Ayun Valley, Chitral

Ayun Valley, Chitral Contact information, map and directions, contact form, opening hours, services, ratings, photos, videos and announcements from Ayun Valley, Chitral, Landmark & historical place, Ayun, Chitral.

بخدمت جناب ڈسٹرکٹ ہیلتھ آفیسر، لوئر چترالعنوان:درخواست بمراد بحالی و فعالیِ ڈینٹل ایکسرے مشین — آر ایچ سی (RHC) ایونجناب...
03/10/2026

بخدمت جناب ڈسٹرکٹ ہیلتھ آفیسر، لوئر چترال
عنوان:
درخواست بمراد بحالی و فعالیِ ڈینٹل ایکسرے مشین — آر ایچ سی (RHC) ایون
جناب عالی!
نہایت احترام اور مؤدبانہ التماس ہے کہ دیہی صحت مرکز (آر ایچ سی) ایون کے ڈینٹل بلاک میں نصب ایکسرے مشین عرصہ دراز سے غیر فعال اور ناکارہ پڑی ہے۔
اس اہم طبی سہولت کی عدم دستیابی کے باعث مریضوں کو شدید مشکلات کا سامنا ہے۔
آر ایچ سی ایون، حسین و جمیل کیلاش ویلیز اور گرد و نواح کی ایک بہت بڑی آبادی کا واحد مرکزی ہسپتال ہے۔
اس علاقے کے رہنے والے اکثر و بیشتر افراد انتہائی غریب اور کم وسیلہ ہیں۔
دانتوں کی معمولی تشخیص اور ایکسرے کے لیے بھی غریب مریضوں کو چترال کے دور دراز ڈی ایچ کیو (DHQ) ہسپتال جانا پڑتا ہے، جس کے سفر اور علاج کے اخراجات ان کی استطاعت سے باہر ہیں۔
آپ کی ایک توجہ اور ہمدردانہ قدم سے نہ صرف ایک معطل مشین بحال ہو سکتی ہے، بلکہ ہزاروں سسکتے ہوئے غریب مریضوں کا علاج ان کی دہلیز پر ممکن ہو سکتا ہے۔
عاجزانہ اپیل:
جنابِ عالی سے التماس ہے کہ آر ایچ سی آیون کے ڈینٹل بلاک کی ایکسرے مشین کو فوری طور پر فعال اور قابلِ استعمال بنانے کے احکامات جاری فرمائیں، تاکہ وادی کے غریب عوام کو اس بنیادی صحت کی سہولت سے آراستہ کیا جا سکے۔
اس عظیم انسانی خدمت پر پوری وادی اور غریب عوام تا حیات آپ کے ممنون اور دعا گو رہیں گے۔
عین نوازش ہو گی۔
العارض:
اہالیانِ وادیِ ایون و کیلاش ویلیز
لوئر چترال

30/09/2026

Ayun valley 🖤💛🤎

🌸 ایک روزہ خصوصی کلینک 🌸📢 اہلِ ایون اور گرد و نواح کے عوام الناس کے لیے خصوصی اطلاع!عوام کی سہولت اور بہتر طبی معائنے کے...
26/09/2026

🌸 ایک روزہ خصوصی کلینک 🌸

📢 اہلِ ایون اور گرد و نواح کے عوام الناس کے لیے خصوصی اطلاع!

عوام کی سہولت اور بہتر طبی معائنے کے لیے ڈاکٹر شبانہ ناز اور ڈاکٹر فریال
مورخہ 28 ستمبر، بروز پیر
جاوید میڈیکل سنٹر، بالمقابل RHC کورو بازار، ایون میں
ایک روزہ خصوصی کلینک کے سلسلے میں تشریف لا رہی ہیں۔

اس موقع پر:

🔹 الٹراساؤنڈ کی سہولت
🔹 طبی معائنہ اور چیک اَپ
🔹 ماہر ڈاکٹروں سے طبی مشاورت

کی سہولت دستیاب ہوگی۔

🕑 اوقات: دوپہر 2 بجے سے شام 6 بجے تک

📍 مقام: جاوید میڈیکل سنٹر، بالمقابل RHC کورو بازار، ایون

اپنی اور اپنے پیاروں کی صحت کے لیے اس خصوصی موقع سے ضرور استفادہ کریں۔

📣 اس پیغام کو اپنے دوستوں، رشتہ داروں اور آس پاس کے لوگوں تک ضرور پہنچائیں تاکہ زیادہ سے زیادہ افراد میل / فیمل دونوں اس سہولت سے فائدہ اٹھا سکیں۔

شکریہ

19/09/2026

انتقال پر ملال

مہی الدین اف مولدہ ایون بقضائے الٰہی وفات پاگئے ہیں ان کی نمازجنازہ کل مورخہ 20 ستمبر 2026 بروز اتوار دن 10 بجے قبرستان واقع مولدہ آیون میں ادا کیجایے گی۔ نماز جنازہ میں شرکت فرما کر ثواب دارین حاصل کریں۔جزاکم اللہ خیرا
سوگواران
نسیم الدین بیٹا ۔ار۔ایچ۔سی آیون
حسین آحمد
مولانا رحیم الدین
خیرالدین
وا دیگر سوگواران

إِنَّا لِلّهِ وَإِنَّـا إِلَيْهِ رَاجِعونَعماد الدین صدیقی المعروف حاجی شیریں بادشاہ (بالاوشٹ) بقضائے الٰہی وفات پا گئے ...
17/09/2026

إِنَّا لِلّهِ وَإِنَّـا إِلَيْهِ رَاجِعونَ
عماد الدین صدیقی المعروف حاجی شیریں بادشاہ (بالاوشٹ) بقضائے الٰہی وفات پا گئے ہیں۔
انکی نماز جنازہ آج 3 بجے سہ پہر ایون موڑدہ قبرستان میں ادا کی جائے گی۔ نماز جنازہ میں شرکت فرما کر ثواب دارین حاصل کریں۔ جزاکم اللہ خیرا
سوگواراں۔
مولانا کمال الدین(بھائی )
حمید الدین(بھائی )
ابرار علی (بیٹا)
عرفان الدین (بیٹا )
اور جملہ عزیز واقارب

اہلیانِ آیون وی سی ون کے چند اہم سوالاتآج سے تقریباً نو، دس سال پہلے انٹرپرینیورشپ کے نام پر ایس آر ایس پی (SRSP) کو یور...
13/09/2026

اہلیانِ آیون وی سی ون کے چند اہم سوالات

آج سے تقریباً نو، دس سال پہلے انٹرپرینیورشپ کے نام پر ایس آر ایس پی (SRSP) کو یورپی یونین کے Peace Programme Initiative کے تحت آیون ہائیڈرو پاور کے نام سے ایک ادارہ قائم کرنے کے لیے فنڈنگ فراہم کی گئی۔ اس وقت اہلیانِ آیون کو یہ یقین دہانی کرائی گئی تھی کہ ادارہ قائم ہونے کے بعد اس سے حاصل ہونے والا ریونیو آیون وی سی ون کے عوام کے بہترین مفاد میں استعمال کیا جائے گا۔ یہ بھی بتایا گیا تھا کہ ایک عوامی کمیٹی تشکیل دی جائے گی، جس کا مشترکہ اکاؤنٹ ہوگا، جبکہ ادارے کی تمام انتظامی اور مالی ذمہ داریاں عوام کے حوالے کی جائیں گی۔ عوام اس ادارے کو چلائیں گے اور اس سے حاصل ہونے والی آمدنی کو اپنی اجتماعی ضروریات اور ترقیاتی کاموں کے لیے استعمال کریں گے۔
لیکن آج تک یہ ادارہ عوام کے حوالے نہیں کیا گیا۔ اس کے ریونیو سے عوامی مفاد کے کام کرنا تو دور کی بات ہے، ایک بااعتماد عوامی کمیٹی تک تشکیل نہیں دی گئی۔
کچھ مفاد پرست عناصر کی جانب سے مسلسل یہ تاثر دیا جاتا رہا ہے کہ عوام میں اتنی صلاحیت نہیں کہ وہ اس ادارے کو چلا سکیں۔ حالانکہ ادارے کو چلانے کے لیے ایک انجینئر، لائن مین اور دیگر ضروری تکنیکی و انتظامی عملہ کافی ہو سکتا ہے۔ سوال یہ ہے کہ کیا اہلیانِ آیون اتنی صلاحیت بھی نہیں رکھتے کہ اپنے ہی علاقے کے اس چھوٹے سے ادارے کو اجتماعی طور پر چلا سکیں؟
عوام کو اس بات سے بھی لاعلم رکھا جا رہا ہے کہ آیون ہائیڈرو پاور نے اب تک کتنا ریونیو پیدا کیا ہے، تاکہ عوام اپنے حق اور اپنے وسائل کے بارے میں سوال نہ کر سکیں۔
کچھ سال پہلے اسلام آباد سے ایک انجینئر آیون آیا اور یہاں ایک مخصوص گروہ کے ساتھ بات چیت کے بعد بجلی کے یونٹس کے نرخ میں اضافہ کیا گیا۔ اس اضافے کی وجہ یہ بتائی گئی کہ سرکاری ادارے بجلی کے نرخ بڑھا رہے ہیں۔
یہاں ایک بنیادی سوال پیدا ہوتا ہے کہ ایس آر ایس پی کی قانونی حیثیت کیا ہے کہ وہ عوامی مفاد سے متعلق اس ادارے کے بجلی کے نرخ مقرر یا تبدیل کرنے کے عمل میں اس طرح مداخلت کرے؟ کیا ایس آر ایس پی واپڈا کے طرز کی حکومتی ادارہ ہے؟
آیون میں ایس آر ایس پی نے دو اسکول بھی تعمیر کیے ہیں۔ کیا مستقبل میں ایس آر ایس پی ان سرکاری اسکولوں کے انتظامی یا دیگر معاملات میں بھی اسی نوعیت کی مداخلت کا مجاز رکھے گا؟

نئے ہائیڈرو پاور منصوبے سے متعلق سوالات...

اب ایک مرتبہ پھر نئے ہائیڈرو پاور منصوبے کے قیام کی بات کی جا رہی ہے، جس کی نہر زوندرے قبیلے کی متنازعہ زمین سے گزرتے ہوئے اصل پاور ہاؤس تک پہنچتی ہے۔ زوندرے قبیلے کے لوگ اپنی زمین کے حق اور معاوضے کا مطالبہ کر رہے ہیں۔
یہ بات بھی سننے میں آ رہی ہے کہ ایس آر ایس پی عوام کو اعتماد میں لیے بغیر اس معاملے میں مذاکرات یا کسی قسم کی ڈیل کر رہا ہے۔

یہاں چند اہم سوالات پیدا ہوتے ہیں...

کیا اس معاملے کو ایک باقاعدہ عوامی کمیٹی کے ذریعے دیکھنا چاہیے یا ایس آر ایس پی کو اس کا اختیار حاصل ہے؟
اگر ایس آر ایس پی اس پورے معاملے میں مذاکرات یا معاہدہ کر رہا ہے تو وہ کس قانونی حیثیت کے تحت یہ عمل کر رہا ہے؟
آخر ان دونوں منصوبوں کی اصل ملکیت کس کی ہے؟
زوندرے قبیلے کو ان کی زمین کا جائز حق اور معاوضہ دینا یقیناً ضروری ہے۔ لیکن بنیادی سوال یہ ہے کہ زوندرے قبیلہ اپنا حق ایس آر ایس پی سے مانگے گا، یورپی یونین سے یا عوام کی طرف سے منظور شدہ کمیٹی سے؟

ان منصوبوں کا اصل مالک کون ہے؟

عوام؟
ایس آر ایس پی؟
یورپی یونین؟
یا حکومتِ پاکستان؟

ان منصوبوں کے بائی لاز اور متعلقہ معاہدوں میں ملکیت اور انتظامی اختیار کس طرح متعین کیا گیا ہے؟ عوام کو اس بارے میں واضح اور دستاویزی جواب کیوں نہیں دیا جاتا؟

ریونیو اور عوامی مفاد

تیسری اور انتہائی اہم بات یہ ہے کہ جب بھی نہر میں کوئی بڑا مسئلہ پیدا ہوتا ہے یا مرمت کا کام درکار ہوتا ہے تو عوام کو بلایا جاتا ہے۔ عوام مرمت اور بحالی کے کاموں میں حصہ لیتے ہیں اور اپنی استطاعت کے مطابق تعاون کرتے ہیں۔
لیکن جب ریونیو کی بات کی جاتی ہے تو عوام کو یہ کہا جاتا ہے کہ عوام کے پیسے ایس آر ایس پی کے اکاؤنٹ میں موجود ہیں۔
سوال یہ ہے کہ اس ادارے سے حاصل ہونے والا ریونیو کہاں رکھا جانا چاہیے؟ کیا اسے کسی ادارے کے اکاؤنٹ میں رکھا جانا چاہیے یا آیون وی سی ون کے عوام کے بہترین مفاد میں شفاف طریقے سے ترقیاتی منصوبوں پر خرچ کیا جانا چاہیے؟
آج آیون وی سی ون میں کئی ایسے چھوٹے چھوٹے ترقیاتی منصوبے موجود ہیں جو کئی سالوں سے تاخیر کا شکار ہیں۔ اگر اس ادارے کا مقصد علاقے کی ترقی اور عوامی فلاح تھا تو پھر ان منصوبوں کے لیے ریونیو استعمال کیوں نہیں کیا جا رہا؟
آج آیون وی سی ون میں کئی ایسے چھوٹے چھوٹے ترقیاتی منصوبے موجود ہیں جو کئی سالوں سے تاخیر کا شکار ہیں۔ اگر اس ادارے کا مقصد علاقے کی ترقی اور عوامی فلاح تھا تو پھر ان منصوبوں کے لیے ریونیو استعمال کیوں نہیں کیا جا رہا؟
کیا یورپی یونین نے یہ منصوبہ اس لیے قائم کیا تھا کہ اس سے حاصل ہونے والی آمدنی کسی ادارے کے اکاؤنٹ میں جمع ہوتی رہے؟
یا اس کا مقصد آیون کے عوام کے لیے ایک ایسا انٹرپرائز قائم کرنا تھا جس کے ریونیو سے عوامی فلاح اور ترقیاتی منصوبے مکمل کیے جائیں؟
کیا یورپی یونین نے آیون ہائیڈرو پاور کسی ایک فرد یا ادارے کے لیے بنایا تھا یا اہلیانِ آیون کے لیے؟
اہلیانِ آیون وی سی ون کے اہم سوالات
آیون ہائیڈرو پاور کا اصل مالک کون ہے؟
آیون ہائیڈرو پاور نے آج تک مجموعی طور پر کتنے روپے کا ریونیو پیدا کیا ہے؟
یورپی یونین نے یہ فنڈنگ ایس آر ایس پی یا کسی فرد کے لیے فراہم کی تھی، یا اہلیانِ آیون کے لیے ایک ایسا انٹرپرائز قائم کرنے کے لیے جس کی آمدنی عوامی ترقیاتی منصوبوں پر خرچ کی جائے؟
نئے بننے والے ہائیڈرو پاور منصوبے کی ملکیت کس کی ہوگی؟
عوام کے لیے بجلی کے یونٹس کا ریٹ کون اور کس قانونی اختیار کے تحت حتمی کرے گا؟
نئے منصوبے میں ایس آر ایس پی کی قانونی اور انتظامی حیثیت کیا ہوگی؟
عوامی کمیٹی عوام کی امنگوں اور نمائندگی کے مطابق تشکیل دی جائے گی یا اسے بھی چند مخصوص افراد کے حوالے کیا جائے گا؟
آیون نالے میں جب بھی تباہ کن سیلاب آتا ہے تو عوام کو بھاری نقصان اٹھانا پڑتا ہے۔ اگر اسی نالے کے پانی کو استعمال کرتے ہوئے ہائیڈرو پاور سے ریونیو حاصل کیا جا رہا ہے تو کیا اس ریونیو کا ایک حصہ آیون نالے اور دریائے چترال کے کناروں پر حفاظتی پشتے اور دیگر حفاظتی منصوبے بنانے پر خرچ نہیں ہونا چاہیے؟
عوام کو جواب چاہیے

یہ تمام سوالات کسی فرد یا ادارے کے خلاف ذاتی مخالفت کی بنیاد پر نہیں بلکہ عوامی حق، شفافیت، جواب دہی اور اجتماعی مفاد کے لیے اٹھائے جا رہے ہیں۔
نوجوانانِ آیون ان تمام سوالات کو متعلقہ اسٹیک ہولڈرز کے سامنے رکھتے ہوئے واضح، تسلی بخش اور دستاویزی جواب کے منتظر ہیں۔
عوام کو یہ جاننے کا حق ہے کہ ان کے نام پر قائم کیے گئے منصوبوں کی ملکیت کس کی ہے، ان کا ریونیو کہاں جا رہا ہے، فیصلے کون کر رہا ہے اور ان منصوبوں سے حاصل ہونے والے وسائل آیون کے عوام کی ترقی اور فلاح کے لیے کس طرح استعمال کیے جا رہے ہیں۔
اگر متعلقہ ادارے ان بنیادی سوالات کے واضح جوابات دینے میں ناکام رہتے ہیں تو قانونی اور آئینی ذرائع سے رجوع کرنا عوام کا بنیادی حق ہے.

انتقال پرملالمعروف سماجی شخصیت رحمت عزیز خان ولد حبیب شاہ جمالدار طویل علالت کے بعد انتقال فرما گئے ہیں۔مرحوم کی نمازِ ج...
08/09/2026

انتقال پرملال
معروف سماجی شخصیت رحمت عزیز خان ولد حبیب شاہ جمالدار طویل علالت کے بعد انتقال فرما گئے ہیں۔
مرحوم کی نمازِ جنازہ آج نمازِ عصر کے بعد آبائی قبرستان، آیون مؤلدہ میں ادا کی جائے گی۔
تمام عزیز و اقارب، دوست احباب اور اہلِ علاقہ سے نمازِ جنازہ میں شرکت اور مرحوم کے لیے دعائے مغفرت کی درخواست ہے۔
سوگواران:
استاد بہادر علی
صوبیدار رحمت اکرم
حاجی فیض العزیز فیض
آفیسر ولی
سینئر کلرک سول جج عبدالحلیم
سابق زونل منیجر، حبیب بینک، حبیب الرحمن

⚽️ صوفی فٹسال ارینا گراونڈ ایون کا شاندار افتتاح، نوجوانوں کا دوستانہ میچ، ایس ایچ او ایون کفایت اللہ صاحب کی خصوصی شرکت...
05/09/2026

⚽️ صوفی فٹسال ارینا گراونڈ ایون کا شاندار افتتاح، نوجوانوں کا دوستانہ میچ، ایس ایچ او ایون کفایت اللہ صاحب کی خصوصی شرکت۔🎊🎉🎉

ایون، ضلع چترال: ایون میں نوجوانوں کے لیے صحت مند اور مثبت سرگرمیوں کے فروغ کی جانب ایک خوبصورت قدم، صوفی فٹسال ارینا ایون کا شاندار افتتاح کر دیا گیا۔ افتتاحی تقریب میں پولیس حکام، کھیلوں سے وابستہ شخصیات، نوجوان کھلاڑیوں اور کھیلوں کے شائقین نے بھرپور شرکت کی۔

تقریب کے مہمانِ خصوصی ایس ایچ او تھانہ ایون کفایت اللہ صاحب تھے۔ اس موقع پر ایڈیشنل ایس ایچ او امین علی شاہ صاحب، محرر سیف الدین صاحب، محرر مقصود انور صاحب، آئی ایچ سی فضل قادر صاحب، پی ایس آئی نثار اظہار صاحب، سیکرٹری ایون آصف محمد آصف صاحب اور دیگر معززین بھی موجود تھے۔

تقریب میں گیسٹ پلیئر شہاب، فیصل آباد اور پریمیئر CFL-6 چترال کے نمائندے نے بھی خصوصی شرکت کی۔

افتتاحی تقریب کے موقع پر نوجوان کھلاڑیوں کے درمیان ایک شاندار دوستانہ فٹسال میچ کھیلا گیا، جس میں کھلاڑیوں نے بھرپور جوش و جذبے، بہترین کھیل اور سپورٹس مین اسپرٹ کا مظاہرہ کیا۔ دوستانہ میچ سے گراؤنڈ میں موجود شائقین اور مہمانوں نے بھی خوب لطف اٹھایا۔

اس موقع پر ایس ایچ او تھانہ ایون کفایت اللہ صاحب کی نوجوانوں کے ساتھ دوستانہ اور مثبت رویے کو خصوصی طور پر سراہا گیا۔ کفایت الرحمن صاحب نہ صرف ایون میں منشیات کے خلاف کارروائیوں اور نوجوان نسل کو منشیات کی لعنت سے محفوظ رکھنے کے حوالے سے متحرک نظر آتے ہیں بلکہ نوجوانوں کو مثبت اور صحت مند سرگرمیوں کی طرف راغب کرنے میں بھی خصوصی دلچسپی رکھتے ہیں۔

ایون کے عوامی و سماجی حلقوں کے مطابق کفایت اللہ صاحب کا نوجوانوں کے ساتھ دوستانہ رویہ، عوام سے خوش اخلاقی اور ذمہ دارانہ طرزِ عمل ان کی ایک مثبت پہچان بن چکا ہے۔ کھیلوں کی ایسی سرگرمیوں میں شرکت اور نوجوانوں کی حوصلہ افزائی اس بات کی عکاسی کرتی ہے کہ معاشرے میں امن، صحت مند سرگرمیوں اور مثبت سوچ کے فروغ کے لیے پولیس اور نوجوانوں کے درمیان مضبوط رابطہ کس قدر اہم ہے۔

شرکاء نے صوفی فٹسال اریناگراونڈ کے قیام کو ایون کے نوجوانوں کے لیے ایک خوش آئند اور مثبت پیش رفت قرار دیتے ہوئے امید ظاہر کی کہ یہ گراؤنڈ نوجوان نسل کو صحت مند سرگرمیوں کی جانب راغب کرنے اور فٹسال و فٹبال کے فروغ میں اہم کردار ادا کرے گا۔

تقریب کے اختتام پر منتظمین نے تمام مہمانوں، کھلاڑیوں اور شرکاء کا شکریہ ادا کیا اور ایون میں کھیلوں کی سرگرمیوں کو مزید فروغ دینے کے عزم کا اظہار کیا۔
(سلمان فارسی )






ایون ایف سی کے تمام سپورٹرز اور فینز کو اطلاع دی جاتی ہے کہ آج ہونے والا ہمارا گروپ کا آخری میچ منسوخ کر دیا گیا ہے، کیو...
05/09/2026

ایون ایف سی کے تمام سپورٹرز اور فینز کو اطلاع دی جاتی ہے کہ آج ہونے والا ہمارا گروپ کا آخری میچ منسوخ کر دیا گیا ہے، کیونکہ مخالف ٹیم آج ہمارے خلاف میچ کھیلنے نہیں آ رہی۔

آپ کی محبت، دعاؤں اور بھرپور سپورٹ کا ہمیشہ کی طرح دل سے شکریہ۔ ❤️⚽
منجانب ایون ایف سی

04/09/2026

انتقال پر ملال
بیوہ محمد ظاہر شاہ تھوڑیاندہ آیون بقضائے الٰہی انتقال کر گئی ، ان کی نماز جنازہ بروز ہفتہ 5ستمبر 2026 دن 11 بجے قدیمی قبرستان آیون میں ادا کی جائے گی ۔
سوگواران
محراب الدین فرنیچر ہاؤس ( بیٹا)
رحمت الہی سابق ناظم ( بھانجا)
رحیم اللہ ( بھائی)
عنایت اللہ ( بھائی)
نظیرالدن جغور ( داماد )
فرداد خورکشاندہ ( داماد )
نثار احمد آیون ( داماد)

Address

Ayun
Chitral
17200

Website

Alerts

Be the first to know and let us send you an email when Ayun Valley, Chitral posts news and promotions. Your email address will not be used for any other purpose, and you can unsubscribe at any time.

Shortcuts

Share

Category