Chief Minister Gilgit-Baltistan

Website Contact the organization

Chief Minister Gilgit-Baltistan Page is handled by Social Media Team of Chief Minister's Secretariat
(1)

​Amjad Advocate, the Provincial President of the Pakistan Peoples Party (PPP), was elected as the unanimous Chief Minister of Gilgit-Baltistan by all political parties.

وزیر اعلی گلگت بلتستان امجد حسین اور سابق وزیر اعظم راجہ پرویز اشرف ملاقات کر رہے ہیں۔ اس موقع پر سابق وزیراعظم راجہ پرو...
25/09/2026

وزیر اعلی گلگت بلتستان امجد حسین اور سابق وزیر اعظم راجہ پرویز اشرف ملاقات کر رہے ہیں۔ اس موقع پر سابق وزیراعظم راجہ پرویز اشرف نے وزیر اعلی کو بلا مقابلہ وزیر اعلی منتخب ہونے پر مبارکباد دی اور نیک خواہشات کا اظہار کیا۔

چائینہ میں بین الاقوامی انڈر 16 فٹبال چیمپئن شپ میں نمایاں کامیابی حاصل کرنے کے بعد گلگت پڑی بنگلہ سے تعلق رکھنے والے زی...
25/09/2026

چائینہ میں بین الاقوامی انڈر 16 فٹبال چیمپئن شپ میں نمایاں کامیابی حاصل کرنے کے بعد گلگت پڑی بنگلہ سے تعلق رکھنے والے زیدان شاہ نواز نے اسلام آباد میں وزیراعلیٰ گلگت بلتستان امجد حسین ایڈوکیٹ سے ملاقات کی۔ اس موقع پر وزیراعلیٰ گلگت بلتستان نے علاقے کا نام روشن کرنے اور ٹورنامنٹ کا بیسٹ ڈیفینڈر اعزاز حاصل کرنے پر مبارکباد پیش کی اور انہیں شیلڈ بھی پیش کی۔ وزیراعلیٰ گلگت بلتستان نے کہا کہ زیدان شاہ نواز نئی نسل کےلئے مشعل راہ ہے صحت مندانہ سرگرمیوں میں حصہ لینے سے نوجوان زہنی طور پر مستحکم ہوجاتے ہیں۔

25/09/2026

سوشل میڈیا پر معاونین اور کوآرڈینیٹرز کی تعیناتی کی خبریں بے بنیاد ہیں: ترجمان وزیراعلیٰ سیکرٹریٹ
​وزیراعلیٰ سیکرٹریٹ گلگت بلتستان نے سوشل میڈیا پر سپیشل کوآرڈینیٹرز اور معاونینِ خصوصی کی ممکنہ تعیناتیوں کی خبروں کی تردید کر دی ہے۔ ترجمان کا کہنا ہے کہ یہ تمام خبریں قبل از وقت اور غیر حقیقت پسندانہ ہیں۔ وزیراعلیٰ گلگت بلتستان امجد حسین وقت آنے پر اپنی کابینہ کے اعتماد و مشاورت سے حتمی فیصلہ کریں گے۔ عوام سوشل میڈیا کی غیر تصدیق شدہ افواہوں پر اعتبار کرنے سے گریز کریں۔

وزیر اعلیٰ گلگت بلتستان امجد حسین اور چیئرمین واپڈا (واٹر اینڈ پاور ڈویلپمنٹ اتھارٹی) لیفٹیننٹ جنرل (ر) محمد سعید کے ماب...
24/09/2026

وزیر اعلیٰ گلگت بلتستان امجد حسین اور چیئرمین واپڈا (واٹر اینڈ پاور ڈویلپمنٹ اتھارٹی) لیفٹیننٹ جنرل (ر) محمد سعید کے مابین اہم ملاقات ہوئی ۔ اس موقع پر گلگت بلتستان میں جاری توانائی منصوبوں (Power Projects) کی پیشرفت اور نئے ہائیڈرو پاور (پن بجلی) پروجیکٹس کی تعمیر کے امور پر تفصیلی گفتگو کی گئی۔
​ملاقات کے دوران خطے میں بجلی کے درپیش مسائل کے حل، زیر تعمیر منصوبوں پر کام کی رفتار تیز کرنے اور توانائی کے مزید وسائل پیدا کرنے کے لیے نئے پروجیکٹس کے لائحہ عمل کا جائزہ لیا گیا۔ وزیر اعلیٰ نے کہا کہ گلگت بلتستان میں بجلی کے بحران پر قابو پانا حکومت کی اولین ترجیحات میں شامل ہے، جس کے لیے واپڈا کے تعاون اور جاری منصوبوں کی بروقت تکمیل انتہائی اہم ہے۔ چیئرمین واپڈا نے ہر ممکن تعاون کی یقین دہانی کراتے ہوئے کہا کہ منصوبوں کی معیار اور رفتاری کو یقینی بنایا جائے گا۔
​اس اہم اجلاس میں چیف سیکرٹری گلگت بلتستان ارشد مجید، سیکرٹری قانون فدا حسین اور سیکرٹری ٹو سی ایم صفدر خان بھی شریک تھے۔

گلگت بلتستان کے مسائل پر وزیراعظم کی ذیلی کمیٹی کا اجلاس وفاقی وزیر برائے قانون و انصاف سینیٹر اعظم نذیر تارڑ کی زیر صدا...
24/09/2026

گلگت بلتستان کے مسائل پر وزیراعظم کی ذیلی کمیٹی کا اجلاس وفاقی وزیر برائے قانون و انصاف سینیٹر اعظم نذیر تارڑ کی زیر صدارت اسلام آباد میں منعقد ہوا۔

وزیراعلیٰ گلگت بلتستان امجد حسین اور قائد حزب اختلاف گلگت بلتستان اسمبلی حافظ حفیظ الرحمن نے اجلاس میں خصوصی شرکت کی۔

اجلاس میں گلگت بلتستان کے سیاسی، آئینی، قانونی اور معاشی مسائل کے حل کے لیے مختلف آپشنز کا جائزہ لیا گیا، جبکہ عوام کے مؤثر سیاسی و معاشی حقوق، قومی دھارے میں بھرپور شرکت اور خطے کی ترقی کے لیے قابلِ عمل اقدامات پر بھی تبادلہ خیال کیا گیا۔

وفاقی وزیر قانون سینیٹر اعظم نذیر تارڑ نے کہا کہ گلگت بلتستان کی قومی دھارے میں مؤثر شرکت حکومت کی ترجیح ہے اور مسائل کے حل کے لیے حکومت، گلگت بلتستان کی قیادت اور دیگر متعلقہ اسٹیک ہولڈرز سے مشاورت جاری ہے۔

اجلاس میں گلگت بلتستان کی معاشی و مالیاتی ضروریات، توانائی، سیاحت، قدرتی وسائل، ریونیو اور رابطہ کاری سمیت دیگر متعلقہ امور پر بھی غور کیا گیا۔

22/09/2026

وزیر اعلیٰ گلگت بلتستان امجد حسین نے منصوبوں میں مالی قوائد و ضوابط کے تحت شفافیت کو یقینی بنانے اور ادائیگیوں کے حوالے سے غیرقانونی بقایا جات (Liabilities)کی روک تھام کیلئے تیار کردہ آن لائن آربٹ سسٹم (آن لائن ریسورس، بجٹنگ اینڈ انٹیلی جنٹ ٹریکنگ سسٹم)کا افتتاح کیا۔ اس موقع پر وزیر اعلیٰ نے آربٹ سسٹم کی افادیت کے حوالے سے گفتگو کرتے ہوئے کہا کہ صوبے میں اس سسٹم کے متعارف ہونے کے بعد ترقیاتی منصوبوں میں شفافیت اور مالی قوائد و ضوابط کو یقینی بنایا جاسکے گا اور منظور شدہ منصوبوں کی بروقت ادائیگی ممکن ہوگی۔ متعلقہ فورم سے منظوری کے بغیر بقایا جات (Liabilities) کی وجہ سے بے ضابطگیوں کا خدشہ رہتا تھا، اس سسٹم کے ذریعے شفافیت اور غیر ضروری تاخیر جیسے عوامل پر قابو پانے میں مدد ملے گی۔ وسائل کا منصفانہ تقسیم اور درکار وسائل کی بروقت دستیابی کے حوالے سے بھی آن لائن آربٹ سسٹم معاون ثابت ہوگا۔ وزیر اعلیٰ نے اس موقع پر مختلف محکمانہ منصوبوں کی نشاندہی کے حوالے سے متعلقہ ایکسین اور ڈپٹی کمشنرزکی مشترکہ نشاندہی کو لازمی قرار دینے کے احکامات دیئے جس کا مقصد غیر ضروری منصوبوں پر وسائل کے ضیاع کی حوصلہ شکنی کی جاسکے۔ اس موقع پر صوبائی سیکریٹری خزانہ نجیب عالم نے آن لائن آربٹ سسٹم کی افادیت کے حوالے سے تفصیلی بریفنگ دی۔

گلگت: وزیر اعلیٰ گلگت بلتستان امجد حسین ترقیاتی منصوبوں میں مالی قوائد و ضوابط کے تحت شفافیت کو یقینی بنانے کے حوالے سے...
22/09/2026

گلگت: وزیر اعلیٰ گلگت بلتستان امجد حسین ترقیاتی منصوبوں میں مالی قوائد و ضوابط کے تحت شفافیت کو یقینی بنانے کے حوالے سے محکمہ فنانس کی جانب سے تیار کردہ آربٹ سسٹم کا افتتاح کررہے ہیں

گلگت: وزیر اعلیٰ گلگت بلتستان امجد حسین سے اے آئی جیو نیویگیٹرز کمپنی کے سی ای او عاصم جاوید کی سربراہی میں کمپنی کی ری...
22/09/2026

گلگت: وزیر اعلیٰ گلگت بلتستان امجد حسین سے اے آئی جیو نیویگیٹرز کمپنی کے سی ای او عاصم جاوید کی سربراہی میں کمپنی کی ریجنل ٹیم ملاقات کررہی ہے

گلگت: رورل ڈویلپمنٹ اینڈ کلائمیٹ ریزیلینس فار گلگت بلتستان کے حوالے سے حکومت گلگت بلتستان، یورپی یونین،فرانسیسی ترقیات...
22/09/2026

گلگت: رورل ڈویلپمنٹ اینڈ کلائمیٹ ریزیلینس فار گلگت بلتستان کے حوالے سے حکومت گلگت بلتستان، یورپی یونین،فرانسیسی ترقیاتی ایجنسی (AFD) اور آغاخان فاؤنڈیشن کے مابین سہ فریقی منصوبے کے معاہدے پر دستخط کئے جارہے ہیں

22/09/2026

وزیر اعلیٰ گلگت بلتستان امجد حسین سے یورپی یونین کے سفیر ریمنڈاس کاروبلیس (Rainmundas Karoblis)،کونسل یورپی یونین یرون ولیم جان ماریا (Jeroenwillem Jan Maria)اور فرسٹ سکریٹری الیگزینڈرو (Alejandro)نے ملاقات کی۔اس موقع پر وزیر اعلیٰ نے یورپی یونین کے سفیر اور ان کے ہمراہ آنے والے وفد کو گلگت بلتستان آمد پر خوش آمدید کہتے ہوئے کہا کہ گلگت بلتستان جیسے دور افتادہ اور پہاڑی علاقے کی تعمیر و ترقی کیلئے یورپی یونین کا کردار قابل تحسین رہاہے۔ گلگت بلتستان کا جغرافیہ انتہائی دشوار اور پہاڑی علاقوں پر مشتمل ہے۔ دور دراز علاقوں میں بنیادی سہولیات کی فراہمی حکومت کیلئے چیلنج رہا ہے۔ گلگت بلتستان میں سب زیادہ گلیشیرز موجود ہیں، موسمیاتی تبدیلیوں کی وجہ سے گلگت بلتستان کے تمام علاقے سالانہ قدرتی آفات سے متاثر ہوتے ہیں جس کی وجہ سے بڑے پیمانے پر لوگوں کے گھر وں اور فصلوں کو نقصان پہنچتا ہے۔ان قدرتی آفات سے بچاؤ اور گلیشیرز کی حفاظت کیلئے صوبائی حکومت نے گلیشیرز پروٹیکشن اتھارٹی بنائی گئی ہے۔ یورپی یونین اور اے ایف ڈی کی جانب سے رورل ڈویلپمنٹ اور کلائمیٹ ریزیلینس پروجیکٹ موسمیاتی تبدیلیوں سے بچاؤ، عوام کو صاف پانی کی فراہمی، بجلی بحران پر قابو پانے اور گلگت بلتستان میں معاشی سرگرمیوں کو فروغ دینے سمیت عوام کو بنیادی سہولیات کی فراہمی کو معاون ثابت ہوگا۔ وزیر اعلیٰ نے کہا کہ دیہی علاقوں کی ترقی اور تمام بنیادی سہولیات کی فراہمی سمیت ترقی کے یکساں مواقع فراہم کرنا گلگت بلتستان حکومت کی ترجیحات میں شامل ہے۔ گلگت بلتستان میں سیاحت اور معاشی سرگرمیوں کیلئے گلگت میں بین الاقوامی ایئرپورٹ کی تعمیر کیلئے وفاقی حکومت کو سفارش کی گئی ہے۔ گلگت بلتستان میں روڈ انفراسٹرکچر کو بہتر بنانے پر بھی توجہ دی جارہی ہے تاکہ سیاحوں کو بہتر ذرائع نقل و حمل کی سہولت فراہم کی جاسکے۔ گلگت بلتستان پرامن قدرتی حسین مناظر اور مخصوص ثقافت کا حامل منفرد سیاحتی علاقہ ہے۔ گلگت بلتستان میں بجلی بحران پر قابو پانے کیلئے اقدامات کررہے ہیں۔ ہنزہ میں جاری بجلی بحران پر قابو پانے کے حوالے سے این پاک کے ساتھ کئے جانے والے معاہدے کی کامیابی کی صورت میں صوبے کے دیگر علاقوں میں بھی اس ماڈل کو توسیع دینے پر غور کیا جاسکتا ہے۔ اس موقع پر یورپی یونین کے سفیر ریمنڈاس کاروبلیس (Rainmundas Karoblis)نے گفتگو کرتے ہوئے کہا کہ گلگت بلتستان میں معاشی سرگرمیوں کے فروغ اور یہاں کے عوام کو بنیادی سہولیات کی فراہمی سمیت درپیش چیلنجز پر قابو پانے کیلئے یورپی یونین صوبائی حکومت کے ساتھ تعاون کررہی ہے۔ رورل ڈویلپمنٹ اور کلائمیٹ ریزیلینس پروجیکٹ گلگت بلتستان میں زراعت، موسمیاتی تبدیلیوں کے چیلنجز، گلیشیرز کے تحفظ، بجلی بحران پر قابو پانے سمیت دیگر اہم چیلنجز اور فنی تربیت کے حوالے سے معاون ثابت ہوگا۔ یورپی یونین کے سفیر نے گلگت بلتستان حکومت کی مثبت پالیسیوں کو سراہتے ہوئے تعاون کا یقین دلایا۔

Address

CM Office, Chinar Bagh
Gilgit
15100

Opening Hours

Monday 08:00 - 17:00
Tuesday 08:00 - 17:00
Wednesday 08:00 - 17:00
Thursday 08:00 - 17:00
Friday 08:00 - 17:00

Website

Alerts

Be the first to know and let us send you an email when Chief Minister Gilgit-Baltistan posts news and promotions. Your email address will not be used for any other purpose, and you can unsubscribe at any time.

Contact The Organization

Send a message to Chief Minister Gilgit-Baltistan:

Shortcuts

Share

Category