Deputy Commissioner Gilgit

Call

Deputy Commissioner Gilgit ڈپٹی کمشنر گلگت کیپٹن (ر) عارف احمد عوامی مسائل کو حل کرنے کے لئے دن رات کوشاں ہے۔

پریس ریلیزپبلک ریلیشن آفیسر، ڈپٹی کمشنر آفس گلگتڈپٹی کمشنر گلگت کی ہدایات پر زمینوں کے تنازعات کے حل کے لیے جوتل کا دورہ...
09/10/2026

پریس ریلیز
پبلک ریلیشن آفیسر، ڈپٹی کمشنر آفس گلگت
ڈپٹی کمشنر گلگت کی ہدایات پر زمینوں کے تنازعات کے حل کے لیے جوتل کا دورہ، ریونیو حکام اور جرگے کے ارکان کی شرکت
گلگت: ڈپٹی کمشنر/کلکٹر گلگت کیپٹن (ر) عارف احمد کی ہدایات پر ایڈیشنل ڈپٹی کمشنر گلگت کی سربراہی میں تحصیل جوتل میں زمینوں کے تنازعات کے حوالے سے موقع کا دورہ کیا گیا۔ دورے میں جرگے کے ارکان طفیل احمد ، ایمان شاہ اور محمد الیاس صدیقی، اسسٹنٹ کمشنر دنیور، اسسٹنٹ کمشنر عملدرآمد اور دیگر ریونیو حکام و عملے نے شرکت کی۔
دورے کا مقصد جوتل میں زمینوں سے متعلق تنازعات کا موقع پر جائزہ لینا، متعلقہ فریقین کے مؤقف کو سمجھنا اور مسائل کے حل کے لیے حقائق کی روشنی میں ضروری اقدامات کرنا تھا۔
واضح رہے کہ ضلعی انتظامیہ گلگت کی جانب سے زمینوں کے تنازعات کے حل اور عوامی مسائل کے ازالے کے لیے عملی اقدامات جاری ہیں۔ اس سلسلے میں گزشتہ روز رحیم آباد کا دورہ کیا گیا تھا، جبکہ آج جوتل میں متعلقہ زمینوں کا معائنہ کیا گیا۔
ڈپٹی کمشنر/کلکٹر گلگت کیپٹن (ر) عارف احمد کی ہدایات کے مطابق ضلعی انتظامیہ عوامی زمینوں سے متعلق تنازعات کو قانون اور دستیاب ریکارڈ کی روشنی میں حل کرنے کے لیے اقدامات کر رہی ہے، تاکہ شہریوں کے جائز حقوق کا تحفظ یقینی بنایا جا سکے۔

پریس ریلیزپبلک ریلیشن آفیسر، ڈپٹی کمشنر آفس گلگتیکم نومبر یومِ آزادی گلگت بلتستان کی تقریبات شایانِ شان طریقے سے منانے ک...
08/10/2026

پریس ریلیز
پبلک ریلیشن آفیسر، ڈپٹی کمشنر آفس گلگت

یکم نومبر یومِ آزادی گلگت بلتستان کی تقریبات شایانِ شان طریقے سے منانے کے لیے انتظامات کا جائزہ

گلگت: ڈپٹی کمشنر/ڈسٹرکٹ مجسٹریٹ گلگت کیپٹن (ر) عارف احمد کی زیرِ صدارت یکم نومبر یومِ آزادی گلگت بلتستان کے حوالے سے انتظامات اور تیاریوں کا جائزہ لینے کے لیے ایک اہم اجلاس منعقد ہوا۔

اجلاس میں ایڈیشنل ڈپٹی کمشنر گلگت، اسسٹنٹ کمشنر گلگت، اسسٹنٹ کمشنر دنیور، اسسٹنٹ کمشنر جگلوٹ سمیت ضلعی انتظامیہ اور مختلف انتظامی محکموں کے سربراہان نے شرکت کی۔

اجلاس کے دوران یکم نومبر یومِ آزادی گلگت بلتستان کی مناسبت سے منعقد ہونے والی تقریبات، سیکیورٹی، صفائی، ٹریفک اور دیگر انتظامی امور کے حوالے سے تفصیلی غور و خوض کیا گیا۔

اس موقع پر ڈپٹی کمشنر گلگت کیپٹن (ر) عارف احمد نے کہا کہ یکم نومبر یومِ آزادی گلگت بلتستان کو بھرپور جوش و جذبے اور قومی یکجہتی کے ساتھ منایا جائے گا۔ اس سلسلے میں مختلف تقریبات اور کھیلوں کے مقابلوں کا انعقاد کیا جائے گا، جن میں پولو اور دیگر روایتی کھیلوں کے مقابلے بھی شامل ہوں گے۔

انہوں نے متعلقہ محکموں کے افسران کو ہدایت کی کہ یومِ آزادی کی تقریبات کو شایانِ شان طریقے سے منعقد کرنے کے لیے تمام ضروری انتظامات بروقت مکمل کیے جائیں اور اس حوالے سے باہمی رابطہ کاری کو یقینی بنایا جائے۔

ڈپٹی کمشنر نے مزید کہا کہ یکم نومبر گلگت بلتستان کی تاریخ کا ایک اہم دن ہے، لہٰذا اس دن کی مناسبت سے منعقد ہونے والی تمام تقریبات میں عوام کی بھرپور شرکت اور سہولت کو یقینی بنایا جائے۔

پریس ریلیزپبلک ریلیشن آفیسر، ڈپٹی کمشنر آفس گلگتوزیراعظم پاکستان کی ہدایات پر ضلع گلگت میں فیول کی فراہمی کے لیے ٹوکن نظ...
17/09/2026

پریس ریلیز
پبلک ریلیشن آفیسر، ڈپٹی کمشنر آفس گلگت

وزیراعظم پاکستان کی ہدایات پر ضلع گلگت میں فیول کی فراہمی کے لیے ٹوکن نظام متعارف

گلگت: ڈپٹی کمشنر/ڈسٹرکٹ مجسٹریٹ گلگت کیپٹن (ر) عارف احمد کی زیرِ صدارت ایک اہم اجلاس منعقد ہوا، جس میں وزیراعظم پاکستان کی ہدایات کی روشنی میں ملک بھر کے دیگر علاقوں کی طرح ضلع گلگت میں بھی موٹر سائیکلوں اور گاڑیوں کو فیول کی فراہمی کے لیے ٹوکن نظام متعارف کرانے اور اس پر مؤثر عملدرآمد کے حوالے سے تفصیلی غور کیا گیا۔

اجلاس میں ایڈیشنل ڈپٹی کمشنر گلگت، اسسٹنٹ کمشنر دنیور، اسسٹنٹ کمشنر جگلوٹ، تحصیلدار گلگت اور پٹرولیم مصنوعات کے مالکان نے شرکت کی۔

اجلاس سے خطاب کرتے ہوئے ڈپٹی کمشنر گلگت نے کہا کہ شہری اپنے موبائل فون سے 9771 پر اپنا شناختی کارڈ (CNIC) نمبر درج کرکے میسج بھیجیں اور فیول کا ٹوکن حاصل کریں۔ ٹوکن کے حصول کے بعد متعلقہ پٹرول پمپ پر ٹوکن کی بنیاد پر فیول فراہم کیا جائے گا۔

انہوں نے کہا کہ شہریوں کی سہولت کے لیے ضلع گلگت کے تمام متعلقہ پٹرول پمپس پر ٹوکن کے طریقہ کار اور ضروری معلومات پر مشتمل بینرز بھی آویزاں کیے جائیں گے، تاکہ عوام کو اس حوالے سے مکمل آگاہی فراہم کی جا سکے۔

ڈپٹی کمشنر نے مزید بتایا کہ وزیراعظم پاکستان کے مقررہ پیکیج کے تحت رجسٹریشن اور مقررہ طریقہ کار کی تکمیل کے بعد ایک ٹوکن کے ذریعے ایک ماہ کے دوران موٹر سائیکل کے لیے 20 لیٹر جبکہ گاڑی کے لیے 30 لیٹر فیول مقررہ رعایتی نرخ پر حاصل کیا جا سکے گا۔

فیول کی فراہمی کے عمل کی نگرانی اور ترسیل کی صورتحال کا جائزہ لینے کے لیے ڈپٹی کمشنر گلگت نے ایک خصوصی ٹیم بھی تشکیل دی، جس کی سربراہی ای ٹی او کریں گے۔ ٹیم میں تینوں سب ڈویژنوں کے مجسٹریٹس اور ای ٹی او آفس کا ٹیکنیکل اسٹاف شامل ہوگا۔ مذکورہ ٹیم روزانہ کی بنیاد پر فیول کی ترسیل اور فراہمی سے متعلق صورتحال کا جائزہ لے کر تفصیلی رپورٹ پیش کرے گی۔

ضلعی انتظامیہ گلگت نے شہریوں سے اپیل کی ہے کہ فیول کے حصول کے لیے مقررہ طریقہ کار پر عملدرآمد یقینی بنائیں، غیر ضروری رش اور ہجوم سے گریز کریں اور پٹرول پمپس پر نظم و ضبط برقرار رکھنے میں انتظامیہ کے ساتھ تعاون کریں۔

پریس ریلیزپبلک ریلیشن آفیسر، ڈپٹی کمشنر آفس گلگتڈپٹی کمشنر/کلکٹر گلگت سے اسماعیلی ریجنل کونسل کے صدر و ممبران کی ملاقات،...
17/09/2026

پریس ریلیز
پبلک ریلیشن آفیسر، ڈپٹی کمشنر آفس گلگت

ڈپٹی کمشنر/کلکٹر گلگت سے اسماعیلی ریجنل کونسل کے صدر و ممبران کی ملاقات، زمینوں سے متعلق مسائل پیش کیے

گلگت: ڈپٹی کمشنر/کلکٹر گلگت کیپٹن (ر) عارف احمد سے اسماعیلی ریجنل کونسل کے صدر اور ممبران نے ملاقات کی اور ادارے کو زمینوں سے متعلق درپیش مختلف مسائل اور معاملات سے آگاہ کیا۔

ملاقات کے دوران اسماعیلی ریجنل کونسل کے صدر نے ادارے کی زمینوں سے متعلق مسائل کی تفصیلات پیش کرتے ہوئے ان کے حل کے لیے ضلعی انتظامیہ سے ضروری اقدامات کی درخواست کی۔

ڈپٹی کمشنر/کلکٹر گلگت کیپٹن (ر) عارف احمد نے وفد کے مسائل اور تحفظات کو غور سے سنا اور یقین دہانی کرائی کہ اسماعیلی ریجنل کونسل کے تمام جائز مسائل کو قانون و ضابطے کے مطابق ہنگامی بنیادوں پر حل کرنے کے لیے ہر ممکن اقدامات کیے جائیں گے۔

ڈپٹی کمشنر نے متعلقہ حکام کو ہدایت کی کہ زمینوں سے متعلق پیش کیے گئے معاملات کا قانون و ضابطے کے مطابق جائزہ لے کر ان کے حل کے لیے مؤثر اور فوری اقدامات عمل میں لائے جائیں۔

انہوں نے کہا کہ ضلعی انتظامیہ عوامی و ادارہ جاتی نوعیت کے جائز مسائل کے بروقت ازالے اور شفاف طریقے سے حل کے لیے تمام دستیاب وسائل بروئے کار لا رہی ہے۔

05/09/2026

پریس ریلیز
پبلک ریلیشن آفیسر، ڈپٹی کمشنر آفس گلگت
مورخہ: 6 ستمبر 2026ء

🇵🇰 6 ستمبر — یومِ دفاعِ پاکستان 🇵🇰

ضلعی انتظامیہ گلگت کا شہداء و غازیانِ وطن کو خراجِ عقیدت

گلگت: 6 ستمبر یومِ دفاعِ پاکستان کے موقع پر ضلعی انتظامیہ گلگت نے وطنِ عزیز کے بہادر شہداء اور غازیانِ وطن کو خراجِ عقیدت پیش کرتے ہوئے کہا ہے کہ 6 ستمبر 1965ء پاکستان کی تاریخ کا ایک ناقابلِ فراموش دن ہے، جب افواجِ پاکستان کے بہادر جوانوں نے دشمن کے ناپاک عزائم کے سامنے سیسہ پلائی دیوار بن کر وطنِ عزیز کا دفاع کیا۔

ضلعی انتظامیہ گلگت نے اپنے پیغام میں کہا کہ شہداء اور غازیانِ وطن کی لازوال قربانیاں پوری قوم کے لیے مشعلِ راہ ہیں۔ ہمارے بہادر سپوتوں نے وطن کی سلامتی، خودمختاری اور سالمیت کے تحفظ کے لیے اپنی جانوں کے نذرانے پیش کیے، جنہیں قوم ہمیشہ عقیدت و احترام سے یاد رکھے گی۔

ضلعی انتظامیہ نے کہا کہ یومِ دفاع ہمیں اپنے شہداء کی عظیم قربانیوں کو یاد کرنے اور قومی یکجہتی، اتحاد اور حب الوطنی کے عزم کی تجدید کا موقع فراہم کرتا ہے۔ آج ہم اس عہد کی تجدید کرتے ہیں کہ پاکستان کی سلامتی، خودمختاری، استحکام اور ترقی کے لیے پوری قوم متحد رہے گی۔

انہوں نے کہا کہ شہداء کی قربانیوں کا بہترین خراجِ عقیدت یہی ہے کہ ہم ملک کی ترقی، خوشحالی، امن اور استحکام کے لیے اپنا بھرپور کردار ادا کریں اور قومی اتحاد و یکجہتی کو مزید مضبوط بنائیں۔

ضلعی انتظامیہ گلگت نے شہداء کے درجات کی بلندی، غازیانِ وطن کی سلامتی اور ملکِ پاکستان کی ترقی و خوشحالی کے لیے دعا کرتے ہوئے کہا کہ قوم اپنے بہادر شہداء اور غازیوں کی قربانیوں کو کبھی فراموش نہیں کرے گی۔

🇵🇰 پاکستان زندہ باد — پاک فوج پائندہ باد 🇵🇰

مجانب

ضلعی انتظامیہ گلگت

پریس ریلیزپبلک ریلیشن آفیسر، ڈپٹی کمشنر آفس گلگتمورخہ: 2 ستمبر 2026ضلع گلگت میں انسدادِ پولیو مہم 21 سے 24 ستمبر تک جاری...
02/09/2026

پریس ریلیز
پبلک ریلیشن آفیسر، ڈپٹی کمشنر آفس گلگت
مورخہ: 2 ستمبر 2026

ضلع گلگت میں انسدادِ پولیو مہم 21 سے 24 ستمبر تک جاری رہے گی، 64 ہزار 460 بچوں کو پولیو سے بچاؤ کے قطرے پلائے جائیں گے

گلگت: ڈپٹی کمشنر/ڈسٹرکٹ مجسٹریٹ گلگت کیپٹن (ر) عارف احمد کی زیر صدارت ضلع گلگت میں انسدادِ پولیو مہم کے انتظامات کے حوالے سے ڈپٹی کمشنر کیمپ آفس میں اہم اجلاس منعقد ہوا۔

اجلاس میں ایڈیشنل ڈسٹرکٹ ہیلتھ آفیسر گلگت، ڈی ڈی ایجوکیشن گلگت، نمائندہ پی ایچ کیو ہسپتال گلگت، نمائندہ ایس ایس جی ہسپتال گلگت، نمائندہ عالمی ادارۂ صحت (WHO) گلگت سمیت دیگر متعلقہ افسران نے شرکت کی۔

اجلاس کے دوران ضلع گلگت میں انسدادِ پولیو مہم کے انتظامات، پولیو ٹیموں کی تعیناتی، سیکیورٹی، بچوں تک رسائی اور مہم کو کامیاب بنانے کے لیے کیے جانے والے اقدامات کا تفصیلی جائزہ لیا گیا۔

اجلاس سے خطاب کرتے ہوئے ڈپٹی کمشنر گلگت کیپٹن (ر) عارف احمد نے کہا کہ ضلع گلگت میں انسدادِ پولیو مہم 21 سے 24 ستمبر 2026 تک جاری رہے گی، جس کے دوران ضلع بھر میں 64 ہزار 460 بچوں کو پولیو سے بچاؤ کے قطرے پلائے جائیں گے۔

انہوں نے متعلقہ افسران کو ہدایت کی کہ مہم کے دوران ہر بچے تک رسائی یقینی بنائی جائے اور تمام پولیو ٹیمیں اپنی ذمہ داریاں مکمل ذمہ داری، جذبے اور پیشہ ورانہ انداز میں سرانجام دیں۔ انہوں نے واضح کیا کہ فرائض میں غفلت یا کوتاہی برتنے والی ٹیموں کے خلاف کارروائی عمل میں لائی جائے گی اور کسی قسم کی غفلت برداشت نہیں کی جائے گی۔

ڈپٹی کمشنر نے ہدایت کی کہ ضلع گلگت کے تمام سکولوں میں پانچ سال تک کی عمر کے بچوں کو بھی پولیو سے بچاؤ کے قطرے پلانے کے لیے مؤثر اقدامات کیے جائیں تاکہ کوئی بھی بچہ ویکسین سے محروم نہ رہے۔

انہوں نے کہا کہ انسدادِ پولیو مہم ایک اہم قومی فریضہ ہے، جس کی کامیابی کے لیے ضلعی انتظامیہ کی جانب سے تمام دستیاب وسائل بروئے کار لائے جائیں گے۔ تمام متعلقہ محکمے باہمی رابطے اور تعاون کو مزید مؤثر بناتے ہوئے مہم کی کامیابی کو یقینی بنائیں۔

ڈپٹی کمشنر گلگت نے والدین سے اپیل کی کہ وہ اپنے پانچ سال تک کی عمر کے بچوں کو پولیو سے بچاؤ کے قطرے لازمی پلوائیں اور پولیو ٹیموں کے ساتھ بھرپور تعاون کریں۔

انہوں نے کہا کہ اگر کسی علاقے یا گھر تک پولیو ٹیم نہ پہنچ سکے تو شہری فوری طور پر ڈی ایچ او کنٹرول روم: -920111 - 05811
یا الفا کنٹرول روم:
05811 -920724
پر رابطہ کریں، تاکہ کوئی بھی بچہ پولیو ویکسین سے محروم نہ رہے اور پاکستان سمیت ضلع گلگت کو پولیو سے پاک کرنے کے قومی مقصد کے حصول کو یقینی بنایا جا سکے۔

پریس ریلیزپبلک ریلیشن آفیسر، ڈپٹی کمشنر آفس گلگت17 ربیع الاول کی مناسبت سے ضلع گلگت میں عام تعطیل کا اعلانگلگت: ڈپٹی کمش...
30/08/2026

پریس ریلیز
پبلک ریلیشن آفیسر، ڈپٹی کمشنر آفس گلگت

17 ربیع الاول کی مناسبت سے ضلع گلگت میں عام تعطیل کا اعلان

گلگت: ڈپٹی کمشنر/ڈسٹرکٹ مجسٹریٹ گلگت کیپٹن (ر) عارف احمد نے 17 ربیع الاول، ولادتِ باسعادت حضرت محمد مصطفیٰ ﷺ کی مناسبت سے ضلع گلگت میں کل بروز پیر، مورخہ 31 اگست 2026ء کو عام تعطیل کا باقاعدہ نوٹیفکیشن جاری کر دیا ہے۔

جاری کردہ نوٹیفکیشن کے مطابق 31 اگست 2026ء کو ضلع گلگت کے تمام سرکاری دفاتر اور تعلیمی ادارے بند رہیں گے۔

اس موقع پر ضلعی انتظامیہ گلگت کی جانب سے اہلِ وطن بالخصوص ضلع گلگت کے عوام کو ولادتِ باسعادت حضرت محمد مصطفیٰ ﷺ کے بابرکت موقع پر دلی مبارکباد پیش کی گئی ہے۔

پریس ریلیزگلگت (پبلک ریلیشن آفیسر)ممکنہ موسمی صورتحال کے پیش نظر ضلعی انتظامیہ گلگت ہائی الرٹ، عوام اور سیاحوں کو احتیاط...
28/08/2026

پریس ریلیز
گلگت (پبلک ریلیشن آفیسر)
ممکنہ موسمی صورتحال کے پیش نظر ضلعی انتظامیہ گلگت ہائی الرٹ، عوام اور سیاحوں کو احتیاطی تدابیر اختیار کرنے کی ہدایت
ڈپٹی کمشنر/چیئرمین ڈسٹرکٹ ڈیزاسٹر مینجمنٹ اتھارٹی (DDMA) گلگت، کیپٹن (ر) عارف احمد نے محکمہ موسمیات کی پیشگوئی کے پیش نظر ضلع گلگت کے عوام اور سیاحوں کے لیے موسمی الرٹ جاری کر دیا ہے۔
محکمہ موسمیات کے مطابق 30 اگست سے 6 ستمبر 2026 دوران گلگت بلتستان کے مختلف علاقوں میں وقفے وقفے سے گرد آلود ہوائیں، آندھی، گرج چمک کے ساتھ بارش کا امکان ہے۔ اس موسمی صورتحال کے سبب مقامی ندی نالوں میں پانی کے اضافے لینڈ سلائیڈنگ ، پہاڑوں سے پتھر گرنے اور پھسلن کی وجہ سے ٹریفک کی روانی میں خلل کا اندیشہ ہے آندھی اور آسمانی بجلی گرنے کے باعث کمزور عمارتوں، بجلی کے کھمبوں، بل بورڈز، سولر پلیٹس اور دیگر تنصیبات کو بھی نقصان پہنچ سکتا ہے۔
ڈپٹی کمشنر گلگت نے عوام الناس اور سیاحوں سے اپیل کی ہے کہ شدید موسمی صورتحال کے دوران غیر ضروری سفر سے گریز کریں اور تمام احتیاطی تدابیر اختیار کریں۔ خصوصاً گلیشیئرز، ندی نالوں اور دیگر حساس مقامات کے قریب جانے سے اجتناب کریں، جبکہ ان علاقوں کے رہائشی اور کمزور انفراسٹرکچر والے مقامات پر مقیم افراد خصوصی احتیاط برتیں۔
ممکنہ ہنگامی صورتحال سے بروقت نمٹنے کے لیے ڈپٹی کمشنر گلگت نے تمام متعلقہ اداروں کو ہائی الرٹ رہنے اور اپنی مشینری، افرادی قوت اور وسائل ہر وقت تیار رکھنے کی ہدایات جاری کر دی ہیں۔
جاری کردہ ہدایات کے مطابق ایکسین B&R کو مشینری اور عملے کو الرٹ رکھنے، ریسکیو 1122 کو اسٹاف، ایمبولینسز اور ریسکیو آلات ہر وقت تیار رکھنے، این ایچ اے کو شاہراہوں کی بحالی کے لیے مکمل تیاری یقینی بنانے، سی ایس او گلگت کو گندم کا کوٹہ بروقت بالائی علاقوں تک پہنچانے، اسسٹنٹ کمشنرز گلگت، دنیور اور جگلوٹ کو فیلڈ اسٹاف کو الرٹ رکھنے، ڈی ایچ او گلگت کو ڈاکٹرز، ایمبولینسز اور طبی عملے کی دستیابی یقینی بنانے، جبکہ اسٹیشن ڈائریکٹر ریڈیو پاکستان گلگت کو موسمی الرٹس اور احتیاطی ہدایات مسلسل نشر کرنے کی ہدایت کی گئی ہے۔
ضلعی انتظامیہ گلگت نے واضح کیا ہے کہ صورتحال کی مسلسل نگرانی کی جا رہی ہے اور کسی بھی ممکنہ ہنگامی صورتحال سے مؤثر انداز میں نمٹنے کے لیے تمام متعلقہ ادارے مکمل طور پر متحرک ہیں۔
کسی بھی ہنگامی صورتحال کی صورت میں شہری درج ذیل نمبرز پر فوری رابطہ کریں:
الفا کنٹرول روم، اسسٹنٹ کمشنر آفس گلگت: -920724- 05811
پولیس کنٹرول روم:
05811-930346
جی بی ڈی ڈی ایم اے:
05811 -920875
ریسکیو 1122: 1122 .05811

پریس ریلیزپبلک ریلیشن آفیسر، ڈپٹی کمشنر آفس گلگتمورخہ: 28 اگست 2026ڈپٹی کمشنر گلگت کی زیر صدارت نلتر 18 میگاواٹ پاور پرا...
28/08/2026

پریس ریلیز
پبلک ریلیشن آفیسر، ڈپٹی کمشنر آفس گلگت
مورخہ: 28 اگست 2026

ڈپٹی کمشنر گلگت کی زیر صدارت نلتر 18 میگاواٹ پاور پراجیکٹ کے معاوضوں کے حوالے سے اجلاس، نقصانات کا جائزہ مکمل کرکے ادائیگی یقینی بنانے کی ہدایت

گلگت: ڈپٹی کمشنر/کلکٹر گلگت کیپٹن (ر) عارف احمد کی زیر صدارت نلتر 16 میگاواٹ پاور پراجیکٹ سے متعلق ایک اہم اجلاس منعقد ہوا، جس میں منصوبے کے لیے استعمال ہونے والی عوامی و نجی اراضی، فصیلوں اور درختوں کو پہنچنے والے نقصانات کے معاوضے کے حوالے سے تفصیلی بریفنگ دی گئی۔

اجلاس کے دوران متعلقہ حکام نے ڈپٹی کمشنر گلگت کو نلتر 16 میگاواٹ پاور پراجیکٹ کے لیے مختص زمینوں، فصیلوں اور درختوں کے نقصانات سمیت معاوضے کے تعین اور ادائیگی کے حوالے سے اب تک کی پیش رفت سے آگاہ کیا۔

ڈپٹی کمشنر/کلکٹر گلگت کیپٹن (ر) عارف احمد نے ہدایت کی کہ نلتر 16 میگاواٹ پاور پراجیکٹ کی تعمیراتی سرگرمیوں کو تیز کرتے ہوئے منصوبے کو جلد از جلد مکمل کرنے کے لیے تمام ضروری اقدامات اٹھائے جائیں۔

انہوں نے متعلقہ حکام کو ہدایت کی کہ عوامی و نجی زمینوں کی فصیلوں اور درختوں کو پہنچنے والے نقصانات کی جانچ پڑتال اور تصدیق کا عمل شفاف انداز میں جلد مکمل کیا جائے تاکہ متاثرہ افراد کو قواعد و ضوابط کے مطابق معاوضے کی ادائیگی یقینی بنائی جا سکے۔

ڈپٹی کمشنر نے واضح کیا کہ ترقیاتی منصوبوں کی تکمیل کے ساتھ ساتھ متاثرہ عوام کے جائز حقوق کا تحفظ بھی ضلعی انتظامیہ کی اولین ترجیحات میں شامل ہے۔ انہوں نے متعلقہ افسران کو ہدایت کی کہ معاوضے کے معاملات میں غیر ضروری تاخیر سے گریز کرتے ہوئے تمام قانونی و انتظامی تقاضے بروقت مکمل کیے جائیں۔

اس موقع پر متعلقہ محکموں کے افسران اور دیگر ذمہ دار حکام بھی موجود تھے۔

26/08/2026

پریس ریلیز
پبلک ریلیشن آفیسر، ڈپٹی کمشنر آفس گلگت
مورخہ: 26 اگست 2026

وادی ہراموش کے سیلاب متاثرین تک ضلعی انتظامیہ کی بروقت امداد، خصوصی افراد کے گھروں تک بنیادی اشیائے ضروریہ پہنچا دی گئیں

گلگت: ضلعی انتظامیہ گلگت نے فوری کارروائی کرتے ہوئے حالیہ سیلاب سے متاثرہ وادی ہراموش کے مستحق افراد تک امدادی سامان پہنچا دیا۔

کمشنر گلگت ڈویژن توقیر حیدر کاظمی اور ڈپٹی کمشنر/چیئرمین ڈسٹرکٹ ڈیزاسٹر مینجمنٹ اتھارٹی (DDMA) گلگت کیپٹن (ر) عارف احمد کی خصوصی ہدایات پر اسسٹنٹ ڈائریکٹر گلگت بلتستان ڈیزاسٹر مینجمنٹ اتھارٹی (GBDMA) گلگت نے وادی ہراموش کا دورہ کیا۔

دورے کے دوران حالیہ قدرتی آفت اور سیلاب سے متاثرہ خصوصی افراد (معذور افراد) کے گھروں تک پہنچ کر ان کی ضروریات کا جائزہ لیا گیا اور انہیں بنیادی ضرورت کا سامان اور امدادی اشیاء فراہم کی گئیں۔

اس موقع پر ضلعی انتظامیہ کے نمائندوں نے متاثرین کو یقین دلایا کہ قدرتی آفات سے متاثرہ افراد کو ہر ممکن ریلیف فراہم کرنے کے لیے تمام دستیاب وسائل بروئے کار لائے جائیں گے اور مستحق خاندانوں کو تنہا نہیں چھوڑا جائے گا۔

مقامی عوام اور سماجی حلقوں نے کمشنر گلگت ڈویژن توقیر حیدر کاظمی اور ڈپٹی کمشنر گلگت کیپٹن (ر) عارف احمد کے بروقت، ہمدردانہ اور عوام دوست اقدام کو سراہتے ہوئے ضلعی انتظامیہ کا شکریہ ادا کیا۔

Address

Deputy Commissioner Office
Gilgit
15100

Opening Hours

Monday 09:00 - 17:00
Tuesday 09:00 - 17:00
Wednesday 09:00 - 17:00
Thursday 09:00 - 17:00
Friday 09:00 - 17:00

Telephone

+925811920100

Website

Alerts

Be the first to know and let us send you an email when Deputy Commissioner Gilgit posts news and promotions. Your email address will not be used for any other purpose, and you can unsubscribe at any time.

Shortcuts

Share

Category