Unofficial: My dear homeland

دل دے ویہڑے رب وسدا اے
ہن طور تے جان دی لوڑ کوئی نہیں

رشتے ناطے نے اج کل غرضاں دے
دھوکا پیار دا کھان دی لوڑ کوئی نہیں

اونیں لٹیا دل اوھدا گھر سی اوہ
تینوں شور مچان دی لوڑ کوئی نہیں

تیرا نفس تیری جان دا دشمن اے
کسے ہور شیطان دی لوڑ کوئی نہیں

اکھاں میٹ کے رب دے راہ بہہ جا
ایویں اونسیاں پان دی لوڑ کوئی نہیں

تیرے حال دا شاھد اے رب سوھناں
سلیم لکھن لکھان دی لوڑ کوئی نہیں۔