیف دینے کے مبینہ دعوؤں کے پیچھے کھڑے ہو گئے۔ یہ یو ٹرن ثابت کرتا ہے کہ آپ کی سیاست میں عوام کے پٹرول اور بجلی کے بلوں سے زیادہ اہمیت "سیاسی مصلحت" اور ذاتی مفاد کو حاصل ہے۔4۔ پٹواریوں اور یوتھیوں کے نقشِ قدم پرسیاسی مفادات کے لیے پینترے بدلنے کا جو طعنہ آپ دوسروں کو دیا کرتے تھے، آج آپ خود اسی راستے پر چل پڑے ہیں۔ نظریاتی سیاست کا لبادہ اوڑھ کر اقتدار کے کھیل میں شامل ہونا اب آپ کا ٹریڈ مارک بن چکا ہے۔ عوام اب جان چکے ہیں کہ آپ کے نزدیک تحریکیں اور بیانات صرف ماحول گرم کرنے کے لیے ہوتے ہیں، اصل مقصد تو پسِ چلمن ہونے والے سودے بازی کے معاہدے ہیں۔