Umar Rehman

صدر شوٹی یوتھ عمر رحمان کی جانب سے تمام اہلِ وطن اور بالخصوص گلگت بلتستان کے عوام کو عید الاضحیٰ کی دلی مبارکباد۔

عید الاضحیٰ ہمیں حضرت ابراہیمؑ اور حضرت اسماعیلؑ کی عظیم قربانی، اطاعت، ایثار اور اللہ تعالیٰ کی رضا کے لیے ہر چیز قربان کرنے کا درس دیتی ہے۔ یہ مقدس دن محبت، بھائی چارے، اتحاد، صبر اور انسانیت کی خدمت کے جذبے کو فروغ دینے کا پیغام دیتا ہے۔
آج کے دن ہمیں چاہیے کہ ہم اپنی خوشیوں میں غریبوں، یتیموں، بے سہارا اور ضرورت مند افراد کو بھی شریک کریں تاکہ عید کی حقیقی خوشیاں ہر گھر تک پہنچ سکیں۔ معاشرے میں امن، ہم آہنگی، بھائی چارے اور نوجوانوں کے مثبت کردار کو فروغ دینا ہم سب کی مشترکہ ذمہ داری ہے۔
دعا ہے کہ اللہ تعالیٰ اس بابرکت عید کے صدقے ہمارے ملک پاکستان، گلگت بلتستان اور پوری امتِ مسلمہ پر اپنی رحمتیں نازل فرمائے، ہمارے دلوں میں محبت اور اتحاد پیدا کرے اور ہمیں انسانیت کی خدمت کی توفیق عطا فرمائے۔
عید الاضحیٰ مبارک

صدر شوٹی یوتھ
عمر رحمان

واٹر اینڈ پاور کے افسرانِ بالا، سیکرٹری صاحبان اور ایکسئن صاحبان کی مجرمانہ خاموشی ایک سنگین لمحۂ فکریہ بن چکی ہے۔
پی پی ایس ملازمین گزشتہ کئی مہینوں سے اپنے فرائض نہایت دیانتداری اور احسن انداز میں سرانجام دے رہے ہیں، مگر افسوس کہ مسلسل دس ماہ سے تنخواہوں کی عدم ادائیگی نے ان کی زندگیاں مفلوج کر دی ہیں۔ ملازمین شدید مالی مشکلات، ذہنی اذیت اور گھریلو پریشانیوں کا شکار ہیں۔
آج حالات اس نہج پر پہنچ چکے ہیں کہ ملازمین اپنے بچوں کی بنیادی ضروریات پوری کرنے سے قاصر ہیں۔ تعلیمی اداروں کی فیسیں ادا نہ ہونے کے باعث بچوں کو اسکولوں سے نکالنے کے نوٹس جاری ہو چکے ہیں اور کئی بچوں کے نام خارج کیے جا چکے ہیں، جو ایک انتہائی افسوسناک اور تشویشناک صورتحال ہے۔
یہ امر واضح ہے کہ کسی بھی ادارے کے لیے اپنے ملازمین کو بروقت تنخواہ دینا قانونی اور اخلاقی ذمہ داری ہے، مگر اس کے برعکس مسلسل تاخیر سراسر ناانصافی ہے۔ ملک کے مختلف حصوں میں بھی اسی نوعیت کے مسائل سامنے آ چکے ہیں جہاں ملازمین کو کئی ماہ تک تنخواہیں نہ ملنے پر احتجاج کرنا پڑا ۔
ہم نے آپ سے امیدیں وابستہ کی تھیں، مگر اب یہ امیدیں دم توڑتی دکھائی دے رہی ہیں۔
ہم تمام متعلقہ افسرانِ بالا اور صاحبِ اختیار افراد سے پرزور مطالبہ کرتے ہیں کہ فوری طور پر اس سنگین مسئلے کا نوٹس لیا جائے اور پی پی ایس ملازمین کی تنخواہوں کی بروقت ادائیگی کو یقینی بنایا جائے۔
صدر شوٹی یوتھ، عمر رحمان نے اس معاملے پر فوری نوٹس لینے کا مطالبہ کرتے ہوئے کہا ہے کہ اگر ملازمین کے مسائل حل نہ کیے گئے تو سخت ردعمل دیا جائے گا اور ہر فورم پر آواز بلند کی جائے گی۔
یہ صرف تنخواہوں کا مسئلہ نہیں بلکہ سینکڑوں خاندانوں کے مستقبل کا سوال ہے۔ اب مزید خاموشی ناقابلِ برداشت ہے۔
Water & Power Division Gilgit
Water and Power Division Nagar

Deputy Commissioner Gilgit Chief Minister Gilgit-Baltistan Sajid Ali Hafiz Hafeez Ur Rehman
🥺🙏

شدید لوڈشیڈنگ ناقابلِ برداشت ہو چکی ہے
بجلی کی ایک دفعہ پھر بدترین لوڈشیڈنگ نے عوام کو اذیت میں مبتلا کر دیا ہے۔ یہ صورتحال کسی صورت قابلِ قبول نہیں۔
ہم متعلقہ اداروں کو واضح پیغام دیتے ہیں کہ عوام کے صبر کا مزید امتحان نہ لیا جائے۔ ہمارے تحمل کو کمزوری نہ سمجھا جائے۔
اگر فوری طور پر بجلی کی فراہمی بحال نہ کی گئی اور نظام کو درست نہ کیا گیا تو عوام اپنے آئینی اور جمہوری حق — احتجاج — استعمال کرنے پر مجبور ہوں گے، جس کی تمام تر ذمہ داری متعلقہ حکام پر عائد ہوگی۔
مطالبہ:
فوری طور پر بجلی کی لوڈشیڈنگ کا خاتمہ کیا جائے اور عوام کو ریلیف دیا جائے۔

صدر شوٹی یوتھ
عمر رحمان

#عمررحمان Chief Minister Gilgit-Baltistan Deputy Commissioner Gilgit Daily Ausaf Gilgit Baltistan