Civil Defence Faisalabad

01/10/2026

01/10/2026

*مورخہ 01 اکتوبر 2026ء کو بوقت 11:00 بجے صبح* ڈسٹرکٹ جیل فیصل آباد میں محکمہ سول ڈیفنس، پنجاب پولیس، ریسکیو 1122 اور دیگر قانون نافذ کرنے والے اداروں کے باہمی تعاون سے مشترکہ اینٹی ٹیررائز موک ایکسرسائز کا انعقاد کیا گیا۔
فرضی مشق کا مقصد ممکنہ دہشت گردی اور دیگر ہنگامی صورتحال سے نمٹنے کے لیے متعلقہ اداروں کے درمیان باہمی رابطہ، کوآرڈینیشن اور فوری رسپانس کی صلاحیتوں کو عملی طور پر جانچنا تھا۔
اس مشق میں سول ڈیفنس بم ڈسپوزل اسکواڈ فیصل آباد نے بھی بھرپور شرکت کی۔ مشق کے دوران ممکنہ دہشت گردی، مشکوک افراد کی موجودگی، ٹیکنیکل سویپنگ اور دیگر ہنگامی حالات کے پیش نظر متعلقہ اداروں کی جانب سے مختلف عملی اقدامات کیے گئے اور ہنگامی صورتحال میں مؤثر رسپانس کا عملی مظاہرہ کیا گیا۔

25/09/2026

🔥 چلڈرن ہسپتال جھنگ روڈ فیصل آباد میں فائر سیفٹی تربیتی پروگرام کا انعقاد

مورخہ 25 ستمبر 2026ء کو پنجاب سول ڈیفنس ریزیلیئنس کور فیصل آباد کے زیرِ اہتمام چلڈرن ہسپتال جھنگ روڈ فیصل آباد میں بیسک فائر فائٹنگ، فرسٹ ایڈ ٹریننگ اور فائر ڈرل کے حوالے سے ایک تربیتی پروگرام کا انعقاد کیا گیا۔

تربیتی سیشن کے دوران پنجاب سول ڈیفنس ریزیلیئنس کور کے انسٹرکٹرز محمد الطاف اور قدیر احمد نے شرکاء کو ابتدائی طبی امداد، ہنگامی حالات میں ذاتی تحفظ، محفوظ و بروقت انخلاء، فائر ایکسٹنگوشرز کے مؤثر استعمال اور آگ بجھانے کے عملی طریقۂ کار کے حوالے سے جامع تربیت فراہم کی۔

🚒 شرکاء کو آگ لگنے کی صورت میں فوری حفاظتی اقدامات، آگ کے پھیلاؤ کو روکنے، فائر فائٹنگ آلات کے محفوظ استعمال اور مؤثر ایمرجنسی رسپانس کے طریقوں سے بھی آگاہ کیا گیا۔

🧯 تربیتی پروگرام کے دوران شرکاء سے عملی فائر فائٹنگ ایکسرسائز اور فائر ڈرل بھی کروائی گئی تاکہ ہنگامی صورتحال میں بروقت اور مؤثر ردِعمل کی صلاحیت کو مزید بہتر بنایا جا سکے۔

🤝 مزید برآں، شرکاء کو PCDRC میں بطور رضاکار رجسٹریشن، تربیتی مواقع اور رضاکارانہ خدمات کے حوالے سے بھی آگاہی فراہم کی گئی اور VCD.HOME.GOP.PK پورٹل کے ذریعے آن لائن رجسٹریشن کی دعوت دی گئی۔

پنجاب سول ڈیفنس ریزیلیئنس کور — محفوظ معاشرہ، مضبوط تیاری

25/09/2026

🚨 مشترکہ اینٹی ٹیررائز موک ایکسرسائز فیصل آباد

*مورخہ 25 ستمبر 2026ء* کو پاکستان نیوی ریکروٹمنٹ اینڈ سلیکشن سنٹر فیصل آباد میں محکمہ سول ڈیفنس، پنجاب پولیس، ریسکیو 1122 اور دیگر قانون نافذ کرنے والے اداروں کے باہمی تعاون سے مشترکہ اینٹی ٹیررائز موک ایکسرسائز کا انعقاد کیا گیا۔

💣 سول ڈیفنس بم ڈسپوزل اسکواڈ فیصل آباد نے بھی فرضی مشق میں بھرپور شرکت کی۔ مشق کے دوران ممکنہ دہشت گردی، مشکوک افراد کی موجودگی، ٹیکنیکل سویپنگ اور دیگر ہنگامی صورتحال سے نمٹنے کے لیے مختلف عملی اقدامات اور رسپانس صلاحیتوں کا مظاہرہ کیا گیا۔

🎯 مقصد:
متعلقہ اداروں کے درمیان بروقت اور مربوط رسپانس، باہمی رابطہ و تعاون کو بہتر بنانا اور کسی بھی ہنگامی صورتحال سے مؤثر انداز میں نمٹنے کے لیے پیشگی تیاری اور استعدادِ کار کو جانچنا۔

21/09/2026

*مورخہ 21 ستمبر 2026ء* کو پنجاب سول ڈیفنس ریزیلیئنس کور فیصل آباد کے زیرِ اہتمام ووکیشنل ٹریننگ انسٹیٹیوٹ دھوبی گھاٹ فیصل آباد میں بیسک فائر فائٹنگ، فرسٹ ایڈ ٹریننگ اور فائر ڈرل کے حوالے سے ایک تربیتی پروگرام کا انعقاد کیا گیا۔
تربیتی سیشن کے دوران پنجاب سول ڈیفنس ریزیلیئنس کور کے انسٹرکٹر قدیر احمد نے شرکاء کو ابتدائی طبی امداد (First Aid)، ہنگامی حالات کے دوران ذاتی تحفظ، محفوظ اور بروقت انخلاء، فائر ایکسٹنگوشرز کے مؤثر استعمال، آگ بجھانے کے عملی طریقۂ کار اور CPR کے حوالے سے جامع تربیت فراہم کی۔
تربیتی پروگرام کے دوران شرکاء کو آگ لگنے کی صورت میں فوری حفاظتی اقدامات، آگ کے پھیلاؤ کو روکنے، فائر فائٹنگ آلات کے درست اور محفوظ استعمال، ایمرجنسی رسپانس اور ہنگامی صورتحال میں مربوط و مؤثر انداز میں کارروائی کرنے کے طریقوں سے بھی آگاہ کیا گیا۔
اس موقع پر شرکاء سے عملی فائر فائٹنگ ایکسرسائز اور فائر ڈرل بھی کروائی گئی تاکہ کسی بھی ہنگامی صورتحال میں بروقت، محفوظ اور مؤثر ردِعمل کی صلاحیت کو مزید بہتر بنایا جا سکے۔
مزید برآں، شرکاء کو پنجاب سول ڈیفنس ریزیلیئنس کور (PCDRC) میں بطور رضاکار رجسٹریشن، دستیاب تربیتی مواقع، رضاکارانہ خدمات اور کور کے اغراض و مقاصد کے بارے میں بھی تفصیلی آگاہی فراہم کی گئی۔
اس موقع پر سٹوڈنٹس اور اسٹاف ممبران کو VCD.HOME.GOP.PK پورٹل کے ذریعے آن لائن بطور رضاکار رجسٹریشن کی دعوت بھی دی گئی، جس پر تمام اسٹاف ممبران نے پنجاب سول ڈیفنس ریزیلیئنس کور میں بطور رضاکار رجسٹریشن کروا لی۔ #

20/09/2026

*مورخہ 20 ستمبر 2026* کو میڈیکل انٹری ٹیسٹ کے سلسلے میں پنجاب سول ڈیفنس ریزیلئنس کور فیصل آباد کے سٹاف اور رضاکاران نے ڈویژنل پبلک سکول و کالج اور گورنمنٹ کالج یونیورسٹی فیصل آباد میں قائم امتحانی مراکز پر سکیورٹی ڈیوٹی کے فرائض سرانجام دیئے۔
مزید برآں، معذور طلباء و طالبات کو وہیل چیئرز کے ذریعے امتحانی مراکز تک پہنچانے میں معاونت فراہم کی گئی، تاکہ انہیں امتحان میں شرکت کے لیے سہولت میسر ہو۔ #

20/09/2026

*مورخہ 20 ستمبر 2026* کو میڈیکل انٹری ٹیسٹ کے سلسلے میں پنجاب سول ڈیفنس ریزیلئنس کور فیصل آباد کے سٹاف اور رضاکاران نے ڈویژنل پبلک سکول و کالج اور گورنمنٹ کالج یونیورسٹی فیصل آباد میں قائم امتحانی مراکز پر سکیورٹی ڈیوٹی کے فرائض سرانجام دیئے۔

امتحانی مراکز میں نصب واک تھرو گیٹس سے گزارنے کے بعد طلباء و طالبات کی میٹل ڈیٹیکٹرز کے ذریعے چیکنگ کی گئی، تاکہ سکیورٹی کے مؤثر انتظامات کو یقینی بنایا جا سکے۔

مزید برآں، معذور طلباء و طالبات کو وہیل چیئرز کے ذریعے امتحانی مراکز تک پہنچانے میں معاونت فراہم کی گئی، تاکہ انہیں امتحان میں شرکت کے لیے سہولت میسر ہو۔

بم ڈسپوزل سٹاف نے دونوں امتحانی مراکز کی ٹیکنیکل سویپنگ کی۔ بم ڈسپوزل ٹیم امتحان کے اختتام تک امتحانی مراکز میں موجود رہی، جبکہ بم ڈسپوزل گاڑی بھی موقع پر موجود رہی، تاکہ حفاظتی انتظامات کو مؤثر بنایا جا سکے۔

پنجاب سول ڈیفنس ریزیلئنس کور فیصل آباد کے سٹاف اور رضاکاران نے ذمہ داری، مستعدی اور پیشہ ورانہ انداز میں اپنے فرائض سرانجام دیئے اور امتحانی مراکز میں سکیورٹی انتظامات کو یقینی بنانے میں اپنا کردار ادا کیا۔

16/09/2026

*مورخہ 16 ستمبر 2026ء کو پنجاب سول ڈیفنس ریزیلیئنس کور آفس فیصل آباد میں پیڈ والنٹیئرز (Paid Volunteers) کے لیے فائر فائٹنگ ٹریننگ پروگرام کا اہتمام کیا گیا۔*
تربیتی پروگرام کے دوران پیڈ والنٹیئرز کو آگ لگنے کی صورت میں فوری اور محفوظ اقدامات، آگ بجھانے کے بنیادی طریقۂ کار اور مختلف اقسام کے فائر ایکسٹنگوشرز کے مؤثر استعمال کے حوالے سے تفصیلی آگاہی فراہم کی گئی۔
اس موقع پر پیڈ والنٹیئرز کو عملی تربیت بھی دی گئی، جس کے دوران فائر ایکسٹنگوشر کے ذریعے آگ پر قابو پانے کے عملی طریقۂ کار کا مظاہرہ کیا گیا۔ شرکاء کو ہنگامی صورتحال میں احتیاطی تدابیر اختیار کرنے، اپنی اور دیگر افراد کی حفاظت کو یقینی بنانے اور بروقت کارروائی کے حوالے سے بھی تربیت فراہم کی گئی۔
تربیتی پروگرام کا مقصد پیڈ والنٹیئرز کی فنی و عملی صلاحیتوں میں اضافہ کرتے ہوئے انہیں کسی بھی ہنگامی صورتحال، بالخصوص آتشزدگی کے واقعات سے مؤثر انداز میں نمٹنے کے لیے تیار کرنا تھا۔ #

14/09/2026

*مورخہ 14 ستمبر 2026ء کو غیر قانونی ایل پی جی ریفلنگ کا کاروبار کرنے والے مالکان کے خلاف سخت کریک ڈاؤن*
*ڈپٹی کمشنر فیصل آباد* کی ہدایات پر محکمہ سول ڈیفنس فیصل آباد کی انفورسمنٹ ٹیم نے سول ڈیفنس آفیسر فیصل آباد جاوید اختر کھچی کی زیرِ نگرانی مورخہ 14 ستمبر 2026ء کو ضلع فیصل آباد کے مختلف علاقوں میں غیر قانونی ایل پی جی ریفلنگ کے خلاف بھرپور کارروائی کی۔
کارروائی کے دوران *14* غیر قانونی ایل پی جی ریفلنگ شاپس کو سربمہر کر دیا گیا، جبکہ *13* ایل پی جی ریفلنگ شاپس کے مالکان کا ایل پی جی ریفلنگ کا سامان بھی ضبط کر لیا گیا۔
سول ڈیفنس انفورسمنٹ ٹیم نے نزد جی ٹی ایس راجباہ روڈ، نزد لاری اڈا سرگودھا روڈ، نزد لاری اڈا اسلامیہ کالج، جامعہ چشتیہ چوک اور نزد فیصل موورز سرگودھا روڈ سمیت مختلف علاقوں میں کارروائیاں کیں۔
مذکورہ مالکان رہائشی علاقوں میں غیر قانونی طور پر ایل پی جی ریفلنگ کا کاروبار کر رہے تھے، جو نہ صرف شہریوں کی جان و مال کے لیے سنگین خطرہ ہے بلکہ کسی بھی وقت کسی بڑے حادثے کا سبب بن سکتا تھا۔
محکمہ سول ڈیفنس فیصل آباد نے واضح کیا ہے کہ غیر قانونی ایل پی جی ریفلنگ اور انسانی جانوں کو خطرے میں ڈالنے والے کاروبار کے خلاف بلاامتیاز کارروائیاں جاری رہیں گی۔ شہریوں کی جان و مال کے تحفظ اور کسی بھی ممکنہ حادثے کی روک تھام کے لیے غیر قانونی ایل پی جی ریفلنگ کے خلاف زیرو ٹالرنس پالیسی کے تحت کارروائی عمل میں لائی جائے گی۔

14/09/2026

*پنجاب سول ڈیفنس ریزیلیئنس کور فیصل آباد کے زیرِ اہتمام پارکو ٹرمینل اسٹیشن جھمرہ روڈ فیصل آباد میں بیسک فائر فائٹنگ، فرسٹ ایڈ ٹریننگ اور فائر ڈرل کا انعقاد*
*مورخہ 14 ستمبر 2026ء* کو پنجاب سول ڈیفنس ریزیلیئنس کور فیصل آباد کے زیرِ اہتمام پارکو ٹرمینل اسٹیشن، جھمرہ روڈ فیصل آباد میں بیسک فائر فائٹنگ، فرسٹ ایڈ ٹریننگ اور فائر ڈرل کے حوالے سے ایک تربیتی پروگرام کا انعقاد کیا گیا۔
تربیتی سیشن کے دوران پنجاب سول ڈیفنس ریزیلیئنس کور کے انسٹرکٹر قدیر احمد نے شرکاء کو ابتدائی طبی امداد (First Aid)، ہنگامی حالات کے دوران ذاتی تحفظ، محفوظ اور بروقت انخلاء، فائر ایکسٹنگوشرز کے مؤثر استعمال، فائر ہائیڈرنٹ کے آگ بجھانے کے عملی طریقۂ کار اور CPR کے حوالے سے جامع تربیت فراہم کی۔تربیتی پروگرام کے دوران شرکاء کو آگ لگنے کی صورت میں فوری حفاظتی اقدامات، آگ کے پھیلاؤ کو روکنے، فائر فائٹنگ آلات کے درست اور محفوظ استعمال، ایمرجنسی رسپانس اور ہنگامی صورتحال میں مربوط و مؤثر انداز میں کارروائی کرنے کے طریقوں سے بھی آگاہ کیا گیا۔
اس موقع پر شرکاء سے عملی فائر فائٹنگ ایکسرسائز اور فائر ڈرل بھی کروائی گئی تاکہ کسی بھی ہنگامی صورتحال میں بروقت، محفوظ اور مؤثر ردِعمل کی صلاحیت کو مزید بہتر بنایا جا سکے۔
مزید برآں، شرکاء کو پنجاب سول ڈیفنس ریزیلیئنس کور (PCDRC) میں بطور رضاکار رجسٹریشن، دستیاب تربیتی مواقع، رضاکارانہ خدمات اور کور کے اغراض و مقاصد کے بارے میں بھی تفصیلی آگاہی فراہم کی گئی۔
اس موقع پر سیکیورٹی کمپنی کے اسٹاف ممبران کو VCD.HOME.GOP.PK پورٹل کے ذریعے آن لائن بطور رضاکار رجسٹریشن کی دعوت بھی دی گئی، جس پر تمام اسٹاف ممبران نے پنجاب سول ڈیفنس ریزیلیئنس کور میں بطور رضاکار رجسٹریشن کروا لی۔ #