Nagar valley

نگر (نگر نیوز) — نگر یوتھ کے نمائندوں نے میڈیا سے گفتگو کرتے ہوئے کہا ہے کہ قراقرم ہائی وے پر این ایچ اے کا ٹول ٹیکس غیرقانونی، غیرآئینی اور عوام دشمن ہے، جسے کسی صورت قبول نہیں کیا جائے گا۔

انہوں نے کہا کہ یہ ٹیکس علاقے کے غریب عوام پر اضافی بوجھ ہے جبکہ قراقرم ہائی وے پہلے ہی خستہ حالی کا شکار ہے۔ ایسے میں این ایچ اے کی طرف سے ٹول وصولی ظلم اور استحصال کے مترادف ہے۔

یوتھ رہنماؤں کا کہنا تھا کہ عوامی مزاحمت کے ذریعے ٹول
ٹیکس بوتھ ہٹا کر یہ پیغام دیا گیا ہے کہ نگر کے عوام اپنے حقوق پر سمجھوتہ نہیں کریں گے۔ اگر ایسے ناجائز اقدامات دوبارہ دہرائے گئے تو عوامی ردعمل اس سے بھی شدید ہوگا۔

انہوں نے حکومت سے مطالبہ کیا کہ خطے میں نافذ تمام غیرقانونی ٹیکس فوری طور پر ختم کیے جائیں اور عوام کو ان کا بنیادی حق دیا جائے۔