Sub Division Juglote Police

ضلعی پولیس گلگت
مورخہ: 29 جنوری 2026

گلگت (پ۔ر):ڈسٹرکٹ پولیس آفیسر گلگت اسحاق حسین (پی ایس پی) کی ہدایات پر ضلعی پولیس گلگت کی جانب سے ضلع بھر میں گشت کے نظام کو مزید مؤثر بنا دیا گیا ہے۔
اسی سلسلے میں ایس ڈی پی او جگلوٹ سرکل گلگت امجد علی کی قیادت میں ایس ایچ او تھانہ جگلوٹ ولی اللہ اور عملہ پولیس نے کامیاب کارروائی کرتے ہوئے ناکہ بندی کے دوران تھانہ بونجی ضلع استور کے مقدمہ علت نمبر 01/026 بجرائم 381/457 تعزیراتِ پاکستان میں مطلوب مسروقہ موٹر سائیکل اور ایک مشکوک گاڑی نمبری GLT G 38 برآمد کر کے ملوث ملزمان کو گرفتار کر لیا گیا ۔۔
کارروائی کے دوران ملزم ہدایت اللہ ولد نواب،ابرار ولد اصغر خان ساکنان داریل دیامر کو گرفتار کر لیا گیا، جبکہ دیگر ملوث ملزمان کی گرفتاری کے لیے چھاپہ مار کارروائیاں جاری ہیں۔
ضلعی پولیس گلگت جرائم پیشہ عناصر کے خلاف بھرپور اور بلا امتیاز کارروائیاں جاری رکھے ہوئے ہے۔

جاری کردہ:
ترجمان ڈسٹرکٹ پولیس گلگت

ضلعی پولیس گلگت
مؤرخہ: 10 دسمبر 2025

گلگت (پ۔ر) ایس ڈی پی او جگلوٹ سرکل گلگت عبد الرحمن (تمغۂ شجاعت) کی زیرِ صدارت پڑی بنگلہ، چھموگڑھ اور چکر کوٹ کے پی ایل سی ممبران و علاقائی ذمہ داران کے ساتھ ایک اہم میٹنگ منعقد کی گئی۔

میٹنگ کے دوران امن و امان کی مجموعی صورتحال، علاقے میں جرائم کی روک تھام، اور عوامی تعاون کے ذریعے کمیونٹی پولیسنگ کے نظام کو مزید مؤثر بنانے سے متعلق امور پر تفصیلی تبادلۂ خیال کیا گیا۔

پی ایل سی ممبران اور علاقائی ذمہ داران نے پولیس کے کردار پر مکمل اعتماد کا اظہار کرتے ہوئے ایس ڈی پی او جگلوٹ کو ہر ممکن تعاون کی یقین دہانی کرائی۔ ان کا کہنا تھا کہ علاقائی سطح پر امن کے قیام اور جرائم کے خاتمے کے لیے وہ پولیس کے ساتھ بھرپور تعاون جاری رکھیں گے۔

آخر میں ایس ڈی پی او جگلوٹ عبد الرحمن (تمغۂ شجاعت) نے میٹنگ میں شرکت کرنے والے تمام عمائدین و ذمہ داران کا خصوصی شکریہ ادا کرتے ہوئے کہا کہ عوامی تعاون کے بغیر مؤثر پولیسنگ ممکن نہیں۔ انہوں نے کہا کہ جگلوٹ سرکل میں امن و امان کے تسلسل اور بہتری کے لیے پولیس اور عوام کا باہمی رابطہ مزید مضبوط بنایا جائے گا۔

جاری کردہ:
ترجمان ،ضلعی پولیس گلگت