Mountain Grace Boutique

المیہ عظیم۔
تحریک آزادی کشمیر کے حریت رہنما اور گلگت_بلتستان ضلع استور پری شینگ کھنگرول کے عظیم فرزند امان اللہ خان مرحوم 26 اپریل 2016ء (منگل) کو ہم سے جدا ہوئے اور کل 26 اپریل 2025ء (ہفتہ) کو انکی رحلت کو 9 برس پورے ہوئے، انکی جدائی یقینا ریاست جموں و کشمیر کے لیے بہت بڑا نقصان تھا، المیہ یہ ہے کہ آج انکی برسی بھی ہمیں یاد نہیں رہی ہے۔
امان اللہ خان مرحوم کے سیاسی نظریات سے ہزار اختلاف ہوسکتا ہے مگر تلخ حقیقت یہی ہے کہ پوری دنیا میں تحریکی جدو جہد کرنے میں گلگت_بلتستان میں اب تک کوئی انکا ثانی نہیں ہے۔ یہ بھی درست ہے کہ انکی زندگی میں گلگت بلتستان کے بیشتر لوگوں نے انکے پیغام کو دیوانے کی بڑ سمجھ کر عملاً مسترد کردیا، تاہم ریاست جموں و کشمیر کے باقی دو منقسم حصوں (مقبوضہ کشمیر اور آزاد کشمیر) میں ان کو خوب پزیرائی ملی۔ مرحوم کے انتقال کے بعد آج گلگت بلتستان کے بیشتر افراد وہی بات کر رہے ہیں جو مرحوم زندگی بھر کرتے رہے۔ یقین نہ آئے تو انکی کتاب " جہد مسلسل" کی تینوں جلدیں اور انکا دیگر تحریری مواد پڑھ اور ریکارڈ تقاریر سن کر دیکھ لیں۔ آج ریاست میں مرحوم امان اللہ خان جیسے قد آور شخصیات کی بہت کمی محسوس کی جارہی ہے۔
اللہ تعالیٰ مرحوم کی کامل مغفرت فرمائے۔

: قربانیوں کا ثمر – اخونیال لنک روڈ کی تعمیر
تحریر: محمد ابرار

الحمدللہ! آج جب اخونیال لنک روڈ کی تعمیر کا خواب حقیقت کا روپ دھار رہا ہے تو دل شکرانے سے لبریز ہے۔ یہ صرف ایک سڑک نہیں، بلکہ قربانیوں، محبتوں اور بےلوث جذبوں کی وہ روشن کہانی ہے جسے تاریخ کبھی فراموش نہیں کر پائے گی۔

ہمارے گاؤں کے مخلص لوگوں نے اپنی ذاتی زمینیں، جائیدادیں، اور برسوں پرانے درختوں کی چھاؤں تک راہِ عام کے لیے وقف کر دی۔ جن زمینوں پر نسلوں کی محنت کے آثار تھے، جن درختوں کے نیچے کئی دعائیں مانگی گئیں، آج وہ سب آنے والی نسلوں کی آسانیوں اور ترقی کی راہوں میں قربان کر دی گئی ہیں۔

یہ جذبہ، یہ ایثار اور یہ اخلاص سکنیال یوتھ اور تمام معززینِ گاؤں کی بےمثال کاوشوں کا نتیجہ ہے۔ ان کا خلوص، محنت اور اپنے علاقے کی بہتری کے لیے اٹھایا گیا ہر قدم ہمارے دلوں میں عزت اور محبت کا مقام رکھتا ہے۔
یہ فیصلہ کرنا آسان نہیں تھا۔ زمینیں کٹنا، جائیداد کا جانا، اور اپنوں کی یادوں سے وابستہ مقامات کا مٹنا ایک دردناک مرحلہ ہوتا ہے۔ لیکن اجتماعی بہتری کی خاطر ذاتی قربانیاں دینا ہی اصل کامیابی اور ترقی کی علامت ہے۔

آج یہ سڑک صرف پتھروں اور مٹی کا راستہ نہیں، بلکہ ہمارے بزرگوں کی دعاؤں، نوجوانوں کی کاوشوں اور پوری قوم کے اخلاص کا وہ چراغ ہے جس کی روشنی آنے والے وقتوں میں خوشحالی، ترقی اور محبت کی نئی داستانیں رقم کرے گی۔

ہم دعاگو ہیں کہ اللہ تعالیٰ ہمارے ان قربانی دینے والے بھائیوں کو بہترین صلہ عطا فرمائے، ان کے مال و جان میں برکت دے اور اخونیال لنک روڈ کو ہمارے گاؤں کے لیے ترقی و خوشحالی کا راستہ بنائے۔
آمین۔

guess the place