16/06/2026
شندور فیسٹیول 2026 کے اختتام پر گاہکوچ ویسٹ منیجمنٹ یونٹ نے شندور کے مقام پر ایک جامع اور مربوط صفائی مہم کامیابی سے مکمل کی۔ فیسٹیول کے دوران ہزاروں سیاحوں کی آمد و رفت اور مختلف سرگرمیوں کے نتیجے میں بڑی مقدار میں ویسٹ (فضلہ، پلاسٹک، کچرا وغیرہ) پیدا ہوا۔
ویسٹ منیجمنٹ گاہکوچ یونٹ نے فیسٹیول کے فوری بعد ایک منظم حکمت عملی کے تحت صفائی کا آغاز کیا۔ ٹیم نے تمام خیمہ گاہوں، کھانے پینے کے مقامات، اور اردگرد کے علاقوں سے کوڑا کرکٹ جمع کیا اور مخصوص مقامات پر منتقلی یقینی بنائی۔
اس مہم میں درجنوں ورکرز نے حصہ لیا اور ایک سے زائد دن تک مسلسل کام کیا تاکہ علاقے کو دوبارہ صاف ستھرا اور ماحول دوست حالت میں بحال کیا جا سکے۔ صفائی کے دوران مقامی رضاکاروں اور دیگر محکموں کا تعاون بھی قابل تحسین رہا۔
گاہکوچ ویسٹ منیجمنٹ یونٹ کے انچارج نے کہا کہ:
"ہماری ٹیم نے فیسٹیول کے بعد بھی بھرپور جذبے سے کام کیا تاکہ شندور کا خوبصورت ماحول برقرار رکھا جا سکے۔ ہم سیاحوں سے بھی گزارش کرتے ہیں کہ آئندہ فیسٹیولز میں صفائی کا خاص خیال رکھیں۔"
یہ مہم نہ صرف صفائی کے نقطہ نظر سے بلکہ ماحولیاتی تحفظ کے اعتبار سے بھی ایک اہم قدم تھی۔
Information Department Gilgit-Baltistan Office of the Chief Secretary, Gilgit Baltistan Commissioner Gilgit Division Home & Prisons Department Gilgit-Baltistan GB Local Council Board Government of Pakistan Deputy Commissioner Ghizer Assistant commissioner Punial Ishkoman Gilgit Baltistan Waste Management Company Local Government and Rural Development Department, Gilgit-Baltistan Assistant Commissioner SDM Punial Ishkoman Zohaib Ayub Waste Management Gahkuch Ghizer
