Social Welfare Department, Lower Chitral

12/10/2026

06/10/2026

اہم اطلاع برائے عوامِ لوئر چترال

محکمہ سماجی بہبود، لوئر چترال کی جانب سے افرادِ باہم معذوری (PWDs)، بیواؤں اور یتیم بچوں کا سماجی و معاشی سروے جاری ہے۔

اس سروے کا مقصد ان مستحق افراد اور خاندانوں کی سماجی و معاشی صورتحال سے متعلق درست معلومات اکٹھی کرنا ہے تاکہ مستقبل میں فلاحی منصوبہ بندی، حکومتی معاونت اور سماجی بہبود کی سہولیات کی فراہمی کو مزید مؤثر بنایا جا سکے۔

تمام افرادِ باہم معذوری، بیواؤں اور یتیم بچوں کے والدین/سرپرستوں سے گزارش ہے کہ سروے فارم مکمل کرکے جلد از جلد ضلع دفتر محکمہ سماجی بہبود، لوئر چترال میں جمع کروائیں۔

براہِ کرم فارم جمع کروانے میں تاخیر نہ کریں۔

ضلع دفتر محکمہ سماجی بہبود، لوئر چترال
زرگراندہ، چترال
آپ کا تعاون، مستحق افراد تک فلاحی سہولیات کی مؤثر رسائی میں اہم کردار ادا کرے گا۔

06/10/2026

اہم اعلان برائے ضلع لوئر چترال

ضلع لوئر چترال میں منشیات کے عادی افراد، یا ان کے اہلِ خانہ/اقارب سے گزارش ہے کہ مندرجہ ذیل فارم پُر کرکے ضلعی دفتر محکمہ سماجی بہبود، لوئر چترال میں جمع کرائیں، تاکہ انہیں آنے والے منشیات بحالی و علاج کے پروگرام میں شامل کیا جا سکے۔

اگر آپ کے علم میں کوئی ایسا فرد ہے جو منشیات کے استعمال کا شکار ہے، تو اس کی مدد کے لیے فارم ضرور جمع کروائیں۔

آپ کی بروقت اطلاع کسی کی زندگی بچانے اور اسے دوبارہ معمول کی زندگی کی طرف لانے میں مددگار ثابت ہو سکتی ہے۔
Deputy Commissioner Lower Chitral

18/09/2026

📢 ڈیٹا کلیکشن مہم 2026
محکمہ زکوٰۃ، عشر، سوشل ویلفیئر، سپیشل ایجوکیشن و ویمن ایمپاورمنٹ حکومتِ خیبر پختونخوا کے ہدایات کی روشنی میں درج ذیل افراد کے کوائف جمع کرنے کے لیے ڈیٹا کلیکشن مہم 2026 جاری ہے۔

🔹 یتیم بچے
🔹 بیوائیں
🔹 افراد باہم معذوری

متعلقہ افراد درجہ ذیل لنک سے فارم ڈاؤنلوڈ کریں، پرُ کریں اور ویلج کونسل سیکرٹریوں یا پھر لوکل ذکواۃ چیرمین یا ممبرز کے پاس جمع کریں۔
https://drive.google.com/file/d/1jpgjFF4GM9r40JBCSNJxAP27Ki3MjD5i/view?usp=drivesdk

Deputy Commissioner Lower Chitral

28/08/2026

26/08/2026

مشیر برائے زکوٰۃ و عشر، سماجی بہبود، خصوصی تعلیم و ویمن ایمپاورمنٹ ملک لیاقت علی خان کا لوئر چترال کا تفصیلی دورہ۔ دورے کا مقصد ضلع میں سماجی بہبود، خصوصی تعلیم، خواتین کے تحفظ، بحالی، چائلڈ پروٹیکشن سمیت مختلف شعبوں میں فراہم کی جانے والی خدمات کا زمینی سطح پر جائزہ لینا اور درپیش مسائل کے حل کے لیے اقدامات کا تعین کرنا تھا۔

25/08/2026

📢 ڈیٹا کلیکشن مہم 2026
محکمہ زکوٰۃ، عشر، سوشل ویلفیئر، سپیشل ایجوکیشن و ویمن ایمپاورمنٹ حکومتِ خیبر پختونخوا کے ہدایات کی روشنی میں یتیم بچوں، بیواؤں اورخصوصی افراد کے کوائف جمع کرنے کے لیے ڈیٹا کلیکشن مہم 2026 جاری ہے۔

اس مہم کا مقصد معاشرے کے مستحق اور کمزور طبقات کی نشاندہی، ان کے درست کوائف کا اندراج اور مستقبل میں ان کے لیے ممکنہ حکومتی معاونت، فلاحی اقدامات اور دیگر ضروری سہولیات کی منصوبہ بندی کے لیے مستند ڈیٹا مرتب کرنا ہے۔

تمام متعلقہ افراد سے گزارش ہے کہ ڈیٹا کلیکشن کے دوران متعلقہ وی سی زکوة کمیٹیوں یا متعلقہ وی سی سیکرٹری کے ساتھ بھرپور تعاون کریں اور اپنے درست و مکمل کوائف مندرجہ ذیل فارم کے مطابق فراھم کریں۔ یہ فارم محکمہ سماجی بہبود ضلع لوئر چترال کے آفس میں بھی وصول کیے جاتے ھیں۔

صرف درج ذیل افراد اپنے کوائف جمع کروانے کے اہل ہیں:

🔹 یتیم بچے
🔹 بیوائیں
🔹 افراد باہم معذوری

📌 اہم ہدایات

1️⃣ ڈیٹا کلیشن کے لیے اپنے لوکل زکوٰۃ چیرمین اور وی سی سیکرٹری کے ساتھ تعاون کریں۔
2️⃣ اپنے درست اور مکمل کوائف فراہم کریں۔
3️⃣ دستیاب شناختی و ضروری دستاویزات ساتھ رکھیں۔
4️⃣ غلط یا نامکمل معلومات فراہم کرنے سے گریز کریں۔
5️⃣ اپنے علاقے کے دیگر متعلقہ افراد کو بھی اس مہم سے آگاہ کریں۔

آپ کا تعاون متعلقہ افراد کی بروقت نشاندہی اور مستقبل میں ان کے لیے مؤثر فلاحی اقدامات کی منصوبہ بندی میں اہم کردار ادا کرے گا۔
یہ فارم اس لنک سے بھی ڈاؤنلوڈ کیا جا سکتا ہے ۔
https://drive.google.com/file/d/1jpgjFF4GM9r40JBCSNJxAP27Ki3MjD5i/view?usp=drivesdk